تجار دمياط يستغلون قفزة الدولار ويرفعون أسعار جميع السلع

واصلت موجة ارتفاع الأسعار تزايدها وسط عجز شديد للسيطرة عليها بسبب الزيادة الجديدة على سعر الدولار، والتى سمحت للعديد من التجار برفع أسعار جميع السلع وبخاصة التى لها صلة بالاستيراد من الخارج.
وبرر التجار موقفهم من زيادة الأسعار إلى قفزة سعر الدولار وصعوبة الحصول عليه وزيادة التكلفة، لتظل معاناة المواطن البسيط فى كل شئ، حتى أن أحد المواطنين يصف الوضع الحالى بأنه قتل الفرحة فى القلوب، فلا أحد يشعر بفرحة رمضان ولا بفرحة العيد، فالكثير يحمل الهم بسبب العجز عن تدبير الاحتياجات الأساسية للمنزل فى رمضان وأيضا العجز عن تدبير احتياجات ومصاريف العيد من ملابس وكحك ومواسم تعود الآباء على تقديمها للأبناء والبنات المتزوجين ،ليخلف ذلك موجة من السخط على الوضع الذى يزداد تفاقم يوما بعد يوم والكل عاجز ،الحكومة عاجزة عن إيجاد حلول أو وقف قطار الأسعار الذى تزيد سرعته يوما عن الآخر وكذلك المواطنون عاجزون عن تدبير إحتياجاتهم اليوميه بسبب إرتفاع الأسعار الذى يقابله تدنى مستوى الدخل وأيضا بطالة تزيد فى الإنتشار .
نسمة سعد صاحبة محل ملابس أطفال تقول ،هذا العام رأينا ما لم نره من قبل أسعار البضاعة فى زيادة يومية ،المستورد يرفع الأسعار ويتحجج فى ذلك بإرتفاع أسعار الدولار وصعوبة الحصول عليه ،وزيادة أسعار النقل والجمارك ونضطر للشراء ولكن المشكلة الحقيقية فى الزبون ،فعلا معتش قادر يسيطر على الوضع وبقى الإختيار بين تدبير إحتياجات المنزل من أكل وشرب وبين شراء ملاس وغالبا إحتياجات المنزل بتغلب ،واللى بييجى المحل يشترى بيبقى جاى وربنا عالم بحالة وبيقعد يفاصل وعاوز ياخد الحاجه بأقل من سعر جملتها ويمكن بيبقى معذور بس إحنا كما كأصحاب محلات هنعمل إيه مطلوب مننا إلتزامات وإيجارات وكمان أحنا عندنا بيوت بتصرف زى أى حد ،يعنى بجد الوضع صعب والموسم بيروح من غير ما نعمل أى حاجه خالص والبضاعة اللى إشترنيها موجوده زى ما هى فى المحلات .
خديجة محمد موظفة، تقول "الوضع صعب كل يوم بنسمع عن زيادة فى الأسعار فى كل حاجه وللأسف مفيش زيادة فى مرتبات الموظفين تكافئ الزيادة اليوميه للأسعار يعنى النهارده محدش عارف يشترى 2كيلو كحك لبيته لأن أقل سعر للكيلو 35جنيه ،يبقى هيجيب كحك ولا يجيب ملابس للأولاد اللى أقل طقم لطفل عنده سنتين يعدى 250جنيه واللى عندة 3أو 4 أولاد الله يكون فى عونه لأن ولا يكفيه 2000جنيه ملابس بس غير مصاريف العيد اللى محدش بيعرف هى بتزيد إزاى ،ده بخلاف أسعار الأكل اللى بقت نار ،كيلو اللحمة ب90جنيه حتى اللحمة المجمده بقت ب45جنيه وأسعار الفراخ والسمك نار النار وتيجى تتكلم يقولك الدولار سعرة زاد طيب واللحمة والسمك علاقتهم إيه بسعر الدولار ،مش عارفين والله ،بجد الناس معدتش مستحمله بطالة والدخل بيقل والأسعار بتزيد كل يوم ،الناس حتى معدتش عارفه تدفع الإيجارات بتاعتها .