تويتر يقرأ بيان العسكري: المجلس بيقولكم شفيق جاي .. والرئيس رئيس على نفسه .. وطظ فيكم وفي ثورتكم

أثار بيان المجلس العسكري الذي أصدره اليوم غضب كثيراً من النشطاء علي مواقع التواصل الاجتماعي، ورصدت البديل تعليقات عدد من نشطاء "تويتر" وجاءت التعليقات كالتالي:
- بيان المجلس العسكري: شفيق جاي، واللي هيعترض هيطلع عين أمه.
- خلاصة بيان المجلس العسكري: الفكرة العبقرية لحملة مرسي بإعلان النتائج أربكت خطط المجلس وجعلته يضرب أخماسا في أسداس حتى بدأ يرسم خطة بديلة.
- بيان المجلس العسكري : المشير هو الرئيس بس إحنا مش هنقول ع النت
المشير مش ناوي يجيبها البر.
- المشير زعلان قوي من العيال اللي بتشتمه في التحرير وبيسمعهم بودانه علي الفضائيات وبيقولوا عليه طرطور وشاهد زور.
- إلى أصدقائي الإخوان: بيان المجلس العسكري مكانش حيطلع لولا إن العسكر مخترقين جماعتكم من ساسها لراسها وعارفين إن خيارات خيرت بتقل وضهره للحيط!
- بيان المجلس العسكري باختصار بيقول للإخوان اتلموا وتعالوا نتفق بدل ما نقلبها عليكم
- بيان المجلس العسكري إلى شعب مصر وشباب الثورة: يارب تموتوا والله الموفق والمستعان
- لا والله..نفسي مرسي ينجح عشان اسمع اخواني واحد يقول موتوا بغيظكم .. عشان اجيب لهم بيان المجلس العسكري بتاع: حسابك يا بت وما اشوفش وشك هنا تاني
- المجلس العسكري منذ قليل أعلن بيان احتلاله لمصر غصب واقتدار
خلاصة بيان المجلس العسكري: الرئيس رئيس علي نفسه .. والبرلمان يروح يلعب في الطين ... وطظ فيكم وفي ثورتكم
بيان المجلس العسكري : من النهاردة مفيش مجلس شعب ولا تأسيسية و بالتالى مفيش دستور ولا رئاسة واللى هيتكلم هنديله بالجزمة يا ولاد التيت
Comment *