وجه الإعلامي عمرو أديب خلال برنامج "القاهرة اليوم"، على فضائية اليوم، رسالة إلى جموع الشعب المصري، يحثهم على الخروج اليوم 30-6 إلى كافة ميادين مصر قائلاً: "أوعى حد يخوفكوا بالنفير العام، انتم نازلين تحت حماية كبيرة من ربنا اولا وهو امبر من اي حد، لو خوفوكم انهاردا هيخوفوكم بكره وكل يوم". وأضاف أديب قائلاً: "نفير ايه اللي بيخوفوكم بيه هو احنا خرفان ،احنا مفيش عصاية تلمنا لو عايزين حاجدة هننزل بشكل سلمى وهنقول،الناس بدأت تنزل والرساله وصلت للاخوان وللعالم كله من بره". كما وجه التحية إلى كل محافظات مصر، لأن الحركة السلمية بدأت من خلال المحافظات، وتوجه بحديثه للرئيس مرسي قائلاً: "انت ليه خايف احنا مش نازلين نقولك موت أو ادخل السجن، احنا نازلين نقولك احنا عايزين عملية ديمقراطية، كل الناس اليل في الميادين مش فلول ومش بلطيجة ومش مسيحين". كما أكد، على أن المرشد العام لجماعة الإخوان المسلمين والرئيس مرسي، يشعرون بالقلق الآن قائلاً: "عايزين انتخابات رئاسية مبكرة وعايزين حكومة محايدة تشرف علي الانتخابات ومش مطلوب اكتر من كدة". وتابع: "مفيش حاجة ممكن تفصل الناس عن القسر لكن الناس نازله بسلمية،لانها مش عايزة تقتل الرئيس ومش عايزة تحرق الاخوان ،بأقول للإخوان اللي بيقولوا رحيل مرسى هيعقبه رحيل الإسلام من مصر .. الرسول رحل والإسلام بقى". واستطرد: "الناس مش خايفة والإعلام اللي انت اتهمته مش خايف وثابت في موقعه مش هيتحرك علشان يقول فين الصح وفين الغلط ،مبنخفش لو عايز تقفل المحطات اقفلها مبقاش للاعلام لازمة احنا موجودين بس علشان نشرح ماتش كوره عارفين نهايته ايه". وقال أديب: "لو محصلش تغيير يبقي احنا اللي مقومناش بدورنا،مصر اكبر من اي حد يطلع يهددها في قناة مش مصرية، احنا مش مجموعة خرفان هتجرنا وتدخلنا البيت، احنا شغالين هنا لحد ما يقفلوها علشان نضمنلك حق في ان تنزل وترجع بيتك سليم". وأضاف: "خيرت الشاطر بيقول 30 يونيو مؤامرة امريكية ، دلوقتى امريكا بقت وحشة، نسيت اجتماعك مع السفيرة الاسبوع اللي فات ؟! فيه 8 دول في العالم أتعمل فيها انتخابات رئاسية مبكرة، احنا مبنخترعش العجلة. كما قال ضياء رشوان نقيب الصحفيين: "مافيش تنظيم مهما كان حجمه هيقدر على شعب بأكمل"، مشيرًا إلى أننا الآن أمام فرصة تاريخية لتحويل جماعة الإخوان المسلمين إلى حركة سياسية بقيادة جيل الوسط الشباب، لأن قادتهم يقودون بهم إلى جهنم.
