مستخدمو تويتر وفيس يحتفلون بعيد الحب في زمن العسكر: ها تمسك بيكي تمسك العسكري بالسلطة.. والحب ولع في المجمع العلمي

* هو: بحبك بعدد الى انتخبوا الحريه والعداله.. هى: بحبك بعدد الى قالوا نعم على التعديلات الدستوريه
* بحبك حب الثوار للميدان.. وحب الاخوان للبرلمان.. وحب المشير لمبارك وسوزان
* الحب حب.. المولوتوف مولوتوف.. الجيش حمى الدباديب.. الجبش والدباديب ايد واحده
كتبت بسمة مصطفى وأحمد مصطفى وليلى نور الدين:
حتى في عيد الحب لم يسلم العسكر من تعليقات أهل تويتر وفيسبوك .. وتداول مستخدمو الموقعين تغريدات حب ساخرة عن الحب في زمن العسكر .. وجاءت التغريدات مزيج من السخرية الممزوجة بخفة دم عن الحب والوطن والالتراس والإخوان والانتخابات والتعديلات الدستورية وأشياء أخرى .. وإلى نص التغريدات:
تشربى حاجه يا حبيبتى ؟؟ آه ياريت أزازه مولوتوف بس تكون ساقعه ..
أنا هفضل متمسكه بيك تمسك العسكر بالسلطه ومش هسيبك الا على جثتك ..
فاكره رعشه ايديكى فى ايدى واحنا بنجرى من الشرطه العسكريه ..
يا واد يا سينجل : “السينجل الحق ” يقول للودر والدبدوب لا ..
هو / بحبك بعدد الى انتخبوا الحريه والعداله . هى / بحبك بعدد الى قالوا نعم على التعديلات الدستوريه ..
هو / بحبك بعدد لجان تقصى الحقائق .. هى / بحبك اكتر من حب الملثم لمواسير الغاز ..
حمزاوى / أطالب بجعل الفالنتاين عطله رسمية . الكتاتنى / لا تزايد يا أخ حمزاوى فأنت لست أكثر مننا رومانسيه ..
هى / فين الهديه ؟؟.. هو / أنا عامل إضراب ..
هى / ها جبتلى ايه هديه ؟؟.. هو / جايبلك دبدوب هديه بيغنى يسقط حكم العسكر
شفيق ستايل ” بعشقك بما لا يخالف شرع الله ”
العسيوى ستايل “ان شاء الله حنتجوز ونجيب أحلى ولد وبنت ونسميهم خرطوشه ومطاطى”
ألتراس ستايل ” هى سبتنى ليييييييه .. هو / حريه حريه حريه حريه
يعنى ايه فالنتالين يا برادعى ؟؟ يعنى أمك يجيلها ورد احمر ودبدوب .. أمى انا !! أيوه أمك أنت
الحب ولع فى المجمع العلمى يا بت ..
لو حبيبتك نزيهه تأكد ان ليها اخوان ياكلوا الزلط..
انا ملتزم باقصى درجات ضبط النفس رغم كل الى بتعمليه..
بحبك حب الثوار للميدان وحب الاخوان للبرلمان وحب المشير لمبارك وسوزان
الحب حب ,, المولوتوف مولوتوف , الجيش حمى الدباديب ,, الجبش والدباديب ايد واحده