نشطاء فيسبوك وتويتر يعلقون على الجلسة الافتتاحية للشعب: أول القصيدة كفر وآخرها مهلبيه إن شاء الله

* من أول يوم هيضربوا بعض بعد أسبوع هيحدفوا بعض بالمولوتوف .. فأين فانديتا بقي ييجي يفجر البرلمان
* باسم يوسف يعرب عن سعادته البالغة بانعقاد جلسات مجلس الشعب لأنه كان مهدد بالبطالة
* معلش يا ريس كنت بحط التاتش بتاعى.. أنا جبت علبة آيس كريم وهاستنى “الحلقة” الجاية بفارغ الصبر
* مش هستغرب خالص لو لقيت واحد بيعدى بين الكراسي في البرلمان بيبيع سبح وعطور ومصاحف وكتاب حصن المسلم
* فيه ناس بتتفرج ع البرلمان وبتعلّق ع الأشكال والأسماء ووو.. زي بنات الإعدادية لما يمسكوا مجلة ويقعدوا يعلقوا ع الصور
* رئيس البرلمان: يا عم الحاج بنقولك التزم بالنص اللي مكتوب .. معلش يا ريس أنا كنت بحط التاتش بتاعى
كتب رأفت غانم :
تفاعل متابعو ومستخدمو مواقع التواصل الاجتماعي، ما دار في وقائع الجلسة الافتتاحية لمجلس الشعب اليوم، وعلقوا عليها بمزيج من التعليقات الناقدة وشديدة السخرية، خاصة مع المشادات المتوالية بين رئيس المجلس والنواب الجدد أو بين النواب وبعضهم البعض.
واهتموا بمتابعة أبرز اللفتات والكلمات الطريفة التي جاءت على لسان من تحدثوا خلال الجلسة، وسط توقعات بأداء سيء ومسرحي للنواب طوال الدورة البرلمانية، فضلا الاتهامات الموجهة إليهم بالتراجع عن التمسك عن أهداف ومطالب الثورة.
ومن بين الكتابات التي دونوها على موقعي فيسبوك وتويتر:
باسم يوسف يعرب عن سعادته البالغة بانعقاد جلسات مجلس الشعب لأنه كان مهدد بالبطالة والطرد من قناة اون تي في لعدم تقديمه مواضيع كوميدية جديدة.
عااااجل:: قناة موجة كوميدي تقدم اعتراض رسمي للاتحاد الاذاعة والتلفزيون وتأكد ان لها الحق في اذاعة جلسات مجلس الشعب حيث انه لا يخرج عن مجال تخصصها فهي الاحق من باقي القنوات في إذاعتها.
و الآن سأذهب لممارسة المذاكرة بما لا يخالف شريعة الله.
محاولة لاغتيال الرئيس المؤقت لمجلس الشعب المصري بالجلطة
أيوة أنا عايزة الراجل ده رئيس جمهورية، مش حنضطر نعمل عليه ثورة، حنتلم عليه ونجعر تجيله ازمة قلبية نسقطه، ونشوف اللي بعده في إشارة إلى رئيس مجلس الشعب المؤقت.
اسمي مكتوب .. لأ .. طوووووويب
رئيس الجلسة: يا عصام بيه اللي بتطلبه ده عييب وحرااام
أول القصيدة كفر واخرها مهلبيه ان شاء الله
ما يحدث في مجلس الشعب الآن هو يبين ما سيحدث في المستقبل
أقسم بالله العظيم أن هذا البرلمان يمثل جميع عقد النقص عند المصريين من عدم ثقة بالنفس وفذلكة وفهلوة
لو سمحتم لو سمحتم لو سمحتم..... الشعار الجديد لبرلمان الثورة
من اول يوم هيضربوا بعض بعد أسبوع هيحدفوا بعض بالمولتوف
إنجزوا بقى وسلموها للكتاتني عشان التمثيلية طولت تعليقا على التصويت على اختيار رئيس مجلس الشعب.
لسنا في حاجة الى عكاشة .. فالبرلمان كله عكاكيش ..
مش هستغرب خالص لو لقيت واحد بيعدى بين الكراسي في البرلمان بيبيع سبح وعطور ومصاحف وكتاب حصن المسلم
الصلاة .. الصلاة يا نواب ” فيما لا يُخالف شرع الله ”
مِن حُسني لحسين .. لِمجلس الإخوان والسلفيين ! إنقلوا السُلطة لمجلس الشعب ” فيما لا يُخالف شرع الله ” !!!
المقارنة بين اللي بيحصل ده والجلسة الافتتاحية في تونس مؤلمة
الحقيقة دي ” مقرأة ” مش برلمان
ياما الكوميديا ديه موجودة والثلاثي عكاشه -مرتضي- الشحات مش موجودين أومال لو موجودين كان هايحصل إيه؟؟
فيه ناس بتتفرج عالبرلمان وبتعلّق عالأشكال والأسماء ووو ..زي بنات الإعدادية لما يمسكوا مجلة ويقعدوا يعلقوا عالصور
سيداتي انساتي سادتي و اللي كان واقف في البلكونة نقوله خليك واقف في البلكونة لحد ما النواب يخلصوا القسم
هو فانديتا هييجي امتى بقى يفجر المجلس؟؟.. قصدي “بانديتا” عشان الاخوان ما يزعلوش
و دلوقتي تأكدنا ان مجلس الشعب ليس هو الحل
غسان مطر في اولى جلسات مجلس الشعب : اقسم بالله العظيم ان اعمل الصح
النايب بيّبان مِن قَسَمُه !
البرلمان الوحيد في العالم اللي بيقسم على دستور لا وجود له. مفيش فقيه دستوري كان يعدل صيغة القسم؟
أنا جبت علبة آيس كريم و قاعدلكم بأة .. يارب بس تطلع الفرجة عليكوا فيها فايدة فالآخر
مفيش دكر يهتف يسقط يسقط حكم العسكر
رئيس البرلمان: يا عم الحاج بنقولك التزم بالنص اللي مكتوب .. معلش يا ريس أنا كنت بحط التاتش بتاعى
والله كان ناقص توفيق عكاشه كان طلع قلهم احترم الدستور واكشف الماسونية
ممدوح اسماعيل قالهم أنا اقف ضد كل ما يخالف شرع الله هههههههههه كل واحد لازم يحط التاتش بتاعة
هستنى الحلقة الجاية قصدي الجلسة الجاية بفارغ الصبر وهحضر االسوداني واللب والفيشار ..