أكد الرئيس عبد الفتاح السيسي، أنه تحدث عن رفع أسعار تذاكر المترو، لأنه يتوقع أن يتم توجيه العديد من الأسئله له خلال فقرة "اسأل الرئيس"، ولذلك استفاض في الحديث عنها. وقال السيسي، خلال كلمته في الجلسة الثانية بعنوان "رؤية الشباب للدولة المصرية" بالمؤتمر الدوري الرابع للشباب، «يعني نقفل الخط بتاع حلوان يا جماعة، نقفله!، إحنا كدولة بنحاول نحل الوضع بقدر الإمكان، ال30 مليار القرض اللى هخدهم عشان أطور بيهم خط حلوان هيبقوا سلف وكده مش هنبقى بنحل، هنبقى بنزود الأحمال على الأجيال القادمة، يبقى علينا التعب شوية». وتابع الرئيس: «يا جماعة شوفوا العالم بيعمل في بعضه إيه الدول الكبيرة اللي عندها اقتصاديات قدنا 100 و1000 مرة، بيعملوا إيه عشان ياخدوا موارد ويستفيدوا من إمكانيتهم». واستطرد: «في مصر معندناش ترف إننا نأجل أو مندخلش التحدي، لو مخدناش القرار يبقي إحنا قصرنا في حقكم جميعا، لأن ده مش قرار حكومة ده قرار الدولة».