بالفيديو..شقيق الشهيد عبدالكريم ل"مرتضى":انت مقتلتش أخويا ولكن حرضت على قتله..ومرتضى يرد:أنت قبضت 300 ألف جنيه تمن أخوك

وقعت مشادة بين عبد المعطي رجب شقيق الشهيد عبد الكريم أحمد رجب وبين المستشار مرتضى منصور عقب قول مرتضى إن الشهيد عبد الكريم الذي حكى قصته صفوت حجازي والذي قال إنه توفي على صدره "كذب" حيث إن الشهيد عبد الكريم عُثر عليه مجهول الهوية.
وقال عبد المعطي في مداخلة هاتفية مع الإعلامي خالد صلاح أثناء استضافته لمرتضى منصور : "أنا بلوم عليك أنك بتستضيف ناس ملطخة أيديهم بدماء الشهداء، أنت فعلا مقتلتش أخويه بس أنت حرضت على قتله".
ورد مرتضى منصور قائلا : " أنت قليل الأدب، وبعت أخوك وأخدت 300 ألف جنيه تعويض، خليك محترم، هو أنا اللي قتلته عشان تقول عليا كده، اوعى تفتكرني هتهز من قلة الأدب بتاعتك، كفاية بقى متاجرة بدم الشهداء، محكمة الجنايات خلاص اديتني براءة، أنت أخوك مات وأنت عمال تلم عليه فلوس".
وعقب عبدالعاطي قائلا : "أنا مش بحب الشرشحة، البركة فيكم أنتم اللي خلتونا نلف على الناس".
وفي نهاية المداخلة قال مرتضى : "أنا جزمتي أنضف منك، وأنا أشرف منك ومن عيلتك".