اتكلم

لميس الحديدى:مساء الخيركل سنة وانتم طيبيين ايم قليل وينهى العام يعنى ايام ونتمنى ان ينهى احزانة وهو يعنى بيقفل ايامة لحد اخريوم السنة دى كبيسة لحد اخرلحظة ربنا يعديها على خيرالحلقة دى هوحصاد العام مش هنقول بقى حصل ايه ومين حصله ايه فى كل سنة ؟ لكن على الاقل سنحاول ان نحلل عن طريق مجموعة من صفوة المجتمع من المحللين على هذه المائدة سنحلل ماذا حدث فى 2009 ؟ فى 2009 كانت سنة كبيسة فى وجهة نظرى المتواضعة جدا لم تكن سنة يعنى من السنوات السعيدة على المواطن المصرى معدلات اقتصاديه وازمة اقتصادية كانت طاحنة فى العالم انتقلت الينا طبعا ويعنى انخفض معدل النمو الاقتصادى من 7 و7 ونص وكان وصل 8 فى اوقات ما الى 4 فاصل 7 % يعنى كان 4 و3 وزاد شويه بطالة ارتفعت معدلات فقر ارتفعت مازال المواطن لايشعر بثمار النمو حتى فى الايام الكويسه وطبعا فى الايام الوحشه لكن ما علينا ان شاء الله خيرالوزراء دائما يقولون ان الاسوا لم ياتى بعد فاحنا لسه مستنيين الاسوء ان شاء الله ربنا يسهل العام سياسيا بدا بغزة وانتهى بغزة بدا بالعدوان الاسرائيلى يعنى انتهى العام الماضى بالعدوان الاسرائيلى على غزة باجتياح غزة وكل هذه المجازرمصر كان لها دورقوى فى هذه المعركة دخلنا غزة كنا احنا موجودين فريق اتكلم فى غزة عقب وقف اطلاق النار مباشرتا وانتهى العام بقضية الجدارومصر طبعا من حقها ان تحمى حدودها لكن بيدور الجدل حوالين الجدار مرة اخرى هل من حق مصر؟ او ليس من حق مصر؟ والحقيقة يعنى علينا اه ان احنا نقدم مساعدات ومصر لم تتوانا فى القضية الفلسطينيه بس هما مش راضيين يقعدوا على طرابيزة واحده يعنى لسة بيتخانقوا ويشفوا مين اللى هينزل الانتخابات ؟ مين مش هينزل ؟ هيتصالحوا ولا لا ؟ سوريا هتقول كلمتها ولا لا ؟ ايران هتقول ايه ؟ يعنى هذه القضية طبعا سياسيا هى الاهم بالنسبة للوضع الخارجى المصرى لكن دور مصر كان بارزفى العام الماضى الرئيس الامريكى اوباما زار مصر فى السنة الماضية ودا كان حدث مهم جدا اختار مصر لتكون العاصمة الاسلاميه التى يلقى منها خطابه للعالم الاسلامى الحقيقة احداث كثيره جدا السنة جاى طبعا عندنا انتخابات 2010 انتخابات نصفيه لمجلس الشورى والانتخابات الكليه لمجلس الشعب السنادى فاروق حسنى خسر منصب اليونسكو وكانت استقالة الوزير محمد منصوروزيرالنقل بعد حادث قطارالعياط يعنى سنة زى ما انتم شايفيين كده كبيسة الحقيقة قبل ما ابتدى مع ضيوفنا عايزة اقولكم احنا معندناش بابا نويل يعنى فى مصر بالذات يعنى معندناش بابا نويل مفيش بابا نويل يجيى وفى جعبته الهدايا ويقول لنا خدوا ادى هدية نمواقتصادى وادى هدية ديمقراطية وادى هدية هنعالج الفقر معندناش بابا نويل فاذا لم تكن السنة مقدمة لما بعدها مش عارفة الحقيقة ممكن يبقى فيها ايه ؟ معتقدش ان يبقى فيه مثلا سنة كبيسة قوى وبعدها سنة حلوة قوى يعنى محصلش فى تاريخ البشرية انا لسة راجعة من الاقصرواسوان فعندى شوية ذاكرة تاريخية تعود الى الفراعنة وحتى النقش على الحجرهو نفس النقش الذى نعيشه الان معندناش بابا نويل لكن اتمنى ان يكون هذا العام القادم افضل قليلا يشرفنى ان يكون معى دكتور وحيد عبد المجيد مدير مركزالاهرام للنشر والترجمة ودكتورشوقى العقباوى استاذ الطب النفسى فى جامعة الازهرودكتورسميررضوان المديرالتنفيذى لمنتدى البحوث الاقتصادية وعضو مجلس ادارة الهيئة العامه للاستثمارنبتدى بيكى يا دكتور
سميررضوان:معندناش بابا نويل صح لكن عندنا شعب قولى فيه زى ما انتى عايزة لكن عنده المقدرة فى التعامل مع الازمات غير عاديه ودى الفكرة الحقيقة من ساعة ما سمعت عن فكرة البرنامج دى هو مش صبر فقط هو فيه شعوب تانيه عندها تناحة لا دا هو عنده قدره على التعامل مع الازمات غير عاديه انا بتابع الازمات زى ما انتى عارفة يوم بيوم والحقيقة مش بس الفترة اللى فاتت السنة اللى فاتت الازمة الكبرى بتاعة 29 ، 32 حصل على الاقل 40 ازمة
لميس الحديدى:وتحملناها؟
سميررضوان:وتحملناها بل بالعكس بقى يعنى ازمة 1907 نبهت المصريين لخطر الاعتماد لى القطن وبداية التصنيع ازمة 11 خلاص لازم ننصنع فجه طلعت حرب سنة 1920 قامت الحرب العالمية التانيه اضرب فيها 180 الف فى المعسكرات الانجليزيه والحلفاء فى مركزامداد الشرق الاوسط كان بيسمى 180 الف طلعوا عماله جاهزة لقطاع الصناعه
لميس الحديدى:2009 بقى ازمة 2009 ؟ يعنى هذا العام شهد اضطربات كبيرة شهد عمليات انتحار كثيره هل الازمة الاقتصادية هذا العام كانت طاغيه ؟
سميررضوان:2009 هى ازمة شديده بلا شك زى ما تفضلتى يمكن نزلتى من 7،2 % معدل نمو الى 4،7 دا معناه كده باختصار 3% انخفاض فى دول لما بتنموا 3% بتبقى مبسوطه جدا صحيح احنا مقدرناش نستهلك لكن دا فيه اقتصاد بيعالج مشاكل رهيبه جدا فى التشغيل وفيه الفقر دى خبطه كانت يعنى جامده جدا
لميس الحديدى:وتعاملنا معها على الوجه السليم ام ان تعاملنا مع هذه الازمة كان رد فعل فى كل لحظة؟
سميررضوان:بالتعريف هو رد فعل هو الفعل جه وبعدين كان فيه كده بعض الاصوات والحمد الله كانت خافته جدا وانتهت بسرعه اتحسمت بسرعه لان كان بيبصوا للقطاع المالى والقطاع المالى يعنى كان فعلا محمى لانه احنا مش داخلين فى النظام الاقتصادى العالمى زى دبى وكده عندك بنك مركزى ادار القطاع الصرفى الحقيقة فى الاربع سنوات الاخيره باقتدار فلم ضربت الازمة ضربت الاقتصاد الحقيقى يعنى الانتاج قل الصادرات قلت دخل قناة السويس نزل 20 % البورصه نزلت 64% المواجهة كانت هى حزمة تحفيز ال 15 مليار السؤال هل دى كانت كافيه واتصرفت فى وقتها ؟ هل هى كانت منوه بالشكل اللى شوفناه فى برنامج اوباما وبرنامج الصين
لميس الحديدى:وفرت فرص عمل؟
سميررضوان:ان هذه الحزمة على ضرورتها وعلى اهميتها لم تكن كافيه ليه ؟ لان اللى حاصل فى اوروبا الشرقيه ووسط اوروبا واللى حاصل فى الصين والهند مش بس بيعالج الازمة واثارها الوقتيه انما بيبنى اقتصاد ما بعد الازمة اللى بيدرب بينقل لصناعات اخرى الصين خلت رد الفعل فى الازمة معالجة مشكلة الفقر بشكل جيد جدا فانتشر النمو الاقتصادى لداخل الصين مش المناطق الساحليه بس فمن هنا الحقيقة كان يمكن رد الفعل يكون اكثر اتساعا واكثر كفاءة فيما يسمى بالمساحة الماليه الفيننشال ستيد ممكن نيجيلها بعد كده فى البرنامج يعنى ههمول منين ؟ طب ما انا عاوز ارف مش 15 مليار وانما 30 مليار طب هممول منين ؟
لميس الحديدى:هنقف يا هنا دكتور وحيد يعنى انا هربط هنا هذا الكلام بفكرة معالجة الازمة 15 مليار دى لم تصل للمواطن الحقيقة هى راحت لمشروعات موجوده بالفعل مشروعات بنيه اساسيه مشروعات صرف صحى لكنها لم تولد فرص عمل حقيقية ولم تذهب للقطاعات اللى هى كثيفة العماله ودا انتقاد كلنا كناس بتشتغل فى الشان الاقتصادى بنتكلم عنه لكن ربطا لذلك ما هو المواطن لا فى الخير ولا فى الشر بتصله ثمار النمو.
د.وحيد عبد المجيد:لا هى ثمار النمو تتفاوت لانه احنا معظم النمو بتاعنا فى القطاعات مهياش هى القطاعات الكثيفة العماله يعنى مش الصناعات التحويليه مش الزرؤاعة دى الزراعة الاقل نموا على الاطلاق انما القطاعات اللى بيحصل فيها النمو هى بطبيعتها ما بتفرش قوى يعنى فرشتها محدوده وبالتالى تاخد وقت طويل جدا محتاجة سياسات اجتماعيه علشان تعالج المشكله انا بعتقد مشكلة الناس فى مصر مش دى بس ومش دى فى المقام الاول يعنى لو بصينا الاول فى الهند الهند رغم القفزة الاخيرة اللى عملتها خلال ال 15 سنة الاخيرة مازال متوسط الدخل فى الهند اقل من مصر لكن وضع الانسان فى الهند المواطن فى الهند راضى رغم الفرق ده
لميس الحديدى:ليه ؟
د.وحيدعبد المجيد:لانه فيه افق مفتوحه لانه فيه قلق فيه حاجة اسمها الانسان ينظر فى وضعه اليوم وغدا انه بيلاقى انه وضعه النهارده احسن من السنة اللى فاتت ولو بربع ملى دا بيدولوا امل انه فى السنة الجايه شايف كل حاجة قدامه واضحة وفيه عملية سياسيه متابعها ومشارك فيها
لميس الحديدى:ولا يشعر المواطن المصرى بمثل هذا الامل ؟
د.وحيدعبد المجيد:لا ما بيشعرش للاسف دى المشكلة الاساسيه لانه حتى الجزء اللى هو فيه ثمار النمو مهماش منتعشين يعنى فيه قطاعات انتعشت اقتصاديا لكن مهياش منتعشه نفسيا ودا كلام د: شوقى مهماش مقبلين على الحياه وعلى المستقبل معندهمش اى مشكلة انما المستقبل قدامهم غير واضح ولذاك انا بقول حتى الشغل الاقتصادى الجزء الايجابى اللى فيه اللى عملوه يعنى بينظروا لانفسهم ما بيحسبوش الى وضع سياسى الناس من خلاله طول الوقت بيقولك الناس بتشتكى طول الوقت مع احنا بنشتغل ورفعنا معدل النمو وكان كذا وبقى كذا وكان ممكن الوضع يبقى اسوا اه لكن دا راجع اللى ايه ؟ ان هما مهماش معنيين ان فيه وضع سياسى هو اللى بيخلق المناخ العام اللى الناس بتحدث ردود افعالها
لميس الحديدى: اذا كان لك ان تقف عند مجموعة نقاط؟
د.وحيد عبد المجيد:ماهى دى النقطة الاساسيه اللى انا عايز اتكلم فيها فى 2009 ما كنش فيها حدث سياسى نوعى كبير لو بصينا للحوار العام للجدل العام فى 2009 هنلاقى انه يعنى من اسوا الاعوام اللى كان فيها الحوار العام
لميس الحديدى: هو كان فيه حوار اصلا ؟
د.وحيدعبد المجيد:اه كان فيه حوار حوالين قضايا كثيرة
لميس الحديدى:لا كان كل واحد بيتكلم لوحده المعارضة بتكلم الصحافة والحزب الوطنى بيكلم نفسه ؟
د.وحيد عبد المجيد: يعنى قولى الجدل العام شوفى الانهع القضايا اللى سيطرت على الحوار العام فى اول السنة قضية هشام طلعت مصطفى قضية مروة الشربينى اللى بعديها على طول واستمرت فترة طويله قضية النقاب قضية موضوع الجزائر والهستريا اللى حصلت فيه مفيش قضية سياسيه تدل على ان احنا داخلين على وضع سياسى بالنسبه لكثير من الناس مهماش عارفين ايه او لكل الناس حتى مش عارفين اللى هيحصل فيها انا بعتبر النتيجه فى هذا الاطار انه اهم حدث فى الحقيقة وما كنش مهتم بيه خالص هو حسم قانون الانتخاب قانون الانتخابات البرلمانية السنة الجايه انه مفيش تغيير فيه غير زيادة مقاعد المراة دا كان فى مارس حسم فى مارس كان لغاية مارس والسنة اللى فاتت كان فيه امل ان هذا القانون هيتغير وهيبقى فيه نظام القايمه وكان الموضوع مطروح جديا كان فيه نقاش وداخل الحزب الوطنى ودوائر الحكومة وكان فيه مع وضد وانا بعتقد لو كان حدث هذا التغيير فى القانون قانون الانتخابا كان غير كتير فى المشهد السياسى الكلام دا اتعمل فى مارس انه فيه تغيير فى نظام الانتخاب الناس كانت هتبتدى تهتم جديا بالانتخابات البرلمانيه احنا النهارده الانتخابات البرلمانيه فى مجلس الشورى بعد شهور تقريبا ومجلس الشعب بعديها ب 10 شهور وكانه كان مفيش
لميس الحديدى:مش غريبه شوية ان هذا المجتمع بكل هذا الصخب اللى هو دوشه كتير يعنى ومفيش نتيجة مش غريبه ان احنا نهتم بالنقاب وبقضايا زى مروة الشربينى بالرغم انها قضية مهمة الى حد ما ولكن فى قضايا فرعيه كثير كانت تستنزفنا بينما القضية الرئيسيه اللى احنا فكرة الديمقراطية فكرة الاصلاح السياسى فكرة الحريات كل هذا مش موجود؟
د.وحيد عبد المجيد:لو كان هذا التغيير الصغير جدا اتعمل فى نظام الانتخاب وعملناه قبل كده مهياش يعنى حاجة لسه مجهوله بالنسبالنا عملنا قبل كده وجربناه وكان عمل يعن حركة سياسيه لا باس بها وانتعاشه سياسيه كام سنة لو كان دا اتعمل كان غير شويه كان خلا الناس تهتم جديا بالانتخابات البرلمانيه لانه كا هيبقى فيه انتخابا افضل بالتاكيد هيبقى فيه امل فى هذه الانتخابات
لميس الحديدى:الحقيقة السنة انتهت بتصريح مهم جدا من قيادات الحزب الوطنى انه لا تعديل فى الدستور ودا تصريح الحقيقة شديد الاهمية لانه على عكس ما طالبت به قوى المعارضه والقوى المستقله انه لابد من تعديل الدستور لندخل انتخابات برلمانيه وانتخابات رئاسيه عايزين نقول ايه سليمه وشرعيه وما الى ذلك هترك النقطة دى ود:العقباوى المواطن كيف حل العيد عليه ؟ كيف كان العام الكبيس عليه ؟
د.شوقى العقباوى:انا مواطن مشاكس وبعدين ممن يحب يتكلم فى المسكوت عنه فانا مع د: وحيد فى التحليل اللى عمله بشكل عام ان هناك جمود سياسى مما افقد الناس اى افق واى تصور للى هيحصل تانى يوم فحصلهم ودا مش السنادى بس من السنة اللى قبليها والسنة اللى قبليها من ايام ما يوسف ادريس قال ان الشعب مصاب بالتوله
لميس الحديدى:بالتناحة بقى اللى قال عليها.
د.شوقى العقباوى:لا مفيش تناحة توله
لميس الحديدى:لا بس التوله دى متوول بقى فى لقمة العيش ؟
د/شوقى العقباوى: ما هو متوول بالتصرفات بتاعة الحكومة لكن هو حالته النفسيه ايه ؟ متوول عنده توله وبالتالى اهتمامه بالشان العام منتهى تماما بقت مشاكله كلها لا تتجاوز مشاكله اليوميه فدا على مستوى الحاله النفسيه ايه اللى وصلهم لكده ؟ايه اللى وصلهم ظروف اقتصاديه ظروف سياسيه وظروف ثقافيه وظروف اعلاميه يعنى انا كمواطن من الحاجات الظريفه جدا اللى شايف ان الاعلام قام فيها بدور خطر وخطا كان التعامل مع موضوع الجزائر حولوا مباراه الى معركة حربيه وتم شحن الناس بحيث ان الناس من شوقهم الى انتصار بدات المساله كما لو كان فجاه فيه انتماء لكل المصريين فيم ثبت انه حمل كاذب
لميس الحديدى:حمل كاذب يعنى لا ترى ان ما حدث فيه مباراة الجزائر الاولى دا عوده او صحوة لشعور الانتماء كان بيدور على كوبرى؟
د.شوقى العقباوى:هو بيدور المواطن المصرى شرقان للنجاح زى ما حصل ايام الدورة الافريقيه كان مبسوط جدا وسعيد جدا وانبسط لما انتصرنا فى المرة الاولانيه انا بتكلم على التعامل الاعلامى مع وربطها كما لو اصبحت قضية وطنية اولى
لميس الحديدى:ما هو مفيش قضايا وطنية بقى.
د.شوقى العقباوى:انك انت لعبت على هذا الحدث وحولتوا لقضية وطنيه لانك انت بتامل من خلالها ان تصل لرضاء الناس ودا مش مظبوط الناس مش راضيين الناس تعابنيين نيجى بقى لقضية الاقتصادية يعنى مع حبى واحترامى لدكتور سمير والناس اللى فيه قايمته وو الى اخره انا ممن اتعلم مبكرا جدا ان فيه فرق بين النمو والتنميه ود: محمود محى الدين دايما يتكلم انتظروا لما النمو يحصل تساقط فيوصل للجماهير
لميس الحديدى:احنا اكتشفنا ان الانابيب مسدوده التساقط ما بيحصلش.
د.شوقى العقباوى:ما بيحصلش يعنى انت لما بيحصل نمو ويحصل تعطيل للنمو فينخفض من 7 وشويه الى 4 وشويه واضح تماما ان هناك علامة استفهام فين الاجراءات الاجتماعيه اللى بتعوض بيها قصور مفهوم النمو الاقتصادى احنا مقلناش تنميه فيه فرق بين النمو والتنميه
سميررضوان:انا بس عندى وجهة نظر مكمله يعنى فى برنامج زى ده قد يكون من المفيد ان احنا نفتح الموضوع يعنى لا نستطيع ان احنا نقول اللوم 100% على هذا الجانب او هذا الجانب انا اللى بيشغلنى مشكلة تانيه وهى ان اصبح هناك نوع من الثقافه فى المجتمع المصرى بعدم المبالاه وبفعل اى شىء يعنى خدى اى مشكله من المشاكل هتجدى ان كافة المواطنين مساهمين فانا الحقيقة هنا يعنى ممكن نتكلم على تصرفات الحكومة ممكن نتكلم تصرفات رجال الاعمال ومش عارف ايه كل دا ممكن نتكلم فيه لكن انا عاوز افتح القضية بشكل اوسع سويه ان جيلى مثلا ما كنش هذه الثقافة موجوده كان فيه هناك نوع من الثقافه اللى فيها المحظورات واللى يتعمل واللى ما يتعملش الى اخره النهارده لما تشوفى اتكلمنا فى حلقه سابقه معاكى على ليه اثار النمو ما بتتساقطش ؟ لان ما حدش مهتم بالتعليم 44 % من قوة العمال المصريه يا اما امى يا اما غير امى
لميس الحديدى:يا دكتور دا مش غلطة المواطن دا غلطة الحكومة التى ...
سميررضوان:انا اللى بطرحه النهارده ان الكل مساهم اولياء الامور اللى بيغششوا الطلبة بالميكرفونات
لميس الحديدى: ما هو مين اللى بيقود ما هو دا شعب برضه بينقاد انت برضه وصلته ان هو التعليم بالنسباله شهاده يقدر يلاقى فرصه عمل
سميررضوان:عندك حكومة سنغافورة اللى هى بيسموها الحكومة الديناميكيه اللى هى بتقود التغيير
لميس الحديدى: ليه مبنبقاش زى حكومة سنغافورة؟
د.وحيد عبد المجيد:لانه كمان معندناش المواطن اللى بيتكلم عنه د: سمير لانه دا بيرجعنا للافق المفتوح والافق المسدود ما هو جيل حضرتك وجيلنا كان الافق مفتوح ما كننش الافق اتسد احنا فى عصر الناس بتعمل فيه حاجات كتير قوى لو فتح امامهم الباب للمشاركة الناس بيتعاملوا مع التعليم بهذا الشكل لان المدرسه لم تعد مكانا للتعليم فهما بيصرفوا امورهم علشان ولادهم ينجحوا باى طريقة وخلاص فالمشكله هنا ان مش ممكن تكون حكومة ديناميكيه الا برؤية سياسيه يعنى انا بعتقد انه فيه شغل اقتصادى كبير جدا اتعمل فى الفترة اللى فاتت وافضل من اى وقت من 50 سنة ورغم ان عندى ملاحظات على حدود الجانب الاجتماعى فيه الزيادة الاقتصادية ادراك طيعة المشكلات من حيث القدرة على توليد النمو فى انجاز اتعمل انما اتعمل بدون هذه الديناميكيه اللى تخلى الناس يشعروا بالاثر وانه ده بيقولوا انه بعد كذا سنة ممكن يحصل كذا الناس ما بيصدقوش هذا الكلام لانه شايفين الافق مسدود قدامهم محدش عايز يفتح هذا الافق يدى الناس امل انه يفتلحهم مجال للمشاركة
لميس الحديدى: طب انا هقف عند حوادث محدده واحب اسمع تفسيركم ليها يعنى حادث مثلا قطار العياط واستقالة الوزير محمد منصور وزير النقل هل هذه بداية محاسبه حقيقية لمن يخطا ؟ بصراحة محمد منصور كان كبش فدا وهذا ليس خطاه هو منصور كان وزير كفء والحقيقة ان الحادث ممكن يحصل فى اى لحظة نتيجة فساد منظومة.
سميررضوان: لا ما هو دا بيرجع لموضوع الثقافه انا هتكلم على الهند فى الهند فى حادث زى ده وانفراجة زى دى كانت هتلاقى قوة واحزاب فى الهند بتاخد العمليه دى بتنميها بحيث انها تستفيد وتجعل منها قاعده اسياسيه انه لابد
لميس الحديدى: انا عايزة اسئلك عن مصر دلوقتى استقالة الوزير محمد منصورهل كان كبش فداء ام كانت استقالة؟
سميررضوان:انها استقالة واجبة وان انا اتحمل المسئولية ومشى هى اهميتها ايه اهميتها ان احنا داخلين على سنة 2010 والامور هتبقى صعبة جدا اصعب من السنوات الماضيه فانا دايما بحب انظر للاشياء من منظور المستقبل هتعمل ايه؟ طب هتوظف العمليه دى ازاى ؟
لميس الحديدى: اه بس انت لازم تشوف انت عملت ايه ؟ حتى هذه اللحظة فى اخطاء كثيرة جدا فى التعامل مع الاشياء.
سميررضوان: ممكن ممكن
لميس الحديدى: دكتورعقباوى شايف انه كان كبش فداء؟
د.شوقى العقباوى:يعنى هى الفكرة ارجع لكلام دكتوروحيد عن الافق انا بفهم مع فهمى البسيط للسياسه انه اى امة بتتقدم لازم يكون فيه فيجن رؤيه والرؤية دى بتحتوى داخلها على رساله على مدى 10 سنين 20 سنة 30 سنة ثم تترجم الى استراتيجيه انا برى ان مجتمعنا المصرى العظيم بقاله 30 سنة اواكترلا فيجن و ولا رسالة ولا استراتيجية وانا كنت مستغرب طول الوقت بمنطق رد الفعل
لميس الحديدى: دكتور وحيد هل هذه بداية عهد المحاسبه ؟ هنحاسب اللى بيغلط ايا كان محمد منصور اخطا او لم يخطا يعنى ممكن نتناقش فى ده مده دويله لكن هل ا،ت شايف الحكومة بدات عصر المحاسبه ؟
د.وحيد عبد المجيد :لا معندناش اليات محاسبه المحاسبه لها مقومات يعنى لازم يبقى عندك برلمان قادر على انه يقوم بدوره فى هذا المجال قادر على انه يعمل عمليه مراقبه فعاله لاداء الحكومة دى بداية المحاسبه والمحاسبه ما بتنتظرش انه يحصل كوارث بغض النظر عن مسئوليه الوزير محمد منصور و لا لا ما هو هذا القطاع فضل فيه وزير قعد 25 سنة لغاية ما اتحطت فى الفريزر زى ما بيقولوا
لميس الحديدى: لحد ما انهار اساسا قطاع النقل كله؟
د.وحيدعبد المجيد :الواحد بعد ما يقعد بفترة معينه ما بيبقاش حاسس ايه اللى بيحصل فى القطاع بتاعه بعد كام سنة بينتهى احساسه اللى بيبدا بيه هذا الموضوع فلو عايزين محاسبه فى هذا المجال نرجع نحاسب من هذا الوقت ودى اعتقد انها كانت ضرورية لامتصاص ردود الفعل انما المحاسبه عايزة مقومات وعايزة اولا برلمان منتخب انتخابات صحيحة والناس تثق فيه النهارده كام واحد فى مصر بيثقوا فى العمل البرلمانى ؟كام واحد فاى مصر عنده استعداد يروح انتخابات 2010
سميررضوان:احنا بنرجع يا دكتور لنفس النقطة وهى نقطة الثقافة السياسيه فى هذا المجتمع اعضاء البرلمانات دول هل فعلا بياخدوا الموضوعات بشكل جاد هل المواطن العادى بيثق انه دول فعلا بيمثلوه ؟ كام راحوا انتخبوه ؟ الازمة ازمة مجتمع بكامله
لميس الحديدى: لكن انا عايزة ارجع تانى للوزير محمد منصورهل تجربة محمد منصور اثبتت مثلا فشل تجربة الجهاز التنفيذى او الوزراء من باج راوند امومن خلفية اقتصادية او من خلفية رجال الاعمال ولا هذه الحادثه فرديه لا تعول دا خطا اوغيرخطا منظومة يعنى انا مش عايزة احكم على محمد منصورهنا لانه كان وزيرا كفا الحقيقة لكن رايك ايه ؟
د.وحيدعبد المجيد:مفيش حاجة اسمها وزراء رجال اعمال كده على بعض
لميس الحديدى: كلا فى ادائه؟
د.وحيد عبد المجيد:كلا بادائه وهى المشكلة اصلا ان احنا معندناش وزير وزير عندنا وزير رجل اعمال ووزير مهندس ووزير بتاع معندناش وزير وزير انه رغم الحزب الوطنى بقاله 8 سنين او 7 سنين فى عملية تطوير كان المفترض انه يوصل دلوقتى ان هو
انه عنده مدرسه لفرز الناس وتخريج كوادر عنده وزراء سياسيين لم يحدث حتى الان هذا طريقة اختيار الوزراء طريقة عشوائيه فى معظم الاحيان
سميررضوان:هل يمكن ان تديرى وزارة بهذا الشكل ؟هل يمكن ان تديرى وزارة زى وزارة الزراعه؟ هل يمكن ان تديرى وزارة زى الشئون الاجتماعيه؟ دا لا يمكن دى نتاج لاضافات قنوات متعدده كل دول العالم او معظمها السكه الحديد هيئة زى قناة السويس ونادت اصوات كتيرة طب ما كان عبد الحكيم عامر ماسك المواصلات فى فترة من الفترات انتى بتراكمى الاخطاء يعنى دى وزارة غول
لميس الحديدى: وزارة النقل طب هخرج فاصل نسمع راى الجمهور انا مش عارفة الاساتذه متشائمين قوى انا كنت جايه بجرعة تفاؤل وبابا نويل وحاجات كده لقيتهم يعنى متشائمين شوية يعنى بحاول بعد الفاصل نسال عن قضية طلعت مصطفى وقضايا كثيرة اخرى كانت مثيرة خلال هذا العام .
فاصل
مواطن1 :2009 الكل كان بيؤكد انها كانت اسوا السنين اللى فاتت علينا كلنا على مصر يعنى على مختلف القطاعات سياسيا رياضيا اقتصاديا على كل حاجة
مواطن2 :2009سنة كبيسة مليانه مشاكل اقتصاديه مليانه مشاكل على مستوى العالم واحنا طرف فيها كشرق اوسط او كمصر
مواطن3 :طبعا ما بتسرش طبعا واهمها طبعا المرض اللى هو انفلونزا الخنازير وطبعا ربنا يرفع البلاء دوت عننا
مواطن 4:الشباب لازم تاخد حقها مش شايفين حقنا فى اى حاجة
مواطن5 :يا رب ان اللى حصل فعلا فى غزة السنة الى فاتت ما يتكررش تانى ويارب نحب بعض اكتر من كده
مواطن6 :نفسى البلد تكون احسن من كده
مواطنة7 :نفسى ازمة المرور تتحل والازمة بتاعة الشاب تتحل الشغل والبطاله ونشوف مصر احلى بكتير
مواطن 8:انا عايزة العملية تبقى مستورة بس مش عايز حاجة من الدنيا عايزها تبقى مستورة بس
لميس الحديدى: غلبان المواطن المصرى ده طيب واى حاجة ترضيه تطبط عليه يبقى كويس تقوله كلمه حلوة الناس سهلة قوى تسعدهم باشياء قليلة مش كده ولا ايه ؟
د.العقباوى:المشكلة انهم حتى حرموا من ده يعنى امبارح كانه بيتكلموا عن ان الشاى غلى ودا حاجة اساسيه للمواطن المصرى اللى بيتكلم عنه الاستاذ وحيد
لميس الحديدى: شاى العروسة ده مش ممكن يكون على هشام طلعت مصطفى وهذه القضية اللى شغلت الراى العام فتحت مرة اخرى ملف رجال الاعمال واخطاهم الحكم طبعا لسه فيه طعن وما الى ذلك ولكن هذه القضية شغلت الراى العام بشكل اساسى تعليقك ؟ مش فكرة القضية فكرة الملف كله رجال الاعمال والسلطة؟
سميررضوان: يعنى القضاء بياخد كلمته لانتدخل فيها لكن
لميس الحديدى:لكن في حكم اعدام بالفعل .
سميررضوان: بنرجع الى النقطة اللى اثارها الحقيقة د: وهى ما هى المؤسسات اللى بتضمن عدم حدوث مثل هذه الاختلالات .
لميس الحديدى: طب انا هنا عندى مشكلة دستورية بصراحة ان انا فى النهاية عندى مافيش فصل بين السلطات فى قضية استغلال الثروة والترابط بالسلطة يعنى الحاجات دى كلها فالبتالى رجال الاعمال زى ما كان فيه فترة من الفترات هناك فئة اخرى قريبه بشكل اساسى فى رجال اعمال داخل السلطة التشريعيه داخل السلطة التنفيذيه عندنا فى الصحافة وانا هتعبرها سلطة رقابة بشكل اساسى وبالتالى هذه المصالح فئوية
سميررضوان:احنا بنبص فى الولايات المتحده او فى اوروبا لنجد هذه الفئات موجوده فى الاماكن
لميس الحديدى:لكن هناك قواعد؟
سميررضوان: هناك مؤسسات والمؤسسات بتحكمها قوانين وبنشوف كده فى النهايه ان ادوف دا اتجاب واتحاكم وبياخد الشخص اللى بيرشحه الرئيس اوباما بيرشح حد بيتحاسب قدام الكونجرس
لميس الحديدى: لكن هى الفكرة ان هذه النقطة المجتمع اللى عملها باكمله مجتمع الاعمال برغم ان هذا المجتمع به غالبيته الحقيقة يعنى مجتمع شريف نضيف يحاول يسعى يجتهد يشغل ناس احنا عندنا مشكله احنا بنقعد نصلح بالعافيه يعنى وجهة نظر الناس فى رجال الاعمال دكتور وحيد .
د.وحيد عبد المجيد:رجال الاعمال الحقيقة بيظلموا نتيجة سلوك بعض رجال الاعمال او عدد قليل منهم انما المشكلة الصورة الراسخة يعنى حتى فى السينما حتى فى جزء كبير من الاعلام اللى هو مش ملوك لرجال اعمال الصورة عند المصرى العادى زى ما كانت فى الخمسينات والستينات متغيرتش رغم ان هذا القطاع النهارده هو اللى قايم بالجزء الاكبر من النشاط الاقتصادى وهو اللى عمل الجزء الاكبر من النمو الاقتصادى ان لم يكن كله لكن الصورة لم تتغير مش بس من خلال سلوك البعض انما لانه مفيش قواعد لتنظيم العلاقه اما يبقى واحد رجل اعمال او صاحب عمل يتولى موقع سياسى فيه فى بلاد العالم وسائل قانونيه محدده تضمن انه ما يبقى لوش علاقه بعمله هذا طول فترة ملوش علاقة بمعنى ان ملوش علاقه
لميس الحديدى: طب دا محتاج تعديل دستورى ؟
د.وحيد عبد المجيد :لا مش محتاج تعديل دستورى دا محتاج تشريع
سميررضوان:عندك كتاب سنويا ويباع فى الاسواق هذا الكتاب اللى هما بيسموه
لميس الحديدى: دا فى انجلتر بس انا عايزة اقولك بقى فى انجلترهيعملوديفيد ما بين ال 3 احزاب.
سميررضوان: في كافة المصالح واعضاء البرلمان واعضاء الحكومة
لميس الحديدى: دكتورعقباوى بصراحة يعنى هل هذه الفئة القطاع الخاص المصرى هو قطاع فى غالبيته شريف غالبيته قطاع يعمل ويشغل ويوظف ولكن اخطاء البعض بتشوه هذا القطاع؟
د.شوقى العقباوى:انا فى راى طبيعة النظام تجولت السلطة التنفيذيه على سلطة تشريعيه لدرجة ان السلطة التشريعيه اصبحت امتداد للسلطة التنفيذيه كما لو كان الموكلين اللى هما بيثملواا الشعب بياخدوا تعليمات وكلنا عارفين الحوادث لما كان يقف احمد عز ويبخ فيهم يغيروا رايهم يعنى هناك سوء فهم لما تسمى الديمقراطية حولوها الى لعبه علشان تبقى زى ما يكون عندنا ديمقراطية
لميس الحديدى:لا بس احيانا هناك استجوابات حقيقيه يعنى
د.شوقى العقباوى:لا مش حقيقية
لميس الحديدى: لا حقيقيه بس هما بعد كده بيقدموا طلب من 21 نائب بقفل باب المناقشه فى الموضوع
د.وحيدعبد المجيد:المشكلة اللى بيقدموا الاستجوابات كمان نتيجة طبيعة الانتخابات مستواهم كمان
لميس الحديدى: اعتقد ان فيه طلبين كان مهمين جدا السنة دى اعتقد انت كان فيه طلب احاطه موضوع القمح الفاسد وكان فيه.
د.شوقى العقباوى:الفكرة انه المجلس التشريعى كان فيه فهم كده غريب وصححلى ان كنت غلطان هل يا ترى مقصود انه يتعمل حسبه اوليه انه لا يعطى اى فرصه لتنفيذ احكام من المجلس التشريعى ؟ احنا شاهدنا انه هناك رغبه من السلطة التنفيذيه الاعتداء على استقلاليه القضاء هناك ممارسة يومية لى ان يكون المجلس التشريعى تابع للسلطة التنفيذيه
لميس الحديدى:انا هقف عند موضوع القضاء واقول ان القضاء لسه فى مصر يعنى ادعى انه مازال بخير ونجح فى كثير من الاحوال فى صد هجمات كثيره جدا القضاء ووكلاء النيابه والنائب العام خلينا بس نرجع ل 2009 لان هذه قضايا منقوشه على الحجرزى ما بنقول هاخد بره الشان الداخلى دكتور وحيد واسئلك عن السياسه الخارجيه يعنى ؟ اوباما جاء الى القاهرة هذا العام 2009 كان هناك غزة فى البداية وهناك غزة فى النهاية
د.وحيدعبد المجيد: يعنى هذا العام كان في جوانب يعنى تحقق فيها تقدم فى السياسه الخارجية المصريه نتيجة تحسن الوضع العالمى مع انتخاب اوباما ومجىء ادارة جديدة وكده وسياسه امريكيه مختلفه ولكن على المستوى الاقليمى بالرغم من ازمة العدوان على غزة بدا فى التحسن شويه انما ظل هناك قصور شديد فى وظل هذا العام بسبب الاداء مش بسبب السياسه كلها فى فرق بين السياسه الخارجية المصريه وما بين الاداء من يقومون بالسياسه الخارجيه المصريه فى وزارة الخارجيه والجهات الاخرى اللى بتعمل فى السياسه الخارجية ادائهم بيضعف السياسه الخارجية
لميس الحديدى:الحقيقة يعنى خلينى برضة اختلف مع حضرتك شوية كانت هناك عدة محاولات مصريه لتقديم ورقة للمصالحة مثلا الفلسطينيين بين حماس وفتح حاولنا وكنا قاب قوسين او ادنى من جميع الاحوال لكن كانت هناك تدخلات خارجية سواء من سوريا اومن ايران اومن قطراويعنى فيه محاولات مصرية جادة ؟
د.وحيدعبد المجيد : لا طبعا علشان كده بقولك بعد العدوان على غزة حصل فيه تقدم فى جوانب متعدده لكن الاداء فى اللحظة الحرجة ودى اللحظة اللى بيتوقف عليها الصورة كلها انه ازاى تديرى ازمة معينة ؟ لذلك احنا رايحين فى نهاية السنة الى كما كنا فى بداية السنة ان احنا بنحشر فى زاوية ضيقه جدا وينهال علينا الهجوم من كل ناحيه واحنا واقفين عاجزين عن الحركة النهاردة نتيجة بعض مواقف وقرارات انا بعمل صور معين علشان احمى حدودى وكل دوله لها الحق فى ذلك لكن فيه امور اخرى لازم تدرس لانه فى ظرف زى ده فيه اختناق فى قطاع غزة فانا هحتاج علشان صورتى ما يتفهمش ان انا بعمل دا علشان الفلسطينيين لازم اوازن ده بحاجة تانيه ان انا اجى مثلا على معبر رفح واقول انى انا هفتحه على طول يوم فى الاسبوع يوم السبت من كل اسبوع
لميس الحديدى: بالفعل هو بيفتح يعنى؟
د.وحيدعبد المجيد: بس مش فى اوقات محدده بيفتح فى الشهر تقريبا مره اتنين تلاته ودا على فكرة ناس كتير ما بيعرفهوش
لميس الحديدى: بس كمان قضية حزب الله الاخرانية اللى حصل تسرب لهؤلاء وتفجير الحسين ودا بيقلق.
د.وحيدعبد المجيد: ما هوانا بفتح المعبر كل المطلوب ان هو يتعمل انه يبقى فيه مواعيد منتظمة بعمل ده وانا بعمل الصور بيبقى دا بيوزن دا لما تيجى تجيبلى شوية سياح جايين هنا وعايزين يروحوا غزة ليه.
لميس الحديدى:زى وسطاء السلام اللى هما موجودين فى القاهرة اليوم ايوه مش دى الفكرة لازم يبقى فيه استئذان من الحكومة المصرية ما هو كمان دى مش ارض ملهاش صاحب
د.وحيدعبد المجيد: ما هما جايين بتاشيرة سياحية ليه قاعدين معتقدين ان احنا ضحايا فى كل حاجة ؟ الناس جم وجم بتاشيرات سياحية وقالوا لو سمحتى ودينا غزة ايه المشكله فى هذا يعنى؟
لميس الحديدى:فى اليات رسمية لذلك مش اى حد هيجى بقى ويعدى؟
د.وحيدعبد المجيد:ما هما جم لكن الاعتراض على ايه؟الاعتراض ان هما ضحكوا علينا هما ما قاتلوش من قبل ما ياخدوا التاشيرة ان هما عايزين يجيوا مصرويروحوا غزة انما هوبيجى وبيطلب انك توديه امال هو هيروح ازاى ؟ ما هوبرضه طالب ان انتى تودية وهيتم الاجراءات الرسمية
لميس الحديدى:هل بتشعر بحالة من مش عايزة اقول من الاحباط ولكن يعنى حالة من توقعاتنا فى اوباما كانت اعلى من ذلك لما جه كنا يعنى سعداء وكانا يعنى توقعتنا فى السياسة فى الاداء السياسى الخارجى تجاه منطقة الشرق الاوسط؟
د.وحيدعبد المجيد:طبعا كان فيه ثورة توقعا ت مبالغ فيها مش لانه هذا الشخص مختلف هذا الرئيس مختلف تماما جاى من خلفية مختلفه تماما وخلفية الدفاع عن المسلمين والدفاع عن الاقليات فيه قرف بين رئيس لديه رغبة ونوايا وعنده نبل فى جوانب معينه فى شخصيته وبين دوره السياسى لانه كثير من الرؤساء الامريكيين كانه بيرغبوا فى حدوث اشياء معينه واخر حاجة فى موضوع دكتور بطرس غالى لما كان فى الامم المتحده قرينا اخيرا مما يكشف عن هذه الفترة انه اللى اداروا الحمله ضده كانه
خايفيين لغاية اخر لحظة ان الرئيس الامريكى يخذلهم بعد كل المجهود اللى هما عملوه فهناك الرئيس ما بيعملش كل حاجة مش مطلق اليد
لميس الحديدى:اوباما بالنسبة للمواطن المصرى كان ايه امل؟
د.شوقى العقباوى:اه طبعا بالنسبة للمواطن المصرى لكن بالنسبة للمواطن المشاكس او اللى عنده شوية معلومات عارف ان السياسه الامريميه ما بيدورهاش الرئيس الامريكى رئيس الجمهورية محدود السلطات مش انا ربكم الاعلى فالبتالى احنا استقبلناه هنا كراجل زى رؤسنا وملوكنا يعنى يعمل اللى عايز يعمله فهتبقى المٍسالة
لميس الحديدى:ما تعدلينا الحلقة على خير طيب خلينا نتكلم على العام القادم وزى ما قلت فى المقدمة يعنى كل السنوات تولد من رحم بعضها لبعض؟
د.شوقى العقباوى: قبل العام القادم انا ليا حاجة عايز اتكلم عنها لما البرلمان السويسرى خد قرار بمنع بناء الماذن انا متصور ان دا كان ليه اثر سيىء جدا لدى الجماهير المصريه والجماهير المسلمة بشكل عام لان عندنا برضه تصور ان اللى خد القرار ده رئيس جمهورية سويسرا لا اللى خد القرار ده البرلمان يعنى الشعب ودا انا فى رايى ان الاوان ان الاسلاميين يبصوا الى اى مدى سلوكك فى دول المهجر الجديد بيستقبل بشكل سيىء ؟
لميس الحديدى :وقضية مروة الشربينى نموذج لهذا التعصب؟
د.شوقى العقباوى: ان الاوان انك انت تكمل المد الاسلامى انك انت هتروح تحررالبلاد الكافره دا مفهوم خاطى يعنى الاسلام السياسى لازم يتعقل لازم يشوف ان السياسة هى فن الموقف مش فن الاحلام ودا انا فى رايى اللجوء لهذا الطريق هو بديل عن العجز احنا عايشين فى منطقه حاسس انك انت محدود الافق قليل الحيله مشلول بعد تانى بقى انا كان نفسى وزارة الخارجية المسكوت عنه هو ان احنا لازم نقول ان احنا خايفين من حماس خايفين من اللى يجيى من غزة
لميس الحديدى: لا احنا مش خايفين من حماس .
د/شوقى العقباوى: احنا خايفين ان فيه هناك جماعات متطرفه فيه جماعات هناك دخلت فى صدام مع حماس نفسها عندك نظام اسلامى فى غزة
لميس الحديدى:لاانت مش عايز كمان قضية غزة تتصدرلك هى اسرائيل بتدفع باتجاه قوى جدا احكام الحصار وتحطك انت فى مازق هى دى القضية ان هى وضعانا احنا فى مازق
د.شوقى العقباوى: مع اللى احنا بنعمله دلوقتى من الجدار العازل والشفافيه
لميس الحديدى:لا الجدار العازل هى الشفافيه ضرورة جدا لكن الجدار هو ضرورة امنيه هامه جدا هى قضية الجدار تحتاج لكثير من الشرح تحتاج لكثير من الاعلام تحتاج لكثير من التفسير لكن الجدار حق يعنى زى ما بتعمل حدودك من حقك تماما انك انت تحمى حدودك وبعدين مصر كانت هناك انفاق مهمه كانت مصر تعرف عنها وبعدين كان فيه سكوت وكانت مغمضه عينيها لانها كانت بتبعت حاجات ومساعدات
لميس الحديدى:العام القادم دكتورسميركيف ترى وضع البطالة فى عجالة ؟
سميررضوان:فى عجاله شديده بس فى نقطة العلاقات الخارجيه عندنا ادارة الازمة عندنا فى الاقتصاد وبشوفها فى كافة التجمعات الاقتصادية وانا طبعا لا يمكن افكر بعقلية نظرية المؤامرة لكن حقيقتا هناك شعور لدى عدد كبير من الدول العربيه وغير العربيه فى ان موقف مصر معدش هو الموقف اللى كان موجود وبالتالى لابد من ملا هذا الفراغ معندناش وقت فى البرنامج لكن ممكن ادى الى اسئلة كتيرة جدا جدا
لميس الحديدى: خلينا فى الوضع الاقتصادى علشان وقت البرنامج
سميررضوان:طبعا الاقتصاد العالمى هو كان المصدرالاساسى للازمة نتيجة لانخفاض الطلب العالمى على الحاجات اللى احنا بنعملها كل التوقعات بالنسبه للاقتصاد المصرى وفى تقريرين مهمين طلعوا فى الاسبوع الماضى بيرى ان على سنة 2013 سيعود معدل النمو الى 7,4 سنة 13 بشرط كذا وكذا وكذا فى تقرير سلم من البنك الدولى للحكومة المصريه الاسبوع الماضى عامل استشراق لسنة 20 وبيرى ان الاقتصاد المصرى عنده امكانيات ضخمة جدا انما بشروط انه يفعل كذا وكذا وكذا
لميس الحديدى:الشروط بقى لخصهالى كده اصل انا بعيده عن ال 7%؟
سميررضوان: لا انتى ماشيه يعنى طالعه فوق الازمة دى ما كنتش ازمة بسيطه لكن انتى احتفظتى بمعدل نمو موجب
لميس الحديدى:الشروط بقى فى عجالة ؟
سميررضوان:ان فيه عمليه اعادة هيكلة فى الاقتصاد العالمى كله فى الصناعة فى الخدمات الماليه حتى فى السياحة فى نوعية الخدمات اللى بتقدم المطلوب فى مصر هل انتى على استعداد انك انتى تدخلى هذه الاسواق ؟ اولا درستى هذه الاسواق وحفظتيها فى الشرق وفى وسط اوروبا وفى الصين وفى الهند دا سؤال يجب ان احنا نواجه بشكل حاسم جدا الحاجة التانية انه عملية الاصلاح الاقتصادى اللى بدات بالفعل فى 2004 وكان لها نتايج ايجابيه لابد انها تستمر التصريحات مازالت بتاخد فترة طويله الى اخره
لميس الحديدى:علشان وقت البرنامج دكتوروحيد التصريحات الاخيرة بانه لا تعديل للدستورالسنة الجاية عندنا انتخابات برلمانية اساسية
د.وحيدعبد المجيد:يعنى يمكن مش محتاجين بشكل عاجل وملح جدا لتعديلات دستورية
لميس الحديدى:مش محتاجين نعدل 67 و77 ؟
د.وحيدعبد المجيد: مش لى 2010 2010 محتاجين تعديل نظام انتخابات مجلس الشعب
لميس الحديدى:حضرتك بترجح نظام القائمة؟
د/وحيدعبد المجيد:اه واعتقد الحزب الوطنى هيلاقى نفسه فى مازق شديد جدا لان هيلاقى نفسه عنده اغلبيه كاسحة واعتقد ان مدرك ان دى مضره عليه لان صورة البلد من بره لما يبقى عنده
لميس الحديدى: يعنى هما مهتمين قوى بصورة البلد بره اعتقد ان هما مهتمين بى جلب بمقاعد مجلس الشعب.
د/وحيدعبد المجيد:لا هو بيهتم بصورة البلد بره اكتر من جوه بالذات فى موضوع الديمقراطية لانه بيبقى فيه مشاكل كتير
لميس الحديدى:ما هو مش ممكن يعمل تعديل تشريعى قبل الانتخابات باد ايه ؟ الوقت يعنى عدى
د.وحيدعبد المجيد:مفروض يتعمل خلال شهرين تلاته
لميس الحديدى: الاحزاب مستعده لترشيح المراة ؟
د.وحيدعبد المجيد:المشكلة انه ولا حتى الحزب الوطنى عنده مرشحات
لميس الحديدى:امال ال 64 هيجبوهم منين ؟
د.وحيدعبد المجيد:هذه المقاعد هتبقى للاسف اضافة كمية مش اضافة نوعية لانه هو لو احنا عملنا نظام قايمة وخلينا فيه مواضع محدده للمراة انه نمرة 3 فى القايمة نمرة 6 نمرة 9 هتبقى فيه مشاركة حقييه علشان هتبقى المقاعد المحجوزة زى ما الواحد يلاقى اى حاجة ما بذلش فيها موجود
لميس الحديدى:الدوايراتقسمت الدواير اللى هى فيها اللى هينزلوا فيها السيدات اتقسمت ؟
د.وحيدعبد المجيد:اه اتقسمت هى المشكلة انها زى حاجة معطاه سلفا ما بتبزليش فيها مجهود مش زى ما تكون انتخابات حقيقيه
لميس الحديدى:متوقع 88 نائبا للاخوان المسلمين ؟
د.وحيدعبد المجيد:لا لا خالص
د.شوقى العقباوى:لن يزيدوا عن 10
د.وحيدعبد المجيد:اظن انه فى الوضع الحالى لقيادة الاخوان فى ظل الازمة اللى هما فيها دى انه الترشيحات هتبقى اقل بكتير لانه المقيمين الان على الجماعه هما من يركزون على العمل الداخلى والعمل الاجتماعى
لميس الحديدى:دكتورعقباوى المواطن اسعد حالا فى 2010 ؟
د.شوقى العقباوى: لا ويبقى الحال كما هو عليه
لميس الحديدى:حتى اشعارا اخر متفائلين اختارناهم والله بعناية ودقه يعنى اساتذه يعنى شرفونى اشكركم شكرا جزيلا على هذا الحوار المفيد كان معانا تليفونات كتيرة الحقيقة لكن انا فضلت انى انا استفيد براى هذه النخبه من الاساتذة هما يعنى الحقيقة مش متفائلين قوى يعنى بس يعنى فيه دوا كده هنديه بعد الحلقه هنوزع دوا عليهم فهيبقوا متفائلين 2010 اشكركم شكرا جزيلا 2010 ليس لدينا بابا نويل لكن نتمنى ان نكون نحن نستطيع ان نغير هذا الواقع هفضل اقول كده كتير لكن نتمنى ان يكون 2010 افضل كثير من 2009 اشكركم وهذه لميس الحديدى تحييكم وتصبحوا على خير.