لمبه حمرا

كان ياما كان، من حوالي خمس أسابيع، بلد اسمها »ليبيا« بيحكمها واحد اسمه »القذافي«، كان دمه خفيف وظريف بس ايده كانت »طارشة«، عشان كده شعب ليبيا زعل منه، وعمل ثورة ضده، قام هو ضربه جامد، فالشعب قعد يزعق ويعيط لحد ما الجيران سمعوه، وأول ما سمعوه طاروا بسرعة عشان يلحقوه، طاروا بسرعة جدا، مع ان الجيران دول مابيعملوش أي حاجة بسرعة، كل حاجة بيعملوها علي مهلهم وساعات ما بيعملوهاش خالص، وياما سمعوا شعوب بتعيط وبتزعق، بس عمرهم ما راحوا عشان يلحقوهم، بالعكس راحوا عشان يموتوهم وينهبوهم، لكن خلاص الجيران دول اتغيروا ومش هايعملوا كده تاني، غير مع شعب ليبيا، وتوتة توتة اترسمت الحدوتة. مع تحيات أبلة هيلاري.