حدوتة .. ختان

نيفين حجازى
السلام عليكم ورحمة الله ,,
ازيك استاذة نيفين انا عارفة اني تعباكي كل شوية ابعتلك .. شوية سري للغاية وشوية يتنشر لكن المرة دي للنشر بعد اذنك عشان فيه واحدة صاحبتي طالبة تشوف هيكون ازاي رد القراء ..
مشكلتي اني مختنة ويمكن تستغربي لو قلتلك اني عرفت ده بالصدفة كنت بتكلم مع والدتي عن موضوع جوازي اللي معاده قرب وامي زي اي ام حبت تجس نبضي وتديني حبة نصايح فقالت في وسط الكلام اني مختنة بصراحة انا اتصدمت وخفت جدا اني اكون من النوع اللي بسمع عنه من النوع اللي بعد الجواز حياتهم بتبوظ ,, الصراحة لما سمعت الموضوع ده من امي ابتديت اكتشف نفسي من جديد واتامل روحي كويس ما لاحظنش حاجة لكن اصريت على متابعة الموضوع ده على مواقع النت لكن ما وصلتش لنتيجة مريحة عشان كدة قلت اسالك يمكن تقوليلي على فكرة ارتاح بيها واطمن على اللي جي مع خطيبي وجوزي مستقبلا .. متشكرة للمتابعة .
د . أ
فضفضة
محررة الصفحة .. نيفين حجازي
صديقتي الجميلة .. على حد معلوماتي الأخيرة في هذا الموضوع ان الختان لا يؤثر فعلا على العلاقة الخاصة باعتبارها قائمة على إنسجام الزوجين مما يحقق نجاح العملية الجنسية بالإضافة إلى أن العملية الجنسيى يتحكم فيها العقل وليس الجسد أو الأعضاء , مثال : الغدة المسئولة عن عملية التحفيز الجنسي عند الرجال موجودة بالمخ فربما الأمر عند النساء كذلك .. اما عن أن الختان ليس مسئول عن حالة الفتور الذي يشكو منها البعض هذه معلومة سمعتها على لسان أحد المتخصصين أثناء حوار تلفزيوني .. في كل الأحوال ما المانع من زيارة طبيب لسماع المعلومات الدقيقة والصحيحة في هذا الأمر ؟.. لا أرى حرج في تناول المعلومة من أصحابها خاصة و أن دافعك هو الحرص على حياة زوجية سليمة ! .