عبد الوهاب للجمهور: الصبر علي جاريدو مطلوب

طالب محمد عبد الوهاب عضو مجلس إدارة الأهلي جمهور المارد الأحمر الصبر علي الإسباني خوان كارلوس جاريدو. وشبّه عبد الوهاب موقف الإسباني الحالي بالبرتغالي مانويل جوزية في فترة ولايته الأولي.
وعبر حسابه الرسمي علي فيس بوك كتب عبد الوهاب ' للأهلاوية فقط...فاكرين سنة 2001 لما جه مستر مانويل جوزيه أول مره كان النادي الأهلي بيبني فرقة جديدة وكانت العروض والنتائج مش قد كده وحصل هجوم جامد علي الراجل من الإعلام والجمهور وكانت النتيجة إيه انه مشي وجه بعده اثنين مدربين لم يحالفهم التوفيق ورجع مستر جوزيه بعد سنتين وشوية ليحقق أعظم النتائج مع الأهلي أنا بفكر حضراتكم بالموضوع ده ليه لأني شايف ان نفس السيناريو بيتكرر اليومين دول مع مستر جاريدو بالظبط وبقول لحضراتكم إن الأهلي والحمد لله عنده أحسن فريق لعشر سنين قادمة والبطولات قادمة وعارفه مكانها كويس بس المطلوب الصبر ودعمكم المعنوي لان هو ده سر نجاح الأهلي علي مر السنين.. جمهورنا هو سبب نجاحنا.