اتجاهات

الاحد*15/1/2012
حنان منصور: السلام عليكم ورحمة الله وبركاته اهلا بكم في حلقة من اتجاهات المشهد النهارده سيداتي سادتي في 3 احداث مهمة الاول انتهاء لجولة الاولى من المرحلة التالتة من انتخابات مجلس الشعب اتي ستجري حولها اعادة يوم 10 و11 من شهر ينايرليصبح لدينا بعدها اول برلمانى نزيه بياتي بانتخابات حرة من ايام ثورة 52 ، المشهد التانيب هواستمرارالنيابة في مرافعتها التاريخية في محاكمة القرن التي يجري من خلالها محاكمة الرئيس السابق محمد حسني مبارك ووزير داخليته و6 من كبار معاونيه حيث اكد ممثل الادعاء ان مبارك فرعون مستبد سعى للتوريث وافسد السلطة وحمى الفاسدين وانها المرة الاولى في تاريخ مصر والعرب اللي بيخضع فيها راس الدولة الحاكم لسلطان العدالة ويصبح متهما دا المشهد التان اما المشهد التالت فهو المؤتمر الصحفي اللي عقده الدكتوركمال الجنزوري رئيس حكومة الانقاذ الوطني وتركزالمشهد على استمرارتحقيق الامن في الشارع المصري وتحريك عجلة الاقتصاد وشدد على اعادة ضرورة اعادة حساباتنا الداخلية من اجل ان نحصل على موارد من اجل تحسين الاقتصاد ووضح ان المعونات والمساعدات التي وعدت بها مصر والتي تردد الحديث عنها سواء من مجموعة ال8 الكبار او من الدول العربية هذه المعوناتا لم يصل منها شئ رغم انه شرح لوزراء الدول والمجموعة ظروف مصر الاقتصادية وهو ما يجعلنا نعتمد على انفسنا وحسنا دعا السيد رئيس الوزراء دعا ان نعتمد على انفسنا في حلقة اتجاهات معانا الاستاذ مصباح قطب مساعد رئيس تحرير جريدة المصري اليوم اهلا وسهلا وهنتكلم عن العنصرالتالت وهو المشهد الاقتصادي الدكتورالجنزوري اشارالى اننا لدينا موارد داخلية ويجب الاعتماد على انفسنا ماهي تلك الموارد من وجهة نظرك
أ/مصباح قطب :هوالاول كنا بنتصوران الاقتصاد المصري بيقول لميدان التحريرحاول تفتكرني وبيقول كمان للمواطن لان معظم اللي بتفرج عليه حاجات لعها علاقة بالسياسة وكأنه الاقتصاد منفصل عن السياسة وكأنه ممكن بتحقيق عملية تطورسياسي ان الاقتصاد اتوماتيكي هيتحسن ودا مش صحيح والحمد لله الناس بدات تحس وتهتم لانه موضوع فعلا بالغ الاهمية للمشاركة في موضوع انعاش الاقتصاد دا لو ماحدش هيساعدنا وكنا نتصوران الاشقاء العرب يمدوا لما يد عون على اساس ان مصرطول الوقت تتحمل اعباء كثيرة وعلى فكرة يعني قد يكون وعفوا في هذه العبارة هناك مطامح ما لايران في مكان ما في العالم العربي يحد لهذه المطامع ان مصر تقف لهذا
حنان منصور: لماذا لم تقدم الدول العربية الدول ال8 الكبارما وعدت بيه من مساعدات لمصر
أ/مصباح قطب:هو الحقيقة بالنسبة للدول العربية التفسير قيل اللي هو انه فيه تفسيرين احدهما شخصي وذلك لنوعية العلاقات بين حكام هذه المنطقة وبين الرئيس السابق وشايفين انه يتعرض من وجهة نظرهم لاهانة وكان لا يجب ان يحال الى ماحكمة وما الى ذلك وراي تاني بيقول وقد يكون العاملين موجودين معا في وقت واحد انه شئ طبيعي لدول محافظة زي دول الخليج العربي والسعودية الا تساند ثورة بتتكلم عن الحرية والكرامة الانسانية وحقوق الانسان والمواطنة والتوعية والفكروالاعتقاد فمش متصوران الانظمة في هذه الدول تساند الدولة المصرية لهذا السبب
حنان منصور: دا التفسيرالاوزل اللي يعتبر تفسيرعاطفي بعض الشئ
أ/مصباح قطب :انا كمان بتخيل انه من الدول العربية اللي ممكن اللجوء اليها يعني مفصولة عن الانظمة مش للحصول على مساعدات ولكن قروض بشروط ميسرة
حنان منصور: الاول حضرتك قلت لي في تفسير
أ/مصباح قطب : التفسيراموضوعي انه الثورة المصرية بشعاراتها المرفوعة لا تتفق مع ما يطمح اليه مع القائمين على الحكم في هذه الدول يعني شايفين انه فيه مسافة متباعدة بالنسبة للدول العربية كثيرا ماوعد مجموعة ال8 او حتى مجموعة ال20 بتقديم مساعدات ومنح يعني حتى فلسطين قالوا 5 مليار دولار ولبنان قالوا مش عارف كام ولم يحدث شئ واضيف الى ذلك الازمة الاقتصادية الرهيبة اللي موجود فيها اوربا واللي عاملين يستلفوا من بعض ومن صندوق النقد الدولي بريطانيا وايطاليا واليونان وهولندا وما الى ذلك فلا نتوقع كثيرا ان الاوربيين لا يقفوا كثيرا امام الصادرات المصرية يبقى عداهم العيب مش عايزين منهم اكترمن كده في هذه المرحلة فدي العوامل
حنان منصور: هل تتصوراستاذ مصباح ان الولايات المتحدة تكون ضاغطة على دول الثماني الكباروعلى الدول العربية عشان ما يدوش مصر
أ/مصباح قطب : للامانة الشديدة المصري اليوم نشرت هذا المانشيت اول امبارح وانا لا اوافق عليه وارى ان بناؤه غيرمتماسك الحقيقة انا بتكلم حتى من الناحية المهنية البحتة يعني وفي نفس الوقت لا اتخيل ان الولايات المتحدة تدير .. الولايات النمتحدة لها بالتاكيد مصالح احنا يجب ان نكون واعيين لذلك أي حدث كبير زي ثورة وفي بلد كبير زي مصر شئ طبيعي ان اطراف خارجية بتحاول تاثرفيه فدا شئ طبيعي دي مصالح دول كبرى بالذات في دولة مؤثرة زي مصر لكن لا اتخيل ان هذه هي الطريقة التي يؤثربها الامريكان على ثورة انه هيروح للدول العربية يقولهم ما تدهمش مساعدات وهما الحقيقة مش محتاجين الامريكان عشان يقولوهم هما عندهم العاملين اللي احنا قلناهم الولايلات المتحدة لديها من الادوات اللي تؤثريها على الحدث غيرانها تضغط على دول عربية او غيرعربية تساعد مصر وبعدين الامريكان ومنهم الان اوباما هتواجهه انتخابات تجديد عاوز يبان داخل بلده انه عمل حاجة عمل الاقتصاد واصلح وقلل البطالة 10% فدي اسباب قد تدعوه انه يبقى عنده منطق ما على كل حال احنا ما نحتاجه منه الا يقومو باي نوع من انواع التدخل السياسي سواء في مصراو في الجوارالعربي يعني ضد الثورة المصرية وفي نفس الوقت برضه يجعل للصادرات المهمة وهو بيتكلم عن اتفاقية التجارة منذ سنوات ماشي لو تريد انت فعلا مصالح متبادلة احنا مش عايزين منك مساعدات ولا حاجة فعلا سهل في تنفيذ اجراءات مثل هذه الاتفاقيات انت تستفيد واحنا نستفيد
حنان منصور: المشهد اللي اتكلمنا عنه في المقدمة استاذ مصباح واحنا خلاص هيبقى عندنا برلمان لاول مرة من سنة 52 برلمان نزيه ونتيجة انتخابات حرة من الناحية الاقتصادية ماهي مهمة البرلمان من وجهة نظرك من القادم من الناحية الاقتصادية عشان نشعران له تاثيرفي هذه الناحية
أ/مصباح قطب : هو ظني ان البرلمان كله هيبقى مشغول بحكاية الجمعية التاسيسية والدستور في المقام الاول ولكن ارجوان الناس تتقبل دا كاجتهاد شخصي انا شايف ان الاخوان المسلمين وحزب الحرية والعدالة والتيارات السلفية وحزب التنمية والبناء اللي هو حزب الجماعة الاسلامية يعني مهتمين قوي بفكرة قانون الايجارات القديمة دا لانه من زمان فيه ناس كتير جدا كانوا بيكتبوا في الاخبار وانا اعرف بعض الاصدقاء اللي كاتنوا اعضاء في جماعة الاخوان المسلمين ناقمين على قانون الايجارات القديم وبيستنوا اليوم اللي يتم فيه اصلاحه وانا عن نفسي لا انكرانه فيه خلل فظيع لما تاخدي شقة وبعدين قفلاها وسايباها وتدفعي 6 جنيه في الشهرلكن هو محتاج ماهياش عملية انتقامية يعني مش هوب ادخل على الموضوع دا
حنان منصور: لا بس مش معناه انها عملية انتقامية
أ/مصباح قطب : لما ييجي برلمان واول حاجة يعين احنا بنقول انتقامية منين لما تبقى اولوياتك صحيحة
حنان منصور: طيب دلوقت الاسكان من الاولويات الكبيرة جدا لدى المواطن
أ/مصباح قطب : انا بتكلم عن معدل بطالة في مصر11% رسميا ناهيك عن انه في 2011 عدد الذين عينوا في القطاع الخاص منخفض 55% فن السنة اللي فاتت احنا فيه تباطؤ اقتصادي ملموس لدينا نمو يادوب 1% بينما نمو السكان 2.5 % يعني فيه بطالة اضيفت الى مخزون البطالة والبلد فيها سعرصرف مهدد وبتكلم عن احتياطيات نقدية متراجعة فبالتالي انا محتاج اشجع مستثمرين اجانب جادين انه ييجوا مصرويستثمروا في قطاعات جديدة ما يجيش يشتري وايضا اخشى ما اخشاه اني شايف انه لدى الاخوان المسلمين واطياف اخرى توجه للتعمق في الخصخصة بس بالتحايل على الشعب المصري شوية بدل ما يبيع مباشرللاصور هيبقى بشكل اوباخر يعني شركات ادارة شركات تاجيرطويل المدى للاصول العاملة برضه الموضوع دا محتاج مزيد من التاني الاول لازم ننشط ونحسن كفاءة اللي موجود واللي ما ينفعش ولا اللي مالوش لازمة يبقى مع الحكومة نحاول ننميه عن طريق مستثمروطني او اجنبي دول الحاجتين اللي انا من خلال احتكاكي باخوه افاضل من خلال الحزبين النوراو الاخوان المسلمين لمست هذه النقطة موجودة عندهم بصراحة السلفيين اقل ميلا للخصخصة من الاخوان يعني سمعت من احد قادة الاخوان وارجو الا يكون ذلك صحيحا هم يفكرون في هذا الامر في هذه اللحظة انا بتمنى ان تكون المهام الاقتصادية في البرلمان القادم يبقى فيها تركيزعلى خطة اصلاح سريع المدى والاوضاع لااقتصادية في مصر تمشي على محورين محورالوصول المباشر للناس الغلابة يعني لو كان فيه اولوية يعي لو انا موجود في هذا البرلمان وفي يدي الامرهعمل قانون الباعة الجائلين في مصراحنا مش ممكن نتعامل ان احنا محتاجين نوفرمكان في الشوارع ل3 مليون واحد وظيفتنا وواجبنا جميعا كمجتمع ان نرتقي بيهم ونوفر لهم اماكن عمل دائمة بحيث لا تطاردهم الشرطة ولا تلاحقهم وفي نفس الوقت يبقوا لابسين نضيف عندهم عربيات كويسة ييبيعوا عليها
حنان منصور: ودا يجرنا لسؤال ان الدكتورالجنزوري شدد على انه المواطن البسيط مش هيتاثر ومحدودي الدخل وسياسة التقشف اللي هتتبعها الدولة لن يتحملها المواطن محدود الدخل انما اذا طالت مدة هذه الازمة هل ترى ان المواطن البسيط ومنهم الباعة الجائلين وغيرهم من البسطاء هيتناثروا
أ/مصباح قطب : بالتاكيد كلنا حطينا ادينا على قلبنا الثوري وغير الثوري كل الاطراف عموما تخشى ان تطول الازمة في مصر فيحصل بقى الثورة التي لا تبقي ولا تذر اللي هي الثورة العشوائية بجد اللي ممكن فيها يتعمل أي حاجة .. لو طال بنا الامد في الازمة الاقتصادية وباذن الله لن تطول وهذا ليس مجرد تمني احنا بندعي ربنا طول الوقت ولازم نعمل اللي علينا فانا بتصور اننا لن نصل الى هذه الحلقة الخطرة لانك انت لوفضلت تضغطي على اعصاب الناس بتاطؤ اقتصادي بالتالي مفيش فرص عمل جديدة مفيش انفاق فالناس كل ما تتخوف من ازمة انا نفسي لو هشتري تلاجة اقول لا انا مش شاريها دلوقت فبالتالي المصنع اللي بينتج تلاجات يمشي نص العمال يقولك ماهو مفيش بيع وشرا فلو الزمة طالت بالفعل هيبقى فيه شئ مخيف في مصر نتمنى الا تاتي هذه اللحظة علينا
حنان منصور: تتوقع ان تحدث انفراجة في الازمة قد ايه ؟
أ/مصباح قطب : والله اصحابي يقولوا علي ان انا شوية مدمن تفاؤل لكن انا بقول المصريون اساتذة فيما يمكن ان نسميه" شوية على وشوية عليكم" يعني في مشتركات يقبل بها الجميع او الاغلبية الكبيرة من الناس نمضي قدما الى الامام فانا اراهن على ان مثل هذا الفكرالحكيم موجود لدى المصريين الثائرالراديكالي منهم والثائراللي مش راديكالي شريطة ان يكون مواطن شريف أي واحد فاسد او حرامي مش في اليلة دي معانا على أي شكل والحمد لله الاغلبية الكاسحة شريفة في مصروانا اراهن على الناس الحكمة تقودنا الى المحطة اللي عندها تحصل انتخابات الرئاسة بس اسمحوا لي في هذه اللحظة اقول لمن يمتكلون اموالا في الخارج وانا سمعت هذا الكلام من ناس لا يتطرق الشك فيهم وانا مكتبتهاش في المصري اليوم ارجو الا تكون صحيحة وارجو ان الموضوع يكون فيه قدرعلي من الشفافية هناك افراد ينتمون الى تيارات دينية كانت لديهم كتل ضخمة من الاموال في الخارج والان بداوا في جلبها للداخل ويقومون بشراء الاصول سكيتي ما بيشتروش حاجات مدرجة في البورصة ودا معناه ان البورصة المصرية كل يوم تنحدرالى اسفل قيل ان الشركات بتضعف قوي واحد معاه شوية سيولة كويسين واحد جاهز بقى وفي نفس الوقت عنده ذراع سياسي يحميه هنا يعني مش مستثمراجنبي خواجة يقولك هضيع انا فيشتري حاجة ضخمة جدا وبعد كده يتلاعب بالسوق يكسب له 30 مليار من الهوا واي حد يعمل حاجة من الهوا يقدر يعمل أي حاجة الحقيقة اللي بيجيب قرش من تعب بيصرفه فعلا بطريقة رشيدة وحكيمة اللي بيجي كده من المضاربات بيتصرف بطريقة اخرى فانا بتمنى الذين يفعلون ذلك انا واثق مما اقوله هل يفكروا بشكل شفاف وعارف ان دي دولة قانون والشفافية والافصاح والوضوح ما يبقاش فيه ممارسات تحتية سواء في المجال الاقتصادي او المجال السياسي
حنان منصور: بيحدث دا دايما يا استاذ مصباح في وقت الازمات ووقت الحروب يعني وقت المراحل الانتقالية من حال الى حال بتجد كانوا بيسموها اثرياء الحرب يعني اشياء غيرقانونية تحدث وتجد طفرات
أ/مصباح قطب : اولا ولله الحمد احنا مش في حالة حرب
حنان منصور: ولكن في حالة ازمة اقتصادية
أ/مصباح قطب : في اوقات الازمات انا اقبل ان مواطن بيبيع زيت ولا سكر يغلي نص جنيه ولكن لا اقبل من قوة سياسية انها تطرح نفسها على المجتمع وتقول ان انا هاخدك لقدام كل الهنا والخير انك تعمل مثل هذه الممارسات وفي الاقتصاد دا سلوك ممكن نقبله مع البسطاء ونكون متسامحين فيه ولكن ان ننقض كل شوية على الباعة الجائلين دا غباء
حنان منصور: تقترح ايه لمشروع الباعة الجائلين والاماكن التي ممكن ان يتواجدوا بها ؟
أ/مصباح قطب : الموضوع مش كيميا يعني انا بدعو الدكتور الجنزوري يبعت واحد فيتنام ويبعت وواحد تركيا هتشوفي الناس قاعدة على الرصيف خط ابيض بتوصيف على العربية اللي بيشتغل عليها ونوع الطعام وماناخدش منه أي رسوم ممكن بعد سنتين ابدا اتقاضى منه رسوم وممكن اديله زي مجاني وممكن ببعض المنح والمساعدات ممكن نعمل عربيات نظيفة تتوائم مع الانشطة المختلفة واحد بيبيع مشروبات وواحد بيبيع اكل وواحد بيبيع كذا واتعامل معاه على انه مثلا مساحتك في وسط البلد هاخد منك جنيه في السنة وبعد سنتنين لما يشعربالثقة وانك معنية بيه وبعياله وباسرته دي طبيعة بتتطور
حنان منصور: استاذ مصباح مشهد محاكمة القرن محاكمة مبارك هل تتوقع ان المرافعات في الايام القادمة تحمل مفاجآت
أ/مصباح قطب : النيابة قالت ان هناك جهات سيادية تقاعست على ان تقدم وانا بقول للناس صحيح اننا نضغط على من لديه معلومات لاجهزة رسمية ليقدمها احنا عايزين محاكمة عادلة في مقابل ذلك فيه واجب علينا كمجتمع من لديه شهادة فليتطوع بتقديمها وليذهب بتقديمها لانه واجب قانوني وواجب ديني وفي نفس الوقت زي ما لا نقبل تخاذل من اجهزة الدولة لحماية متهم سواء كان رئيس اوابناء اوغيره لا نقبل ان واحد يقولك انا بطالب باعدام الناس والا هكسر المحكمة
حنان منصور: القضاء العادل في كلمة واحدة هل هو القضاء السريع ام القضاء المتباطئ ؟
أ/مصباح قطب : بالتاكيد القضاء العادل هو القضاء العادل الذي يستوفي كافة الاجراءات وفي الوقت المعقول دون اطالة ولاعجالة ويلتزم بكافة المعايير وبعدين يصدراحكامه لكن هي الفكرة احنا مش خايفين من انه بطئ ولا سريع احنا خايفين من التحضيرانت عندك اجهزة التحري ماقامتش بواجبها قد تكون النيابة ماقامتش بواجبها في الاخر واحيانما قد يحدث قاضي عنده مشكلة التفتيش القضائي واشكيه وما اطلبش انه لازم يحكم بالاعدام ..
حنان منصور: في النهاية الاستاذ صلاح قطب احنا بنتكلم عن مشاهد كتيرة جدا واولا بنشكر تفاؤلك بالنسبة للازمة الاقتصادية ولانه كل الناس تتمنى انها تاخد جرعة تفاؤل بنشكرك شكرا جزيلا استاذ مصباح قطب مساعد رئيس تحرير المصري اليوم نشكركم سيداتي سادتي اعزائنا المشاهدين وتنتهي هذه الحلقة من اتجاهات .. الى اللقاء