بالفيديو.. أديب ل"المصريين": "ماتخافوش.. إنتم نازلين تحت حماية ربنا وهو أكبر من أى حد"

وجه الإعلامي عمرو أديب، خلال برنامج "القاهرة اليوم" على قناة "اليوم"، رسالة إلى جموع الشعب المصرى يحثهم فيها على الخروج اليوم 30-6 إلى كل ميادين مصر قائلا: "ماتخافوش، إوعى حد يخوفكوا بالنفير العام، إنتم نازلين تحت حماية ربنا أولا وهو أكبر من أى حد".
وأضاف أديب: "نفير إيه اللى بيخوفوكم بيه هو إحنا خرفان، إحنا مفيش عصاية تلمنا لو عايزين حاجة هننزل بشكل سلمى وهنقول، الناس بدأت تنزل والرسالة خلاص وصلت للإخوان وللعالم كله من بره".
كما وجه التحية إلى كل محافظات مصر، لأن الحركة السلمية بدأت من خلال المحافظات، ووجه حديثه للرئيس مرسي قائلا: "إنت ليه خايف؟ إحنا مش نازلين نقولك موت أو ادخل السجن، إحنا نازلين نقولك إحنا عايزين عملية ديمقراطية، كل الناس اللى فى الميادين مش فلول ومش بلطجية ومش مسيحيين".
أضاف: "الناس مش خايفة، والإعلام اللى إنت اتهمته مش خايف وثابت فى موقعه مش هيتحرك علشان يقول فين الصح وفين الغلط، مابنخافش، لو عايز تقفل المحطات اقفلها مبقاش للإعلام لازمة.. إحنا موجودين بس علشان نشرح ماتش كورة عارفين نهايته إيه".