محمد أنور يهنئ مصطفي خاطر بهذه الكلمات

هنأ الفنان الشاب محمد أنور، صديقه الفنان مصطفي خاطر، بمناسبة عيد ميلاده حيث قام بنشر صورة جديدة تجمعهما وذلك علي حسابه الرسمي عبر موقع الصور الشهير "انستجرام" وعلق عليها قائلآ: "اول حد قابلته لما دخلت فريق التمثيل في كليه حقوق جامعه عين شمس واول حد وقف ضدي من اول مادخلت الفريق وطردني من الفريق كذه مره كنت ساكن جنبه وكنت اروح معاه بليل ويطردني تاني يوم الصبح".
وأضاف: "كان دايما مش حابب وجودي وانا كنت بتمني انه يتخرج بقي او يهاجر او يتسجن مثلا المهم مشوفوش تاني وبعدها كان اول واحد امثل معاه في فريق الكليه وبقينا اصحاب اوي وكان بيقول لكل الناس ده ابني وبقينا نروح سوا ونيجي سوا وفرح اوي لما اكتشف اني ساكن جنبه".
وأختتم حديثه: "واول واحد خلاني اقف وامثل علي مسرح جامعه عين شمس واول حد اداني بطوله مسرحيه رغم اني كنت لسه جديد بالنسبه للجامعه وخلي الجامعه كلها تحبني وبعدها كان دايما اول حد في كل حاجه حلوه في حياتي فخور بنجاحه واكتر حد فرحان عشانه لاني شوفت معاه سنين كتير كلها تعب وشقي كل سنه وانت طيب ياصاحبي اللدود".