عمر فتحي يكتب... من كان منكم بلا خطيئة فليرجم ال Single Mother

هذا ليس دفاع عنها ولا تدعيمًا لها ولا تبريرا لخطأ فعلته من البدايه، بل وقفة مع النفس حتى لا ننسى انفسنا ونحاسب الغير:
في مجتمع ساد فيه الظلم والفساد والتحرش الجماعي وأصبح كل اللوم والعتاب على الضحيه، و تركو المتحرش يتباهى ويتفاخر بما فعله وباتت فيه المجني عليها وكأنها هي السبب فيما حدث، وبقى الجميع يشاهد موقف التحرش وكأنه جزء من مشهد في فيلم مكرر ولا احد يتدخل لينقذ الفتاه من حالة التحرش سواء كان تحرش فردي او جماعي.
وفي يوم وليله بات حال المجتمع المصري في حال غير الحال، وكأنهم اصحاب الرسالات السماويه وحاملين الدعوه و كأن كل فرد فيهم لم يفعل ذنبًا قط طوال حياته وتمسك الجميع بقول الله تعالى:{ إِنَّ الَّذِينَ يُحِبُّونَ أَنْ تَشِيعَ الْفَاحِشَةُ فِي الَّذِينَ آمَنُوا لَهُمْ عَذَابٌ أَلِيمٌ فِي الدُّنْيَا وَالْآخِرَةِ وَاللَّهُ يَعْلَمُ وَأَنْتُمْ لا تَعْلَمُونَ }
وتركو قول الله {لا يُحِبُّ اللَّهُ الْجَهْرَ بِالسُّوءِ مِنَ الْقَوْلِ إِلَّا مَنْ ظُلِمَ} ونوضح لهم ايضًا كيف يكون الجهر عن عمد للتباهي والتفاخر بهذه المعصيه ام كان دون قصد لمواجهة المجتمع والظلم الذي وقع على الجاني.
وفي حديث قال رسول الله صلى الله عليه وسلم قال ((وإن من المجاهرة أن يعمل الرجل بالليل عملًا ثم يصبح وقد ستره الله فيقول يا فلان عملت البارحة كذا وكذا وقد بات يستره ربه ويصبح يكشف ستر الله عنه)).
نتكلم بقى بشكل مبسط ونوضح فيه للناس ان احنا ممكن كل يوم بنجهر بحاجات بسيطه واحنا ما نقصدش نركز بقى شوية:
واحد ممكن يكون في يوم وقع في حالة زنا ويتفاخر في وسط اصحابه انه كان وكان ويتعمد بفضح نفسه مع ان الله عز وجل ستره ليلًا ولا احد شاهد هذه المعصية.
واحده اول مره تشرب خمره وأصبحت في حالة سكر وقالت تفضح نفسها لصحبتها البنات انها حدث امس كذا وكذا مع ان ايضًا ربنا سترها بس هي راحت فضحت نفسها .
حد راح بيسلف فلوس للناس وبياخد منهم الفلوس بفايده وبيحاول يقنع كمان الناس بالفكره مع ان ده حرام.
شباب وبنات بيقلدو الخارج وبيتصور وهم يبتادلو القبلات في وسط الشوارع وكأنه شئً عادي والصور تتحمل على المواقع الاجتماعي.
كل دي صور من صور الجهر وليس الزنا فقط وفي امثله تانيه كتير، وانك بتحرض الناس على فعل المعاصي دي بس هي بالنسبالك مش معصيه هوه بقى فعل عادي وجزء من حياتك اليوميه لحد كده وتمام .. نرجع بقى للموضوع بتاعنا واللي بقى في جدل كتير
#هدير هي غلطت من الاساس عشان نكون متفقين لكن هي اللي عملته هنا منقدرش نسميه جهر بشكل واضح عشان بقى لازق مصيبه فيها انها خلفت هي مش راحت عملت علاقة وطلعت تاني يوم بتقول للبنات تعمل زيها وانها بتتفاخر بمعصيه زي ناس كتير برضه ما بتعمل .
هنا في مجتمع هيسألها ويقولها ده بن مين ؟! فهي قررت تواجه ومقررتش انها تقتل طفلها او ترميه في الشارع زي مابرضه في ناس كتير بتعمل "ولا تزر وازرة وزر اخرى".
ياريت بس نحاول يبقى عندنا رحمه بالناس ونصلح من نفسنا احنا كمان كل واحد لو بص من جواه هيلاقي نفسه في وحش كتير بس الفكره ان كل واحد اتشغل باللي حواليه ونسي نفسه .
"ومن منكم بلا خطيئة فليرجمها بحجر" وده في المسيحيه ونختمها بقول رسول الله صلى الله عليه وسلم : (( كل أمتي معافى إلا المجاهرين )) و الحديث ده للتوضيح اننا ممكن نكون غصب عننا بنجهر من دون قصد.