محمد أنور: مصطفى خاطر أول حد وقف ضدي

شارك الفنان محمد أنور صورة له عبر حسابه الشخصي على انستجرام جمعته بصديقه الفنان مصطفى خاطر، احتفالا بعيد ميلاده الذي يوافق غدًا.
وعلق محمد أنور على الصورة قائلًا "أول حد قابلته لما دخلت فريق التمثيل في كليه حقوق جامعه عين شمس .. وأول حد وقف ضدي من أول مادخلت الفريق وطردني كذا مرة".
وتابع محمد أنور تعليقه قائلًا "كنت ساكن جنبه وكنت اروح معاه بالليل ويطردني تاني يوم الصبح .. كان دايما مش حابب وجودي وأنا كنت بتمني إنه يتخرج بقى أو يهاجر أو يتسجن مثلا المهم مشوفوش تاني".
واستكمل محمد أنور تعليقه قائلًا "بعدها كان اول واحد امثل معاه في فريق الكليه وبقينا أصحاب اوووي وكان بيقول لكل الناس ده ابني وبقينا نروح سوا ونيجي سوا وفرح اوووي لما اكتشف اني ساكن جنبه رغم إني كان بقالي سنتين بروح معاه ولا كان واخد باله".
وأوضح محمد أنور أن علاقته مع مصطفى خاطر تحولت بعد ذلك وقال "اول واحد خلاني اقف وامثل علي مسرح جامعه عين شمس واول حد اداني بطولة مسرحية رغم اني كنت لسه جديد بالنسبه للجامعة وخلي الجامعه كلها تحبني .. وبعدها كان دايما اول حد في كل حاجه حلوه في حياتي".
واختتم أنور تعليقه قائلًا "فخور بنجاحه واكتر حد فرحان عشانه لأني شوفت معاه سنين كتير كلها تعب وشقي .. كل سنه وانت طيب ياصاحبي اللدود".