الرئيس من ماسبيرو

بسم الله الرحمن الرحيم واستكمالا للحديث وبالنسبة للبرامج التي تم التحدث فيها بالنسبة للمرشحين ان شاء الله هولي كوادر في المؤسسات التي تستحقها ووضع البرامج وكل برنامج هنلاقي فيه طابع مميز او سمة مميزة كلهم بيهدفوا الى تحقيق مصلحة الوطن من اختلاف برنامج لاخر لكن اعتقد من وجهة نظري ان كل هذا البرامج اتحدت على احتياجها للمادة واحتياجها للفلوس اللي هتنفذ هذه البرامج بدون توافر هذه المادة لن نستطيع ان نحقق ايا من هذه البرامج فانا شايف ان اولوياتي او تخصصي او تركيزي ان شاء الله هيكون في الجانب الاقتصادي وهو محاولة زيادة موراد الدولة حتى نستطيع تنفيذ بنود البرامج المختلفة المتمثلة في الصحة والتعليم والبنية الاساسية وارتفاع دخل المواطن والنهوض بالمجتمع عموما عندي بعض من الافكار عندي طبعا حاجات هتعهد بيها على الصعيد الشخصي وعندي اولويات في الاولويات دي هستعرض بعض الافكار .. اتعهد امام الجميع وامام الله اولا ان اتقي الله في كل امور الحياة ان استغل الشعب المصري في دخول الجنة وقضاء حوائج الناس الا يظلم في عهدي احد قدر ما استطيع ان يشعر كل انسان مصري ومواطن مصري ان العدل هو اساس الحكم وان يشعر الجميع ان محمود حسام لكل مظلوم وعلى كل ظالم ان لا تاخذني العزة بالاثم اذا اخطات سوف ارجع في قراري وسوف استشير وسوف اجتهد حتى اصل الى القرار السليم في مصلحة الوطن والا ياخذني العناد والا ياخذني العزة بالاثم ان يكون مبدا التشاور هو المبدا الاساسي في اتخاذ القرار لان القرار اساسا وليد الحوار ايضا الا اولي الا من يصلح وهو دا اللي هيتسبب في النهوض بالبلاد ....
ولي بعض الاولويات لما جيت انا استعرض الوضع في البلاد برضه لقيت ان الله عز وجل لما امر العباد بالعبادة قال |" فليعبدوا رب هذا البيت الذي اطعمهم من جوع وآمنهم من خوف" .. اذن فيه حاجتين اسايين هما عماد الحياة الغذاء والطعام ثم الامن والامان .. الغذاء متمثل في 3 محاور زيادة الرقعة الزراعية ودي عندنا اراضي صحراوية والعديد من الكوادر والابحاث اللي تمت لقت ان المنطقة الصحراوية من الصحراء الغربية من الساحل الشمالي حتى منخفض القطارة يمكن ان تزرع بقرب المياه الجوفية وامكانية تحلية مياه البحر والدراسات عديدة وناجحة كانت المقولة ايه..؟ ان هذه المنطقة فيها الغام طبعا شئ لا يتصوره عقل ان بكل التقدم التكنولوجي اللي العالم كله يشهده احنا مش عارفين نطهر هذه البقعة او هذه الارض الصحراوية من بعض من هذه الالغام .. طبعا دا من اول اولوياتي ان شاء الله زيادة الرقعة الزراعية .. حاجتين تانيين الثروة السمكية والثروة الحيوانية .. الثروة السمكية زي ماقلت ان مصر حباها الله بموقع استراتيجي احنا محاطين بالبحور بالبحر الابيض من الشمال والبحر الاحمر من الجهة الشرقية وفيها اكتر من 6 او 7 بحيرات من اكبر البحيرات في المنطقة فكيف تكون الثروة السمكية بهذه الاسعار وغير كافية للشعب المصري عايزة بس ادارة صحيحة وناس مخلصة تنهض بالبلاد ان شاء الله عندنا الثروة الحيوانية .. فيه مشروع عندي اسمه مشروع الانتاج لمليون راس او مشروع المليون راس للانتاج الحيواني دا انا بحلف باذن الله انه يبقى مشروع قومي يدر البان بمعدل 18 مليون كيلو لبن في اليوم ثم 350 مليون كيلو لحمة الى 400 كيلو لحمة في السنة دا ان شاء الله فترة تنفيذه هتكون من 12 الى 18 شهر . بعض العاملين في مصر في الخارج وبعض الدراسات ابدوا التعاون والتبرع هم ورجال الاعمال المصريين دون تحميل خزانة الحكومة او الدولة اي حاجة هذا الموضوع هيتسبب في انخفاض الاسعار ان شاء الله تعالى في غضون 18 شهر بالنسبة للحوم وفي غضون 6 اشهر بالنسبة للالبان ومنتجاته والثروة السمكية ان شاء الله فيه بعض من الدول الاجنبية تبرعت بدراسات لانشاء اسطول بحري في البحر الابيض والبحرالاحمر لزيادة انتاج الثروة السمكية .. دا بخصوص الغذاء ربنا يوفقني بتحقيق الهدف وبالادارة الصحيحة ومتابعة العمل وشكر الناجحين ومحاسبة المقصرين هنصل الى نتيجة ان شاء الله تعالى
نيجي بقى للامن والامان وفيه العديد من الاتجاهات في المجالات في مجال التعليم وفي مجال الصحة وفي مجال الحكم المحلي وفي جميع المجالات اللي بتشكل عبء على المواطن المصري .. احنا مشكلتنا اساسا تنحصر في الاتي ان احنا من سنة 20 لحد النهاردة كان تعدادنا لا يزيد عن 7 او 8 مليون وعايشين في المساحة على نهر النيل ودلوقت احنا تعدادنا يقرب من ال90 مليون وعايشين في نفس المساحة بل بالعكس ان مساحة الاراض الزراعية قلت بمقدار 30% طبعا دا بيتسبب في سوء التصرفات للي بينا وبين بعض والضيق النفسي وعدم الاستطاعة من الزحام وتضييع الوقت للي احنا فيه من اولى اولوياتي ان شاء الله هو تغيير الخريطة الجغرافية والادارة لمحافظات مصر بحيث يكون لكل محافظة ظهير صحراوي نستطيع انشاء وخلق مجتمعات عمرانية جديدة اولا هتمتص الزحام وهتعمل فرص عمل جديدة ثالثا هنستطيع تحويل المورد البشري من زحام وعبء على الدولة والحكومة الى احد مقومات النجاح وشفنا احنا في الصين اللي هي مليار و200 مليون احنا طبعا الزحام عندنا اقل من كده بكتير ان شاء الله تعالى وباذن الله من اولوياتي الاخرى اولا تطبيق القانون بمنتهى الحزم ومحاسبة جميع الخارجين على القانون حتى نستطيع ان نعيش مع بعض احنا كده كل واحد بيطلع في دماغه حاجة بيعملها على الطبيعةاحنا ماشيين في الشارع واحد جاي عكس الاتجاه وواحد عامل مخالفات في المباني وعلى الاراضي الزراعية لعدم وجود الامن والامان وعدم الاستقرار السياسي وان شاء الله سوف اعمل جاهدا على تطبيق القانون ولن اخشى في الحق لومة لائم ..
طبعا مؤسسات الدولة جميعا اصابها الفساد مش الشرطة بس.. لا ..جميع مؤسسات الدولة حتى بما فيهم المؤسسة الاعلامية نفسها لابد من محاربة الفساد وملاحقته لاننا كيف نعيش وكيف ننتج وكيف ننفذ البرامج المختلفة وهو فيه فساد اداري وفساد فيالانتاج.. يبقى انا اول حاجة الامن ثم تطهير مؤسسات الدولة كلها دون استثناء من الفاسدين وملاحقتهم ووضع اسس وطرق لمحاسبة اي فاسد وتطهيره طبعا الايقاف الفوري للعبث باقتصادية الدولة انا متاكد انه فيه اموال بيتم تهريبها حتى الان احنا قاعدين نقول عايزين نرجع الفلوس من بره واساسا فيه فلوس بتتهرب لحد دلوقت وغسيل اموال دا بيعبث بالاقتصاد والمنظومة الاقتصادية لابد ان احنا نجتهد ونضع منظومة امنية صحيحة لوقف هذا النزيف انا ساعات بتصور مصر ان هي عاملة زي واحد عنده حنفية وبتنقط مية وعايزة تغير الجلدة فاحنا عاملين نمسح تحت الحنفية طب ما نغير الجلدة الاول .. نصلح الحنفية اللي بتنقط المية ودا اللي ناوي ناوي اعمله قبل البدء في اي مشروع ....
رفع كفاءة الاداء انا عشان احس بنهضة لازم احس ان المؤسسة التعليمية اداءها كويس والمؤسسة الصحية اداءها كويس لازم احس ان التامين الصحي يشمل جميع طوائف الشعب وفئاته يجب ان نعمل جميع من خلال الحكومة على النهوض بجميع مؤسسات الدولة ..
طبعا العمل على زيادة موارد الدولة وزي ماقلت عندي مشاريع قومية فيه المشاريع اللي انا ذكرتها وايضا مشاريع تخص زيادة الدخل على سبيل المثال وليس الحصر قناة السويس عندنا كنز لابد ان نستغله قناة لاسويس ممكن تتعمل منطقة صناعية على ضفي القناة ومنطقة خدمية اغلب تجارة العالم بتمر بقناة السويس واحنا ما بنستغلش هذه المناطق بالدراسات اللي قدمت الى .. وجد ان دخل قناة السويس اذا استغل دخل ضفتي القناة في مشاريع خدمية ان تصل الى 3 اضعاف الدخل الحالي فطبعا دا مشروع قومي لابد ان نسرع في البدء فيه ومشروع اخر اللي هو نهر النيل.. النيل دا حياة وكنز لا يستغل مع انه ممكن ان يستغل في زيادة الموارد المالية بصورة ضخمة جدا ممكن ان يستغل في تسهيل النقل بين محافظات صعيد مصر وبقية المحافظات ممكن ان يستغل باقامة المنتجعات السياحية في جزر النيل الخلابة الموجودة على محافظات مصر اعتبارا من القاهرة الى اسوان .. نهر النيل منجم من مناجم الدهب اذا استغل يضيف دخل للاقتصاد المصري .. ايضا السياحة فيه عندنا السياحة الدينية .. السياحة الدينية ازاي مش مستغل خالص عندنا سانت كاترين عندنا الرحلة المقدسة عندنا جبل اطور وسيدناموسى عندنا مزارات دينية كتيرة جدا ما شفتش انا ولا مرة اتعملت سياحة دينية ان شاء اله هنهتم بالسياحة كمورد من موراد الدولة ...
بخصوص الدعم .. الدعم في منتهى الاهمية لفئة مهمة وكبيرة من الشعب لكن ان شاء الله سوف اعمل على وصول الدعم لمستحقيه انا واحد من الناس انا ميسور الحال جدا ومع ذلك بشتري انبوبة البوتاجاز المدعمة وبشتري رغيف العيش وطبعا مش معقول لبائع البوتاجاز اقوله خد الخمسة جنيه دي ولا العشرة جنيه دي .. دي نصيبي من الدعم انا مش محتاجه انما انا مقدرش اغير المنظومة هحافظ على الدعم طبعا هعمل على انه يصل الى مستحقيه فقط من خلال الخبراء في هذا المحال ...
فيه نقطة مهمة جدا جدا سوف اسعى اى تحقيقها وهي خدمات الدولة الاساسية لابد ان لا نعتبرها من مصادر الدخل الرئيسي زي الكهربا زي المية زي النضافة .. الخدمات دي لابد ان اقلل من الاعتماد عليها لرفع الدخل القومي المواطن المصري دخله ضعيف جدا وما ينفعش الضغط عليه بهذا المنظر والكلام دا بزيادة موارد الدولة الاخرى ...
طبعا انا في موضوع في منتهى الاهمية اللي هو البيئة اللي عايشين فيها طبعا نظرا للزحام والوضع المتردي اللي احنا فيه ونظرا للفساد اللي استشرى في الخدمات الاساسية اصبحت البنية التحتية مستهلكة ومفيهاش تجديد ولا صيانه والنظافة لا تاخذ حقها ونعيش في مجتمع يكتنفه الامراض ان شاء الله اتعهد بان اهتم وانشئ ادارة خاصة للحفاظ على البيئة وعلى الاقل هي هتزود فرص العمل للشباب باذن الله...
اما بخصوص الاتفاقيات الدولية طبعا انا هنا ان الامر دا بيتداول بصورة انا مش راضي عنها بصورة اعلامية ونحن لا نعرف حقائق الامور وناس بتسالني هتعمل ايه مع اتفاقية الغاز مع اسرائيل هتعمل ايه مع كامب ديفيد وهتعمل ايه مع اتفاقية السلام مع اسرائيل هتعمل ايه في اتفاقية حوض النيل طبعا احنا ما نقدرش ناخد الاتفاقيات دي كلها كده بقرار واحد يستحيل لكن فيه مبادئ انا همشي عليها وهي احترام جميع الاتفاقيات الدولية اتي تم ابرامها بموجب القانون الدولي وبحثها اتفاقية اتفاقية على حدة اذا وجدنا انها مع مصلحة الوطن هنستمر فيها وهكلف الاعلام انه يعرض الموضوع على الناس .. فيه مثل بيقول اذا عرف السبب بطل العجب نشوف احنا اتفاقية تصدير الغاز على سبيل المثال لاسرائيل من ظاهرها ان هي وحشة واذا درسنا بنودها هنجد ان كلها في مصلحة الوطن فانا هطلع اقوزل ياجماعة ان البنود دي اساسها كذا وكذا وكذا وهي لمصلحة الوطن ولا يمكن عشان احصل على تاييد شعبي او احصل على حب زائف من الناس ان انا اضر لن اضحي بثوابت الوطن ان شاء الله هستعين بالخبراء في هذا المجال وهنبحث اتفاقية اتفاقية اذا لقينا اتفاقية من الاتفاقيات الطرف الاخر لم يلتزم بتنفيذ بنودها لن اطبقها تحت اي بند من البنود يا نلتزم بيها كلنا يا اما مش هطبقها ..
اذا وجدت اي اتفاقية من الاتفاقيات بنودها غير قانونية وتتسبب في عدم قدرتنا على القرار السيادي على اراضينا بالقطع سوف اعمل قصارى جهدي لتغيير بتنود هذه الاتفاقية بموجب القانون الدولي الحشد الدولي من المجتمعات الدولية وبكل ما اوتيت من فكر ومن الاستعانة بكل الخبراء السياسيين والدوليين في هذا المجال...
طبعا عند هذا الحد الحمد لله نستطيع ان نعبر بمصر الى الرقي والى النهوض ان شاء الله ولكن لن يتأتى ذلك الا بالوحدة....
مصر والحمد لله بلد عظيمة فيها جميع مقومات النجاح فيها جميع مقومات الخير اذا اتحدنا واتفقنا على الحب والمودة وعلى الاتحاد مع بعض لننهض بمستوى المواطن المصري عشان اولادنا عشان امننا واماننا .. مصر لو كانت دولة قوية لن تستطيع اي دولة اخرى ان تجير على حقوقنا اما اذا اختلفنا وفضلنا نتخانق مع بعض وفضلنا كل واحد عاوز ينفذ رايه بس وكل واحد عايز يستاثر بالسلطة بس مصر هتكون دولة ضعيفة ان احنا بنستعمر ومش شرط الاستعمار يبقى نتيجة حروب .. نستعمر اقتصاديا ونفسيا واجتماعيا وحتى عاداتنا وتقاليدنا لن نستطيع ان نحافظ عليها انا ادعو الجميع وادعو الله عز وجل وادعو الشعب المصري ان يختار من يصلح ومن يوفقه الله لادارة البلاد شكرا والسلام عليكم ورحمة الله وبركاته