أحمد سبايدر يكشف تفاصيل “كمين “الاعتداء علي متظاهري التحرير أمام وزارة الدفاع .. “بأمانة ظبطناهم”

* اعتبر الاعتداء علي المتظاهرين “إثبات لرجولته والبلطجية”.. وهدد من هاجموه علي صفحته “هرجع البيت هظبطهم “
* سبايدر يصف الاعتداء على المتظاهرين ” بالحرب ” ويؤكد : ستة إبليس اتاكلوا علقه فى التمام ورجعوا التحرير يجمعوا تانى
كتب محمد كساب:
روى أحمد سبايدر مقدم برنامج ” سبايدر ع الفيسبوك ” بقناة الفراعين لصاحبها توفيق عكاشة تفاصيل “الكمين” الذي شارك فيه أمام وزارة الدفاع ومن أسفل كوبري الفنجري حتى محطة كوبري القبة، ونصبه مؤيدون للمجلس العسكري للاعتداء علي عشرات المتظاهرين القادمين فى مسيرة من التحرير.
وقال سبايدر في تدوينات قصيرة متتالية عبر صفحته علي فيسبوك في حسابه الشخصي علي تويتر عن حقيقة الاعتداءات التي تعرض لها متظاهري التحرير مشيرا إنه كان بين من اعتدوا عليهم كالآتي:
أنا طلعت بمسيره من روكسى وطالعين ع العباسية خلاص قربنا لو لقينا حد بيحتك بالجيش هنقطعه احمد سبايدر
خلاص عدينا من تحت كوبري الفنجرى ومتجهين للعباسية الهتافات ياللى ساكت ساكت ليه بيعت بلدك ولا إيه واحده واحده بشويش بشويش كله كله إلا الجيش احمد سبايدر
فوتنا على وزاره الدفاع المنظر لا يوصف الشوارع فاضيه قمة القلق والجيش رايح جاى قلبي مع الجيش قمة التوتر حرام أنا حاسس ان أنا في حرب متجهين للعباسية الآن والهتافات آه يا بلدي يا عيني عليك الكلاب اتامروا عليك
اشتباكات بينا وبين 6 ابريل تحت كوبري الفنجرى ورجالتنا مظبطينهم بس حرب يارجاله مش قادر اوصف احمد سبايدر
رجعنا روكسى بعد رحله من العذاب وسته إبليس اتاكلوا علقه فى التمام ورجعوا التحرير يجمعوا تانى ويجو عالعباسيه بامانه ظبطناهم يارجاله وال بيقولولك عاوزين احمد سبايدر على اساس ان اللى معايا وظبطوكوا مش رجاله والناس اللى بتستغل انى مش موجود وبتشتم عالبيج هرجع البيت هظبطهم