صايع قديم وسافل

السلام عليكم ورحمة الله وبركاته
أنا ام لثلاث أبناء والحمد لله المفروض اني ربيتهم زي ما امي ربتنا على العادات والتقاليد واحترام الكبير وكل الكلام الجميل اللي كلنا عارفينه لكن مشكلة حياتي هوة واحد من أولادي هوة دلوقتي في تانية حضانة ... معرفش من فين ابني جاب الألفاظ اللي بيتكلم بيها طول الوقت ده غير انه طفل جداً على كل ده أنا مستغربة جداً من أخلاقه اكن كل الرباية اللي تعبت فيها ولا ليها اي لازمة لدرجة ان بباه لما بيتغاظ منه بيقولي الواد ده صايع قديم واحنا اللي مش واخدين بالنا ... ساعات بنضحك شوية وكثير بنكتئب ... ابني ابو تانية حضانة الكلام العادي بتاعه شتايم بذيئة جداً يعني كمان لايمكن يكون جابها من التلفزيون ولا حتى المدرسة لأني رحت الادارة عشان اشتكي مستوى الطلبة لقيت ان همة اللي بيشتكوا منه وما صدقوا اني رحتلهم .. الواد كسفني قدام الناس ده غير قرايبي اللي ابتدوا يضايقوا بجد ..... ببقى مش عارفة أخده مشوار من سفالته وقلة ادبة والموضوع ده لتسبب في مشكلة بيني وبين أبوه ... جوزي تخيل اني مقصرة في ربايته وطبعا ده مش منطقي لان بقيت أولادي مهذبين جدا عكس البلوة الصغير ده اللي فاضحنا ... سالت من يأسي امي قلتلها هوة الحل في الواد ده ايه قالتلي ابنك منحل اخلاقيا بالفطرة وضحتك علية .... طيب والنبي أتصرف مع العيل الزبالة ده ازاي ههههه بجد هم يضحك وهم يبكي .... لو عندكم صرفة حد يقول لي ،،، وشكرا جزيلا
ام حسام

فضفضة
محررة الصفحة .. نيفين حجازي
صديقتي ام حسام .. ليست التربية وحدها على الطريقة التي تربينا بها ضمان لأخلاق الطفل بدليل ما حدث معك ومع غيرك أيضاً .. والأطفال عموما نربيهم بحيث تتماشى التربية مع زمانهم .. لكن مشكلة طفلك اعتقد انها تحتاج لأسلوب خاص في التعامل معه وأولها استخدام الطرق الحديثة في التربية وطرق العقاب المعنوية في حالة عدم تقبل ابنك لهذه الطرق .. لقد فهمت من رسالتك عنايتك بمتابعة المستوى الخلقي لزمائله بالمدرسة ولم تجدي اي مشاكل وانك أيضاً متابعة ما يشاهده بالتلفزيون .. وبالطبع استنفذت كل الطرق للتعامل معه .. اذن ليس أمامك سوى احد المتخصصين ليدير بناء سلوك ابنك من جديد .
وفقك الله