عمر عفيفى يسرب ما دار فى لقاء بين قيادات الإخوان والمجلس العسكرى فى منزل المشير

قامت صفحة العقيد/ عمر عفيفي بنشر حوار قيل انه عبارة عن تسريب لما دار في لقاء قيادات الاخوان والمجلس الاعلي للقوات المسلحة في منزل المشير محمد حسين طنطاوي .
حيث اكد عمر عقيفي قائلا " في اجتماع مهين لجماعة الاخوان المسلمين تم بمنزل المشير بالزيتون كان أقرب الي الاستدعاء منه الي الاجتماع ".
حيث اجتمع عدد من مجلس العسكر بقيادة المشير مع كلا من المرشد العام للجماعه وخيرت الشاطر ومحمد مرسي ومحمود غزلان لمدة ساعه ونصف وكان المشير يتحدث معهم كما يتحدث لجنوده وبانفعال شديد كان كله تهديد ووعيد لدرجة انه قال "انتوا ممكن متروحوش من هنا" وقد أملي عليهم بعض الأوامر ولم يكن لديهم أي إختيار غير الموافقه

وأصدر المشير أوامره للمرشد ولخيرت الشاطر ومحمد مرسي بادءاً حديثه بالقول : مفيش حاجه اسمها سحب ثقه احنا مبنلعبش مع بعض عسكر وحراميه دي بلد ومسئوليه واللي مش عاجبه حيكون لينا معاه تصرف تاني ... ولم يرد احد


ثم تابع قوله : انتوا متفكروش نفسكوا اذكيا ومفيش حاجه اسمها سكتنا له دخل بحماره والتهديد بترشيح رئيس وكلام من ده مرفوض ومحدش يلاعبني


وأردف المشير : ليه انتوا فاكرينا ناس عبيطه عاوزين البرلمان وبعدين تشكلوا الحكومه وبعدين الرئيس - يا حلاوه واحنا نروح نقشر بطاطس - ده اسمه هبل وتطاول وتعدي للحدود واقسم بالله اللي حيتجاوز حدوده انا حوقفه عند حده وشغل البيانات واتهام المحكمه مرفوض وممنوع يتكرر تاني منعا باتا


ثم قال : اللي عاوز يتكلم اهلا وسهلا لكن بيانات ولعب عيال حيكون ردي اعنف مما تتخيلوا ، عاوزين تخدوها نصيحه اعتبروها نصيحه عاوزين تخدوها تهديد انتم احرار وكل واحد عقله في راسه يعرف خلاصه


فحاول المرشد التحدث فرد عليه احد الضباط الحضور : انتظر لما سيادة المشير يكمل اوامره وبعدين حضرتك قول اللي انت عاوزه


وتابع المشير موجهاً حديثه لخيرت الشاطر : وبعدين يا سي خيرت هوه ماكين مش اتفق معاك علي كل حاجه وانت وافقت وبعدين تطلعوا تهللوا وتجري علي قطر عشان يكلموهم


ثم قال : انتوا فاكرين سكاتنا ده ضعف .. لأ تبقوا غلطانين ، وفيه فرق بين الصبر واني اكبر دماغي وبين اني اقدر اوقف كل واحد عند حدوده وخلي بالك الحكم عليك كان بامر والعفو برضه بامر وحاول تحسب امورك كويس


أما الجماعه بتوع المجلس والكتاتني راجل بيسمع الكلام وفاهم الدنيا ماشيه ازاي واتعلموا منه العقل شويه والتركيز


ثم وجه المشير كلامه لغزلان قائلاً : يا دكتور خللي بالك من كلامك قبل ما تقوله المفروض للمتحدث الرسمي يكون بيوزن كلامه مش يرمي دبش ع الناس وتعملنا مشاكل مع الدول ونقعد نلم وراكم بلاوي اما تتكلم عدل اما تقولنا قبل ما تتكلم عشان نقولك تقول ايه انت عارف كام مصري في الامارات وممكن يفنشوهم في لحظه ويرجعولنا يا تري انت اللي حتأكلهم ولا القرضاوي بتاعك .. ركز يا دكتور غزلان في كلامك وبطل تنطيط في المحطات وهرتله مع اللي يسوي واللي ميسواش


عموما انا قلت اللي عندي مستني الرد


فصمت الجميع


وتكلم المرشد : انا عمري ما كنت اتصور ان اسلوب الحديث من سيادتك يكون بالطريقه دي انا حاسس اني قدام امن الدوله


قاطعه المشير : واضح ان انت عاوز تلف وتدور انا قلت اللي عندي واعتبره امر مش رجاء وده اخر كلام


فرد المرشد : مادام سيادتك شايف إنه أمر وأخر كلام يبقي إحنا جايين نبصم علي إعتراف


يقاطعه المشير : واضح إن مفيش معاكم فايده والكلام بالذوق والإحترام مبيتفهمش عموما الاجتماع انتهي وانتم احرار


وينصرف المشير تاركا الباقي في الصالون فيتدخل احد الضباط للحوار معهم قائلاً


السيد المشير عمري ما شفته زعلان بالطريقه دي دا راجل كلمته واحده ومبيطولش في الكلام وانا عاوز رد ابلغه لسيادته قبل ما تنصرفوا


فرد المرشد : عموما إحنا عاوزين وقت نفكر عشان يكون ردنا سليم ونرجع لمجلس شوري الجماعه


الضابط - وغالبا هو اللواء العصار - رد : لا الرد حالا ويا ابيض يا اسود وعليه حيتحدد الموقف وطريقة التعامل ولازم ابلغ سيادة المشير بردكم


المرشد : هل ممكن عشر دقايق نتشاور


العصار : اتفضل


تشاور المرشد مع باقي جماعته وعاد للعصار : بلَّغ سيادة المشير ان احنا موافقين علي طلبات سيادته بس يدينا فرصه عشان نقنع باقي اعضاء الجماعه وخصوصا الشباب ونحاول نجيبها بالراحه


العصار : يعني ابلغ سيادة المشير بالكلام ده

المرشد : اتفضل وياريت ابلغه انا بنفسي


ينصرف العصار ويعود ليخاطب المرشد : سيادة المشير مشغول وبيشكركم جميعا وبيعتبر تعهدك ده عقد مكتوب وممكن يكون لينا كلام وقت تاني


وينصرف المرشد وهو في ذهول هو ومن معه

تعليق العقيد عمر عفيفى :- الكثيرون سيسالون وكيف عرف عمر عفيفي نص الحوار بهذه الدقه ، الاجابه بسيطه ولكن في وقتها ستعرفون كل شئ


وقد علق عمر عفيفي علي هذا الحوار ان الأيام القادمة هى الكفيلة فقط بتأكيد صحة هذا الكلام من خطأه ،، ولو إختار الإخوان الوقوف فى وجه العسكر فعلاً فعليهم أن يعلنوا للأمة نص هذا الحوار وإعادة اللُّحمة الوطنية مع كل الأطياف السياسية .. ونحن لها
142
اخبار متعلقة
السناوى ... الإخوان نافقوا المجلس العسكرى بطريقة منهجية الصحف العالمية : الإخوان المسلمون فى مصر يشككون فى نية العسكرى منظمة اتحاد المحامين تبدا فى الإجراءات القانونية لحل حزب الحرية و العدالة وتطالب بالتحقيق مع قيادات الحزب والاستماع لشهادة المشير غياب كوادر الإخوان و«الحرية والعدالة» عن لقاء المرشد السابق بجامعة سيناء سيف اليزل: المشير لن يخلع زيه العسكرى ليترشح فى انتخابات الرئاسة لقاء بين المشير طنطاوي وقادة الأحزاب لمناقشة الأزمة الراهنة
خلاف حاد بين قيادات الإخوان محمد يوسف : سنقف مع الإخوان ضد العسكرى الحرية والعدالة: ندرس ترشيح أحد قيادات الإخوان على منصب الرئيس كفاية بالفيوم: تعليقات غزلان تدل على غطرسة قيادات الإخوان بعد الثورة الكنيسة الإنجيلية: لقاء الإخوان كان ايجابيا.. ونتطلع لزيارة المرشد المرتقبة بالصور .. الاخوان يوزعون منشورات للتصعيد ضد حكومة الجنزوي والمجلس العسكرى
اسعار السلع الاستراتيجيه
أسعار التجزئة المحلية
مجموعة الخضراوات
مجموعة الفاكهة
مجموعة الأسماك
مجموعة السلع الأساسية
لحوم ودواجن
الألبان ومنتجاتها
حبوب
سكر
أسعار الجملة المحلية
سوق العبور
سوق الحضرة
حلقة السمك
أسعار السلع العالمية
الفاكهة والخضراوات
سلع أخرى

البث المباشر
قناة التحرير
الجزيرة مباشر مصر
ون تي في لايف
قناة سي بي سي
قناة 25 يناير
شفيق: لا وجود ل«موقعة الجمل» والكلام عنها «تهجيس».. والشعب لم يسقطني ولكنها قلة ب«التحرير»! أمين مساعد الحرية والعدالة يرد على “العسكري”: ثورة يناير ليست انقلاب 1952.. وعقارب الساعة لا تعود للوراء الإخوان يعلنون التعبئة.. وينقلون المعركة إلى الميدان «شفيق»: مش هنلاقي «رغيف العيش» بعد 6 أشهر.. ومصر تحتاج «لاعبًا محترفًا» علاء الأسواني يكتب: لكم دستوركم ولنا الثورة البلتاجي: علينا كإخوان الاعتراف بالأخطاء التي أبعدت القوى الثورية عنا.. وأرفض ترشح قيادات الجماعة للرئاسة النجار: أنباء مؤكدة عن أحكام قضائية بحل اللجنة التأسيسية خلال أيام الحرية والعدالة: الشعب كان يعرف حين انتخبنا أن البرلمان سيشكل التأسيسية صفحات اخوانية تصعد ضد العسكري وتنشر خبر محاكمة رئيس الأركان التركي على هاشتاج سامي عنان باسم يوسف: كان بودي أنزل الميدان ضد الجيش لكن خايف من قانون تحريم التظاهر اللي عمله البرلمان
أصدقائك يفضلون
أخر الأخبار
طلاب الإخوان بجامعة الأزهر يتظاهرون للمطالبة بإقالة حكومة الجنزوري
اتحاد النقابات المستقلة: يسقط الدستور المعد سلفاً ولجنته المعلبة قسراً
- الخارجية: لن يتحقق الأمن في حالة حيازة أى من دول العالم السلاح النووى
- محام يطالب بتعديل قانون الخلع وليس الغائه..ليبيح استئناف الحكم
- للمرة الاولى سوزان وخديجة وهايدي يزورون جمال وعلاء بملحق طره
مجهولون يقتحمون مبنى المدينة الجامعية بحلوان
إعادة فتح منفذ مساعد الليبي أمام حركة الركاب
انهيار لجنة الدستور .. المشير يتدخل
بي إم دبليو تسحب أكثر من مليون سيارة بالأسواق العالمية بسبب عيب فيها
رجل أعمال يتهم مدير أمن ومحافظ سابقين بالتحريض على قتل عامل