بالصور.. تعلمي 4 طرق غير تقليدية لتحضير «المحشي»

يتعبر من المحشى من أشهر الأكلات المصرية اللذيذة ورغم هذا فالتغيير فى مقاديره وإعداده بطريقة مختلفة يجذب أسرتك إليه أكثر. لذلك نقدم لكى 4 وصفات لعمل المحشى بطرق مختلفة.
فلفل محشى عدس وأرز بطريقة نجلاء الشرشابى.
المقادير
-فلفل رومى اخضر
-عدس
-أرز
-طماطم مفرومة
-بصل مفروم
-بقدونس مفروم
-زيت
-ماء
-ملح
-فلفل أسود
خطوات التحضير:
-شوحى الأرز والعدس مع البصل المفروم فى الزيت على النار.
-أضيفى الملح والفلفل الأسود والتوابل.
-أضيفى الطماطم المفرومة والبقدونس المفروم وقلبى.
- إحشى الفلفل بالخليط ورصيه فى حلة.
-أضيفى الماء وضعيه على النار حتى تمام النضج ثم قدميه.
الوصفة الثانية:
خرشوف محشى بطريقة أميرة شنب
المقادير:
-6 حبات خرشوف مجمد
-نصف كيلو لحمة مفرومة
-4 بصل مفروم
-ملح
-فلفل
-قرفة
-جوزة الطيب
-مستكة
-حبهان
-ورق لورا
-فص ثوم
-ملعقة صغيرة كمون
- لتر عصير طماطم
-كوب طماطم مبشورة
-4 معلقة صلصة
-ملعقة صغيرة سكر
-عصير ليمون
-زيت ذرة
خطوات التحضير
-شوحى البصل مع ملح وفلفل و قرفة و جوزة الطيب.
-ضيفى الحبهان و المستكة و اللورى ثم اللحمة المفرومة و تشوح حتى تنضج فى مقلاة.
-ضعى الزيت مع الثوم و الطماطم المبشورة و السكر ضيفى معجون الطماطم و عصير الليمون والكمون و عصير الطماطم.
-ارفعى الخرشوف و يحشى باللحمة المعصجة ضعى جزء من الصوص اسفل البايركس ثم ضعى الخرشوف و باقى الصوص عليه و يدخل الفرن حتى ينضج الخرشوف تماما ثم يقدم.
الوصفة الثالثة:
محشي كوسة بالزبادي والنعناع بطريقة سالى فؤاد
المقادير
-كيلو كوسة مقورة
-نصف كيلو لحمة مفرومة قليلة الدسم
-ملح
-فلفل
-بابريكا
-ملعقة ثوم بودرة
-لب الكوسة للارضية
-صوص الزبادى
-نصف كيلو زبادي
-ملعقة ثوم بودرة
-خل ابيض
-نعناع ناشف
-نعناع طازج
-ملح
-فلفل
خطوات التحضير :
-تبلي اللحمة المفرومة بالملح والفلفل والثوم البودرة والبابريكا وقلبيهم جيد.
-احشي الكوسة كلها بالخليط ثم شوحي الكوسة في ملعقة من الزيت في طاسة على النار حتى تاخذ لون.
-ضعي لب الكوسة في بايركس ثم رصي فوقه الكوسة وادخليها الفرن على درجة حرارة 180 لمدة 30 دقيقة.
-طريقة تحضير صوص الزبادى.
-اخلطي الخل مع الزبادي ثم ضيفي الثوم البودرة والنعناع الناشف وقلبيهم جيدا.
-ضيفيهم على وجه الكوسة وزينيها بالنعناع الطازج.
الوصفة الرابعة:
طماطم محشية ساور كريم و شبت بطريقة هشام السيد.
المقادير:
-2 طماطم كبيرة
-شبت
-بابريكا
-ثوم
-ملح
-ليمون
-ساور كريم
خطوات التحضير
-انزعى لب الطماطم.
-اخلطى الساور كريم مع الشبت و البابريكا و الثوم و الملح و الليمون.
-احشى الطماطم بخلطة الساور كريم و تقدم.