بكت بشدة.. الانتقادات ودعم زملائها وزوجها l أبرز تصريحات منى زكي

أدلت الفنانة مني زكي أثناء جلسة نقاشية أقيمت ضمن فعاليات مهرجان البحرين السينمائي ، بالعديد من التصريحات حول مشوارها الفني ، ورد فعلها حول الإنتقادات التى تعرضت فى أحدي الفترات من حياتها وهو ما جعلها تدخل فى نوبة بكاء ، بالإضافة عن تفاصيل فيلمها الجديد الست ، والتى تقوم ببطولته ويستعرض جانب من حياة الفنانة الراحلة أم كلثوم .
مني زكي
فيلم الست :
وقالت منى زكى فى ندوة مهرجان البحرين السينمائى : "اتعلمت بشكل مش عادي حاجات كتير أوي في الفيلم ده ولغاية دلوقتي أنا جوايا مش قادرة أسيب جوايا حاسه إني بصحى من النوم مع إني مخلصة من 10 أيام تقريبا بقول أنا نسيت أذاكر كذا لثومة، أنا نسيت أحفظ وأقول لنفسي إنتي خلصتي وكل يوم بحاول أفكر نفسي إني خلصت، في شخصيات بتأثر فيكي مش شرط تجيب اكتئاب بس فكرة إنك مش عايزة تسيبيها ومش عارفة ترجعي لنفسك أوي بتبقي مزنوقة في النص".
مني زكي
بعد تكريمه بمهرجان القاهرة.. مشوار أحمد عز من "كلام الليل" للتربع على قمة شباك التذاكر
بعد إعلان تكريمه بالقاهرة السينمائي.. 7 معلومات رقمية عن يسري نصر الله
الإنتقادات :
وتحدثت مني زكي عن تعرضها الي الإنتقادات فى أحدي الفترات قائلة : زوجي أحمد حلمي وأولادي هما اللي بيخرجوني من أي انكسار أو ضياع ممكن أمر بيه، وكمان أنا بعلم نفسي وبقولها إن عندي حاجات أهم من أي حد يحاول يكسرني.
مني زكي
واضافت قائلة : بقعد في البيت ب أربع وخمس سنين حصلت لي وبتبقى أقسى اللحظات مش لحظات الهجوم الضرر والقعاد في البيت أقسى وبيبقى فيه مراحل كتير الاكتئاب وثم الانهيار بعدها وبعدين فيه محاولة استيعاب إن فيه حاجات تانية في الدنيا غير الشيء دا وتبدأي تتفاعلي مع باقي الحاجات أعتقد دا اللى بيخرجك من أى انكسار وأنا عندي جوزي وولادى في حياتي من نعم ربنا عليا.
وأستكملت مني زكي حديثها : مساندة الوسط الفني ليا لما اتعرضت لهجوم كانت حاجة كبيرة أوى.
مني زكي
زيارة البحرين :
عن زيارتها للبحرين إضافت مني زكي قائلة : سعيدة بزيارتي الأولى للبحرين ، وطيبة شعبها تجعلك تشعر أنك لم تخرج من بلدك، وشرف لنا أن تكون البحرين ثاني بلد بعد مصر يدعم المواهب المبدعة في مبادرة دعم صانعات الأفلام، ومملكة البحرين تملك مواهب واعدة في المجال السينمائي.
مني زكي