دافع الحاج محمد عبد الوهاب، عضو مجلس إدارة الأهلي، عن المدرب الإسباني خوان كارلوس جاريدو، مدرب الفريق الأحمر، وقارن بينه وبين البرتغالي مانويل جوزيه، مدرب الأهلي السابق، فيما رفض خالد مرتجى، عضو مجلس إدارة الأهلي السابق، عقد المقارنة ووصفها بالظالمة. وكتب عبد الوهاب، عبر حسابه على موقع التواصل الاجتماعي "فيس بوك" قائلا: "للأهلويه فقط.. فاكرين سنة 2001 لما جه مستر مانويل جوزيه أول مرة كان النادي الأهلي بيبني فرقة جديدة وكانت العروض والنتائج مش قد كده وحصل هجوم جامد على الراجل من الإعلام والجمهور، وكانت النتيجة إيه؟ إنه مشي وجه بعده اتنين مدربين لم يحالفهم التوفيق، ورجع مستر جوزيه بعد سنتين وشويه ليحقق أعظم النتائج مع الأهلي". وأضاف: "أنا بافكر حضراتكم بالموضوع ده ليه لأني شايف إن نفس السيناريو بيتكرر اليومين دول مع مستر جاريدو بالظبط، وبقول لحضراتكم إن الأهلي والحمد لله عنده أحسن فريق لعشر سنين قادمة والبطولات قادمة وعارفة مكانها كويس بس المطلوب الصبر ودعمكم المعنوي لأن هو ده سر نجاح الأهلي على مر السنين.. جمهورنا هو سبب نجاحنا". من جانبه، رد مرتجى على عبد الوهاب بتعليق على "فيس بوك" قائلا: "حاج محمد يا صديقي العزيز المقارنة ظالمة قوي ولذلك لا تعليق".