45 دقيقة

عنوان الحلقة واهم ما جاء بها :ماذا يطلب المصريون من رئيسهم القادم
الاعداد : سكينه حمدى اسماعيل
محمد سليمان : اهلابكم مشاهدينا الاعزاء وحلقة جديدة من برنامج 45 دقيقة على القناة الثانية نناقش عدة موضوعات فى صلب موضوع السياسة والاقتصاد نرطح مسالة ترشح الرئيس القادم للانتخابات الرئاسية اكبر التجمعات مدينة 6 اكتوبر هذه التجمعات السكنية التى تستوعب العديد من الكتل السكنية لقطاع الصناعة لدفع عجلة الاقتصاد الى الامام عدة موضوعات نطرحها فى 45 دقيقة معنافى الاستديو الدكتور رشاد عبد رئيس كلية الدراسات الاقتصادية اهلا بسيادتك
الدكتور / رشاد عبده : اهلا وسهلا
محمد سليمان : استحقاق خارطة المستقبل انشاء الله مع ما تمر به مصر والوضع السياسى الراهن ما بين الاستفتاء وانتخابات رئاسية ولكن نعول كثيرا على الانتخابات التى تترجم فى الناحية الاقتصادية والعائد على المواطن المصرى كيف تراها من وجهة نظرك
الدكتور / رشاد عبده : فى مقولة بتقول ان السياسة والاقتصاد وجهين لعملة واحدة وبالتالى هل خارطة الطريق اللى بدات من حوالى اسبوع واستطاعت ان تصل الى النسبة العالية الاسكور وبالتالى نقدر نقول احناعلى طريق ا لديمقراطية على طريق دولة القانون على طريق دولة المؤسسات لكن لما سؤلت الامور هتنتظم وتنطلق قلت لهم لأ لان لازالت حالة الفوضى فى الشارع المصرى عالية لان الاخوان وغيرهم من تيار الاسلام السياسى استخدموا الموقف وحرقوا كنائس وولعواهما تصوروا الناس دول ان دى خطة عشان يعوقوا التنمية فى مصر انت النهاردة الدخل اولا من السياحة الاستثمارات ثم تحويلات المصريين بالخارج والتصدير وقناة السويس مصادر الدخل بنسميها فى علم السياسة منابع الدخل والتمويل هو يلعب على هذا المحور ويبعث رسالة للخارج بلاش تيجوا عشان الامن فى مصر مش مستقر العملة الاجنبية هتقل وهو متصور فى يوم من الايام الحكومة مش هتلاقى فلوس تجيب قمح ولا توفر عيش للشعب المصرى تلاقى الناس تقوم بثورة على الثورة وفى مرحلة الثورة والفوضى الجديدة هتلاقى هم اول ناس على الكرسى ده ما حدث فى 25 يناير مفيش قوى منظمة على الساحة وبالتالى هما كانوا منظمين وكانوا قوة منظمة للبقاء على الكراسى واستغلت الموقف واستعانت بالاهل والعشيرة مكنش عندهم خبرات فلم يستطيعوا ان يديروا المسالة الاقتصادية فتخلوفوا وظهرت المصائب السلبية اللى خلت زى تمرد او اى حته غير تمرد مجرد ينزلوا فى الشوارع ينزلوا فى الشوارع لان الناس وصولوا انهم مش فاهمين حاجة غلاء الاسعار مشكلة البطالة المديونية متاخرة جدا عجز الموازنة وصل 12% ميديونيك وصلت لاكثر من 1800 مليار شئ مرعب هم حاولوا يعيدوا الكرة تانى بيدأوا يخلقوا ازمات حتى فى وبالتالى الناس تقوم بثورة على الثورة فى مرحلة الفوضى هما يبقى عندهم فرصة اكثر تنظيما تمتد فى الاحزاب اللى اتشكلت قبل الثورة او بعد الثورة ده اللى بيلعبوا عليه النهاردة وبالتالى استغلال خارطة الطريق وبالدرجة الاولى انتخابات الرئاسة اللى بتعتبر الاهم خلاص بقى متشكر تضرب بيد من حديد على كل من يخرج عن القانون وبالتالى انتهت اتحسمت يبتدى الاستقرار تبتدى السياحة تيجى بيشتغل فيها كام واحد 5.5 مليوا مواطن 2.5 بشكل مباشر و3 بشكل مباشر هتشتغل هتجيب لى اقتصاد زيادة مشروعات جديدة مصانع جديدة فرص عمل جديدة امكانية التصدى فعليا لمشكلة البطالة فى الاسواق عرض وطلب الاسعار تستقر ارادات الدولة تزيد تحسن الخدمات خارطة الطريق خطوة على الطريق هنكملة ولازم نكملة لازم يكون فى دوائر للارهاب لسرعة الحسم خاصة ان العلم اختلف فى شرائط فديوهات وصورولذلك لما جه بتوع 6 ابريل قالوا فيديوهات اهى بيضربوا ضباط اللى امن مصر اللى هبة مصر منهم وبالتالى القاضى اخذ حكم الشريعة علشان تبقى رسالة لمن يفكر انه يروع الشعب المصرى ابناءة الشعب المصرى فضل يخرب يخرب يخرب فلابد من تصدى فعلى وبسرعة
محمد سليمان : دولة القانون لابد ان تعود وبسرعة
الدكتور / رشاد عبده : والحسم
محمد سليمان : لعودة الامن الغذائى وجلب الاستثمارات والعملة الاجنبية وتشغيل الشباب من ضمن المسالة التى تؤكد على دولة القانون مسالة محاكمة الرئيس المعزول محمد مرسى تاجيل القضية المتعلقة بقصرالاتحادية كيف ترى تاكيد دولة القانون من خلال هذه المحاكمة
الدكتور / رشاد عبده : هى بتبعث لمصر رسالة مهمة قوى وياريت فى الفترة الجاية مقيش كبير ولا صغير مفيش غنى ولا فقير مفيش مواطن على راسة ريشة ومواطن تانى غلبان من يخطئ يحاسب فده يخلى النا س تبقى مطمنه انا دخلت معاك فى خصومة وليا حق معاك هاخذه النهاردة اكبر راس فى الدولة بتتحاسب اى حد بيخطئ بيتحاسب بالقانون ودولة المؤسسات
محمد سليمان : هذا القانون فعل بعد ثورة 25 يناير وتم التاكيد عليه بعد ثورة 30 يونيو لكن ربما المسالة تاخذ وقت فى انتخابات رئاسية وبرلمانية ربما هذا الطموح
الدكتور / رشاد عبده : عشان كده قلت انا باؤكد ضرورة تخصيص دوائر لمكافحة الارهاب عشان سرعة الحسم لم يفكر ان يروع المواطنين المصريين عشان الكل يدرك ويثق ان الراجل ده كان معايا فى مظاهرة وقتل ضابط او امين شرطة اواى حاجة حرق مبنى فاذا به يتعاقب النهاردة اخيرا الحمد لله رئيس جمهوريتنا المحترم قال سرعة الحسم فى منازعاتنا القضائية انما لما تقولى محاكمة لها 15 سنة و10 سنين 3سنين وسنتين ما ينفعش مصر بدات تخصص دوائر للبت فى العمليات الارهابية وبالتالى ارجو ان يكون لده صدى سريع فى الشارع المصرى زى ما عايزين فى اليومين الجايين حكم العسكر والكلام الفارغ اللى ملوش لازمة ده اى مواطن بيدى لمصر بيعلى شان مصر اقول له اهلا بيك اللى عايز اقولة نعلى مصلحة مصر من اى مصلحة ذاتية لاى مواطن اى ما ان كان
محمد سليمان : على ذكر المواطن المصرى واعلاء مصلحة مصر مع هذه الترجمة لاراء المواطنين المختلفة حول استحقاقات خارطة المستقبل التى نعول عليها الفترة القادمة وان ثورة 25 يناير ازاحت الرئيس الاسبق مبارك وثورة 30يونيو عزلت محمد مرسى نتابع اراء المشاهدين ونعود مرة اخرى
مذيع : تترقب مصر رئيسها القادم فى مرحلة من اصعب مراحلها ماذا يطلب المصريون من رئيسهم القادم
مواطن : التعليم تعليم مفيش والصحة كمان
مواطن : نحس ان فى متوفرة لقمة العيش والعلاج ونعيش حياة كريمة
مواطن : عايزين اطفلنا اللى طالعين يلاقوا لقمة ياكلوها
مواطن : الحسم والمتابعة
مواطن : كل اللى خرج للثورة كان خارج عشان لقمة العيش والحرية والاصلاحات ويشتغل اقتصاد مش سياسة
مذيع : شباب كلهم امل فى غدا افضل مصرون على تحقيق ثورتهم
مواطن : عايزين ننتقل لمرحلة تنفيذ سياسى وبرلمانى ودستورى ونشتغل
مواطن : عايز الدم يقف والناس كلها تبقى واحد ما اقتلش اخوياواخويا يقتلنى ما ينفعش احنا وصلنا لمرحلة الدم عاوزين مرحلة نقف لحد كده ونشوف رئيس جديد ننتخب ونشوف هنعمل ايه
مواطن : عايزين رئيس يعدل بين الناس بارفض العنف والظلم وسفك الدماء
مواطنة : اهم حاجة ما يقسمش ما بين حد يوحد المصريين
مواطن : عايزين نعيش فى امان والناس وحال البلد يتصلح
مواطن : الاول كان الكل ايد واحدة والكل قلب واحد دلوقتى كل واحد المطالب مش عارفين ده عايز ايه وده عايز ايه
مذيع : ثورة الخامس والعشرين من يناير وال30 من يونيو هو خارطة الطريق للرئيس القادم لتحقيق مطالب المصريين واحلامهم
محمد سليمان : بعد الانتهاء الفقرة الخاصة بالاقتصاد يسعدنى ان التقى بالاستاذ رشاد عبده رئيس قسم الدراسات الاقتصادية والاستراتيجية و رئيس المنتدى الاقتصادى فى مصر دكتور رشاد دخلنا لمصريين حسهم الوطنى يعبرون عما نتناولة نحن فى الاعلام
الدكتور / رشاد عبده : بيقولوا بيدشوا كلام كتير قوى وملوش معنى
محمد سليمان : بيقولوا عيش حرية عدالة امان ولكن فى التقرير احد المواطنين قال مش عايزين نشتغل سياسة عايزين نشتغل اقتصاد لكن التقرير عنوانة ماذا يطلب المصريون من رئيسهم القادم الدكتور رشاد عبده رئيس اللجنة الاقتصادية ماذا يطلب من الرئيس القادم
الدكتور / رشاد عبده : 1- لازم يحقق الامن لان هو اللى هيجيب لى السائح هيجيب لى المستثمر 2- لابد ان يختار بكفاءة عالية جدا فريق العمل المعاون لان هو اللى هيحط السياسات هو اللى هينقل مصر سنة 79 كان فى الصين طلع الرئيس قال لقد ان الاوان ان يحلم المواطن الصينى بالغناء غناء ايه ياعم دا احنا بنشتغل طول اليوم لابسين بدلة موحدة قال هنفتتح على الغرب قال ايه والبنى ما تقولش لون القط ده ابيض والا اسود قال ايه هو بيعرف يصطاد الفيران بكفاءة والا لأ هيجيب استثمارات وهشغل المجتمع وعمل حاجة كويسة قوى راح جاب المهندس اللى عمل الثورة الصناعية الكبيرة فى ماليزيا وجابوا مستشار له اقتصادى وبدأ ياخذ خطوات واسعة جدا حسن اختيار فريق العمل الفترة الجاية د. حازم الببلاوى خلى الناس متدفعش مصاريف المدارس ده اجراءات عايزين سياسات ثابتة دائمة ده يطمن المستثمر مش خايف من بكرة فى مثال جميل قوى فى امريكا اكبر حزب الحزب الديمقراطى شعارة ايه اسف الحمار.. الحمار اه الحمارليه لان لما بدات امريكا النهاردة مكنش لسه فى طرق ولا فى خدمات ولا فى عربيات الحمار هو اللى بينقل هو اللى بيشتغل هو اللى بيشيل الهرى ده كله فرفعوه وخلوه شعار بتعهم لما الثورة تقدمت واخترعوا الطائرات والصواريخ وثورة المعرفة وووا مغيروش الشعار فضلوا الناس يحافظوا على حاجاتهم ولذلك محتاجين ناس محترمة فاهمةعلى دراية بجانب التطبيق العلمى والعملى معا نماذج سواء بره او جوه
محمد سليمان : هل دهيؤدى ان احنا نستعين زى ما حدث فى ماليزيا
الدكتور / رشاد عبده : عشان كده عايز فريق عمل من الخبراء المصريين لهم نجاحات محققة فى الخارج وما اكثرهم كنت فى امريكا باحضر مؤتمر فزوروا اغلى واعلى جامعة فى امريكا جامعة ولاد الناس يعنى مش اى حد يخشها
محمد سليمان : نعم
الدكتور / رشاد عبده : حاجة وهم يعنى واحنا بنتغدى جلنا رجل محترم قال لى من فضلك رئيس الجامعة عايزك تتفضل كان قاعد معايا راجل وكذا حد فقلت له بعد الغداء هشوفة راح جاى بنفسة رئيس الجامعة فقال ايه يا عشان انت مصر قلت له المواطن المصرى كله واحد ايه قلت له مش معقول اسيب الناس فى الغدا واجيلك والا عشان انت مصرى انامصرى وانت مصرى رئيس اكبر جامعة فى امريكا مصرى المديرين مصريين 6 من رؤساء الاقسام مصريين
محمد سليمان : على ذكر انت مصرى هنامن يدعى ان اللى بيطلع ربره ربما هناك عائد يزغلل الاعين عائد مادى كبير يترجم لهذا العمل والفريق المصرى ربما يحصل على الجنسية والاقامة الاستعانة بخبراء كفاءة فريدة من نوعها لابد ان يكون اجر مناسب هل هذا يتحقق على صخرة اللحد الاقصى الموضوع الان
الدكتور / رشاد عبده : وانا مع المرجل قلت له اسالك سؤال صغير قلت له احنا فى فترة محتاجينك فى مصر تقول لأ او اه قال انت فاكر ايه دى بلدى امى بهذا النص هه يارجالة تروحوا مصر فا قلت له بس مفيش الرفاهية قالى يا عمى الرفاهية حققناها والبرسيج حققناه الناس دى تشتغل ببلاش التحدى انى ازاى اجيب الكوادر دى ازاى اجيب الناس اللى نجحت بره يعنى مثلا ايه الاقى المغرب عملت خصومة مع المانيا فى مشروع ب 500 مليار يورو اللى عمل المشروع ده مصرى طب ما انا اولى مصر كلها مناطق صحراوية عندها الشمس طول السنة عايز الكلام ده كله تجيب الكفاءات دى وتعمل النقلة دى تانى يوم ما مسك مصرى وكان معايا رئيس اللجنة الاقتصادية فا بيقولى انا مبحبش مرسى وما بحبش الاخوان خلتنى اندم انك بينت مين فريق العمل بتاعك لو استعنت بالاهل والعشيرة عليه العوض ومنه العوض لو جبت لى كوادر محترمة من بره ومن جوا عشان ايا من كان رئيس الجمهورية جاى لازم يتعين بفريق عمل محترم يتبع سياسات ثابته وواضحة عمل على الخلاص من الفساد الروتين جذب الاستثمار والمستثمرين ويدى لهم ضمانات يخلى المواطن عنده حالة من حالات الابداع عايزينة يبدع مش عايزين ليس فى الامكان ا بدع مما كان لأ هنقول الاولوية فى ايه مفيش حاجة اسمها الاولوية فى ايه كله ينهض بتاع الزراعة غير بتاع التجارة غير بتاع الصناعة الكل لازم يبدع ولازم يبقى فى مسالة اذا ما قدرش يعمل ولازم يقول لى خطتى اهى المعلنة واتباعة واشوف تقديراته ازاى عشان ما يجيش رئيس يقولى باذن الله على سنة 2050هخلى الانتاج اد ده عشر مرات سنة ايه يا حبيبى انت عارف يعنى ايه سنة 2050 مش عايزين الكلام الفارغ بقى دوت عايزين تيجى تقولى انا هاجى وفريق العمل اللى معايا مين اقدر احقق ايه ناسى اهى فريق عملى اهو حاسبنى على هذا الكلام بشكل جدول زمنى سنة احقق ايه 5 سنين احقق ايه وسلم عشان مجيش اقول انا مليش دعوة بالراجل الاولانى اقوله مفيش حاجة اسمها من اول وجديد لابد من دولة مؤسسات زى ما بنقول يبقى السياسات شئ مهم جدا مش الكفاءة اجراءات لابد يبقى فى حوار مع المجتمع مستويين اقليمى وسياسى عشان كيف يمكن وضع خطة وان نضاعف الخطة كل خمس سنين ومصر قادرة على عمل ذلك وفى نفس الوقت بطلوا ان نخون بعض ونعمل من فضلوكوا مصر واعلاء شان مصر فوق كل اعتبار انسى نفسك انسى ذات مصر هى الاساس هى الكبيرة هى اللى بتعمل لك كل حاجة
محمد سليمان : من خلال هذا الاداء السياسى لابد ان نؤكد على الاداء الادارى للدولة هناك تقرير للزميل محمود على يرصد اداء المواطنين فى الاداء الاقتصادى نتابعة ونعود لاستكمال البرنامج مع ضيفنا
فاصل
تقرير :
مواطن : مصر مليانة خير بثرواتها بالماجر والمناجم والثروات المعدنية
مواطن : حتى الاراضى الصحراوية قابلة للاستصلاح وعندنا مخزون مياة جوفية
مواطن : عندى الثروات الطبيعية فى سينا لكن ما بنستخدمهاش رمال تتحول الى زجاج
مواطن : احنا بنستور الزجاج من بره وعندنا رمال فى الصحراء كثير عندنا الرمال البيضا وعندنا الرمال السمرا فى كفر الشيخ وبلطيم
مواطن : كل اللى فيها استفادوا ويعيشوا كويس
مواطن : الناس لازم تتكاتف فى هذا الوقت الانتاج وكفايا نوم وكفايا كلام
مواطن : الايد ى العاملة اساس الزراعة واساس كل حاجة لو اهتمينا بالمواطن وتنمية المواطن وبدأنا به هو هنلاقى فى نهضة فى مصر
مواطن : مشرو ع قومى يجمع البلد كلها ببعضها
مواطن : لازم يبقى فى مشروع قومى علشان الشباب كلها تشتغل العمالة كلها تشتغل وكل واحد فى الدولة يعمل
مواطن : لاستغلال مواردنا لازم ايد واحدة ما تنفعش لازم ايدنا فى ايد الحكومة مع الشعب لازم يكون الجيش وكله مع الحكومة
فاصل
محمد سليمان : تابعنا اراء ومقترحات المواطنين بما يتعلق بالاقتصاد المصرى مصر غنية بمواردها وبشعبها العظيم هناك بحران الابيض والاحمر نيل يشق مصر من الشمال الى الجنوب او من الجنوب للشمال لدينا اثار سياحة ربما تمثل ثلث او ثلثنين اثار العالم مصر زراعية فى المقام الاول وجود فلزات ومعادن موجودة دكتور رشاد عبده يعنى حصة مصر حضرتك ذكرت ان الامور تسير بملفات مختلفة السياحة الزراعة
الدكتور / رشاد عبده : نقول ايه هو الاقتصاد الاقتصاد هو الاستغلال الامثل لمواد عندى مجموعة موارد لازم استغلها صح لواستغلتها صح يبقى لعبت اقتصاد صح ما ستغلتهاش صح يبقى ده خارج النطاق وبالتالى البشر اصل عدد السكا ن كبير الصين 1350 مليون بنى ادم زى ما الناس اتكلمت المواد الاولية مع ثروات سينا دى كنز نستثمرها ونحط لها خطط نستعين ببدو سينا هما دول اللى عارفين خباياها السياحة وانا قلت لك ايه كلن فى مجالة بتاع السياحة يشتغل يبقى فى نفس التنسيق انما لازم ادى سعرين بتاع السياحة يشتغل بتاع الزراعة يشتغل الصناعة يشتغل انا مشاكلى 1-2-3-4 ويشكل البرنامج اللى بنسميها كل وزير يجيب افضل الخبراء ويقول لهم تعالوا حطوا لى خطط دى مشاكلى او مشاكل الوزارة او مشاكل مصر فى مجالى وايه هى الحلول العملية القابلة للتطبيق ويصدر مجموعة من التشريعات تزلل العقبات لو ده تم كل القطاعات هتبتدا وهنا بقى اقولك هو انا هخلى قطاع تخلف وقطاع يتقدم اقول لك لأ الكل يتقدم مشكلتنا بعد 25 يناير بعد ثورة 52 قلنا المتقدمين الناس اللى عندهم صناعة وزراعة بعد كده قلنا نعمل ايه عشان نوفر العملة وووا احسن حلول نصنع للتصدير عشان نجيب عملة نغير السياسية عشان نعمل احلال وابدال ثورة يوليو مشيت على نظام التجربة والخطا نجحت نفضل خسرت نرجع اغير المسائلة النهاردة مختلفة النهاردة مصر بقت مختلفة ولذلك زمان الشعب النهاردة بقول لك لو الرئيس اللى جاى غلط هنقول له ده غلط يعنى فى ناس عندها جورئة عارفة مصلحة بلدها اكثر وناس بتقول كفانا بعد 25 يناير اشكال ضالة كثير نطت على الكراسى واتكلموا باسم الثورة فيهم ناس كويسة عايزين الفترة الجاية الكل يدى لمصر لمصلحة مصر لصالح مصر لتقدم مصر لتنمية مصر اللى عايز يتدلع ملوش مكان معايا اللى مش عجباه مصر مع السلامة انما فى الاخر مصر لازم تتقدم كل ده ينعكس على الناس فى الفترة الحالية حققنا معدلات نمو كويسة حكومة نظيف حققت 7.2 بس كانت مشكلة انه كان مركز فى ايد مجموعة من رجال الاعمال واصحاب الثروات الناس محستش به السياسات الجديدة لابد ان تراعى العدالة الاجتماعية تراعى المواطن تحقق التوازن تنقل كل الناس لا تهتم بناس على حساب ناس
محمد سليمان : عشان نامن المواطن هى مسالة بناء العنصر البشرى بالشكل المناسب له فى السادس من اكتوب تسعى الحكومة لانتاج 90 الف وحدة سكنية تستوعب 50% مقارنة بالمدن الاخرى لجمهورية مصر العربية 6 اكتوبر اكبر المدن الجديدة التى تستوعب العمالة نتابع هذا التقريرلنعيم ابراهيم ونعود سريعا
تقرير : احتقالية كبرى اقامها اهالى المنطقة الثانية فى مشروع ابنى بيتك
مواطن : المكان ده من سنتين مكنش فيه حاجة خالص النهاردة المكان فى مدرسة تم افتتاحها وفى حضانة وفى سوق تجارى ووحدة صحية فقلنا لازم نكمل المنظومة نعمل حاجة للشباب عملنا ملعب بالجهود الذاتية وهنعمل مركز شباب لان الرياضة بتقرب الشباب من بعض الحمد لله دى كلها انجازات
د. عمرو عبد السميع : النهاردة فى عرس لجميع من فى ابنى بيتك احنا بنعمل لهم عرس واحتفال بنشاركهم الفرحة وبنجمع الوقفة ما بين ابنى بيتك لبيت واحد
مذيع : وبالتنسيق مع اقسام وزارة ا لداخلية للبدء فى انشاء اقسام للشرطة تضم كل اجزاء المشروع
مواطن : يخصصوا حتة ارض فى المكان هنا ونعمل قسم شرطة وفى قسم شرطة تانى فى منطقة 7و6 بس فى دوريات بتيجى والاهم من ده الساكن او ما بيجى بيسعى بالخير واحنا بنسعى معاه عاوزين يبقى فى تجاوب من السكان انشاء الله لاعمار المكان انشاء الله
مذيع : المشاركون اشادوا بجهود الجهاز واهمية المناطق العمرانية الجديدة لكن المنتفعين من المشروع طالبوا بالمزيد
الكابتن خالد ياسين : المفروض ان احنا نهتم ان احنا نعمر الصحراء لان الموضوع بقى صعب جدا لان احنا كلنا عايشين فى حته اد كده سايبين مصر بلد كبيرة فيها اماكن كثيرة احنا محتاجين ان احنا نقرب منها ان احنا نعمرها بشكل احسن من كده
مواطن : شايف باسم الله ماشاء الله المنطقة بتتحسن عن من قبل كده
مواطن : وزير الصحة بيسعى لتشغيل الوحدة الصحية لان اقرب وحدة صحية بتبعد حوالى 20 كيلوا عشان نخش مدينة 6 اكتوبر
مواطن : دى دعوة لكل الناس اللى عندهم بيت هنا اقول لهم تعالى انزل هنا وشوف المنطقة بقت عمله ازاى
مذيع : هذه دعوة لكل المنتفعين من المشروع للمشاركة فى اعمال ورسم بسمة امل على وجوهم ابناءهم فى عهد باتوا يحلمون به لسنوات طوال
محمد سليمان : بعد متابعة التقرير مشروع ابنى بيتك فى السادس من اكتوبر تؤكد على ان المجتمعات الجديدة خطوة لانطلاق الصناعة المختلفة او المجتمعات المخلفة سواء الزراعية او الصناعية او ا لسياحية نواه للانتقال ودفع عجلة الاقتصاد الى الامام دكتور شاد عبده كيف تؤكد على تجاوب الحكومة ودور المواطن على انه يشعر بالمواطنة من خلال السكن فى المجتمعات الجديدة لكى يعطى اكثر
الدكتور / رشاد عبده : المواطن عايز السكن لانه مسالة مهمة الحكومات بتلعب دور كبير جدا اجمل حاجة ان انا احول هذه المنطقة الى اشعاع حضارى ابنى جنبها مصنع جنبها مركز شباب جنبيها مركز ثقافى كل الكلام ده منظومة متكاملة بس العيب اللى فى الدستور اهتم قوى وزود ميزانية التعليم والصحة والبحث العلمى مطلوب بدل ما كل شوية نقول نتقشف لأ عاوزين نزود الانتاج عاوزين نزود الايرادات عاوزين نزود مستوى المعيشة كل ده هينعكس علينا وهنبقى سعداء اكثر
محمد سليمان : انشاء الله هذه طموحات وامال يريدها كل الشعب المصرى بما يتعلق بالامن والامان الوظيفة المناسبة والسكن المناسب عشان ندفع عجلة الاقتصاد وندفع الروح المعنوية للشخص المصرى الذى قامت من اجلة ثورة 25 يناير وثورة 30 يونيو لا يسعنا الا ان نشكر ضيفى الدكتور رشاد عبده رئيس المنتدى المصرى للدراسات الاقتصادية والسياسية