خالد عليش يوجه رسالة للفنان يوسف فوزي: "الدكاترة مستغربين إزاي حابب مرضه"

وجه المذيع والممثل خالد عليش من خلال صفحته على موقع التواصل الاجتماعي " فيس بوك " رسالة للفنان يوسف فوزي بعد اعتزاله التمثيل نتيجة إصابته بالشلل.
وكتب عليش قائلا: "اليومين دول قرر يعتزل التمثيل بشكل نهائي وده بعد إصابته بالشلل الرعاش اللي هيخليه مش عارف يمارس المهنة بشكل سليم".
وأضاف: "في شهر ديسمبر 2014 اشتغلت معاه فيلم اسمه سوء تفاهم وكانت أحداث الفيلم في سهل حشيش وده خلاني أقعد معاه أكتر من قعدة واللي كان وقتها المرض موجود وهو بيحاول يسيطر عليه لدرجة إنه ظهر في مشاهد كتير من مشاهد الفيلم
كان كلامه كله طاقة وإصرار إنه يكمل شغل".
وأشار عليش إلى أن الدكاترة كانوا مستغربين هو إزاي حابب مرضه وبيتعامل معاه، مضيفا: "استسلام الراجل ده للمرض واعتزاله ده خلاني أحس إنك مهما تقاوم لازم هيجي وقت وهتتعب.. عشان كده تمتع على قد ما تقدر وقاوم علي قد ما تقدر عشان لما يجي وقت الاستسلام اللي كده كده هيجي تستسلم وأنت مرتاح".