مخدتش فلوس المعاشات.. وضحكونا على كلام المشككين.. السيسي يصارح الشعب| فيديو

شهد الرئيس عبد الفتاح السيسي عمليات تدشين وحدات البحرية الجديدة والموقف التنفيذي لتطوير القطاع الجنوبي للقناة، إلى جانب هيئة قناة السويس بالإسماعيلية، وافتتح القرية الأولمبية للهيئة.

السيسي يوجه بعقد مؤتمر اقتصادي.. الإدريسي: فرصة لعرض التحديات والحلول
السيسي عن أزمة المعاشات: أنا مخدتش الفلوس ومحدش بيجيب من جيبه
أموال المعاشات
تحدث الرئيس عبد الفتاح السيسى، عن صرف أموال المعاشات، قائلا "محدش بيجيب من جيبه احنا بنجيب من جيب مصر.. لكن أنا بستغرب أن حد يتناول المسألة دي ويقولك البلد لازم تخلي بالها أصحاب المعاشات دول خدوا الفلوس.. تاني.. أنا ماخدتش الفلوس".

وأضاف "السيسي": "متنسوش إن حصلت تطورات كبيرة جدا فى البلد خلال ال11 أو ال12 سنة اللي فاتوا.. وكل إجراء تعملوا فى البناء تاخدوا حقه وفى الهدم تدفعوا ثمنه".

ووجه الرئيس عبد الفتاح السيسي، حديثه للدكتور محمد معيط، وزير المالية، قائلاً: "الأرقام اللي انت بتدفعها لأصحاب المعاشات ليست متوافقة مع الدراسات اللي اتعملت من 40 أو 50 عامًا.. وكان لازم حد يخش يقول أنا مع الناس دي"، مضيفا:""أنا مع المواطن الكبير دا.. مش بعد ما يأدي عمره كله فى خدمة الوطن أقوله معلش فلوسك خلصت".
وتابع: "الدولة التزمت إلتزاما أخلاقيًا وأدبيًا ودينيًا فى أنها تقول لا هندي المعاشات حتي لو كان الرقم دا هيبقي 170 أو 180 مليار جنيه حتي 2052.. احنا مستمرين ونهينا المسألة".
ضحكونا على كلام المشككين
قال الرئيس عبد الفتاح السيسي: "أقول للمصريين والإعلام إنك أنت فى كل مسألة من المسائل التي تم التشكيك فيها لمصر.. إوعى تتكلم عن إن مصر كويسة.. لا لا هات اللي قالوه كله وطلعوه وضحكنا على اللي قالوه.. مش بيجيبوا صور وكاريكاتير.. مالكوا خايفين تجيبوا الكلام ليه ما تقولوا قالوا علينا إيه.. واحنا كمان بنرد عليهم بالواقع والحقائق".
السيسي: أنشأنا شبكة لتوزيع الكهرباء والتحكم فيها بتكلفة 1.5 تريليون جنيه
السيسي ل المصريين: إنتوا الوحيدين اللي نجيتوا من الأزمات.. لك الحمد يارب
وأضاف الرئيس عبد الفتاح السيسى: "ما يهمنا أن نتحدث ونرد على جميع التعليقات السلبية بشأن المشروعات القومية ب قناة السويس"، وعقب قائلا: "هما عايزين يخوفوكم وكل موضوع بنتكلم فيه ليه خلفية وناس بتتكلم عنه فى مواقع التواصل الاجتماعى".
وأوضح الرئيس السيسى،، أنه من الضرورى أن نرد بجميع الحجج والبراهين على جميع الإشاعات التى تستهدف المواطن ونشر أكاذيب لا تمت للواقع بصلة، مؤكدا أن هيئة قناة السويس تدرس كل شيء يخص الواقع العالمى وحركة التجارة، والنقل".

رسالة للمصريين
وجه الرئيس عبد الفتاح السيسي، حديثا للمواطنين، قائلا: "أنا عندي أزمة ومشكلة هتتخلوا عنها؟ .. هتسيبوها يعني؟"، مستشهدا بالقرآن الكريم: "هتقولوا زى ما قالوا موسي لسيدنا اذهب أنت وربك فقاتلا.. لما اتكلمنا مع بعض فى 2014 قولتلكم على الحقائق أن دا مش هيكون جهد حكومة دا جهدنا مع بعض نشيل علشان نعدي بيها".
وأضاف الرئيس السيسي، "على فرض الكلام دا حقيقة.. هندي ضهرنا ولا نقف مظبوط من أجل تلك الأزمة.. دا موضوع مهم أنك تفضل حاطط كتفك فى ضهر بلدك فى كل وقت.. اللي أنت عايش فيها وحلمك فيها أوعى تضيع حلمك وأوعي يحبطك و يأسوك"، مضيفا:" إن الله لا يُصلح عمل المفسدين، ولازم تعرفوا إن لو إحنا مفسدين.. مش هننجح.. ربنا وحده اللي مطلع علينا".
وقفة دول الخليج مع مصر
قال الرئيس عبد الفتاح السيسي إنه كان هناك دعما لمصر من الأشقاء في الخليج للمشتقات البترولية، وأموال سائلة، معقباً: "لو مكانش الدعم ده موجود ولا الأموال ديه موجودة .. مكنتش الدولة المصرية هتكمل".

وأضاف السيسي ، قائلاً: "أنا بقول الكلام ده علشان بعترف بفضل الدول علينا .. محدش يزعل .. تزعل ليه! .. ماهي لو كانت سابتنا مكناش هنلاقى وقود في محطات الوقود"، مضيفا:" كان فيه طوابير على محطات الوقود لأن الدولة كانت غير قادرة .. الناس مش منتبهة إن احنا كان عندنا أزمة كبيرة .. ف متقعدش تتخانق مع الحكومة ومؤسساتها وتدور حل لمشاكلها".
وعقب: "لو مكانتش دول الخليج زي السعودية، والإمارات، والكويت دعمونا مكناش هنوصل للي احنا فيه ولا كان حد هيستحمل .. محتاجين نحييهم ونسقفلهم .. اللي ميعترفش باللي اتعمل معاه يبقى مش كويس".

واستطرد: "الأشقاء وقفوا وقفة كبيرة مع مصر، لمدة أكثر من 18 شهر .. المشتقات كانت بتجيلنا من غير مقابل".