شاهد..رسالة محمد أنور ل"مصطفي خاطر" في عيد ميلاده

وجه الفنان الشاب محمد أنور ، رسالة للفنان مصطفي خاطر ، بمناسبة عيد ميلاده .
جاء ذلك عبر حسابه الشخصي بموقع تبادل الصور والفيديوهات "إنستجرام"،وكتب في الرسالة قائلاً:" اول حد قابلته لما دخلت فريق التمثيل في كلية حقوق جامعة عين شمس واول حد وقف ضدي من اول مادخلت الفريق وطردني من الفريق كذا مرة كنت ساكن جنبه وكنت اروح معاه بليل ويطردني تاني يوم الصبح كان دايما مش حابب وجودي وانا كنت بتمني انه يتخرج بقي او يهاجر او يتسجن مثلا المهم مشوفوش تاني ".
واضاف: "وبعدها كان اول واحد امثل معاه في فريق الكلية وبقينا اصحاب اوووي وكان بيقول لكل الناس ده ابني وبقينا نروح سوا ونيجي سوا وفرح اوووي لما اكتشف اني ساكن جنبه رغم اني كان بقالي سنتين بروح معاه ولا كان واخد باله واول واحد خلاني اقف وامثل علي مسرح جامعة عين شمس واول حد اداني بطولة مسرحية رغم اني كنت لسه جديد بالنسبة للجامعة وخلي الجامعة كلها تحبني وبعدها كان دايما اول حد في كل حاجة حلوة في حياتي فخور بنجاحه واكتر حد فرحان عشانه لاني شوفت معاه سنين كتير كلها تعب وشقي
.. كل سنةوانت طيب ياصاحبي اللدود".