أحمد عفيفي يكتب : «حصلنا الرعب » .. يا مرسي!!

" وفي السماء رزقكم وما توعدون " .. عندما نسمع هذه الآية الكريمة .. المفروض نُنصت ولا نُصفق زي المعاتيه .. والله العظيم أول ماطلع مرسي قصاد الميكرفون امبارح وبدأ خطابه الملتوي بالآية دي .. ثم تصفيق حار .. نظرت لأبني بجواري فوجدته ميت م الضحك .. فسألته بتضحك ليه ؟ .. فرد : على الناس المتخلفة اللي انت بتتفرج عليهم .. عمرك يابابا شفت واحد بيقول ايه كريمة ، فتلاقي الناس بتصفق له .. فقلت : طبعا لأ .. الواحد يسمع كلام ربنا يُنصت ويتعظ ويتفّكر .. انما يصفق .. محصلش .. بس الجماعة دول يابني جايين عشان يصفقوا .. ولو قال مرسي الشىء ونقيضه في نفس الوقت برضه حيصفقوا .. لأنهم مش سامعين .. ولو سمعوا .. مش فاهمين .. دول شوية " قفف " شدّوهم من ودانهم عشان يجوا لمرسي.. والكراسي اللي قاعدين عليها ، لو كانت بتنطق .. لقالت بعلو صوتها : قوم يا ابن الهبلة انت وهو من عليا !

عشان كده عجبني اوي ابراهيم عيسى لمّا توقف عند هذه الملحوظة الذكية اللي مالفتتش نظر مذيعين تانيين ، رغم أنها جديرة بالالتفات .. وتنم عن جهل وغباء مستحكم محصلش حتى أيام مبارك .. محدش يا بهايم يصفق لمّا يسمع كلام ربنا .. فقط نُنصت ونخشع .. ولو مزنوقين اوي .. نقول الله يفتح عليك ياعم الشيخ!

ده بس في الأول قبل ما ندخل على موضوع المقال .. مجرد لفتة بسيطة تورينا مدى التخلف العقلي اللي عند الناس اللي بيروحوا لمرسي ويصفقون له .. وادخل بقى على الأهم .. السيد مرسي .. عازم 8 من الجهاديين السلفيين بتوع سيناء على المؤتمر بتاع جنابه .. اللي المفروض انه بيتكلم عن مشكلتنا مع اثيوبيا وحكاية سد النهضة .. وال 8 بتوع الجماعة الجهادية السلفية .. اللي اترصوا زي القباقيب عشان يسلموا على جنابه .. كل واحد منهم دقنه نازلة لحد " سرته " ومناظرهم بتقول " شكل للبيع " .. ايه بقى السبب اللي قالته الرياسة تبرر دعوة هؤلاء ؟ .. مفيش .. يا ناس دي جماعة إرهابية بتستحل الدم .. ويمكن منهم واحد او اتنين من ال 8 ، قتلوا عيالنا في سيناء في رمضان اللي فات .. ويمكن كمان هما اللي خطفوا التلات ضباط وأمين الشرطة اللي بقالهم سنتين مرجعوش .. ويمكن او اكيد هما اللي خطفوا جنودنا السبعة ، وبعد اسبوع أطلقوا سراحهم من غير عملية تحرير ولا يحزنون زي ما عايزين يفهمونا .. تبقى يا سيد مرسي دعيتهم ليه غير عشان تخوفنا بيهم قبل يوم 30 اللي جي .. ماشي ياسيدي .. حصلنا الرعب .. الرسالة الغبية وصلت لكل الشعب المصري .. ويمكن بعدها مباشرة زاد عدد الموقعين على " تمرد " يجي مليون.

احنا مش في خناقة ياعم مرسي .. رايح تتقوى بشوية مجرمين " صيع " .. وعايز ترعبنا بيهم .. دول قتالين قتلة .. دول مدربين ومسلحين .. دول ودول ودول .. حتلموا الدور ولا ناويين ع الشر .. لقد اعذر من انذر .. اللي خايف على نفسه يتلم ويقعد في بيتهم .. واللي خايفة على ابنها تنصحه .. وتقوله دي ناس " وسخة " يا بني ميعرفوش ربنا .. ماشي معندناش مشكلة .. احنا وسخين وولاد كلب كمان .. بس يوم 30 مش عايزين " لمّة " في الشوارع.

ليه بقى انا اؤكد ان الرسالة اللي عايزمرسي يوصلها لينا من دعوته للإرهابيين التمانية هى كده بالضبط .. لان الافندي الدكتور اللي اسمه عصام العريان اللي كل ما اشوفه او اسمع صوته ابقى عايز ارجع .. قالها صراحة قبل يومين .. لو الجيش نزل ووقف مع الثوار .. حماس حتزل قصاده وحتبقى معركة .. قالها كده " وش " ، بدون خشا ولا حياء ولا تربية .. م الأخر زي مابيقولوا .. اللعب بقى ع المكشوف .. وكمان لسه قبل ما افتح الكمبيوتر واكتب المقال ، ألاقي ع " الموجز " تصريح المرشد السابق مهدي عاكف إن الجماعة دربت أعضاء حركة "حماس" على القتال، مفتخرا انه قام بتدريب ياسر عرفات بنفسه .. منوها إلى ما قاله العريان صراحة ان حماس مستعدة تمام الاستعداد للنزول إلى قلب ميادين مصر قبل 30 يونيو لتحويلها الى برك من الدماء، وهاهو الجيش يعلنها هو الأخر مؤكدا ما قاله العريان وعاكف وسوف يتخذ كافة الاستعدادات العسكرية لإجهاض هذه المحاولة الندلة القذرة لقتل الثوار يوم 30.

مش بقولكم اللعب بقى ع المكشوف .. الإخوان خلاص خلعوا برقع الحيا .. ونزعوا بأيديهم ورقة التوت اللي ساترة عوراتهم .. وواقفين قصادنا دلوقتي عرايا .. وكل واحد قاعد يخوّفنا بما يدّعي ويظن انه رمز رجولته .. بلا خيبة .. بلا وكسة .. بلا نيلة .. الكلاب ليها عضو ذكري والحمير كمان .. وعمرنا ماشوفنا كلب ماشي فرحان اوي انه راجل وبيعرف ينط ع الكلبة اللي في الشارع .. خلاص بقت الصياعة كده .. انكم تهددوا الناس اللي جابتكم في الحكم بالقتل .. وعشان ايه ؟ .. عشان التنظيم الدولي بتاع اللي خلفوكم .. يا أخي قلنا لكم احنا مصريين ومسلمين وموحدين بربنا .. بس احنا مش من التنظيم بتاعكم ولا يشرفنا اننا نكون منه .. غوروا بعيد عننا .. مش حتقدروا علينا .. مش حتلعبوا في دماغنا وتغيّروا هويتنا ومعتقداتنا .. كان غيركم اشطر .. مش قادرين تيجوا تحت رجلينا وتحت طوعنا امشوا في ستين الف داهية .. بس خلي الغباء ماسك فيكم كده لحد ما يجيب أخركم .. وأخرتكم ان شاء الله .. هاتوا حماس ومعاها حزب الله وهاتوا كل الإرهابيين اللي انتوا وهما واحد .. والشاطر " الشاطر بجد مش بتاعكم " اللي يضحك في الأخر.

حاجة اخيرة قبل ما اقفل .. شفت امبارح لوا جيش متقاعد من المحاربين القدامي في قناة من القنوات بيقولها صراحة ومن مصادر موثوق بها ومنها ان المخابرات الحربية لديها دراية كاملة بما يعد له الإخوان ليوم 30 .. " يعني العريان مكنش بيكذب ويهدد " .. اللوا قال ان قيادات الجيش أخذت كافة الاستعدادات اللازمة للتصدي .. وقال ماهو اخطر ويصب في صالح الثوار وكل واحد شريف قرر النزول ، مؤكدا انه ومجموعة المحاربين القدامى نازلين.. قال : لو اى نطع او كلب رفع مطواه و لمّح ، مجرد تلميح ، باستخدام السلاح في اليوم ده .. الجيش حيفرمه .. حيفرمه .. حيفرمهّ .. قالها وهو يعني ما يقول ، مؤكدا انه على دراية كاملة ان الثوار نازلين في تظاهرة سلمية وان عملهم هذا مشروع ودستوري .. يعني الكلام ليكي يا جارة .. حتخدش ايد واحد من ولادنا .. حنفرمك .. حنفرمك .. حنفرمك!

الحاجة التانية .. اقسم بالله العظيم بكيت بحرقة وانا بشوف جنازة الشهيد ابو شقرة .. وشفت في عين امه ودموعها توعدا للي كانوا السبب في موت ابنها .. وعجبني اوي صراخ ضباط الشرطة المشيعين للجنازة : ارحل يا مرسي وطردهم لوزير الداخلية .. وواحد رائد شفته على اليوتيوب .. قالها بحرقة الموجوع على اغتيال أخوه : يلعن دين ام الإخوان .. ولا ارى فيما صرخ به هذا الرائد كفرا والعياذ بالله .. فالإخوان حقيقة لا دين لهم .. بس المهم عندي إني حاسس ان ضباط الشرطة استيقظوا من غفوتهم .. ويوم 30 حيحمونا ويبقوا معانا مش علينا .. وحيبقى الجيش والشرطة والشعب ايد واحدة بجد .. وربك فوق الكل شايف وعالم .. " وسيعلم الذين ظلموا اى منقلب ينقلبون" .

"يا سلام.. إذا كنا اللى مدربين حماس وأنا اللى مدرب عرفات وكان بيجيلى هنا ويضربلى تعظيم سلام وهو رئيس قد الدنيا.. التدريب لا يحتاج أن نذهب إلى هناك ولكننا لماذا ندرب أولادنا على القتال ذلك أمر لا فائدة منه حاليا، إلا أننى أؤكد أن حماس منا ونحن منهم ونحن ربيناهم كما ربينا الإخوان فى مصر وفلسطين وأفغانستان واستراليا".