نشطاء تويتر : في "دولة النساء" دعاوى قضائية ضد تامر حسني لتغطية شعر صدره لدرء الفتنة

في دولة النساء : بعد الغضب الشديد من تعرية سيد الرجالة فى التحرير "الجيش" يصرح هو اللى كان لابس قميص بكباسين...


علي غرار هاشتاج "دولة قبطية" ، يبدو أن مرتادى موقع " تويتر " بسخريتهم المعهودة أعجبتهم الفكرة بعد إنتشار واسع له وتأثيره في فتح مواضيع هامة للغاية في العلاقات الإسلامية المسيحية داخل المجتمع المصرى ، وكشفه لبعض السلبيات التي تتناول هذا الجانب المهم .

دشن رواد تويتر هاشتاج جديد علي غرار السابق وأسمه " دولة نسائية " حيث تخيلوا لو تحولت مصر الي دولة تحكمها النساء وتصل فيه الي أكبر المناصب من رئاسة الجمهورية الي رئاسة الوزراء والوزراء ، والمحافظين ورؤساء الإدارات المختلفة ، فكيف يكون الحال في مصر ؟

بالطبع أتخذ رواد هذا الهاشتاج ، بشكل ساخر ، العلاقات بين الرجل والمرأة ، في هذه الدولة التي يسيطر فيها النساء علي كل شىء ، ويبقي الرجال فيها أقلية من حيث أخذ المناصب العليا ، فتخيلوا الوضع ساعتها .


وإليكم بعض التعليقات والتخيلات لهذه الدولة مثل :


‫#دولة_النساء‏ لا يوجد سوى وزير واحد ماسك وزارة التعاون الدولى
‫#دولة_النساء‏ إللي هايلبس بنطلون برمودة ويروح السوق ,أمه هاتديله بالقلم علي وشه أما يرجع
‫#دولة_النساء‏ : س: اسم جوزك ايه؟ ج: الجماعة مايتقالش اسمهم أودام الأغراب ياأوختشي .. بنقوله ياأبو منار
‫#دولة_النساء‏ مش معقول كل ما امسك ايد واحد يقولي اتجوزيني !
في ‫#دولة_النساء‏ دعاوى قضائية ضد تامر حسني لتغطية شعر صدره لدرء الفتنة. في ‫#دولة_الرجال‏ بيحصل برضه درءا للقرف
في ‫#دولة_النساء‏ لما يتعمل اعتصام هيكون شرط ان الرجالة تمشي الساعة تمانية ونقولهم احنا والله عارفين انكم رجالة بميت ست
لازم تكون في البيت قبل الساعة عشرة، إنت مش بنت عشان تتأخر برى البيت ‫#دولة_النساء‏
#دولة_النساء‏ إيه اللي وداه التحرير ؟!
في ‫#دولة_النساء‏ ما ينفعش الذكور يشتغلوا في القضاء و المناصب السيادية علشان مش هيعرف يفكر كويس و هتبقى مشكلة.
‫#دولة_النساء‏ عربية مخصصة للرجال بالمترو لحد الساعة 9 ....بس هنرخم عليهم والساعة 9 الإ خمسة هنركبه علشان نشوفهم بيعملوا إيه
‫#دولة_النساء‏ حينشروا صور إبن البرادعي بالمايوة !
‫#دولة_النساء‏ نخلي الرجاله هي اللي تطبخ كل يوم

‫#دولة_النساء‏ بعد الغضب الشديد من تعرية سيد الرجالة فى التحرير الجيش يصرح هو اللى كان لابس قميص بكباسين
#دولة_النساء‏ الرجالة هما اللي غلطانين وبيلبسوا لبس مستفز.