قصيدة الشاعر ' امين الديب ' التي فضحت المؤامرة الاخوانية

قصيدة اصل المؤامرة
أصل المؤامره كنت قاعد زي عادتي
اقرا في الجرنال وجنبي
عاليمين عم اسماعيل
كان يقول لي
اقرا في الاخبار وشوف لي
مصر رايحه لحد فين؟
كنت باقرا وصوتي عالي
واللي قاعد عن شمالي
عم محمود الكيلاني
كل ماقرا كلمتين.. بيقاطعني
كان يقوللي بلاش طاوعني
الجرايد كلها علي كترها
اخبارها تشبه بعضها
ساعات بتبقي مفبركة
وساعات تكون متامركه
حتلخبطك وتورطك
جربتها ريحت نفسي وسبتها
ساعات بتحدفني لشمال
وساعات بتحدفني ليمين
مع اننا في الوقت ده مش محتاجين
غير الطريق المستقيم
من غير كده
كل الطرق اوحال وطين
ان كان شمال اوكان يمين
واللي عاملين التحالف
ويا اخوان مسلمين
دول طريقهم كله اعوج
كل يوم عاملين مظاهره
فيها قطع طرق وفوضي
وبصراحه..
هم دول الغلطانين
اما باقي الشعب ده ناس طيبين
بالخصوص الفلاحين
واللي شاغل فكرهم
ازاي يقوموا بشغلهم
ولا يشغلوش بالهم بتحليل النخب
ورزقهم من مال حلال
وبيطلبوه بعرق وطين
ومايعرفوش تزويق كلام
ولا بيخافوش غدر السنين
وعشان شبابهم زيهم
ناس طيبين
وبيحلموا بالجنه زي الاولين
متخرجين وما فيش عمل
والبعض منهم عطلانين
وعشان كده ناس اوهموه
واستدرجوه
وناس بتحلف انهم
راح يخدموه
انما اتضح المخطط
كان هدفهم.. يحكموه
بعد منها يأخونوه
والمعارض للمخطط يبقي كافر
واللا شيعي او معادي للشريعه
او عميل ويخونوه
واللي لازم تعرفوه
الشباب المصري قام بالثوره
من فيض الكريم
لا له قياده توجهه
ولا حتي له تنظيم
ونفسه حد يوجه
اويرشده لطريق سليم
طريق يوحد صفنا
ونبني دوله تلمنا
مدنيه تجمع شملنا
وجيشنا واقف جنبنا
يحمي مطالب شعبنا
سواء نصاري ومسلمين
في الوقت ده دخل سلامه
ابن ابراهيم بعد السلام, , , بدأ الكلام
وقال سمعتوا اللي حصل
جماعه عاملين مسلمين
شغلوا الشباب عن ثورته
وشككونا ف ذمته
ويمارسوا ارهاب ضدنا
ويفتنونا ف بعضنا
تنفيذ لامر عدونا
من قصدهم
تشتيت اراءنا وفكرنا
علشان يفرق جمعنا
وبيفتروا ويروجوا
علي ان جيشنا عدونا
ولا بيخافوش من ربنا
ولا بيراعوش اخلاق ودين
واحلف يمين
لو يحكمونا كمان سنه
لا حيبقي فيه دوله
ولا مؤسسات ولا يحزنون
ونعيش سنين قطران وطين
قام رد زيد عبد الرحيم
وقال انا ف حالةعجب
من الرئيس المنتخب
فيه حد يرضي بذمته
رئيس يخاطب امته
يحكيلنا عن شرعيته
بالتهديدات وتوعدات
للشرطه والجيش والقضاه
وعاوزنا نسمع كلمته
مع انه ماسمعش الكلام
غير من عشيرته وعزوته
وغلبنا ننصح حضرته
قولناله ما تبصش ورا
وبلاش امور المنظره
وقولنا بالعربي الفصيح
حالة الجميع متدهوره
وتقول لمين وتعيد لمين
والمسئولين في الدوله
اخوان مسلمين
ومكوشين عالسلطه
بس لوحدهم
وأهم حاجه تهمهم
السلطه والتمكين
ولا فيه تميز عندهم
والحال يسوء يوم بعد يوم
ولا خبره واضحه في شغلهم
والخبره خبرة بقالين
وغلبنا ياما نقول لهم
الكيل طفح من جهلهم
والفقر زاد الطاق طاقين
سابونا ناكلوا ف بعضنا
ولاحد مره سمع لنا
وهم قاعدين مبسوطين
واللي ف مزاجهم يعملوه
وكاننا مش موجودين
طب يرضي مين؟
ولو فضل بالشكل دا
حيودي مصرلحد فين؟
مين اللي وصلنا لكده
خدمات ما فيش وامان ما فيش
والعيش مافيش بنزين مافيش
وسولار مافيش
ونروح نمون مانلاقيش
وجماعه عاملين مسلمي
ن عملونا من كفار قريش
ومشمتين فينا العدا
والدين بتاعنا مش كده
وازاي نكون بالشكل ده
فرق كتير متعدده
أما اللي أغرب من كده
في العهد ده
المصري بيحارب أخوه
والابن بيعاند ابوه
علشان جماعه استدرجوه
وفهموه هم اللي صح لوحدهم
والمجتمع بيكفروه
قام رد قال عم اسماعيل
أصل الحكايه كلها
ان العرب مستهدفين
وبالخصوص المسلمين
والمخطط مهدوا له
من زمان اليهود والأمريكان
فرقوا بين الجيران
واللي شايفينه النهارده
جابوا ناس متأسلمين
جندوهم من سنين
فرقونا وقسمونا قصدهم
تفتيت بلدنا
لاجل عزل الجيش بتاعنا
والكلام ده من سنين
واحنا كنا مغفلين
رد مرضي وقاله مين؟
مين عملنا مغفلين؟!
هم دول يابا اسماعيل
هم دول مش مسلمين؟؟؟
واللا دول متاسلمين
قاله يابني.. الكلام دا شرحه
عاوز يوم بحاله
رد مرضي وقال وماله
قول وكمل
احنا يعني ورانا ايه
واللا ايه حنخاف عليه
قول عن المتأسلمين
قاله يابني اللي خد م الدين تجاره
واللي خد م الدين ستاره
لاجل يوصل للاماره
واللي طامع في الوزاره
كل دول متأسلمين
ارتضوا الارهاب طريقهم
تحت اسم المسلمين
رد قال زيد عبد الرحيم
هوفيه مسلم يروع
أهل بلده الآمنين
واللا فيه مسلم بيقتل مسئولين ومجندين
واللا فيه مسلم يدمر رأس مال المسلمين
كل ده والأمريكان شجعوهم
مهما كان يبقوا ضد الجيش بتاعنا
والمصيبه انهم دول من ولادنا
دربوهم بعد منها استخدموهم
قال وايه وبيوعدوهم حكم مصر
عشان شافوهم انهم متدينين
بعد منها حفظوهم فكر معجون بالخباثه
شوهوا الدين بالسياسه
أدعياء عاملين دعاه
نصبوا روحهم رعاه
واللي طول واللي قصر
واللي بيعادي الكنيسه
واللي بيخون في لازهر
واللي فجأه يربي دقنه
والليعالمنبر يكفر
مبدعين اوفنانين
كل ده القصد منه
يوصم الدين بالتشدد
والتشدد يهدم الدين من اساسه
بل واكتر من دا كله
ان ناس لعبت في راسه
فهموه ان الثقافه منهي عنها
وانها لهو وهيافه
والاثار اصنام
وفن النحت اوفن العماره كفر بين
يعني مصر الفرعونيه
تبقي مش ام الحضاره
واحنا شعب مالهش دين
والكلام دا قالوه زمان اليهود والامريكان
هو دا المدخل بتاعهم
لاجل هدم الدوله والجيش والحكومه
نبقي شعب مفككين
واحنا ياابني طول حياتنا
جيش وشعب في حزمه واحده
مربوطين برباط متين
واللي لازم تعرفوه
انهم مرات عديده
حاولوا كسر الجيش بتاعنا
يضربوه ضربات شديده
يلقوا كل الشعب جنبه
كل شعبه وراه يسانده
يشتيروله سلاح لجنده
يبقي اقوي ويقوي اكتر
عمرهم ما بيهزموه قالولأ..
فيه حل تاني والمخطط غيروه
قالوا ان الشعب لازم قبل منه يفرقوه
يقسموه اقسام عديده
كل قسم وجيشه
يبقي لقمه صايغه ويبلعوه
هي دي احسن طريقه
واحده واحده يفككوه
والمخطط فيه جماعه لليهود بينفذوه
عن جهاله اوعماله
واللي من طبعه الخيانه
لاجل كرسي يبيع ابوه
هو دا اصل المخطط من زمان بيرتبوه
انت فاكر من زمان
اليهود والامريكان
لما شافوا الجيش بتاعنا
اقوي جيش في المنطقه
قالوا لازم.. نقلع الجيش من جدوره
والزعيم نقتل غروره
واللي بعده جايله دوره
تتنصب له المشنقه
هاجموا مصر ف خمسه يونيه
من سنة سبعه وستين
بالتخابر والتآمر والخديعه
هاجموا جيشنا ودمروه
قام جمال اعلن بذاته التنحي
وساب مكانه للي ممكن نختاروه
انما الشعب العظيم
خد بسرعه قرار سليم
كان قرار الشعب واحد
اتحد رفض الهزيمه
وبعزيمة شعب صامد
رجعوا القائد مكانه
كان بطل حر ف زمانه
والعرب واقفين معانا
ودعموه
والعرب كانوا يد واحده
جم حدانا واقنعوه
ان مصر بدون قيادته
شيئ مهين وبنرفضوه
والبطل قبل التحدي
لما شاف الشعب ثار
شاف هتاف الشعب كله
في الميدان وفي كل دار
بالروح بالدم هنكمل المشوار
والقراراصبح قرارنا
شفت ليه احنا انتصرنا
نصر اكتوبر في سينا
لما كان الشعب واحد
كلمه واحده
ورأي واحد
كله خلف الجيش بتاعنا
ارضنا رجعت الينا
والعدو لحد النهاردا
لسه فاكر يوم هزيمته
حتي برضه مش نسينا
نفسه يفصل جيشنا عنا
سلط الاخوان علينا
تفسد الفرحه بذكري النصر
وتنكد علينا
بالتخابر والتآمر والتظاهر
واعمال ارهابيه ضد جيشنا
بتعليمات م الصهيونيه
واتفاقهم كله كان قدام عنينا
والدليل علي تخطيتاهم
وطنوا الارهاب في سينا
واللي شايفينه بعنينا
قسموا الشعب بمؤامره
القضاء والشرطه والاعلام
وغيرهم قلوا قيمته وشوهوه
حتي برضه الجيش بتاعنا كل يوم بيخونوه
واللي اغرب من دا كله
انهم بيهددوه
هددوه بالامريكان
واشتكوه للبنتاجون
شوف بنفسك مين يخون
اللي يستقوي باميركا
او يقول الجيش تآمر عالرئيس بالانقلاب
والليبيناشد اوربا للتدخل والحساب
كل همه..
يثبت ان الجيش مؤكد انه قام بالانقلاب
قصده اييه؟؟
قاله محمود الكيلاني
قصده تدويل القضيه
والشباب يضرب في بعضه
وبغباء او بالمؤامره
يدي للاعداء هديه
يعملونا زي سوريا والقضيه
هي هي
حتي لما الجيش تدخل
يحمي شعبه
من قوي الارهاب وامنه
قالوا لأ..
ده عنف مفرط
لجل تدويل القضيه
واللي لازم تفهموه
لانقلاب لو اثبتوه
مجلس الامن الموجه
بالقانون الدولي لازم جيشنا
لازم يعزلوه
يفرضوا حظر السلاح
يبقي جيش من غير سلاح
واليهود يستضعفوه
والحصار الاقتصادي لشعبنا ويجوعوه؟
شوفتوا ابعاد القضيه
واللي هم بيعملوه
قتل قطع طرق وفوضي
يعني مصر تروح في داهيه
لجل مرسي يرجعوه
قاله محمود الكيلاني
هو دا اللي بيقصدوه
والشباب مضحوك عليه
قال وايه بيفهموه
ان دا الاسلام
وهم في الاساس بيضللوه
واتضح اسباب وجودهم كان لخدمة اسرائيل
مش عشان تطبيق شريعه
كان عشان شيل وشيل
واتفاقهم عالرآسه فيه
عليه مليون دليل
يبقي مين هو اللي خاين
واللا مين هو العميل؟
اللي يحرق قسم شرطه
واللي حارب جيش بلاده
واللي بيزور تاريخه
واللي واخد تعليماته
م الصهاينه واسرائيل
واللي بينفذ دا كله
يبقي ايه ياناس قولولي
يبقي مش هو العميل؟؟
رد مرضي وقاله فعلا
العميل هو اللي عايز
يعمل الجيش البديل
زي ليبيا وزي سوريا
واللي كان فاضل ساعات
بعدها نزع الفتيل
انما ربك عليم
اوحي للشعب العظيم
فوض السيسي ورجاله
يقضي عالارهاب في سينا
والحذر من اسرائيل
هي دي كل الحكايه
م البدايه للنهايه
قلت بس اللعبه واضحه
واللي اخشي يكون حقيقي
ان فيه جماعات عميله
للاعادي والموساد
عاوزه بسم الدين تفرق
او تقسم في العباد
طب حاقولك كلمه تانيه
حطها في الاعتبار
والكلام دا قبل من حملة تمرد
كنا شايفين اقتصادنا كل يوم في الانهيار
ياما حذرنا وقولنا
كنا نصرخ ليل نهار
كل ده مالهوش حداهم
من زمان اي اعتبار
مرسي كان هو وجماعته
يعرضونا للايجار
ارض سينا
والقناه والسياحه والاثار
قال وايه بيسكتونا
ويقولنا بكره نبدأ في الحوا
ر ييجي بكره وبعد بكره
طول سنه في الانتظار
ان مره يقول ويصدق
او يقول حتي اعتذار
انما مانطقش كلمه
غير يقلب في اللي فات
ربنا سلط لسانه
يكشف المستورويحكي
عن كلام سابق اوانه
حتي برضه الوقت خانه
انكشف كل المخطط
انه ضرب مؤسسات دوله عظمي
ومركزيه
ون دا من تكليفات القياده الامريكيه
الشباب علن التمرد
قالوا بس ما فيش سكات
نطلع الطلعه اللي هي
لاجل تصحيح المسار
واحنا اصحاب القضيه
واحنا اصحاب القرار
والقرار أصبح قرارنا
بالعمل نحمي انتصارنا
نبقي للعالم مناره
احنا عاوزين القياده
عندها رؤيه و جساره
أي قائد يبقي عارف
انه قائد شعب واعي
علم الناس الحضاره
فكره نابع من حضارته
فهمه للدين مش تجاره
قال سلامه باعلا صوته
آه يامصر ياميت خساره
اللي قال فيه انشقاق في المشاه
او في الاشاره
يبقي بيخطط لجيشك بالعماله
وبالوكاله وبالسفاله وبالحقاره
واللي بيخطط تكوني دوله صغري
او اماره
واللي بيشوه في صورتك
ما تكونيش رمز الحضاره
يبقي مش عارف تاريخك
او اصول علم الاداره
يبقي ماينفعش حاكم
او رئيس مجلس مدينه
بالكتير ده يبقي عمده
أو غفير أوشيخ لحاره
اه يا مصر ياميت خساره
م اللي خطفك من ولادك
فين عزيمتك فين رشادك
فين شبابك
فين رجالك خاللي بالك..
شدي حيلك اللي خانك كان نويلك
زي ما بيعادي جيشك
يبقي حيفرط في نيلك
يبقي حيفرط في ارضك
وف حلايب او في سينا
بعد ما شكك في اصلك
يبقي حيشكك في دينك
ياللا يا مصر استعدي
حطي جيشك جوه عينك
انتي والجيش يد واحده
بالمواجهه الله يعينك
واجهي خفافيش الظلام
وانشري في مصر السلام
وافسدي كل المؤامره
الجميع ربك كشفهم
امشي دوغري لحال سبيلك
ون واجهتي معوقات
ثورتك مصباح لليلك
انتي اقوي من الصعاب
اصبري والله معينك
دا الليجايه ايام عصيبه
والعجيبه والمصيبه
المحاربه في اكل عيشك
والقضاء عالامن بالارهاب
وضرب الشرطه
واستنزاف لجيشك
ياللا يا مصر استعدي
وابتدي شدي الحزام
واحذري الارهاب يلوشك
واجهي اعداءك بقوه كلنا
من خلف جيشك
التاريخ مستني يكتب
عن ريادتك عن عظمتك
والنهوض بالانسانيه
علمي الدنيا التدين
انتي اصل الوحدانيه
واحذري عملاء امريكا
ما تخافيش م الصهيونيه
الفظي كل اللي خانك
واطردي كل اللي هانك
ربنا حافظ مكانك
ربنا ذكرك في كتبه
وانتي دوله ربانيه
نفضي تراب السنين
معدنك معدن ثمين
اظهري معدن ولادك
انتي دوله محوريه
انتي مش ملك لجماعه
رأيها في الدين بضاعه
مستحيل تحكمنا ساعه
بالشروط الامريكيه
اقضي عالارهاب
ونيلك فيه نهاية الصهيوني
ه انتي مقبرة الغزاه
والصفاقه الامريكيه
والتاريخ م الان بيكتب مصر
رجعت من جديد بالعزيمه
وبالاراده تصنع الدوله الفتيه
اللي رب الكون ذكرها
والرسول قال ان جيشها
خير اجناد البريه