اتجاهات

15/9/2011
هالة ابو علم: مشاهدينا الكرام في هذه الحلقة نوجه الدعوة الى كل انسان مصري شريف ولكل وطني مخلص ولكل محب لوطنه ولكل مح لمصر الوطن العزيزي التي اعطتنا كثيرا وندين لها بالولاء والحب والانتماء ، دعوة للحب لنحب وطننا اكثر ونحافظ عليه اكثر فما حدث بالامس اصاب كل المكصريين في مقتل اصابنا بالصدمة الشديدةالمستشار عبد العزيز الجندي وزير العدل اولا ارحب بحضرتك معانا النهارده وتوجه لحضرتك بالسؤال كمواطن مصري اولا قبل ان تكون وزويرا للعدل .. هل اصابتك احداث الامس باتلقلق او بالاحساس بالخطورة على وطننا
المستشار/محمد عبد العزيز الجندي: مفيش شك ان اللي حدث بالامس دا صدمة لاي مواطن مصري مخلص بيحب بلده وزي ما سمعت في المقدمة اللي انت قللتيها فين ابناء مصر اللي يخافوا عليها ويحرصوا عليها من ان تسقط .. اللي حصل امبارح دا جزء من مخطط يجري تنفيذه منذ فترة بقصد اسقاط مصر مش نظام، النظام اللي كانوا بيشتكوا منه اسقط يوم 25 يناير فعلا ولا شك ان الثورة التي حدثت دي كانت حدث هام في تاريخ مصر وتعتبر من الحاجات التاريخية في تاريخ مصر انها استطاعت ان تتخلص من نظام في وقت قصير جدا وقفات سلمية كاملة وفي 14 يوم استطاعت ان تسقط نظام مش بقول 30 سنة انا بقول 60 سنة ظل هذا النظام على صدر مصر استطاع ان يسقط في 187 يوم ودي تعتبر فترة قياسية ودا كان بيحسب لمصر وبشير الى ان شعب مصر انه شعب حضاري وراق جدا انه قدر ينجز هذا الانجاز في فترة تعتبر قياسية وبطريقة محترمة جدا جدا وانه ظل ايام الثورة في ميدالن التحرير خالية من أي شائبة تشوبها سواء جريمة تحرش او جريمة سرقة او أي جريمة ارتكبت في الميدان مع وجود هذه الاعداد الضخمة من الناس ودا كان شرف كبير لمصر جدا واشيد بيه والعالم كله قال ان شاب مصر اعطى لشباب العالم كله درس في الاحترام والكرامة والحرية والدفاع عن الديموقراطية دا كان كلام جميل جدا .. للاسف مهانش على بعض الناس اللي ما بيحبوش مصر انه الحكاية دي تتحقق ومصر تبقى نموذج رائع في المنطقة كلها بل في العالم كله في كيفية التخلص من الانظمة الفاسدة الى انظمة راقية وتحقيق ديموقراطية وحريات وعدالة اجتماعية في هذا الوقت القياسي وبهذه البساطة الشديدة كل دا مهعانش عليهم فابتدت المخططات وفضلنا نقول ..لا.. دي يمكن حاجات كده رد فعل لبعض الناس اللي اضيروا من الثورة واللي هما كان لهم مصالح في النظام السابق لكن المسالة تجاوزت الحدود
هالة ابو علم: سيادة المستشار احنا بنسمع من فترة وبيتردد دائما ان هناك مخططات تريد الاضرار بمصالح مصر لكن التفاصيل يافندم مين دول اللي عايزين يضرونا عشان على الاقل ناخذ حذرنا منهم
المستشار/محمد عبد العزيز الجندي: فيه طبعا .. فيه الانظمة الاخرى التي تخشى على نفسها ماحدث في مصر هناك انظمة في مناطق في الدول المحيطة هم طبعا يريدون ان يظلوا في اماكنهم وفي انظمتهم دون أي مساس بيهم دول طبعا من مصلحتهم دائمتا ان هذه الثورة لا تحقق نتائج تبقى نموذج لدولهم او شعوبهم لكي يقلدوا هذا النموذج ودول للاسف كتير حوالينا وثبت تورطهم وانا بقول الكلام دا بناء على تقرير لسه مقدم ليا امبارح عن تقصي الحقائق في شأن تلقي مبالغ من جهات اجنبية اكد ان هناك دول عربية قدمت مبالغ تفوق التصور
هالة ابو علم: قدمت لمين
المستشار/محمد عبد العزيز الجندي: لحاجات كتير طبعا فيه جمعيات مشهرة وجمعيات غير مشهرة ومؤسسات غير معروفة وفيه حاجات واخدة شكل شركات مدنية تحايلا على قانون الجمعيات تلاقي الراقبة اللي بيفرضها قانون الجمعيات على المنظمات والمؤسسات الاهلية مبالغ تفوق التصور لو تصورنا ان واحدة من هذه الجمعيات خدت 181 مليون جنيه منحة واحدة يوم 21 /3 وقع القرار بمنحها هذا المبلغ مبلغ لا يتصور ميزانية دولة ميزانية كبيرة وهناك امثلة كثيرة بس انا بدي رقم يعتبر رقم غير عادي معقول ان جمعية هتاخد هذا المبلغ هتعمل بيه ايه يعني ايه اللي ممكن تحققه منم مشروعات خدمة مجتمع لانه الجمعيات الاهلية مفروض انها شغلها كله لخدمة المجتمع فما هو المتصور ان يتم انجازه بهذا المبلغ الضخم جدا
هالة ابو علم: كان من الاولى او من الافضل اتن تعطي الدولة هذه الاموال للحكومة المصرية هذا المبلغ اذا كانت تريد ...
المستشار/محمد عبد العزيز الجندي: وهناك العديد من الجمعيات تتلقى اموال من نفس الدولة لهذه المنظمات او هذه الشركات المدنية والشركة المدنية دي بتبقى شكل بيدوه لنفسهم عشان يبقى الشكل قانوني لكنه منافي تماما لقانونن الجمعيات الاهلية وبتعتبر انها تتحابيل على القانون انها بتاخد شكل شركة مدنية لتتخلص من رقابة وزارة التضامن الاجتماعي عليها فبالطريقة دي خدوا مبالغ بالدولار وبالجنيه وبكل الوسائل الممكنة كميات كبيرة جدا وانا شرفت بتقديم هذا التقرير لدولة رئيس الوزراء ورئيس المجلس الاعلى للقوات المسلحة عشان بس يعرفوا الصورة شكلها ايه ودي تؤكد ان مايجري الان من تخريب للمنشآت ومن انتهاكات وتخريب مضر جدا للامن القومي وامن المواطنين ولسلامة المنشآت في الدولة وللسكينة العامة للمجتمع كل دا مخطط وبشكل منظم جدا جدا جدا واكبر مثل لها اللي حصل في استاذ القاهرة في استاذ الاهلي كيف تحول هذا الماتش رغم الانتصار الهايل جدا للنادي الاهلي تحول الى عملية فظيعة جدا لاهانة السلطة المصرية ممثلة في رجال الامن اهانة وصلت الى حد الاهانة الشديدة ان يلقى عليهم اكياس تحمل بول او أي حاجة او ضرب على القفا دا المقصود بيه المهانة لهذه القوات واهانتها لدرجة فوق الاذلال ودا صورة سيئة جدا ودا معاناه ايه ..؟ معناه ان هيبة الدولة كلها اللي بيحملها رجال الشرطة اتهانت في اليوم دا
هالة ابو علم: طيب سيادة المستشار احنا اليوم بنعيش ظرف استثنائي وبالتالي لابد من مواجهة هذه الظروف الاستثنائية بقوة القانون اللي هنعمله في الفترة الجاية عشان نقدر نحافظ على امنن مصر
المستشار/محمد عبد العزيز الجندي: المحجلس الاعلى للقوات المسلحة والوزارة اللي انا اشرف بعضويتها ان احنا حرصنا ان تكون مصر دولة القانون وان تعمل سيادة القانون ولا احد فوق القانون ودا كان شعار اتخذته الدولة تبنته المجلس الاعلى للقوات المسلحة والوزارة تبنته ايضا وقالك ان مصر دولة سيادة القانون وبمقتضى هذا انه لا احد فوق القانون والجميع سواسية دا كان شعارنا والحقيقة التزمنا بيه وقلنا اننا لن نلجا ابدا وباي صورة لاجراءات استثنائية لان في القانون ما يكفي لمواجهة أي مشكلة وفعلا مةناليوم الاول اصدرنا القانون قانون البلطجة او قانون الترويع كان صدر وبعدين حكم على دستوريته وظل 5 سنين يجب ان يعود قانوهن البلطجة الى الصدور تاني وكانت البلطجة مستخدمة في النظام الساتبق في اغراض منها الانتخابات وكان يخرج افواج البلطجية حاملين الاسلحة ومتعاطين ما يمكن تعاطيه من مواد مخدرة وينزلوا ساعة الانتخابات بينهوا عملية الانتخابات لمصلحتهم لذلك اول ما حرصت عليه عندما مسكت وزارة العدل ما ان وطئت رجلي وزارة العدل اصدرت قانون البلطجة في نفس اليوم بقرار صدر من المجلس الاعلى للقوات المسلحة مضاه في نفس اليوم لى طول وطبق من اليوم التالي لمحاولة الحد من ظاهرة البلطجة لكن كنا متأخرين قوي لانها ظلت 5 سنين تتربى في حضن السلطة
هالة ابو علم: يعني قانون البلطجة هيساعد في ايه يافندم بينص على ايه ؟
المستشار/محمد عبد العزيز الجندي: هو بينص على انه كل انواع الترهيب والتي تستخدم اسلحة ، غازات او أي حيوانات تعابين او كلاب او أي حاجة كل ما يترتب عليه ترويع المواطنين وترهيبهم واخافتهم وتحقيق مزايا من خلاله طعا دا قانون البلطجة والعقوبات فيه تصل لمدد كبيرة تصل الى الاعدام اذا ترتب على الجريمة موت شخص
هالة ابو علم: المليونية التي خرجت بالامس كان من ضمن اهدافها عدم محاكمة المدنيين امام المحاكم لعسكرية واعتقد انه في الفترة اللي فاتت منذ 25 يناير لم تمر مصر بظروف عادية نقدر فيها نطبق القوانين العادية وزي حضرتك ما اشرت في بداية الحلقة كان كثيرون يتربصون بامن مصر وامن شعبها هذه المسالة كيف نرد عليها مثول المدنيين ومحاكمتهم امام المحاكم العسكرية هل هناك من بد لهذه المحاكم ام نستطيع ان نتجنبها ؟
المستشار/محمد عبد العزيز الجندي: انا انتهز الفرصة واقول ان القضاء العسكري في المراحل الاولى من الثورة في تطبيق قانون البلطجة لانه كان البلطجي بيقبض عليه بمعرفة الشرطة العسكرية ليلا اثناء حظر التجول فكان بطبيعة الامر ان يحال امام القضاء العسكري باعتبار ان من تولى القبض هم رجال الشرطة العسكرية ومن خلال فترة حظر التجول دا امر طبيعي انهم يحاولا هناك وكان الحقيقة القضاء العسكري بيطبق دا تطبيق صارم وحازم وسريع فكان ليه اثر كبير جدا من الحد من الظاهرة الى حد ما لكن قامت قيامة المجموعة التي لها مصلحة ان تظل البلطجة طريقا واللي أضارهم جدا حبس هؤلاء الناس فابتدت مهاجمة التقدم للقضاء العسكري فاحنا النهارده في الاجراء اللي اتخذناه انه كل هذه القضايا سواء البلطجة او الاعتداء على حرية العمل ودي من ضمن الحاجات اللي عكرت الامن العام وعكرت صفو المجتمع اللي كان بيتم وقفات احتجاجية لكنها لم تكن تستهدف مطالب فئوية وانما تهدف تعطيل الاعمال والاعتداء على حرية العمل
هالة ابو علم: اسفة للمقاطعة ولكن دا ممكن نواجهه ازاي الوقفات الاحتجاجية المتواصلة ؟
المستشار/محمد عبد العزيز الجندي: بالفقانون ، هناك قانون برضه اصدرته الحكومة رضه اعدته وزارة العدل اللي هو الوقفات التي يترتب عليها تعطيل الاعمال والاعتداء على حرية العمل اللي عايز يعمل واللي عايز يفتح محل يبيع ويشتري بيمنع هذا بالقوة بالوقفات دي لأنها بتعطله عن هذا وايضا تعطيل المرور بيترتب عليه احداث فوضى
هالة ابو علم: طيب يافندم في المقابل هناك من يقولون ان تجريم المظاهرات ....؟
المستشار/محمد عبد العزيز الجندي: انا ماجرمتش المظاهرات دا غالقانون نفسه بيقول الاحترام الكامل لحق كل المواطنين في التظاهر والتجمهر والاعتصام لكن اذا ترتب على هذا انك تعطل الاعمال وتحدث ارتباك في حالة المرور والامن العام وتعتدي على المنشآت وتحرق المنشآت او تخربها لابد ان يكون هناك وقفة مش ممكن ابدا من خلال وقفات تعملها او اعتصامات او أي حاجة تخرب البلد لا يمكن ودا طبعا أي قانون في العالم لا يسمح بهذا لذلك هو التجريم هنا منصب على التعطيل للاعمال والاعتداء على حرية العمل وايضا تخريب المنشآت والاعتداء عليها دا المستهدف من هذا القانون لذلك منظمة العمل الدولية بعد ماراح لها شكاوى ان دا تجريم للتظاهر قالت لا اذا كان فيها اعتداء على حرية العمل يبقى دا قانون مطلوب ليحمي العامل وحرية العمل وحرية الاقتصاد المصري
هالة ابو علم: طيب يافندم بالنسبة لمن يثبت تورطهم في احداث الامس في البيان الذي القاه السيد وزير الاعلام قال ان من يثبت تورطهم في هذه الاحداث سيتم احالتهم الى محكمة امن الدولة العليا طوارئ؟
المستشار/محمد عبد العزيز الجندي: للاسف احنا كنا حريصين جدا على الا نلجأ الى قانون الطوارئ طول الوقت كنا بنسعى على ان نكتفي بالقانون الطبيعي والقاضي الطبيعي لمواجهة أي ظاهرة اجرامية في مصر ودا كان اسلوب التزمته الحكومة والتزمه المجلس الاعلى للقوات المسلحة ان احنا لن نسمح ابدا أي اجراء استثنائي بل بالعكس قامت الحكومة والمجلس الاعلى للقوات المسلحة بالافراج عن كافة المعتقلين السياسيين وايضا حتى المعتقلين الجنائيين افرجت عنهم جميعا لكن اللي حصل ان الناس لم تحترم هذا ، الناس اللسي قاصدين يخربوا مصر انتهزو ا الفرصة ان احنا قلنا ان احنا مش هنطق ابدا قانون الطوارئ اننا لن نلجا ابدا الى قناة استثنائية فانطلقوا يعملوا مخططهم على لانهم مطمئنين ان الدولة لن تستخدم ابدا معاهم أي اساليب قمعية
هالة ابو علم: اذن يافندم تفعيل قانون الطوارئ لن يمس الحريات الاساسية للمواطن المصري؟
المستشار/محمد عبد العزيز الجندي: اطلاقا لكنه يتصدى لهذا النوع اللي هو بيستهدف اسقاط مصرنتيجة هذه المسالة اننا اصبحنا في معركة لا مهادنة فيها هؤلاء النماس يريدون ان يخروا مصر وان يسقطوا مصر وان يخلوا العالم كله يتحدث عن مصر وان مصر عاجزة عن حماية البعثات الدبلوماسية لديها هذه الصفة ان توصف بها مصر بعد هذا العمر الطويل في العمل الدبلوماسي وفي حماية الاقليات وفي حماية البعثات الدلوماسية تاريخها منذ ان اصبحت دولة مستقلة لم يحدث اعتداء على بعثة دبلوماسية في مصر ولا على مقر سفارة من السفارات كوننا ان نصبح النمهاردة ونوصف على اننا دولة عاجزة على حماية هذه المنشآت وهذه البعثات دا وصف عيب قوي ان مثصر توصف هذه الصفة بعد هذا العمر الطويل وتوجه لنا من دول احموا بعثاتنا يا امنا نيجي نحميها او نستخدم سفارات اخرى لحمايتها زي ماحصل انه السفارة الاسرائيلية لما فقدت مكانها بالاحداث اللي حصلت دي قالت هالجأ للسفارة الامريكية لكي اعمل من خلالها
هالة ابو علم: انا هعود مرة اخرى للرقم اللي حضرتك ذكرته 181 مليون اللي ادته احدى الدول العربية المحيطة لاحدى الجمعيات تحت ذريعة العمل الاهلي التطوعي ومماشابه حضرتك قلت ان تم في شهر مارس الماضي لكن هل دا تم تسليمه لاحدى الوزارات يعني وزير تم تسلمه مثلا ؟
المستشار/محمد عبد العزيز الجندي: من الجهة المانحة مباشرة للجمعية ولذلك هناك تحقفيقات هتجري في هذا الشان
هالة ابو علم: الى جانب الدول العربية اكيد فيه دول اخرى ؟
المستشار/محمد عبد العزيز الجندي: امريكا .. السفيرة الامريكية اعترفت انهم ادوا لمصر ما يقرب من 120مليون دولار مش لمصر هما سموها لشعب مصر ولما سئلوا انتوا ليه ما اديتوش للحكومة قالوا ان الحكومة غير منتخبة وكأنه انه لازمك تكون الحكومة في مصر تكون منتخبة حتى ىيتم التعامل معاها مع ان البروتوكولات والمواثيق الدولية اللي بتربطنا بهم تنص انه لابد ان يكون ذلك من خلال الحكومة ولابد ان تكون من خلال جمعيات اهلية مشهرة ومعروفة
هالة ابو علم: لكن الغريب انها بتتم من الجهة المانحة الى الجمعيات مباشرة ؟
المستشار/محمد عبد العزيز الجندي: وغير مسجلة والجهات المانحة ايضا غير مسجلة وغير مصرح لها بالعمل في مصر
هالة ابو علم: مسالة التحريض اللي بنراه للاسف في الاعلام وانا بيحزنني دائما لما باجد على شاشات التليفزيون وعبر الفضائيات مذيعين زملاء يقومون بالتحريض وهما بيتصوروا انه عن طريق هذا التحريض يحققون المجد لانفسهم او الشهرة ةولكن اعتقد انهم لا يعلمون تماما انهم يضرون بامن وطن لم يقدم لهم الا كل شئ جميل وكل خير يعني ايه راي حضرتك وهل من الممكن ان يتم استخدام قانون من القوانين لمسالة التحريض المستمر عبر الفضائيات ؟
المستشار/محمد عبد العزيز الجندي: طبعا طبعا هناك قانون انا بقول لحضرتك انمه رغم اننا طول الوقت كنا حريصين على الا نستخدم ابدا قانون الطوارئ ولا نلجأ ابدا الى اجراءات استثنائية ولا محاكم استثنائية لانه كنا دايما نقول ان القضاء الطيعي والقانون الطبيعي واحترام القانون هو اللي هيبقى اسلوبنا في العمل ، النهارده الموقف اللي صادفناه النهارده ودا موقف غريب جدا ان المسالة حياة او موت مصر ممكن انها تبقى وممكن انها لا تبقى
هالة ابو علم: اكيد
المستشار/محمد عبد العزيز الجندي: ولا يمكن ان نقبل اطلاقا مهاجمة لهذا المجال يعني التهاون ابدا .. فالنههاردة اصدر رئيس المحجلس الاعلى للقوات المسلحة قرار بالعمل بيقانون الطوارئ فيما يتعلق بالجرائم اللي احنا بنعاني منها حاليا وعلى راسها جريمة البلطجة ، الاتجار في المخدرات الاتجار في الاسلحة ، جرائم تعطيل الاعمال ، جرائم وقف القطارات.. تعطيل القطارات دي جريمة جناية يعاقب عليها
هالة ابوعلم: يافندم انما عايز اقول لحضرتك حاجة المواطنين المصريين كلهم الفئة الصامتة زي ما بيقولوا بيطلقوا على فئة ما الاغلبية الصامتة ان هي تماما مع الحكومة مع اتخاذ اشد التدابير ضد من يقومون بقطع السكك الحديدية او الطرق الشعب المصري الغالبية العظمى يشجعون ذلك الكل عايز حماية مصر الكل عايز امن مصر والكل عايز مصلحة مصر مين اللي هيرفض ان الحكومة تعمل اجراء ما اللي عايز يقول كلمة او اللي عايز يحتج مافيه قنوات مباشرة يعني طالما ان فيه فصائل سياسية كثيرة واحزاب سياسية كثيرة فليكون رؤساء تلك الاحزاب يقومون بحوار مباشر لكن لماذا الاحتجاج لماذا قطع الطرق لماذا قطع السكك الحديدية
المستشار/محمد عبد العزيز الجندي: وكل دا بيعاقب عليه في القانون الطبيعي العادي فيه نصوص
هالة ابو علم: نرجو ان يتم استخدام القانون وتفعيله في الفترة القادمة ولا نسمح بهذه الاشياء
المستشار/محمد عبد العزيز الجندي: الجديد بقى انه في الحالات دي ان هذه الجرائم لن تعامل معاملة محكمة عادية هتحول الى محكمة امن الدولة وهذا قضاء عاجل ويتميز بالسرعة في الاحكام وفيها كل عوامل العدالة وتحقيق الدفاع انما هي كل مافيها انها تاخد اتجاه معين علشان تنجز بسرعة ودا اهم حاجة
هالة ابو علم: سيادة الوزير للتدليل على اللي انا قلته من شوية تقرير بنستشهد فيه باراء المواطن المصري ياترى هل هو مع الاحداث اللي حصلت امبارح ولا معترض عليها
تقرير ميداني
مواطن1:اللي حصل امبارح لحد قبل اللي حصل في وزارة الداخلية انا معاه لكن حرق وزارة الداخلية وتخريب وزارة الداخلية دي اموالنا اموال شعب مصر وهتتصلح باموالنا تاني دا انا مش موافق عليه
مواطن2:لغاية تصحيح المسار لغاية المظاهرات السلمية دا عشرة على عشرة اتنقلنا للتخريب في وزارة الداخلية دي حاجة مش مظوطة
مواطن3:على وزارة الداخلية وبيكسروا الشعار دا دليل على ان البلطجية هما اللي سادوا
مواطن4:اللي حصل دا طبعا تهريج والمجلس العسكري لازم يكون اشد من كده انا رايي كواحد من الشعب يضرب بيد من حديد المفروض على الاحداث اللي انا سمعتها دي يعدموه عن نفسي كمواطن مصري دا ما يرضيش ربنا بصراحة ..اه نتظاهر سلمي اه لكن نخاف على بلدنا وما نخربش
مواطن5:اه المظاهرات مكفولة والاعتصامات مكفولة انما بدون تخريب وبدون تعطيل المصالح والمنشآت اللي اعتدوا عليها منشآت حكومية يعني هنطورها ونصرف عليها من الافتصاد بتاعنا ومن فلوسنا كل دا هيأثر علينا بالسلب
مواطن6:الثورة ما تعملش كده ابدا ، الثورة ناس سلميين ما يعملوش كده في البلد البلد لازم يكون فيها نظام يعني انا بطلب من المجلس العسكري يعلن الاحكام العرفية لان احنا كشعب ما ينفعش اللي احنا بنعمله دا
مواطن7:الناس الثوار المحترمين اه فيه ناس ثوار هدت السور من حقهم انهم يهدوا السور لان دا استفزاز للشعب المصري لانه احنا متخيلين السور بتاع فلسطين دا بيربط ذهننا بدا ياريت ياريت نشوف الناس اعتراضاتها ايه عشان تنفذ ممكن نخلص من المواضيع دي كلها عشان الدولة تشتغل تاني والناس ترجع تاني يعني فيه متطلبات لازم تتعمل
مواطن8: انا شايف انه لازم نهدى شوية الشعب لازم يهدى على اللي حصل امبارح ونشوف الحكومة الجديدة هتعمل معانا ايه
فاصل
هالة ابو علم: سيادة الوزير هل احنا في مصر محتاجين قانون ينظم حق التظاهر السلمي يعني فعلا حق التظاهر مكفول والدولة قالت مفيش مشكلة هل نحن بحاجة الى تنظيم هذا القانون
المستشار/محمد عبد العزيز الجندي:القانون موجود وقديم يعني ، يجب التقدم بطلب الى الجهة الامنية والحصول على موافقة منها وتحديد مواعيد التجمع والتظاهر ولابد ان لا يترتب عليه تعطيل للعمل لانه المهم عندنا ان أي مظاهرة سلمية لا تعطل الاعمال ودا قانون موجود واحنا معترفين بحق التظاهر واحنا احترمت عندنا يوم ماحصل اضراب السكة الحجديد حكم ببرائتهم اعتبارا ان حق التظاهر مكفول ونجرم فيه الاعتداء على حرية العمل انما مع الاحترام الكامل لحق المواطن في التجمهر والتظاهر والاعتصام انما ما يترتب على ذلك من تعطيل اعمال او انتهاك للامن العام او السكينة او تخريب منشآت هو دا اللي بيعاقب عليه انه لا تحدث فوضى نتيجة هذه الاعتصامات او غيرها ولا يعطل عمله انما اللي بيحدث فعلا انه بتحدث فوضى شديدة جدا وبيحصل تخريب لمنشآت زي اللي حصل في وزارة الداخلية وزي اللي كانوا رايحين يخربوا مديرية امن الجيزة دا كله لمصلحة مين..؟ يعني وقبل كده محكمة الجلاء كله مخرب المبنى اللي كان فيه الحزب الوطني المبنى اللي كان فيه المجالس القومية المتخصصة ومجلس المراة كل دي حرقت هذه المباني
هالة ابو علم: بس حضرتك دا كان ايام الثورة .
المستشار/محمد عبد العزيز الجندي: ايوة انا قصدي اقول هذا التخريب ليس لمصلحة مصر يعغني كل دا مين هيعيد بناؤه تاني
هالة ابو علم: برضه احراق عربات الشرطة والامن المركزي ......
المستشار/محمد عبد العزيز الجندي: ايوة ودي مكلفة جدا جدا لذلك انا بقول انه هذا العمل لا يمكن يكون ابدا مخلص لمصلحة مصر ولا يمكن ان يستهدف مصلحة مصر انما لابد ان نفهم ان دا المقصود بيه ضرب مصر في الصميم وانا بقول ان هناك من ينادي او يطالب باسقاط مصر في المنطقة كلها كنموذج ودي مسالة لازم نحرص عليها ، المواطن الشريف والمخلص لمصر لابد ان يتنبه لهذا احنا ازاء مؤامرة شديدة جدا اطرافها متعددين وليس طرف واحد والهدف منها هي تفتيت مصر وتقسيمها
هالة ابو علم: حتى لا تقوم لها قائمة بعد ذلك ؟
المستشار/محمد عبد العزيز الجندي: وتكون نموذج لاي دولة تقفكر انها تقوم بثورة
هالة ابو علم: ايه خطورة النيل من مؤسسات الدولة وبصفة خاصة مؤسسة الشرطة مؤسسة القضاء ، القوات المسلحة الاعلام ؟
المستشار/محمد عبد العزيز الجندي: هي دي سلطات الدولة هي دي هيبة الدولة
هالة ابو علم: ايه تاثير دا على امن الوطن
المستشار/محمد عبد العزيز الجندي: انهيار دولة وسقوط دولة نهائيا ولا تقوم لها قائمة بعد هذا اذا سقطت كل هذه الاجهزة اللي حضرتك اتكلمت عنها اللي هي شعار سلطة الدولة وهيبة الدولة
هالة ابو علم: دائما حتى يطلقوا على هذه الوزارات الوزارات السيادية
المستشار/محمد عبد العزيز الجندي: لانها تحمل سيادة الدولة وتعبر عن سيادة الدولة ولذلك احنا لما نقول الكلام انه هيبة الشرطة من هيبة البلد بنشوف في الدول الراقية انجلترا مثلا الناس بتروح امام العسكري والاطفال بيتعلموا منه ويحترموه ، العسكري اللي واقف في الشارع هناك هو رمز الدولة احنا عندنا بنضربه على قفاه يعين الحقيقة منتهى المهانة ومقصود بيها واهدار وبيان ان هيبة الدولة بتسقط ونفس الشئ بينطق على القضاء اللي بينضربوا في محاكمهم وبيخشوا النهارده من اصدار احكام حتى لا يتنم الاعتداء عليهم في المحاكم بتاعتهم ، النيابة ايضا تخشى حبس المتهمين او تقديم متهمين للمحاكمة والقوات المسلحة مش عايزين يخشوا حتى لا يحدث صدام ويتكرر ماحدث في ليبيا او في سوريا احنا القوات المسلحة حريصة على الا تتدخل في أي مواجهة مع الجماهير حتى لا تتحول الى سوريا اخرى او ليبيا اخرى
هالة ابو علم: للاسف يافندم برضه ومن خلال زملائي حاليا يحدث اشتباكات عنيفة بين القوات المسلحة وبعض المتظاهرين امام السفارة الاسرائيلية ومثيري الشغب بصفة خاصة امام السفارة الاسرائيلية مرة اخرى يعني الى اين يقودونا يعني انا اعتقد انه بهذه الطريقة تسير في طريق مظلم
المستشار/محمد عبد العزيز الجندي: طريق الحرب عايزين يقودوا مصر الى مواجهة حربية مع اسرائيل ودا مضر جدا بالنسبة لمصر لان مصر في ظروف اقتصادية وظروف صعة جدا انها تخش معركة في هذه الفترة بالذات دا بيعرضها لمشكلة لذلك هما بيحاولوا من خلال كل هذه الاستفزازات والاحتكاكات والحاجات دي كلها انهم يحموا الصراع المصري الاسرائيلي ويسقطوا معاهدة السلام ويسقطوا معاهدة كامب ديفيد حتى تحدث حرب ويحدث ما لا يحمد عقباه نتيجة هذه الحرب احنا ماصدقنا ان احنا خلصنا من حروب
هالة ابو علم: والله معالي الوزير انما كمواطنة مصرية حزنت لما لقيت بعض القوى السياسية بيتكلموا وبيقارنوا بين الموقف المصري وبين الموقف التركي في التعامل مع اسرائيل اعتقد اننهم وهما بيقارنوا تناسوا تماما ان مصر تمر بظروف مش عادية وان تركيا في حالتها العادية تماما ، الحاجة التانية اةه مفيش معهاهدة سلام ما بين تركيا واسرائيل ، فيه معاهدات واتفاقيات بتنظم التعامل بينهم وبين بعض انما ما بيجمعهمش نفس اتفاقية السلام اللي بينا وبين اسرائيل مفيش حدود متلاصقة او متلامسة ما بينها وبين اسرائيل زي اللي موجودة ما بين اسرائيل ومصر يعني اعضاء هذه القوى السياسية ورموزها اتكلموا وروح ان احنا عايزين نحخارب هل بينظروا الى الواقع المصري مش عارفين احنا عايشين ايه النهارده
المستشار/محمد عبد العزيز الجندي: هل مستعدين الناس دول يروحوا يحاربوا هل هما مستعدين للحرب النهارده نفس الناس دول يتفضلوا يلبسوا ويروحوا يقعدوا على الحدود مع اسرائيل ويورونا كيف يحموا هذه البلاد من أي اخطار عسكرية زائد انا عايز اضيف حاجة الموقف اللي حصل مع تركيا غير الموقف اللي حصل معانا ، الموقف اللي حصل مع تركيا مراكب تركيا متجهة الى غزة محمية وتم ضربها بطيران اسرائيلي صريح وانقضت عليها الطائرات ونزلت عليها القوات قتلت عدد من كانوا في السفينة فدا اعتداء سافر وواضح على سيادة دولة لان دي دولة والمركب دا يعتبر جزء من اراضي الدولة وتم الاعتداء عليها عمدا وبسلاح طيران ورسمي لكن اللي حصل عندنا احنا حسب التصور من قبل اجهزة المراقبة بتاعة القوات المسلحة اللي مكوجودة انه كان هناك اطلاق نيران بين قوات اسرائيلية والناس اللي ارتكبوا حادثة ايلات دالخل الحدود الاسرائيلية فهما جم ناحية الحدود المصرية واثناء ذلك اصابت الطلقات القوات الافراد المصريين واسرائيل اعلنت اسفها في اكتر من مرة عن ان ما وقع دا لم يكن مقصودا بالمرة
هالة ابو علم: وفي المقابل رفضت الاعتذار لتركيا
المستشار/محمد عبد العزيز الجندي: رفضت الاعتذار لتركيا مع ان هناك الحدث عمدي لذلك احنا في موقفنا نفسه من ضمن طلباتنا اجراء تحقيق مشترك لمعرفة اليه اللي حصل على الحدود المصرية كان هنا الموقف هما ابدوا اسفهم اكتر من مرة وقالوا احنا فعلا معترفين بالخطأ
هالة ابو علم: طيب يافندم انا هعود مرة اخرى للقوى السياسية والمسئولية المجتمعية تجاه ما يحدث الان في مصر يعني هؤلاء الرموز المصريين يعني طلعوا في الصحافة والفضائيات بتصريحات نارية ولكن عندما يتعلق الامر بامن مصر ومثيري الشغب الذين يضللون كافة المؤسسات على كافة لاارض المصرية لم يصدر بيان حتى الان من هذه القوى السياسية يدين ماحدث بالامس على ارض مصر ، المسيئولية المجتمعية تتعلق بافراد دون اخرين ام هي تتعلق بجميع المواطنين المتواجدين على ارض مصر
المستشار/محمد عبد العزيز الجندي: هي طبعا مسئولية على جميع المواطنين لابد لاي مواطن شريف ان يستنكر ماحدث لانه ماحدث لا يمكن ابدا ان يكون في صالح مصر ولا يمكن ان ماحدث بالامس او اول امس يكون في صالح مصر ولا ترير لعه ابدا يعني ممكن ان يبرر في اطار نتائج الثورة ..اطلاقا .. الثورة لم تقصد هذا وانما واثق تماما ان شباب الثورة بعيدة عن أي احداث وقعت وانا في كل برنامج بقابلهم فيه بقولهم احرسوا ثورتكم ، ثورتكم بتتدمر للاسف لابد ان يدافعوا عن مصر وعن اسقاط مصر ، مصر هي المستهدفة في كل ما يجري ، لابد ان نكون جميعا المصريين المخلصين المحبين لوطنهم في وقفة شجاعة جدا وضد هذه الاحداث التي تجري وشايفينها وكل الناس اللي بيعملوا الجرائم دي كلها ناس مأجورين محترفين بلطجية بتصل يوميتهم لكل واحد فيهم الى 5 الاف جنيه
هالة ابو علم: من خلال الوقفات الاحتجاجية المستمرة ومن خلال الوقفات اللي بتطالب بمطالب فئوية وهي عادة بتتعلق بالاجور والدخل الخاص افراد داخل مؤسسات مختلفة يعني وقفات احتجاجية للمعلمين او في جهة ما او اخرى كلها تتعلق بالاجور وبالاموال اللي هما بيتلقوها اذن هي ايضا خاصة بالاقتصاد هل ماحدث في مصر بالامس وهل ماحدث بالمساس بهيبة الدولة وهل سقوط رموز الدولة الرموز القوية الشريفة التي تتصدى او مهمتها الاساسية التصدي لكل من يهدد الامن المصري هل هذا لا يتعلق بالاقتصاد يعني يدمر الاقتصاد بالسياحة يوقف تدفق الاستثمارات
المستشار/محمد عبد العزيز الجندي: للاسف كان اخر مؤشر في الاقتصاد المصري واذاعته وزيرة التعاون الدولي السيدة الفاضلة فايزة ابو النجا قالت انه كان بدا المؤشر في الارتفاع لايجابية يبعد ان كان بالسلب في ال3 اشهر الماضية بدا نحو الاتجاه للصعود نحو الايجاب لاوزل مرة منذ بدء الثورة ، للاسف ما حدث في هذه الايام هيكون له نتيجة عكسية على هذا وهنرجع تاني ننزل للسلب تاني في الاقتصاد جميع هذه المطالب الفئوية لا يمكن تلبيتها في هذه الظروف اللي احنا فيها احنا اقتصادنا تعبان جدا جدا جدا ميزانيتنا بتمول بعجز الى الان فاحنا محتاجين الى اننا نصبر على هذا البلد ونصبر على اقتصاده حتى ينشط ونعمل .. للاسف لا نعمل ، كل مواطن عليه واجب ان يعمل من اجل مصر يعنمل باي وسيلة وباي امكانيات لابد ان ينتج حتى تستعيد مصر عافيتها مرة اخرى وتنشط مرة اخرى وانا واثق ان المستقبل بيحمل الخير الكثير لمصر لان مصر فيها خير كتير جدا وكان بيتنهب في المستقبل ما يحصلش ان هو يتنهب عشان نبقى دولة من اعظم الدول الموجودة في المنطقة اقتصاديا بس يصبروا علينا ويشتغلوا معانا
هالة ابو علم: يعني ما تم اذاعته ان معدل النمو خلال الفترة اللي فاتت 1.8 %
المستشار/محمد عبد العزيز الجندي: دا بالايجاب بعد ان كان بالسلب
هالة ابو علم: دول زي الصين معدل النمو 11%
المستشار/محمد عبد العزيز الجندي: والسياحة بدات تعمل وكان انتعاش تدريجي صحيح س كان في اتجاه الصعود كوننا نريد ان ان يستقر الامن وتظل البلد في استقرار وسكينة حتى نستكمل استعادة سياحتنا واستعادة اقتصادنا مرة اخرى لكن للاسف هما مش عايزين كده هما بالعكس اقلقهم جدا ان تعود السياحة واقلقهم جدا ان يعود المؤشر للصعود واقلقهم جدا ان البورصة فيها صعود في اغلب الايام فقرروا ان يدمروا كل هذا باللي اتعمل وانا بقول للمواطنين الشرفاء خلوا بالكم من مصر احرسوها هي أمانة في رقبتكم
هالة ابو علم: معالي وزير العدل سيادة القانون واعماله بعد ثورة 25 يناير خاصة على ضوء التحذير ضد اعمال التخريب يعني هل آن الاوان لاعمال القانون بشكل حازم طبعا احنا قلنا في البيان اللي صدر في مجلس الوزراء وقراه السيد وزير الاعلام قال انه هيتم احالة من يرتكبون الاعكمال التخريبية الى محكمة امن الدولة العليا ولكن الشارع المصري فيه بعض مظاهر الانفلات وتتعلق بامن المواطن المصري يعني بعض اشارات المرور وحراسة بعض الاماكن العادية اصبح المواطنين دلقوت بيخافوا ان هما يمشوا بالليل بعد ساعة معينة او بعض الشوارع اللي ممكن تكون مهجورة فهل يمكن تفعيل القانون بصورة اكثر
المستشار/محمد عبد العزيز الجندي: ان شاء الله في المرحلة القادمة هتكون القوة ولازم يعرفوا ان الحكومة زي ما بتتعامل معاهم بالاسلوب الهادي النما قادرة على ان تطبق القانون تطبيق صارم وصحيح وان شاء الله المرحلة القادمة أي مخالفة للقانون هتأخذ مأخذ جد في محاكمات سريعة للحصول على نتايج ايجابية وسريعة لحماية هذا الوطن العظيم اللي احنا كلنا مدينين له فلا بد ان نحافظ عليه ونتفانى في الحفاظ عليه مش هنسيب الناس دول يلعبوا بمقدرات مصر ابدا لان الموقف يقتضي هذا وةلا يسمح الموقف بغير هذا احنا لن نسمح ابدا بان يحصل هذا وعندنا قانون طوارئنستخدمه، لابد ان نستخدمه ولابد ان يؤخذ هؤلاء الناس الى قانون الطوارئ الى محامكم امنم الدولة لان القانون هو اللي هيسود وقانون الطوارئ دا قانو طبيعي
هالة ابو علم: وموجود في جميع الدول
المستشار/محمد عبد العزيز الجندي: وهو معمول لمواجهة الظروف اللي زي دي انه حينتما تشتد الازمات لابد من مواجهتها بقانون الطوارئ والنهارده هيستخدم قانون الطوارئ ويستخدم بكل اساليبه اللي خايف على نفسه يحترم نفسه وهنكشف من خلال الايام القادمة ايه المخططات اللي بتتعمكل دي وتمويلها كيف يتم وكل دا ان شاء الله للتحقيق وهنكشف عن الاسماء والاسماء معروفة ومراقبة ومسجلة وان شاء الله العالم كله هيعرفوا ان هؤلاء الناس ليسوا محترمين بالمرة
هالة ابو علم: بالظبط يافندم لانه الكل الحقيقة يطالب بمعرفة هذه المخططات من الدول التي تقف وراءها هذا التمويل المشبوه من هذه الجمعيات من هؤلاء الرجال اللي بيرتدوا الكثير من الاقنعة
المستشار/محمد عبد العزيز الجندي: بيبيعوا بلدهم بيبيعوا مصر بارخص الاسعار للاسف مهما تقاضوا لا تساوي شئ في حب مصر
هالة ابو علم: بالتاكيد يافندم .. عايزين كلمة اخيرة من حضرتك بتوجهها للشعب المصري كله والحقيقة ان مصر بتمر بظروف صعبة اعتقد انها بتستدعي انه يخرج من داخل كل انسان مصري وطني كل مشاعر الاخلاص والانتماء والوطنية
المستشار/محمد عبد العزيز الجندي: اقولهم ياللي بتحبوا مصر يا مصريين يا مخلصين يامواطنين ياشرفاء حافظوا على مصر واحموها من هؤلاء النماس اللي مش عايزين لها خير ابدا واللي بيحاولوا يدمروها ويسقطوها وتتفتت زي السودان ماحصل فيها شمال وجنوب ولسه بيلعبوا في كردفان عندهم برضه ان سينا تحل على اساس قضية فلسطين ان هناك تقسيمات اخرى جنوب وشمال كل دا الحقوا مصر قبل ان يتم تنفيذ هذا المنخطط لان دا مخطط متفق عليه من مجموعة دول وقاصدين ينفذوه وللاسف بيجروا في مصر ولا بد ان احنا نواجه هذه الفئة الضالة بقوة وبعنف ولا نسمح ابدا باي مهادنة معاهم وهنطبق القانون تطيق صارم ولن نسمح لهم ابدا بتنفيذ أي مخططات
هالة ابو علم: معالي وزير العدل وقبل ان اختم لقائي مع سيادتك الملفات المطروحة على مجلس الوزراء ماهي اكثر الملفات التي تهتمون بها وخاصة بمستقبل مصر
المستشار/محمد عبد العزيز الجندي: طبعا على راسها تامين سينا ن تامين سينا واخدنا مننا اهتمام كبير جدا لانه لابد ان نولي اهتمام كبير جدا لتامين سينا لان هي الحاجز الفاصل بينا وبين اسرائيل ولابد ان تكون قوية ومعمرة وشعبها ياخد حقه لانها الحقيقة احنا اهملنا لمدة طويلة جدا حقوق اهل سينا منطقة سينا لازم ياخدوا حقهم كاملا وفعلا بدات الخطة تنفذ وان شاء الله هيجدوا كل ما يتمنوه محقق على ارضهم ، ايضا التعليم احنا مركزين جدا على التعليم وعلى الارتقاء بالتعليم العالي والعادي وما قبل الجامعي لانه دا وسيلة للحاق بالركب العالمي في التقدم وعندنا خطط مقدمة ووافقنا على جامعة زويل او مدينة زويل العلمية ودا مشروع ضخم جدا جدا يكفي ان مجلس الامناء فيه 6 واخدين جائزة نوبل يعني ان شاء الله هيبقى مشروع قوي جدا وهيفتح مجالات قدامنا في البحث العلمي ، عندنا مشروعات كبيرة جدا لاستصلاح الاراضي وتننمية الزراعة لتحقيق الاكتفاء الذاتي ، عندنا رنامج اسمه الاسكان الاجتماعي ودا بيحقق توفير مسكن للطبقات الفقيرة كلها وايضا اعطاء اراضي للبناء عليها للطبقة المتوسطة باسعار تعتبر زهيدة كل دا المقصود يه توفير الاسكان الاجتماعي الجيد ، رفع مستوى المعيشة، تحديد الحد الادنى للاجور والحد الاقصى للاجور ان شاء الله هيبقى كويس جدا كل دي مشروعات موجودة واصلاح ما يننا وبين دول وادي النيل كل دي مشروعات في الفترة الحالية وللاسف بيتقال ان احنا نعمل حاجات مؤقتة .. لا .. احنا بنعمل حاجات للمستقبل كبيرة جدا وبنسعى الى رفع مستوى المعيشة في البلد في كل الوسائل وكل الاجهزة ، الصحة العامة بتولى عناية كبيرة جدا ووزارة الصحة ناوية انها تصلح حال البلد من الناحية الصحية يعني الحكومة بتعمل بكل طاقاتها وبكل اخلاص ومفيش واحد فينا بينام ، ما بننامش، والله من 9 الصبح ل9 بالليل في الوزارات قاعدين بنشتغل ورغم انها مجهود ضخم جدا لكن لا نبخل على مصر أي جهد ولا نبخل على مصر باي طاقة ولا باي وقت يعني كل ما نملك مكرس لحب مصر لان هذه المرحلة اذا لم نعمل بهذه الصورة مصر تبقى معرضة لاذى كبير قوي
هالة ابو علم: نشكر حضرتك شكر جزيل وبقدر كل المجهود اللي يقوم بيه مجلس الوزراء في مصر وعلى راسه الدكتور عصام شرف وبقدر ايضا وبقدم التحية لجميع افراد الشرطة الشرفاء اللي بيحافظوا على امن الوطن وامن المواطن المصري وامن المنشآت الحيوية وايضا باقدم التحية لرجال القوات المسلحة اللي هما في كل الاوقات وفي كل الظروف يعني في ظروف الحرب وفي ظروف السلام لنجد ان رجال القوات المسلحة يقفون جنبا الى جنب الشعب المصري نرجو الاستماع الى صوت العقل والاتزان لكي نخرج بمصر من هذا العنق وكما استمعنا من معالي وزير العدل السيد المستشار محمد عبد العزيز الجندي ما يحمله مجلس الوزراء من افكار وخطط وملفات لمستقبل مصر مستقبل مشرق باذن الله مرة اخرى بتقدم لحضرتك بجزيل الشكر
المستشار/محمد عبد العزيز الجندي: بشكرك وكلنا بنشكر المجلس الاعلى للقوات المسلحة لانه يساند الحكومة بقوة وبشدة في هذه الاعمال والحقيقة دعمه للحكومة بيخليها تقدر تمارس انشطتها بنجاح ان شاء الله
هالة ابو علم: شكرا يافندم واشكركم مشاهدينا الكرام ونلتقي غدا في اتجاهات والى اللقاء