نشطاء فيسبوك وتويتر يعلقون على الجلسة الافتتاحية للشعب: البرلمان الوحيد في العالم اللي بيقسم على دستور لا وجود له

أولي جلسات البرلمان اليوم
الجريدة – تفاعل متابعو ومستخدمو مواقع التواصل الاجتماعي، ما دار في وقائع الجلسة الافتتاحية لمجلس الشعب اليوم، وعلقوا عليها بمزيج من التعليقات الناقدة وشديدة السخرية، خاصة مع المشادات المتوالية بين رئيس المجلس والنواب الجدد أو بين النواب وبعضهم البعض.
واهتموا بمتابعة أبرز اللفتات والكلمات الطريفة التي جاءت على لسان من تحدثوا خلال الجلسة، وسط توقعات بأداء سيء ومسرحي للنواب طوال الدورة البرلمانية، فضلا الاتهامات الموجهة إليهم بالتراجع عن التمسك عن أهداف ومطالب الثورة.
ومن بين الكتابات التي دونوها على موقعي فيسبوك وتويتر:
باسم يوسف يعرب عن سعادته البالغة بانعقاد جلسات مجلس الشعب لأنه كان مهدد بالبطالة والطرد من قناة أون تي في لعدم تقديمه مواضيع كوميدية جديدة.
عاجل:قناة موجة كوميدي تقدم اعتراض رسمي للاتحاد الإذاعة والتلفزيون وتأكد أن لها الحق في إذاعة جلسات مجلس الشعب.
و الآن سأذهب لممارسة المذاكرة بما لا يخالف شريعة الله.
محاولة لاغتيال الرئيس المؤقت لمجلس الشعب المصري بالجلطة.
أيوة أنا عايزة الراجل ده رئيس جمهورية، مش حنضطر نعمل عليه ثورة، حنتلم عليه ونجعر تجيله ازمة قلبية نسقطه، ونشوف اللي بعده في إشارة إلى رئيس مجلس الشعب المؤقت.
رئيس الجلسة: يا عصام بيه اللي بتطلبه ده عييب وحرااام
أول القصيدة كفر واخرها مهلبيه ان شاء الله
لو سمحتم لو سمحتم لو سمحتم..... الشعار الجديد لبرلمان الثورة
من اول يوم هيضربوا بعض بعد أسبوع هيحدفوا بعض بالمولتوف
إنجزوا بقى وسلموها للكتاتني عشان التمثيلية طولت تعليقا على التصويت على اختيار رئيس مجلس الشعب.
مش هستغرب خالص لو لقيت واحد بيعدى بين الكراسي في البرلمان بيبيع سبح وعطور ومصاحف وكتاب حصن المسلم
الصلاة .. الصلاة يا نواب ” فيما لا يُخالف شرع الله ”
مِن حُسني لحسين .. لِمجلس الإخوان والسلفيين ! إنقلوا السُلطة لمجلس الشعب ” فيما لا يُخالف شرع الله ” !!!
المقارنة بين اللي بيحصل ده والجلسة الافتتاحية في تونس مؤلمة
الحقيقة دي ” مقرأة ” مش برلمان
ياما الكوميديا ديه موجودة والثلاثي عكاشه -مرتضي- الشحات مش موجودين أومال لو موجودين كان هايحصل إيه؟؟
فيه ناس بتتفرج عالبرلمان وبتعلّق عالأشكال والأسماء ووو ..زي بنات الإعدادية لما يمسكوا مجلة ويقعدوا يعلقوا عالصور
سيداتي انساتي سادتي و اللي كان واقف في البلكونة نقوله خليك واقف في البلكونة لحد ما النواب يخلصوا القسم
هو فانديتا هييجي امتى بقى يفجر المجلس؟؟.. قصدي “بانديتا” عشان الاخوان ما يزعلوش
غسان مطر في اولى جلسات مجلس الشعب : اقسم بالله العظيم ان اعمل الصح
النايب بيّبان مِن قَسَمُه !
البرلمان الوحيد في العالم اللي بيقسم على دستور لا وجود له. مفيش فقيه دستوري كان يعدل صيغة القسم؟
أنا جبت علبة آيس كريم و قاعدلكم بأة .. يارب بس تطلع الفرجة عليكوا فيها فايدة فالآخر
رئيس البرلمان: يا عم الحاج بنقولك التزم بالنص اللي مكتوب .. معلش يا ريس أنا كنت بحط التاتش بتاعى
والله كان ناقص توفيق عكاشه كان طلع قلهم احترم الدستور واكشف الماسونية
ممدوح إسماعيل قالهم أنا اقف ضد كل ما يخالف شرع الله كل واحد لازم يحط التاتش بتاعة
هستنى الحلقة الجاية قصدي الجلسة الجاية بفارغ الصبر وهحضر السوداني واللب والفيشار ..