سحر ناجي: اهلا بكم في مساحة للراي بنتناول فيه هموم ومشاكل الناس التي لا تنتهي الحديث عنها في المقاهي والاتوبيسات و الفاحين في الغيطان او حتى في البيوت التي اصبحت زاحفة على المزروعات ولكن القاسم هو ارتفاع الاسعار وخاصة اسعار الخضر المواطن بس مهموم بتدابير اموره اليومية ومهموم بالمستقبل واعتقد ان احاديثه عن الدستور والحياة السياسية وخوفه من سيطرة ونزعة الزعامة وحب المنصب وهل يكون مصير الجمعية التاسيسية هو نفس مصير مجلس الشعب الذي تاكد الجميع انه باطل الخوف من انه الجمعية تكون مهددة بالبطلان نفتح النقاش مع الكاتب الصحفي الاستاذ محمد علي خير ارحب بحضرتك معانا .. استاذ محمد الحقيقة من اللافت للنظر في صحيفة الحرية والعدالة بتقول المواطن تحت حصار الاسعار كل الناس دلوقت بتشتكي من ارتفاع الاسعار والخوف من ارتفاع اكتر للاسعار .. تصريحات متضاربة بنسمع عنها والدعم عن الوقود او ازالة الدعم عن الوقود ممكن يؤثر ذلك على ارتفاع اشياء كثيرة مازالت غير مرتفعة زي اسعار المدارس وحاجات تانية كتير الكاتب الصحفي .محمد علي خير: خلينا نبدا من البداية هذه الحكومة تولت السلطة منذ شهر تقريبا هل استطيع ان احملها مسئولية مايجري لا لكن احملها مسئولية ايجاد حلول لما يحدث الان من ارتفاع اسعار انا لن احملك مسئولية ارتفاع الاسعار لكن ساحملك مسئولية ايجاد وسائل في كل جهة لتقنين الاسعار والناحية التانية هي فكرة الاسعار نستطيع ان نعطي عينات من الاسعار مثلا الفاصوليا بلغ متوسطه الايام الماضية 12 جنيه والفراخ البيضة ب11 جنيه ومتوسط سعر كيلة البامية 10 جنيه يبقى دا مشكلة المشاكل المواطن هتعامل ازاي الطماطم المفروض ب7 جنيه بيلجأ بعض الفقراء الان الى انهم ياخدوا الجوافة ويشيلوا منها البذر ويعصروها ويخلطوها بحبايتين طماطم عشان يعملوا حاجة ما يشبه التسبيكة دا برضه امر غير طبيعي متوسط حساب وجبة لاسرة مكونة من زوج وزوجة و3 ابناء انا كنت مع خبير زراعي كبير عملنا متوسط بلغ 51 جنيه ونص الحد الادنى لوجبة اللي هو كيلو خضار متوسطه 6 جنيه ونص كيلو لحمة او كيلو فراخ ادي 25 جنيه و2 جنيه للبصل والتوم والحاجات دي وصلت 51 جنيه في وجبة الغدا سحر ناجي: يوميا الكاتب الصحفي .محمد علي خير: يقعد 30 يوم يبقى 1500 علما بان العشا .. الحكومة عليها انها ترتعب ويكون عندها حالة هلع مما يحدث في السوق ورئيس الدولة لازم يكلم الوزارة ويتابع المشكلة دي يوم بيوم لان احنا في دولة فرعونية اذا الحاكم فيها لم يتابع الاداء اليومي او اللحظي لكبار المسئولين في الدولة بيكبروا دماغهم نيجي بقى لما تعرفي ان سعر كيلو الفاصوليا من سوق العبور مثلا من 4.5 الى 5.5 ولما يوصل للمستهلك ب12 جنيه ببقى فيه من 7 جنيه الى 8 جنيه دا بياخدها البسطاء تاجر الجملة بيسلم الى تاجر التجزئة ومن تاجر تجزئة الى تاجر تجزئة تاني ثم اى البقال او البياع او السوبر ماركت .. دا فرق كبير جدا طيب الحكومات بتعمل ايه في حالات زي كده..؟ كان عندنا حاجة اسمها المجمعات الاستهلاكية لما انا بذكر سعر الجملة في سوق العبور من 4 الى 5 جنيه واحسبي ان تاجر الجملة بيبيعه كده وهو كسبان وهو واخده ب2.5 طيب ازاي يكون في الغيط ب2.5 ويوصلي ب12 دي بقى نضربها اننا نعمل منافذ للدولة تابعة للحكومة عن طريق مجمعات استهلاكية ودا كان موجود بس جرى تحويله خلال السنوات القليلة الماضية خلوها تحت عباءة حاجة اسمها شركة قابضة واول ماتسمعي كلمة شركة قابضة يبقى دي شركة تهدف الى الربح واسعارها هتبقى تقترب من الاسعار اللي موجودة انما الاصل ان الحكومة بتاخد دا من الموردين ليها وبهامش ربح اللي هو يغطي هتلاقي السعر لو كان في الغيط 2.5 تقدري تاخديه انت ب5 جنيه لكن مش ب12 انت كده بتتدخلي كحكومة بتعملي رمانة ميزان للاسعار في السوق لما انت كمان كمستهلكة ايه اللي يوديكي السوق وانت عندك مجمع استهلاكي ب5 جنيه والخضار والفاكهة مواد غذائية تفسد بسرعة فالتاجر مجبر انه يبيعها ويخفض السعر فهتلاقي كل التجار والسوبر ماركت الكبيرة يجيلك في اخر اليوم يعمل تخفيض عشان عايز يخلص من اللي عنده سحر ناجي: عفوا يعني هل الحكومة يخفى عليها هذا الحل الكاتب الصحفي .محمد علي خير: عندنا الحلول تتسم بالبيروقراطية عبر 7 الاف سنة يعني نلاقي الوزير بيشكل لجان ..لا.. دي حاجات فورية من الرئيس او من رئيس الوزرا فورا روح اعمل كذا سحر ناجي: طيب ومفتشين الرقابة مش فيه جمعية بتقول ان دي سعرها كذا في الرقابة الكاتب الصحفي .محمد علي خير: الفساد لايزال من الاجهزة اللي المفروض انها تتابع او تراقب دا اللي احنا بنلاقيه مثلا خلال السنة ونص منها عمليات البنا اللي تمت بشكل عشوائي وادوار ويسرقوا الكهربا والانارة من اعمدة الانارة اذا كنت انت تروحي الوحدة المحلية والمجلس المحلي يقوم عاملك مخالفة وتروحي تتراضي بقرشين مع الراجل فدا لا يزال موجود ولكن الدولة لماذا لا تنتفض اللي بيحصل دا انا اذكر في اواخر السبعينات كان ارتفع سعر كيلو الفراخ وكان وزير التموين اياميها الله يرحمه كان احمد نوح كان وزير التموين والحكومة قامت عملت اجتماعات رئيس الجمهورية وقتها السادات كان متضايق لفكرة الاجتماعات اللي عمالة تتعمل قاله يا احمد يانوح احنا دلوقت في موسم والبلاد في اوربا ما بياكلوش اللحوم والدواجن وكده فهتلاقي اسعارها منخفضة جدا والشحنة دي لما جت ادت الى تخفيض الاسعار في السوق المصري فانت محتاجة يكون عندك مسئول يكون عنده رؤية ازاي يقدر يلاعب التجار مافيا التجار مافيا غير عادية وهي اللي بتحدد الاسعار ولا يزال فيها الفساد والمافيا اللي بيقول ان سعر الحاجة 12 جنيه دي غرف تجارية للحاصلات الزراعية مافيا بالكامل سحر ناجي: طيب خلينا نتكلم عن الدعم والابقاء عليه عن السيارات الفارهة او المدارس الخاصة والاتوبيسات السياحية مما نسمع من تصريحات متضاربة نتكلم عن هذا الموضوع بعد الفاصل تقرير عما جاءت به صحيفة اليوم فاصل المواطن تحت غلاء الاسعار ملف خاص يشير الى ان الغلاء هو حديث الساعة ولم يعد هناك فارق كبير بين غني وفقير الكل يشكو ويعاني ويطالب بحل سريع لارتفاع الاسعار الجنوني الذي طال كل شئ وعن المواد المتعلقة بحرية التعبير والصحافة يقول الدكتور وحيد عبد المجيد القراءة الاولى لباب الحقوق والواجبات والحريات العامة افضل مقارنة بالقراءة خاصة فيما يتعلق بالصحافة والاعلام مكرم محمد احمد يقول كان الامل ان تاتي مواد الدستور المتعلقة بحرية الراي والصحافة متقدمة عن المواد التي صاغها دستور 71 خاصة وان الدستور الجديد يعبر عن ثورة اهم مكتسباتها اعتبار المساس بحرية الراي خط احمر وفي حوار صحفي يطالب المستشار حسين ياسين رئيس محكمة استئناف المنصورة باجدراء مصالحة وطنية لما قبل صياغة الدستور وجدي زين اعابدين في الوفد يقول ان ححلم المصريين هي مصر الديموقراطية ينقصه الكثير والاهم بناء دولة المؤسسات التي تحفظ للمصريين عزهم وادميتهم يؤكد خيري رمضان ان هناك حالة عامة من التوهان وان اغلب الناس غير سعداء والامر لا يختلف بين الفقير والغني فالناس تريد ان تعرف مايحدث ولكن الشائعات وفوضى القرارات تسيطر على المسئولين فاصل سحر ناجي: نتوقف عند مقولة الاستاذ خيري رمضان ان هناك حالة عامة من التوهان واغلب الناس غير سعداء سواء كانوا اغنياء او فقراء وان هناك فوضى في القرارات ونتوقف عند الدعم والتصريحات التي تطتالب بالابقاء عليه وتاكيدات بنلاقيها من رئاسة الوزراء بعدم الغاء الدعم على الوقود وفي نفي الوقت بنلاقي بعض التصريحات اللي بتقول انهم عايزين يرفعوا الدعم عن اتوبيسات المدارس الخاصة والاتوبيسات السياحية ومووضع الغاز اللي بالكوبونات حضرتك شايف ان الدعم على بعض المواد البترولية ممكن ان هو يؤثر بالسلب ام بالايجاب هيرؤدي الى زيادة بقية السلع ام لا الكاتب الصحفي .محمد علي خير: بصي قضية الدعم دا قضية معقدة وممكن اقولك لا دا هيولع الدنيا .. المسائل لابد ان تؤخذ بقدر من الهدوء واجمالي ما تخصصه الحكومة من الدعم منتجات الطاقة تحديدا 13 مليار جنيه سنويا دا تقريبا بيقترب من 20 او 25% من الموازنة العامة في الدولة ودا رقم كبير لان باقي الموازنة هي فائدة الدين مش اصل الدين والباقي مرتبات الموظفين ما يتبقاش للحكومة الا 70 او 80 مليار دي علشان تعمل بيه اي كوبري او نفق او اي حاجة وفيه كمان عجز في الموازنة 150 مليار الحكومة بتفكر طيب هحل المشكلة دي ازاي طيب هل هينفع اني احاسب مواطن بيركب اتوبيس نقل عام غير مواطن عنده عربية فارهة العدل بيقول لا طيب نفتت امسالة ازاي استمرار الاسعار بهذا الشكل لا يقل عن الاسعار العالمية دا بيعمل حاجة خطيرة جدا انه بيبقى فيه مافيا لتهريب السولار تحديدا من الخارج من الاردن وسوريا وتركيا بيروح يعدي الحدود للاردن وظباط الاردن عارفة دا ويروح بايعها وواخد الفرق وفيه سماسرة كبيرة جدا حتى ان الحكومة الاردنية اللي هي عارفة ان تهريب بتفرض رسم 7 دولار على كل 100 متر سولار بيتم تهريبه طيب بتعرف ازاي..؟ التريللا وهي داخلة بيكون له وزن وهي خارجة بيكون ليها وزن واللي بيقل تروح ضاربة في 7 وواخدة الرسوم بتاعتها طيب هل من العقل اني استورد ب100 مليون دولار كل اسبوع سولار وبيتم تهريبه للخارج .. طبعا لا.. وزارة المالية عاجزة انها تدبر الفلوس دي احنا بنحتاج 100 مليون دولار كل اسبوع منتجات بترولية والحكومة او وزارة المالية بتوفر 50 مليون بس سحر ناجي: فيه نقطتين هنا عاوزة اتكلم فيهم برضه موضوع الرقابة العربية قبل ما توصل للحدود وبتكلم عن انك توقفها وتعمل ضبط فيه كمان نقطة تانية اتقالت عدم وصول ادعم الى مستحقيه و20% بس اللي بيوصلهم هذا الدعم ودا برضه سوء ادارة من احكومة انها مش عارفة توزع او مش عارفة مين مستحقيه الكاتب الصحفي .محمد علي خير: ناخد منتج زي البنزين 95 يتباع بسعره العالمي في السوق 4.5 او 5 جنيه اللتر على اسا ان صاحب السيارة دا ... وان كان البعض بيرى برضه ان اصحاب المرسيدس يقول لما اجي ارخص للمرور بدفع 5 الاف جنيه ضريبة زائدة لان انا بستهلك بنزين كذا فانت لو عايز تبيع بسعر البنزين العالي ليه تاخد ال5 الاف فدي قضية برضه لازم نفسرها .. نيجي للبنزين ال90 وال92 فيه تصور مقترح اراه جميل وانت رايحة ترخصي عربيتك في المرور بتدفعي مستوسط استهلاك 3 الاف جنيه وتاخدي بيهم كمبيالات ايا كانت الصيغة اللي هتاخدي بيها يديكي كارت ممغنط ومازاد عن الاحتياج لو انت عايزة اكتر من كده فيه ناس عمالة تلف بالعربية 24 ساعة تاخد بسعر السوق اللي هو السعر الحر بالطريقة دي مفيش حد هياخد بنزين او سولار يهربوا برة الحدود لانه سعره هيكون زي السعر العالمي سحر ناجي: سمعنا عن التفكير في ان اتوبيسات المدارس الخاصة والاتوبيسات السياحية يرفع عنها دعم الوقود الكاتب الصحفي .محمد علي خير: انا كولي امر بدفع كل سنة عن ابني مبلغ تافه بالاسعار الحالية اللي هو جنيه وعشرة صاغ اي زيادة هدفع الضعف لانه هنا برضه فيه استغلال لانه اللي بيمشي العربية المفروض انه بيمشي توبيس مدرسة مدعم ب50% هما بيحملوني ال50 % بينما المفروض سعر اللتر دا يقسم على ال50 يعين بدل ماكنت ادفع الف جنيه في السنة ادفع الف ومية مثلا لكن هتلاقيني طبعا في اطار الغوغائية الموجودة في البلد .." ياباشا ما انت عارف السولار بكام" ولازم تدفع الفين يعني اصحاب المدارس الخاصة هيتربحوا مش بالفساد ولكن بارتفاع الاسعار وبالتالي انا محتاج رقابة سحر ناجي: وبالنسبة للسياحة مفيش قدر كافي من السياحة ولا سياح انت عندك دولة منتجة للسياحة وكان مصدر رئيسي للدخل كانت بتعمل قبل الثورة 15 مليار الكاتب الصحفي .محمد علي خير: لا انا عايزك تلتفتي لحاجات اخرى ممكن تعمل حلول احنا مثلا بنستخدم في كل افراننا في المخابز البلدي بنستخدم السولار بينما يمكن توصيل الغاز الى الفرن مثلا تكلفة المخبز بياخد 60 الف جنيه علشان يحول من السولار الى الغاز فيه بنوك تستطيع انها توفر الفلوس دي بفايدة بسيطة فالبنك بيكسب والفرن بيكسب ايضا القاطرات مثلا العشر عربيات بيستخدم سولار ممكن انت تستخدمي قاطرات باستخدام الكهربا بصي لازم تبداي النهاردة يعين في الوقت اللي برفع فيه الدعم عن السولار ببيعه يبقى لازم اغير عندي فرصة مثلا في 5 سنوات ان كل مصر والافران اللي فيها تشتغل بالجاز ان انا امنع التهريب للخارج بقولك شبكة متراكمة ما ينفعش ان انا اقول انا هرفع الدعم واسيب السوق لازم الحكومة يبقى ليها يد قوية في دا اراقب المدارس اللي هتزود الاسعار ومراقبة اسعار السوق والتاجر اللي هيعلي الاعبه بالجمعيات الاستهلاكية ولو حد هيهرب سولار اوقف على الحدود ما يبقاش الوزير او الحكومة واخدة قرار كده دون ان تدرس كل ابعاده حتى ينجح القرار لكن انا مع ان المواطن ياخد بنزين 92 بسعر 185 يعني الف متر تمنهم مثلا الفين جنيه يورد هو وياخد عايز هو بقى بنزين عادي يدفع الفرق والبوتاجاز الكوبونات وزير ابترول جه في وكالة انباء رويتر وقال فيها ان احنا هنوزع كوبونات تبقى كل اسرة تيتهلك متوسط من الى 4 انابيب بوتاجاز في الشهر وهما بيروجوا في وزارة البترول ان تكلفة انبوبة البوتاجاز 67 جنيه وانهم بيدوها للمحل ب2 جنيه وانا متوقف امام الرقم دا ان دولة زي السعودية والكويت هما لا يدعموا انبوبة البوتاجاز متوسط سعر انبوبة البوتاجاز اسالي اي صديق قريب جار متوسطها 16 جنيه طيب ازاي الحكومة بتبيعها بالسعر الحر وانت بتقول ان انبوبة البوتاجاز عندك ب67 جنيه هفترض ان انا هستورد وهفترض ان انا هحط الشحن بس لا يمكن ان يقفز الرقم من 16 الى 67 جنيه دا فرق ضخم جدا يبقى على وزارة البترول وهي بتقول ارقام لانه فيه ناس برضه زي حالاتي بنقعد ندقق في الارقام لان السعر دا ليس السعر الحقيقي اديني بقى انبوبة البوتاجاز واديني الكوبون ن انا ليا انبوبتين بوتاجاز بالاتنين جنيه بس خلي وسيلة ان انا لو محتاج انبوبة بوتاجاز زيادة الاقيها بس بالسعر الي هو 16 جنيه او 20 جنيه لكن ماتجبيش تبيعلي احاجة باضعاف اسعارها لان دا برضه غير عادي ان الحكومة لو ارادت تعمل وتوفرت ارادة سياسية يتم حل تلك المشكلات فورا وبسرعة شديدة جدا اللي هو انا اديت حضرتك عدة بدائل الافران ندخلها غاز والقاطرات نشغلها بالكهربا نمنع تهريب السولار اوفر الدعم للمواطن البسيط سحر ناجي: المواطن ومشاكله اليومية لديه ايضا هموم على المستقبل فيما يخص الدستور وما يجري في الدستور واللجنة التاسيسية وامكانية حلها وسمعنا ايضا عن اجتماع ثلاثي بين السيد عمرو موسى والبرادعي وصباحي مش هقول نوع من التحالف وانما التكتل امام التيار الاخر فيما ترى الجدوى من هذا التكتل وما الذي يمكن ان يؤدي اليه الكاتب الصحفي .محمد علي خير: سيطرة فصيل سياسي ايا كان اسمه منفردا على الساحة السياسية دا بيعيد انتاج نظام مبارك هذا الفصيل سواء كان تيار اسلام سياسي سواء يساري سواء ناصري او ليبرالي .. عندنا في بريطانيا حزب المحافظين وحزب العمال ومريكا فيه الحزب لديموقراطي والحزب الجمهوري يبقى انا عندي قوتين لكن قوة واحدة يبقى انا بعيد انتاج نظام مبارك او ال60 سنة اللي فاتوا سحر ناجي: طيب هل ترى فيما يخص الجمعية التاسيسية والدستور ان مفيش مشكلة ان نبدا تاني من جديد الكاتب الصحفي .محمد علي خير: هو دا بييجي في صورة ان احنا نعيد كل الاشياء من الاول دا وقت ضايع لكن انا رايي ان ما ستنتجه الجمعية من الدستور هو اللي يهمني سحر ناجي: هناك نية للانسحاب اذا سيطرت نزعة ما الكاتب الصحفي .محمد علي خير: ودا حقهم يعني اي جهة من حقها تنسحب ولكن تنسحب بشكل مؤثر يبطل عدد الجمعية انه عدد معين من الاعضاء لكن اعضاء الجمعية التاسيسية لحد النهاردة هما مثلا حاجزين تذاكر طيران وبيقولوا دا على حسابنا عشان يروحوا للمصريين العاملين في الخارج وينقلولهم الدستور طب ماتروحوا لاخوانكم المصريين في الداخل وابداوا اعرضوا انتوا عملتوا يه واعرضوا في وسائل الاعلام والراي العام باب الحريات مثلا هتلاقي بادئين بالعشرة مليون مصري اللي في الداخل والامر في الاخر هيخضع للقضاء ووارد ان يتم حل الجمعية التاسيسية ودا هيبقى للمرة التانية ودا امر هيعرقل حاجات كتيرة انت امام رئيس جمهورية منتخب بدون دستور وخلي بالك ان انتخاب البرلمان القادم مرتبط يعني اذا حل الجمعية وجرى تشكيلها مرة اخرى والسلطة التشريعية لاتزال حتى اليوم بيد رئيس الجمهورية وفي نفس الوقت رئيس الجمهورية منح نفسه يوم 12 اغسطس الحق في اعادة تكوين الجمعية في حال حلها او بطلانها يعني دي كلها معضلات سياسية .. ارى انها تكون من خلال توافق وطني يعني لا ينفرد بيه فصيل لكن نرجع للبداية اللي هي فكرة التحالفات بصراحة دا امر ايجابي جدا علينا كلنا نحييه سحر ناجي: بالنسبة لموضوع باب الحريات هناك حديث من الاستاذ مكرم محمد احمد بيقول ان المساس بالحريات لا ينبغي ان يكون في دستور وهناك اراء بترى الحصار لحرية الصحافة في هذا الدستور الكاتب الصحفي .محمد علي خير: المواد المتعلقة بطبيعة العمل الاعلامي والصحفي واللي قريناها ال48 ساعة اللي فاتوا مواد تدعو للقلق يعني فيه مواد بتقول انها هتعيد الحبس مرة اخرى في قضايا النشر وان الحكم لن يقتصر على معاقبة من كتب فقط .. الحبس في قضايا النشر لا يتعلق بالصحفي فقط وانما يتعلق ايضا بالقارئ بعث رسالة ممكن يعاقب عليها بالحبس سحر ناجي: هل ترى دا من العدل الكاتب الصحفي .محمد علي خير: دا عشان قلت رايي .. الامر التاني هيتم الحبس في قضايا النشر بيهددوا كمان بعقوبة جماعية للمؤسسة وبالتالي اي رئيس تحرير في اي مؤسسة صحفية او اعلامية هيبعد عن الاراء اللي ممكن تعمله مشاكل اللي هو الراي الحر وعايز اذكر القائمين ان اولى شعارات الثورة عيش حرية ازاي انا اقول هذا الراي وبعدين اناقضه هل احنا بنعيد اختراع العجلة يعني كل الدول العريقة في الديموقراطية بتتعامل ازاي مع قضايا الناس ماهو النهاردة لما تحملي صحفي دفع غرامة 50 الف جنيه او مؤسسة مليون جنيه ماهما نفسهم هيحاسبوا لما يكون فيه ادارة قانونية تتعلق بقيم او ثوابت في المجتمع لكن انه يعامل الصحفي مثل قاتل او تاجر مخدرات يتعمل له كعب داير على الاقسام عشان قال راي هل يعقل بعد الثورة وبعد انتخاب رئيس جمهورية منتخب ان يتم العودة الى الحبس في قضايا النشر اللي كان مبارك قبل الثورة اعلن انه سيلغيها سحر ناجي: استاذ محمد علي خير اشكرك على هذا الراي الصريح في العديد من القضايا وغدا ان شاء الله حلقة جديدة من مساحة للراي اشكركم والى اللقاء
