محمد محيى: رامز جلال خدعنى وكرامتى أغلى من ملايين الدنيا

كشف النجم محمد محيي عن تعرضه هو الاخر لخدعة رامز جلال بعد الضجة التي اثارتها النجمة اثار الحكيم حول ما تعرضت له في البرنامج .
وعلق محمد محيي على الخدعة التي تعرض لها في البرنامج من خلال تعليق مطول كتبه عبر صفحته على موقع التواصل الاجتماعي فيس بوك .
وكتب محيي : اصعب شيء لما تكون شغال مع حد قريب منك ويعرفك ولكنه لا يفهمك ولا يحاول غير ادعاء فهمك وراحتك يعتقد ان ما حدث في موضوع رامز جلال قرش البحر حاجة جميلة وشهرة ونسبة مشاهدة وفرحة للناس رغم اني مش من محبي الشهرة بالذات الفارغة من المضمون واقسم بالله العلي العظيم اني في حياتي ما حزنت على نفسي الا في هذا اليوم المشئوم اللي صادف عيد ميلادي.
صحيح انا غلط لما قبلت برنامج بيتكلم عن المونديال وكأس العالم وكنت بقول ليهم ليه متجبوش نجوم الكره وسألت طب وانا مالي لكن سرعان ما اقنعني الصديق واقنعتني نفسي وطمعها ان حاجتي للمال قد تبرر لنفسي وجودي خصوصاً وانا كروي وبحب الكوره بس طلعت قروي وحدث وجودي في برنامج تاني اصعب واهيف.
وقال ايه مقلب وخفة دم وكده ويطلع اخونا النجم فرحان انه عمل كده فيك وقال بيحبك وكده ومتزعلش وعايز ايه نعملهولك نعتذرلك بيه !!! لا دي اهانه وقلة قيمه وخديعه لشخص مالوش في هزارك ولا خفة دمك يا رامز ولا هو صاحبك ولا هيكون ولا يحب مشاهدة هذه النوعيه من البرامج سواء كانت لشخصيه عامه او شخصيه عاديه من الأصل وطبعاً الكاميرات شغالة عشان يشوفو رد فعلك ويتمنو تشتم او تضرب او حتى ترفع قضيه تزيد الدراما الكوميدية. قال !! معملتش حاجه من فضل ربي وكتمت احساسي احتراماً للناس ولأني متعودتش اهين او اكسف حد قصاد ناسه ومش هعمل حاجه لا قضيه ولا صحافه ولا برامج نضيع بيها وقت الناس لأسباب كتيره أولاً احساس الخديعة والإهانة ميسويش ملايين ولا مليارات الوجود واللي قريب مني وحتى البعيد يعرف اني ابعد الأشخاص وازهدهم في الأشياء المادية رغم الحاجه اليها.
أحياناً ثانياً عشان محدش يقول ده عايز فلوس كمان وحاش لله ان اتاجر بكرامتي واحساسي غانيك عن اني لن اشغل قضائنا بتوافه الأمور.. أستاذتي اثار الحكيم اشعر بكل احساس ليكي مهما كان اختلاف الناس او اتفاقهم معك فهم لم يمرو بما مررنا به اعتذر لكي ولي ولكل جمهور لا يحب ان يضحك على خديعة غيرو وحسن نيته.
اما الجمهور اللي بيحب ده فاضحكو من قلوبكم استغفر الله لي ولكم وعن نفسي ادبت نفسي وعن قريب هتعرفو .. اسف للأطاله الحمد لله على كل شيء وهنسى ان شا الله الموقف السخيف واكمل شغلي والله على ما اقول شهيد في صدق الكلام والنيه وف الأخر غلطه واتعلمت لا اثق غير فيمن هم محل واهل للثقه.