صباح جديد

منذ قرار ترامب اعترافه بالقدس عاصمة لإسرائيل، والعرب مش ساكتين، والموضوع لا يمكن يعدي علي خير، بيسبوا ويلعنوا في ترامب واللي جابوه علي الفيس بوك، شوية غيروا صورة البروفايل وخلوها سودة كحل، وشوية قرروا مقاطعة البضائع الأمريكية، والباقي حطوا صورة المسجد الأقصي وكتبوا عليها نحن فداك يا قدس، وبصراحة أنا مش عارف من غير الفيس بوك كنا نعمل ايه.. الطريف ان بعض النشطاء قرروا القيام بوقفة علي سلم نقابة الصحفيين، لكن لم يعلنوا -حتي الآن- هي الوقفة بالشموع ولاّ بالصلصة!!