شن الإعلامي عمرو أديب، هجوما شديدا على جماعة الإخوان المسلمين ومليونيتهم اليوم من خلال برنامجه "القاهرة اليوم" على قناة "أوربت". وخاطب أديب الجماهير، قائلا: "ماتخافوش. اوعوا تخافوا ولا تحبطوا، لو نزلوا مليون أو 90 مليون لو فيه واحد بيقول "لا" هنفضل نسانده. اوعى تخاف؟ أو ترجع مهما يقولوا عليك كافر رأيكم عنكم ويفضل معاكم أوعى حد يخوفكوا مش هنرجع وقاعدين على قلبكم، محدش جايبنا في أتوبيسات ولا قزايز ميه، كلنا بنقول ربنا وأرزاقنا على الله". ووصف أديب الدستور بأنه "النائم الباطل". وأضاف: "شكلكم كان وحش قوي بالليل وانتوا بتجروا وتحاولا تخلصوا. ده فيه مادة واحدة بس في الدستور تلغيه كله". وسخر أديب من نجاحات الرئيس محمد مرسي، بقوله: "انت نجحت إنك تقسم البلد. نجحت إنك انت متبقاش الريس بتاعي. أول مرة المصريين يتخانقوا مع بعض في جامع. الراجل بينافقك وبيشبهك بالرسول وانت بتهز راسك. عمرنا ما تخانقنا في جامع ولا برة جامع. انت وصلت إن كل طرف ممكن يقتل الطرف التاني. انت نجحت تخلينا نشيل سكاكين لبعض هو ده الرئيس التوافقي". وهاجم أديب من هاجمه واتهمه بالهروب، واصفا إياه بأنه "خروف"، وقال "عاوز أقول للخروف اللي كان واقف بيقول عمرو أديب هرب. عمرو أديب مهربش وانضف وأشرف منك. الإعلام الفاسد ده هو اللي طلعك وهو اللي نضفك لما كنت بتطلع ببدلة مقيحة. فاكر هو اللي نضفك وخلاك تطلع تعمل رحلات الحج السياحي وتوعظ للفاسدين قبل الثورة، وتقولهم ينفع تتجوز أربعة وخمسة، وتطلق مراتك عشرين مرة، وتحج في يومين. انت وزمايلك الخرفان اللي زيك احنا اللي علماناكم بني آدمين ،انت كنت بتطلع في الاعلام الفاسد، ده وتاكل منه عيش. انت الفيديو بتاعك موجود وانت في التحرير بتبوس إيد المتظاهرين ميقربوش لمبارك".