عضو مجلس إدارة الأهلي : الصبر على جاريدو حتى لا يتكرر خطأ جوزية

طالب محمد عبد الوهاب عضو مجلس إدارة النادى الأهلي من جماهير النادى ضرورة مساندة فى الفريق فى الفترة الحالية حتى لا يتكرر خطأ رحيل البرتغالى مانويل جوزية عن القلعة الحمراء فى 2001.

وأكد عبد الوهاب على صفحته على موقع التواصل الاجتماعى " فيس بوك " ان جوزية رحيل فى 2001 فى الوقت الذى كان الأهلي يبنى فريق جديد بسبب الهجوم الاعلامى مطالباً بعدم تكرار الأمر مع الاسبانى جاريدو.

وقال عبد الوهاب :" للاهلويه فقط .... فاكرين سنه 2001 لما جه مستر مانويل جوزيه اول مره كان النادي الاهلي بيبني فرقه جديده وكانت العروض والنتائج مش قد كده وحصل هجوم جامد علي الراجل من الاعلام والجمهور وكانت النتيجه ايه انه مشي وجه بعده اتنين مدربين لم يحافهم التوفيق ورجع مستر جوزيه بعد سنتين وشويه ليحقق اعظم النتائج مع الاهلي انا بفكر حضراتكم بالموضوع ده ليه لأني شايف ان نفس السيناريو بيتكرر اليومين دول مع مستر جاريدو بالظبط وبقول لحضراتكم ان الاهلي والحمد لله عنده أحسن فريق لعشر سنين قادمه والبطولات قادمه وعارفه مكانها كويس بس المطلوب الصبر ودعمكم المعنوي لان هو ده سر نجاح الاهلي علي مر السنين ... جمهورنا هو سبب نجاحنا".

ويحتل الأهلي المركز الثالث فى الترتيب برصيد 40 نقطة وبفارق 8 نقاط عن الزمالك المتصدر.

وتوج جاريدو ببطولة الكونفدرالية الافريقية وكأس السوبر المصرى منذ ان تولى قيادة القلعة الحمراء.