جيش الأبطال

مفيش بلد في العالم فيها جيش عظيم زي الجيش المصري..عمرنا ما شوفنا ولا هنشوف ام في الدنيا ابنها بيستشهد واهله يستقبلوا الجثمان (بالزغاريد) زي اللي بيحصل في مصر..عارفين ليه الأسر بتحتفل بولدها الشهداء..علشان هما مصدقين بجد ان وعد الله حق وان الشهيد في الجنة حي يرزق..انا مش مستغرب علي ولادنا الأبطال اللي بيحمو حدود مصر وهما عارفين ان ممكن في اي لحظة فأر من الإرهابيين الخونة يضرب عليهم قنبلة او طلقة غدر..الأبطال ولاد الجيش المصري عارفين انهم بيحمو اهاليهم من غدر الأعداء..احنا كمان لازم يكون لينا دور ايجابي اكبر من كده..(خلو با لكوا )دول بيحمو البلد كلها يعني المؤسسات والاستثمارات والأرض والعرض والطفل والشيخ..جنود مصر الأبطال غيروا شكل التاريخ بجد..لولا الجيش المصري كان زمنا بنقتل في بعض وبقينا دولة محتلة من تاني ومش عارفين نرجع بلدنا..انا عاوز الناس تحس اننا في حرب حقيقية ضد الاٍرهاب وان معركة التنمية الجبارة اللي بيقودها الرئيس السيسي هي أول خط دفاع حقيقي عن البلد وشبابها..جيش مصر العظيم مش مستني الشكر بس اكيد كل بطل عاوز يحس ان الشعب حاسس بالتضحيات اللي بيعملوها علشان انا وانت نعيش في امان..عارف ان الدولة بتقدم كل الدعم والرعاية لاسر الشهداء بس كمان ممكن اخواننا رجال الاعمال يشاركو في تأسيس صندوق خاص لرعاية أسر الأبطال الشهداء والمصابين اللي دافعوا عن تراب الوطن وماتو علي يد خونة..الموضوع محتاج تلاحم اكبر وفكر مختلف في طرح ما تتحمله الدولة المصرية في الدفاع عن ارضها لاننا في معركة بقاء ووجود حقيقية..قد نكون اجتزنا المرحلة الاخطر بفضل الله وتلاحم الشعب ويقظة الجيش والشرطة ولكن الحرب ما زالت مستمرة وعلينا ان نتكاتف جميعا خلف الرجل الوطني المخلص عبد الفتاح السيسي علشان ننتصر في الحرب علي الاٍرهاب ونستكمل معركة التنمية بنجاح..تحية إلي كل أسرة شهيد ضحي بحياته من اجل تراب هذا الوطن..وتحية إلي كل جندي يقف علي الحدود يحمي مصر وشعبها من غدر الأعداء..كل الشكر والتقدير والاحترام لجيش مصر العظيم الذي لولا وجوده لسقطت الدولة.. وتحيا مصر