مساحة للرأى

خيرى حسن : مشاهديناالكرام اهلا بكم فى مساحة جديدة للراى
أ.مصباح قطب: النمو اقل من نمو السكان وكان برضه نمو صحى بمعنى من الحاجات الحقيقية اللى هى الصناعة والزراعة وكذا
خيرى حسن : استاذ مصباح يعنى فى خبر بردوا للدكتور ممتاز السعيد مقلق بردوا المطالب الفئوية فوق طاقتنا عجز الموازنة 170 مليار جنية الايرادات الضريبية تتراجع حتى من البترول وقناة السويس والبنك المركزى تعديلات قانون الضرائب على الدخل والمبيعات امام مجلس الوزراء يعنى هل ده مش موضوع مقلق بردوا
أ.مصباح قطب: والله موضوع مفزع يعنى انا يعنى عن نفسى يمكن بعض الناس حتى بيفكروا كده للاسف من اهل اليسار فى بقى حكومة الدكتور مرسى وحزب الحرية والعدالة والجحيم الاقتصادى اللى احنا داخلين عليه ده لكن انا لا افكر بهذه الطريقة الحقيقة
خيرى حسن : لازم نساعده
أ.مصباح قطب: احنا بنساعد نفسنا يعنى هو ما يفرقش معاياهو ولا حزبة لكن احنا بنساعد نفسنا انا بظن ان مصر داخلة فى وضع بالغ الصعوبة واللى بعض الجهات الدولية تدرك ذلك وسايباه بتشجع على ان المسار يمشى فى هذا الطريق لحد ما توصل لنقطة هما عايزينها ايه هى النقطة وانا احب اقولها فى هذا البرنامج يعنى احنامطروح علينا مش موضوع صندوق النقد الدولى 8ر4 مليار دولار نروح لما هو ابعد من ذلك ان احنامصر تصل الى موقف اقتصادى لا تجد فيه مناصا ان هى تروح الى ما يسمى بنادى باريس نادى باريس ده لجأنا اية كان يشكر المشاهدين مرة واحدة وكانت مقايضة قاصية للغاية افقدت مصر دورها العربى تماما انت تروح تحارب مع التحالف اللى كان معمول لضرب العراق لتحطيم العراق عشان تاخد اسقاط لنص المديونية والجدول وحتى الجدولة مستمرة طب يبقى عايزنا احنا ليه البلد بتتكعبل من اطراف خارجية وداخلية عشان توصل الى وضع يقولك ما قدامكش ده غيرة تيجى معانانادى باريس وتشد حيلك معانا واحنا ناويين نضرب ايران باى شكل مش بالضرورة حد مباشرة كده لكن ناويين نعمل عملة مع ايران فاتحط ايدك معانا بقى عشان مقابل اسقاط المديونيات فده ثمن كمان فادح لا يمكن لاى مصرى او اى وطنى عنده وطنية يقبلة يعنى لذلك انا بدعو جميع الاطياف مصر بما فيها وعلى راس القصة فيها حزب الحرية والعدالة ورئيس الوزراء ورئيس الحكومة رئيس الدولة ان يكون لديه من الشجاعة بما يجعلهم اولا يصارحوا الجمهوربطبيعة الوضع اللى موجود وثانيا يقترحوا حلول تنطوى على تحميل عادل للمسئوليات الاغنى يتحمل اكثر والافقريتحمل اقل حتى نخرج من المعمعة دى
خيرى حسن : استاذ مصباح طب دلوقتى احنا ادام ازمات فى مصر بنلمسها كلنا وعايزين نشوف لها حل ازمة السولار ازمة بوتاجاز ازمة بنزين ازمة عيش وهذه الازمات دى هنقعد لامتى ان احناناخد من مخزوننا الاستراتيجى من الدولار يعنى ال400 مليون دولار لاستيراد السولار يعنى المخزون هيخلص
أ.مصباح قطب: ماهو بالتاكيد احنامعدش عندنا طاقة وان كان فى تباطؤ ظن تباطؤ العاجز عن مد قيام وزارة المالية بمد البترول بالدولارات الكافية لاستيراد ما يلزمنا من السولار والبوتاجاز ويمكن المازوت كمان وفى نفس الوقت فى مشاكل فى المصرى اليوم باقولها الموضوع مكنش حد ناقشة قبل كده
خيرى حسن : اه
أ.مصباح قطب: البنية التحتية اللازمة لاستقبال الواردات من المواد البترولية لن يدخل عليها اى تعديل من 15 سنة رغم انو الاستهلاك زاد بمعدلات كبيرة يعنى صفةالموانى اللى موجودة فى السويس وفى الاسكندرية ولا خطوط الانابيب والا الفناطيس الكبيرة ولا شبكة الطرق اللى كانت بتوفرفيها خلل رهيب واول ما الناس المتلاعبين فى الداخل فى السويس يقولك العب يعنى يعرف ان ايه الازمة فايلعبوا على الخطة دى موضوع الخلل الموجود فى الطاقة سببة اساسا من وجهة نظرى دعم اجنبى ناقص واحنا فى الفترة اللى جاية دى هنخش على شخص اكثر حدة وبالتالى الازمة هتبقى اعنف بيخش على مهربين وعلى حتى من المعلومات الظريفة يمكن السيد وزير البترول اعلن النهاردة فى حوار مع الزميلة الوطن يعنى ان هو معدل الاستهلاك بتعنا زاد فى السنة اللى فاتت دى اقول يا رب ازاى البلد واقفة والناس مكنتش بتشتغل المفروض حتى الناس كانت قليلة فى العام بتاع الاضرابات والكلام ده احنابالنسبة لنا السولار ده بالذات رخيص جدا فيهم فالناس شغالة على التهريب غزة ووضع يؤسف له من الجماعة الحمساوية شغالين بيحموا المهربين وبيتكسبوا وفى ليبيا وفى السودان التهريب شغال على ودنه لانوا هنا متوسط اللتر ب 5 جنية واحنا فى مصر بيطلع بجنية فمكسب زى الفل يعنى التهريب والمراباه فى الداخل من البلطجية وكذا وناقص النقد الاجنبىوالخلل وزى ما قلت لحضرتك فى اللوجستيات الموانى وشبكة ما لمواد الطاقة لابد من علاج لهذا الموضوع المحزن اللى انا شايفة ان بردوا حزب الحرية والعدالة داخل انتخابات مجلس الشعب اللى جاية يقولك لأ طب انا ليه اعوص نفسى والناس جاية هتزعل خلية نرحل الملف لو رحلنا الملف زى ماقلت لحضرتك هنوصل للمأذق الرهيب بتاع ايران بس ابقوا معاناعشان نحل لكم مشاكلكم
خيرى حسن : طيب بصفة حضرتك استاذ مصباح خبيرى اقتصادى يعنى يمكن المشكلة فى الجنية المصرى يعنى ليه الحماية مستمرة فى قيمة الجنية فى مواجهة للدولار اللى خلى تستفيد الاستيراد اكثر يعنى هل المشكلة دى يعنى هل احنا مش هنقول لسنا افضل من امريكا والصين مثلا وان هما بيلعبوا فى العملة
أ.مصباح قطب: والله انا هقول لحضرتك الناس او بعض الناس على الاقل تقول لك هو العهده عمل ايه انا راى ان البنك المركزى عمل حاجة مهمة جدا فى مصر وهى لصالح الغلابة فى المقام الاول فضلا عن ان كله لصالح البلد يعنى اللى عمل قدر من الدفاع عن الجنية الكتب بتقول ايه انك انت فى وقت ازمة زى دى ومش جاى لك دولارات بسبب استثمارات بالعكس فى الدولارات اللى عندك كانت البورصة طالعة عملت مصر حوالى 11 – 12 مليار دولار كان المفروض ان انت تسد تتحرك الكتب بتقول كده لكن الواقع بيبقى حاجة تانية لو شم الناس من سنة ونص فاتوا من اول مابدات الثورة ان احنا داخلين على ازمة جامدة فى الدولار المضاربات عليه هتشتعل هتخلية يوصل 10 جنية حتى تتحدى بالسعر العادل بيه لمسافة طويلة وساعتها تيجى تستورد حاجة ما انت هتستورد كوباية مثلا بواحد دولار كنت باستوردها مثلا الدولار ب 6 جنية واجى ابيعها مثلا ب7 جنية فا شوف انت لما تستوردها ب10 هتبيعها بكام يعنى هيغلى كل الحاجات واحنا بنستورد حاجات غذائية وغير غذائية عشان كده البنك المركزى فعلا وقف مساندا بطريقة ذكية للجنية عشان يمنع حدوث المضاربات عليه من ناحية ويمنع الزيادة فى اسعار الوارد فضلا عن ان احنا الدول ليه بتفيد عملتها تنخفض ادام عملة تانية عشان تشجع الصادرات اللى معاه دولار بردوا هضرب مثلا عكسى دى مصر الكوبايةعندى ب3 جنية اضرب 6 جنية للدولار ده اشترينا كوبيتين اناخليت الدولار بعشرة هيشترى 3 كوبيات وشوية يعنى اقصد اقول صادراتى ممكن تزيد لكن احنا معندناش ما يسمى بمرونة الصادرات احنامعندناش حاجات كتير نصدرها حتى لو سبنا الجنية يضعف ادام الدولار
خيرى حسن : اه اه
أ.مصباح قطب: هذه كانت جيدة وقرار كان لابد من اتخاذه دفاع عن الفقراء فى مصر اساسا وعن الدولة بشكل عام لكن اللحظة دى كمان حتى لما البنك المركزى معدش ماهو السنسر 85% منه ادواتة خلاص ضاعت منه ده هامش بسيط للمناورة عشان كده نقول لازم نلحق نفسنا فى مدى قصير وندى رسايل مختلفة للعالم عشان يبتدى يتدفق الينا نقد اجنبى ونصدر اكتر وكذا يعنى
خيرى حسن : وطلعت لنابرضه المطالب الفئوية برضه مؤثرة زى ما قال وزير المالية يعنى الافراط فى العهود هل هو سبب للمطالب الفئوية فى ظل عدم تنفيذ سواءا فى الحكومات السابقة والحكومة الحالية
أ.مصباح قطب: هو زى ما قال وزير المالية نفسة انوا العجز المخصص كان فى الموازنة التى تنتهى 30 يوليو الماضى ده كان مفروض يبقى 135 مليار جنية وصل الى 170 مليار سبب جوهرى من هذا التفاقم الرهيب ده فى العجز بقى حوالى 11 %من الناتج المحلى ودى معايير مهمة عالميا وان كانت صعب على الناس شوية لكن ازام انك انت بتستجيب للمطالب الفئوية انا كل ما يزعجنى الحقيقة ان الناس لها حقوق ده بالتاكيد فى ملايين الملايين مظلومين ومن فترات طويلة وملايين الملايين فى مصر عايشين فعلا بالكاد وعيشة لا تصدق يعنى فالناس اولى بكل قرش تخده لكن انا تقديرى لم يكن هناك عدالة فى منح الناس ما تستحقة الاعلى صوتا اللى عاش اللى واحد قطع مثلا طريق ترابى صغير يدوا لبتاع السكةالحديد يعنى اقصد معايير الدولة لم تكن عادلة فى النظر لمثل هذه المطالب وفى بعض ناس على فكرة غلبانة وهى مظلومةايضا يمكن وزير الصناعة كان بيقول دلوقتى ان فى مصانع هما بيقولوا العمال كانوا بيخدوا 3 الاف و500 جنية حد ادنى وفى بيخدوا 700 وساكتين انا رايى الدولة يجب ان تبحث عن المظلومين حتى دون ان يحتجوا الحاجةالتانية انها تبقى صريحة مع شعبها انت لوطلعت على الناس بمنتهى الامانة والموضوعيه تقول ان ده وضعى وده قدرى ويا جماعة انتظروا لحد السنة الفلانية هدى زيادة كذا بعديها بسنة انشاء الله هعمل كذا ظنى ان الناس فى مصر هتستجيب لان فى تقديرى ان عدد كبير من المصريين بردوا ضميرهم حى يعنى صحيح عارفين ان هما مظلومين لكن كمان لوانت سمعته لكن هذا الحوار غاب الحقيقة هو بس بتلاقى واحد بس صوتة على قوى والا يعنى عامل قلق جامد فتقول طب خلية بشكل حتى مش موضوعى بتدى له اقل اكتر من حقة بس مش بمعيار عشان كده باقولك البلد لسة عرضة بردوا ان يبقى فى هو نفس الوزير عفوا كان بيقولك احنا بنلبى الصعيد بس انت مش هتلاقى بعد كده تلبيس طقية بطقية يعنى
خيرى حسن : استاذ مصباح يعنى قصدك تقول حضرتك انوا المطالب الفئوية دى الصوت العالى بس هو اللى
أ.مصباح قطب: غالبا الحقيقة الوعود البراقة للحكومة يعنى يمكن تقول الحكومة ان انا باوعد على امل ان انا احل يعنى مش وعود براقة
أ.مصباح قطب: نعم ، لا فى قدر برضه مما يؤسف له او احنا كنكون صحفيين واعلاميين متوارثين بالحكاية دى فى بلاغات كده عنى يعنى لسة النهاردة خبر يقولك اية انوا الميزان البترولى هيحقق فائض 8 مليار دولار ده موضوع خفى تماما الميزان البترول المصرى بيعانى من الناس لماتلاقى كده ولسة من كام يوم قال جاى لنا مش عارف 20 مليار جنية و25 استثمارات اجنبية والبلد الفلانى وتركيا هتساعدنا ب 30 مليار وقطع اكثر من 2 مليار مجبتش اكثر من 500 مليون دولار لحد اللحظة دى اللى احنا فيها وده بردوا ده وديعة يعنى هى دين علينا هديها له تانى فالكلام ده وتضخيمة بينما المسالة لاتجد لبن ولا عسل لابد يبقى بردوا فى الدقة فى الرسالة اللى طالعة من الحكومة وايضا لامانة دقة فى الاعلام تحقق مثل هذه الرسايل حتى لا يظن الناس بان الحكومة بتخدعة ما يعنى
خيرى حسن : ارجع لازماتناباقول انوا هل الحل هوالغاء الدعم سؤال ننتظر الاجابة عليه بعد متابعة ما نشر اليوم من اراء فى هذا التقرير
فاصل
تقرير: عن الحالة الاقتصادية يقول شريف عتمان فى الشروق ان الظروف الحالية تفرض اللجوء الى الصندوق فهو شر لابد منه ولكن لابد من الشفافية فى التعامل مع القرض وشروطة فى سطور الحرية بالاهرام يؤكد محمد حبيب ان هناك مقومات غريبة لاندرى من اين تاتى لتعبث بالامن والاستقرار ليظل المجتمع فى حالة فوضى وتوتر وتتوقف عجلة الانتاج ليظل المستقبل بلا ملامح وحول ضبط الاطلاق يقول خالدعلى فى سطر جدد فى الاخبار ان محاولة ايجاد حلول للمشاكل قبل ضبط الاسواق واطراق عليها يعد ضربا من الخيال السفير علاء عبد العليم فى المصرى اليوم يؤكد ان دوران عجلة الانتاج وتعظيم المكاسب يبدا من تمويل وتنفيذ المشروعات المتوقفة والمتعثرة فى الانتاج بينما يرى الدكتور يحيى الجمل فى مقالة ان الادارة السليمة هى قاطرة الاستثمار وتبرهن على ان الادارة الحسنة ستخلق ثروة والادارة السيئة تبدد الثروة والدليل على ذلك اليابان ومصر.. نص لكمة لاحمد رجب يقول فيها نحن نعشق الماضى حتى بعد الثورة تجاهلنا المستقبل ولا سيرة لنا الا الماضى واحداثة وحول التحالف مع الموازنة هذه الايام يقول عاطف صقر فى الاهرام ان ظهور التحالفات السياسية على الساحة المصرية جديدة فى شكلها وتتزامن مع انتخابات الجديدة لمجلس الشعب ورداعلى اقتحام فريق الالتراس لادارة النادى الاهلى يرى محمد خراجة فى الاهرام المسائى لايجوز فى دولة بها قوانين ولوائح ان يملى افراد ارادتهم على المؤسسات اى ان كانت التنظيم الذى يضمهم هو القضية التى يدافعون عنها فى نقطة بداية بالوطن يؤكد عمرو حمزاوى فى ان الفكر الفاسد يواجه بالفكر الرشيد وحرية التعبير عن الراى لا تفيد بل شطط البعض يواجه بالراى المستنير .. واخيرا مع كاركاتير مصطفى حسين الذى يقول فيه ادى الزبالة فين الكهربة ؟
خيرى حسن : نجدد التحية لحضراتكم وارحب بضيفى الاستاذ مصباح قطب الخبير الاستراتيجى الاقتصادى بالمصرى اليوم وكنا نتحدث عن حالة الاقتصاد المصرى وخلال الفترة الماضية كان الحديث عن الغاء دعم عن بعض انواع البنزين هل هناك حل استاذ مصباح عن امثل لقضية الدعم
أ.مصباح قطب: طبعا الامثل دى يعنى ربنا سبحانة وتعالى هوالكامل بقى
خيرى حسن : فى اثار جانبية بردوا لازم نتعامل فى ناس مصريين يعنى لايتحمل مليم زيادة على رغيف العيش
أ.مصباح قطب: هو للامانة انا لم اسمع فى اى مكان والا وهو المساس برغيف العيش يقولك هيخلوة بعشرة صاغ ونسمع الكلام لكن انا ظنى ان هذا لن يحدث على الاقل فى مدى مثلا سنة والا اتنين جايين لانوا الناس مدركة ان دى حتة مهمة جدا على الرغم ان فى هذا وفى المعيز بتاكل بس ده كلام مهواش مطروح للنقاش عشان بردوا الناس ما ت ايه لكن دعم الطاقة ده هو اللى يثير للاسف ان عجز الحكومات لو حضرتك تذكر احمد عز وقف فى البرلمان من 10 سنين وقال لك دا انا باخد دعم يعنى اقصد اقول طول الوقت بنقول انوا فى اغنية وبيروح للاغنية والغلابة ما بيخدوش ومع ذلك كله عاجزعن انوا ياخد قرار وانابادى مثل دلوقتى كل الناس بتتكلم بقالهافترة عن بنزين 95 تستخدمها عربيات السفارات وعربيات الجامعة الامريكية وعربيات القناصل والمشعارف والعربيات الفارهه فى هيوفر فقط 40 مليون جينة بس دعم متخذ القرار يعنى نفس الشئ يقال على انبوبة البوتاجازلايوجد عاقل فى مصر افقر فقير فى مصر باخد الانبوبة من 20 سنة كان بياخدها ب 2جنية ونص ولا عنده لو انت قلت له خدها ب 10 جنية واوصلها لك لحد البيت طب اقولك من 20 كان هيقولك ماشى يعنى المجتمع نفسة بيتقبل فكرة انها تبقى اغلى بس محتاج مش الثمن مشكلتة مشكلتةفى الحلقات الوسيطة والبلطجة والصياعة اللى فى موضوع الانابيب اقصد اقول كان من الممكن بسهولة انك انت تعمل التغيير ده والكوبونات من بدرى بردواعمالين نرحل من وزير الى وزارة ويقولك اخر كلام شايفة النهاردة انوا يعنى بيقولوا ايه ان ماكنش اعلن كان مفروض يعلن اليوم النظام الجديد للكوبونات لتوزيع البوتاجاز واذا ما اعلنش النهاردة سيخشى بردوا انوايتاجل الى بعد انتخابات البرلمان المقبلة فاقصد اقول الايدى المرتعشه هنا خطر شديد على مصر وعلى الشعب وعلى غلابة مصر لانوا كده كده هيحصل نوع من التحريك للاسعار فهوبقى فى فى الصندوق والا مفيش لازم هيحصل نوع من التحريك للاسعار قاعد تحسن الاقتصاد وتشوف وتزود لكل الناس شوية احنا لو بشطارة قدرنا من الزيادة اللى هتيجى دى ندى نقدا فلوس للاسر الضمان الاجتماعى وكذلك كل اسرة 100 جنية فى مقابل الرفع اللى هيحصل جزئيا الكهربة والمية والبوتاجازوفى نفس الوقت الباقى هودية للتعليم والصحة وباقى الخدمات دى بردوا القريبة من الناس يعنى فى بعض انواع الدعم الموجهة للاغنية مباشرتا مش عارف ليه بردوامحدش فكر فيها بهمة عايز اعمل صادرات اللى يعنى حوالى 4 مليار جنية لا احد يعلم حتى هذه اللحظة يعنى الاثار الحقيقية لمثل هذا الدعم وهل الغائة هيضر فعلا بصدراتنا والا لأ فبردوا ده محتاج مناقشة لكن زى ما باقول لحضرتك انا مش عارف ليه الكل عمال يدحرج بكرةالنار الى الملعب اللى بعدية ومش عايز ياخد القرار
خيرى حسن : طب فى حالة الغاء الدعم يعنى بعضة اوكلة هل يتم استبدال الدعم العينى الى الدعم النقدى افضل صورة لوصول الدعم الى مستحقية يعنى هل كل السلع تنفع ان احنانبقى دعم عينى
أ.مصباح قطب: لأ يعنى بردوا الموضوع معقد جدا ماهو عشان كده الناس بردوا احيانا مليانة بالخوف لكن انا ظنى لازم حاجة مركبة من المادى والنظام الكوبونات لو الباقى كلة دعم نقدى هيقى فى سيولة مالية كبيرة فى مصر هتاخد لك سنتين تلاته فى تضخم فيعانى منه الناس الامرين لكن الكوبونات دى حته فنية شوية لكن بتخلى فى حس فى موضوع التخضم لانهامش اموال بتدوم كل وقت فدى محددة لمهمة خاصة الجنية اللى فى جيبى وفى جيب حضرتك ممكن بعد نص ساعة ممكن يكون فى اسوان يعنى هنحطة فى بنك والبنك يعمل مش عارف ايه وهكذا لكن الكوبون هروح بيه كل شهر عشان اخد بيه انبوبة او هاخد بيه سلعة محددة فى وقت محدد فا ايه يعنى قدر من التحريك مع الكوبونات مع اعادة استخدام الفوائد اللى جاية من الوضع ده فى خدمات التعليم والصحة والتوفير للفقراء يعنى موضوع المدارس ده انا يعنى عشان اللى عند الاطفال هى دى الحزمةاللى ممكن تحرك الموضوع يعنى
خيرى حسن : طيب ليه يا استاذ مصباح ما بنشفش مثلا الدول اللى نجحت فى مثل هذا المجال نعمل زيهم
أ.مصباح قطب: ماهو حضرتك نشوف الدول اللى نجحت فى حاجات كتير مش فى الدعم بس ونعمل زيها اهى دى مشكلتنا يعنى
خيرى حسن : موضوع الازمات ده يعنى لازم الحل يعنى
أ.مصباح قطب: انا عارف احنا شفنا تجارب كتير وناس طلعت من 10 سنين فاتت وجابت وكتبت اوراق مهمة فى موضوع الدعم لكن الموضوع زى ما باقول لحضرتك هو قرار سياسى فى المقام الاول لا يريد احد ان يخاطب اتخاذ هذا القرار الا بقى فى اللحظة الاخيرة لحظة بس خايف لا تستطيع اتخاذ القرار ساعتهالان هيبقى الاوضاع على الارض حاجة صعبة
خيرى حسن : طيب موضوع الاستثمار احنا شايفين اغلبة كلام لغاية دلوقتى وحبر على ورق يعنى من يفكر فى الاستثماربيجد نفسة امام معادلة صعبة يعنى نتيجة محاكمات رجال الاعمال وعدم الاستقرار الاقتصادى يعنى ازاى يتم حل هذه المشكلة حتى يطمئن المستثمر
أ.مصباح قطب: يعنى اول حاجة مثلا اناباتصور الحقيقة يعنى لابد ان يكون لدى السيد خيرت الشاطر وحسن مالك وقيادات الاخوان اللى ليهم بزنس كبير اول واجب عليهم عشان يبعتوا رسالة فعلا انهم يجيبوا بعض الاموال او الاموال اللى مستثمرينها بره الى مصر دى رسالة قوية جدا ان انت نفسك اللى حاكم هذا البلد وتثق انوا فعلا فى فرص وفى ناس الحاجة التانية هى تنشيط الاستثمار المحلى زى ما قلت قبل كده لايمكن واحد خواجة يجى وانت ابن البلد بتقول لأ انامش عارف يعنى هيحصل صدام بين القوى السياسية والعلمانية والقوى الدينية والا لأ يعنى محدش واثق ان التوافق لمصر قادم الحتة دى اللى مخوفة الناس النقطة التالتة هى عدم وضوح التوجهات الاستثمارية والاقتصادية للدولة بس زى ما قلت لحد هذه اللحظة ويبدو للنا س انا حتى النهاردة كنت جاى من المؤتمراخشى ما اخشاه انوا يظن البعض حتى وان عن خطأ انك عشان تستثمر لازم تعدى على جمعية ابدا اللى فيها قيادات اخونجية عشان تقدر تاخد طريقك مش انوا القواعد معلنة وشفافة ومعروفة للجميع بردوا من الحاجات اللى ظنى انا من ناحيتى الشخصية كمحلل اقتصادى ان عليها طلب عالى جدا من الخوجات ومن الاجانب ما يسمى بقانون منع تعارض المصالح
خيرى حسن : طب كيف يتم التعامل مع نظام راس مالى فى ظل قوانين اشتراكية
أ.مصباح قطب: احنا قعدنا نقول الفترة اللى فاتت من مدة طويلة قواعد اشتراكية يعنى مهياش فين الاشتراكية يا استاذ خيرى يعنى احنا تجاوزنا كتير فى اللحظة الراهنة
خيرى حسن : انا بس شايف انك معارض يعنى
أ.مصباح قطب: لا انا مع حضرتك ايه مفيش تعقيدات بيروقراطية يعنى انا لسة يمكن شفت عشان تاخد اناباقول لحضرتك وانايسارى مليش دعوة بالبزنس دلوقتى عشان تاخد قرض عشان تعمل مصنع فى 23 ورقة بتلبى المطالب اللى فيهم كل ورقة فيها 8 او 10 مطالب عشان تاخد اوتتخيل يعنى حوالى 200 اجراء بتتخذهم شئ لا يصدق وانا يمكن بينى وبينك مدعاة المقارنة بعيدة شوية ص وس مثلا معنيين بالمحكمة الدستورية وبعضهم للامانة عايز يكسرها وبيعتبر طب انت صلح القضاء انت لما بتروح محكمة وتاخد محضر من النيابة عشان تروح بتشوف اهوال لو انت صادق صلح من تحت بردوا نفس الخطة هتقول كلام كبير عن الاستثمار لو ما طلعتش من تحت فى الاجراءات البسيطة دى اللى البيروقراطية هو ده الى هيفرق يعنى
خيرى حسن : طب من ضمن الحلول استاذ مصباح يعنى البعض يطالب باستخدام اسلوب الضرائب التصاعدية يعنى هل هيتقبلها المواطن
أ.مصباح قطب: هوالمواطن مش حطوا له المواطن الغلبان العادى مش بقت تصاعدية للكبار بس دى برضه حتة تقليديا زى حضرتى يقولك لكن اكيد ما نفعش زى ما كان بيقول واين كاتن فى امريكا تيجى ازاى انا 20% وهو 20% ماينفعش انا ادفع 20% ومثلا واحد مليار دير بيدفع 20% احنا عايزين يبقى فى شريحة اعلى وفى نفس الوقت ما تكنش كبيرة لان انا عارف انت بتشوف طبيعة مجتمعك ايه الناس لو لقت الضريبة باقل منها بمعنى اجيب شوية محاسبين ومراجعين يظبطوا لى الدفاتر واهرب بقى من الضرايب فبردوا احنا محتاجين لانوا بردوا لسه مافيش التزام فااحنا محتاجين الضريبة لكن اللى انا بنادى بيه طول الوقت هو الضريبة على الثروة بمعنى انت دفعت الضرايب اللى عليك خليناها 25% يعنى يبقى فى 20وفى 25 % مفروض نكمل عليها لكن يبقى فى ضريبة على اجمالى الثروة يعنى انت دفعت اللى عليك لكن انا بصيت بعد ما انت دفعت كل عندك 20 فيلا و50 قصر و30 ياخت و40 بره و50 جوا اسطول عربيا ت وعندك ايه وايه وايه هو ده اللى ممكن اعمل عليه ضريبة لانوا لن يضر الغنى بس هيفيد فقراء كثيرة ده كان موجود فى القانون المصرى اللى قبل 2005 والحكومة مكتش بتفعل للامانة موضوع قانون تفعيل الثروة ده الى عليه ممكن ندع الناس ضرايب بعد الثورةوده كان مجتمع الاعمال وبارجوهم انوايرجعوانفسهم ده موضوع مهم يبقى انا باتكلم على ان دى ضريبة تصاعدية تخوف بيها الناس انا باتكلم عن شريحة تانية بس يبقى مجتمع الاعمال اللى بيكسب 10 مليون جنية فى السنة يدفعها وباتكلم على ضريبة على الثروة وظنى ان ده مدة 7 – 8 – 10 سنين ممكن يبقى كافى ويدينا قدر معقول من العدالة يعنى
خيرى حسن : طيب من الملاحظ انوا الحلول باستخدام اسلوب المسكنات هو اللى شيفينة اليومين دول يعنى هل هذا نتيجة غياب الرؤية والا قلة حلية يا استاذ مصباح ؟
أ.مصباح قطب: والله هو الاثنين معا ولانوا دايما الذراع السياسى شاغل بالة بحاجات تانية
خيرى حسن : بعيدا عن المسكنات
أ.مصباح قطب: لا المسكنات موجودة يعنى هى مراهم فعلا يعنى كل ما يلقوا جماعة مثلا علوا صوتهم قوى طب رادوهم بحاجة وانا اسف انى انا اقول ان ده فعلا بيحصل اتصالات من رئاسة الجمهورية لما كان وزير مالية شوف لهم قرشين يعنى ده مش منهج ادارة دولة الحقيقة يعنى ايه خلاصنا واحيانا كان فى ضغوط على البنك المركزى عشان يطبع نقود يقولك خلصنا اطبع وخلصنا لان طبعا الحقيقة ده لم يحدث لكن باقول لك كل هذا لم يفيد بالعكس اذا كان هينيمنى مستريح النهاردة تانى يوم الصبح هصبح على صخب لابد من حلول اكثر عقلانية واكثر موضوعية واكثر عداله وده مهواش مستحيل يعنى
خيرى حسن : نعم اذا واضح من اللى انا فهمتة النهاردة واللى اعرفة انوا الازمات الطاحنة اللى بنعيشها سواء سولار بنزين بوتاجاز عيش الخ الخ واضح انوا السبب الرئيسى المخصصات المليونية الدولارية عشان نواجه الازمة طيب ده سيناريو متكرر من سنين فاحنا عارفين ان الدولار دايما هو بيكون لحل مشاكلنا اليومية المزمنة يعنى فعلا الازمة الاخيرة للسولار تم تخصيص 400 مليون دولار لاستيراد السولار يتحمل مخزوننا الاستراتيجى من العملة الخضراء زى ما بيقولوا رافقات العملة الصعبة هذا الضخ المتوالى لتلبية الاحتياجات الضرورية يعنى هنستمر الى ما لانهاية مثلا اسئلة كثيرة تحتاج الى اجابات فى النهاية بنشكر لحضراتك والاستاذ مصباح قطب المستشار الاقتصادى بالمصرى اليوم شكرا جزيلا استاذمصباح
أ.مصباح قطب:شكرا جزيلا
خيرى حسن : اما انتم سيداتى وسادتى فلكم كل الحب والتقدير والى اللقاء.