يحدث في مصر

هالة ابو علم : مشاهدينا الكرام اهلا بكم وحلقة جديدة من برنامجكم يحدث فى مصر الان سوف نفتح معكم ملف هام جدا استطاعت مصرمن خلالة ان تحتل مكانة متقدمة فى الترتيب السياحى الدولى الا وهو ملف الاثار المصرية
محمد موافى : مساء الخيرمشاهدينا انهاردة او الليلة دى سنناقش معكم قطاع الاثارالفرعونية القطاع التابع للمجلس الاعلى من اهم اعمالة الاساسية العثورعلى اربعة عشر قبره فى منطقة الواحات البحرية
هالة ابو علم : نعم مشاهدينا فى هذه الليلة وفى هذه الحلقة سوف نناقش مشروعات تسجيل اثارمصر مراقبة الاثار المصرية عبرالاقمارالصناعية كذلك الاكتشافات الاثارية الهامة الاخيرة
محمد موافى : والليلة دى برضه سنفتح معكم ملف تهريب اثار مصر وايضا سنناقش توابع قانون الاثار الجديد ومشروع استرداد اثار مصر من الخارج بعد مانجح المجلس الاعلى للاثار فى استرداد 5000 قطعة اثرية لكن اولا نرحيب بضيفنا فى الاستديو الدكتور صبرى عبد العزيز رئيس قطاع الاثار المصرية بالمجلس الاعلى للاثار اهلا بيك
د/ صبرى عبد العزيز :اهلا وسهلا
هالة ابو علم : اهلا بحضرتك دكتور صبرى وسوف نفتح معك ملف الاثار المصرية وهو ملف شائك به العديد من النقاط التى نريد ان نستوضحها من حضرتك انهاردة ولكن دعنا نشاهد اولا هذا التقرير ونبدأ مع حضرتك الحديث بعده مباشرتا
فاصل
تقرير: 7000 سنه هى عمر الحضارة المصرية حضارات مختلفة ظهرت اثارها فى مصر الفرعونية واليونانية القبطية والاسلامية لتتحول مصر الى متحف كبير يحكى جانبا كبيرا من تاريخ الانسانية المهمة الرئيسية لهذا القطاع هوالمحافظة على الاثار والمحافظة على الاراضى الاثرية اللى بيبقى فيها القطع الاثرية الثمينة انهاردة
وعلى هذا التاريخ الممتد من 7 الالاف عام لم تسلم تلك الثروة القومية من السرقة والتهريب الى خارج البلاد لان وزراة الثقافة ممثلة فى المجلس الاعلى للاثار استطاعت ان تسترد مايزيد عن 5000 قطعة اثرية كخطوة فى مشروع استرداد اثار مصر من الخارج
مهندس : كان هناك مشكله بتقابلنا فى استرداد الاثار المصرية لما بسجل بسجل الاثرالمفقود الثابت باسجلة زى ما هو بيبقى بيسهلى عمليه الحفاظ عليه وعمليه دراستة لكن لما باسجل الاثار المنقولة ايا فى المخازن واللى موجودة فى المتاحف والموجودة فى الاماكن دى كلها لما كنت باجى استرد قطع اثرية من الخارج فى مشروع استرداد القطع الاثرية فى الخارج بتواجهنى مشكله هل الاثر ده متسجل والا مش متسجل الاثر ده مسجل بالصورة لانة ممكن تكون الاثر مهواش متسجل ويتسرق فا اجد صعوبة انى انا ارجعة لو الاثر متسجل وموثق هى عمليه بسيطة جدا سهلة لما اثر ده يتسجل اقدر احاسب اللى خرجة واقدر احاسب اللى خدة فامشروع تسجيل اثار مصر ذو شقين يعنى انا لما باسجل معبد بابقى عارف لو حاجة نزلت بلاقى صورها عندى
مذيع : وتستكمل وزارة الثقافة والمجلس الاعلى للاثار المسيرة للحفاظ على تاريخ واثار مصر العريقة عن طريق المشروع القومى لتسجيل وتوثيق اثار مصر
هالة : مرة ثانية مشاهدينا الكرام دعونا نرحب بالدكتور صبرى عبد العزيز رئيس قطاع الاثار المصرية بالمجلس الاعلى للاثار اهلا بحضرتك معانا دكتورصبرى السؤال هو ترميم واكتشاف الاثار المصرية كيف كان وكيف اصبح ؟
د/ صبرى عبد العزيز :اولا اشكرحضراكم على المقدمة الجميلة دى وبالنسبة للمجلس الاعلى للاثار هى زى ما حضرتك تفضلت وقلت فى الاول نحن الان امام قطاع الاثار الفرعونية او المصرية القديمة المجلس الاعلى للاثار فيه 5 قطاعات قطاع الاثار الفرعونية قطاع الاثار الاسلامية والقبطية مع بعض والدوليه طبعا قطاع المتاحف قطاع المشروعات اللى هو ترميم واقامةالمتاحف وبعدين قطاع التمويل بالنسبة لترميم الاثار زى ما الاستاذة 00 هالة قالت دلوقتى واكتشاف الاثار طبعا علم الترميم تقدم دلوقتى يعنى غير الاول احنا لما بنزور دلوقتى معبد الاقصر معبد الكرنك والكلام من ده كله بنلاقى مثلا فى بعض الترميمات القديمة من سنه 1910 اسمنت وكلام من ده ده مش صح
هالة ابو علم : مش المفروض يستخدم.؟
د/ صبرى عبد العزيز : اه
هالة ابو علم : الاسمنت مش مفروض يستخدم فى الترميم المقابر مثلا؟
د/ صبرى عبد العزيز : خالص ده كان سنة 1800 كتر خير الناس ان هى عملت كده
محمد موافى : قدرت تحافظ ؟
د/ صبرى عبد العزيز :قدرت تحافظ حتى تحفظ لنا ده دلوقتى احنا بنشيل هذ الترميمات القديمة ومعدش حد بستخدم الاسمنت وبنستخدم نفس المونا اللى استخدمها المصرى القديم يعنى بتبقى عبارة عن جير مطفى ورمل 3 رمل وواحد جير مطفى مادة زى
محمد موافى : ده يا دكتور خطة مثلا شاملة ماشية بمراحل لتغطية الاثار كلها ؟
د/ صبرى عبد العزيز : بالتاكيد بالتاكيد احنا عندنا فى كل موقع وفى كل محافظة ادارة 00 ادارة تشمل اثاريين ومهندسين وممولين فا ما نقدرش نقول الترميم خلص يعنى مثلا احنا شفنا ابوالهول 00ابو الهول قعدنا عشر سنين نرمم فى ابو الهول وبعدين فى ناس تيجى تقولى الله ده فى سقالة محطوطة على ابوالهول ما انا لازم ارمم مفيش حاجة اسمها الترميم خلص يعنى مثلا ابو الهول منطقة الرقبة ضعيفة شوية تلاقى الرياح المحملة بالرمال زى السكينة تقطع فى الرقبة فا احنا عاملين طبقة كوتنج اوطبقة حمايه من المونة فلما الرياح دى بتخلص على الطبقة دى بنعمل طبقة ثانية علشان نحمى الاثر
هالة ابو علم : هو فقد اجزاء من جسمة ابو الهول؟
د/ صبرى عبد العزيز : بالتاكيد يعنى مش
هالة ابو علم : انف مثلا ؟
د/ صبرى عبد العزيز : ايوا
هالة ابو علم : فى حاجات اخرى مثلا؟
د/ صبرى عبد العزيز : لأ ماهو مفيش يعنى الانف وجزء من الظهر برضه كان مش موجود
محمد موافى : يعنى دكتور احنا بنتكلم عن الاكتشافات الجديدة وعمليات الترميم بس حضرتك دخلت فى ابوالهول فا قبل ماننقل حضرتك اتكلمت عن انف ابو الهول وراس ابو الهول واللى جنبة اللى تحت ابو الهول هل انتهى الكلام عن مسألة المياة الجوفيه تماما ؟
د/ صبرى عبد العزيز :دلوقتى انا كنت اول امبارح فى هيئة الاستماع المعونة الامريكية مدينا معونة حوالى 50 مليون جنية علشان بنعمل مشروع تخفيض مية جوفيه او مية تحت سطح الارض اللى معروف المية الجوفيه بتاع ايه المية الجوفيه بتبقى موجوده
محمد موافى : لذلك......
د/ صبرى عبد العزيز : اه لذلك الخطر المية ال supwater تحت السطحية والعرق اللى ماشى ده وبعدين بدأنا ندرس مع جامعةالقاهرة دراسات فى جامعة القاهرة ونشوف المية دى جايه منين متسربة منين الى اخرة اتضح ان بعض المية جايه من بعض التسرب من الصرف الصحى فى نزلة السمان فى حدائق الاهرام فعملنا مشروع دلوقتى درسناة مع الامريكان ومركز هندسة الاثار المصرية وهنعمل حاجة اسمها بالمنظار الجرافيكى كده زى ما عملنا فى معبد الاقصر ومعبد الكرنك وبنعمل مشروع دلوقتى لحمايهالبر الغربى كله
محمد موافى : زى جدار اسفل كده ؟
د/ صبرى عبد العزيز : قناة ماشية تصتطاد المية اللى جايه نبظام الانحدار الذاتى ان احنا فى مصر الحقيقة برضه عندنا الصيانة صعبة شوية احنا بنعمل كل مشروعاتنا كويس بس ما بنصنش
هالة ابو علم : طيب موضوع اخر عايزين نتكلم فيه الاكتشافات الاثرية الجديدة اللى انتوابتفخروا كمجلس اعلى للاثار بان انتواقمتم باكتشافها فى الفترة الاخيرة الحاجة الثانية برضه مشروع تسجيل الاثار المصرية مش بمعنى 3 مشروعات لتسجيل الاثار؟
د/ صبرى عبد العزيز : بالنسبة للاكتشافات الحديثة الحقيقة اناعايز اقول حاجة الجيل اللى موجود فى المجلس الدكتور زاهى واحنا الموجودين دلوقتى الحقيقة عملنا مجموعة مدرسة الاول احنا يمكن كنا بنقول ايه لو بصينا فى وادى الملوك ده فى مثلا وسطية مقابر مفيش ولا مصرى مكتشف مقبرة من مقابر وادى الملوك مكنش فى مدرسة مصرية للاكتشاف
هالة ابو علم : كلها اجنبية يعنى ؟
د/ صبرى عبد العزيز : اه 00 كانت بعثات اجنبية وناس بتتدرب دلوقتى احنا الخريج بيدرس فى الكليه بيدرس هيروغليفى يعنى نظرى لكن بعد ماتخرج لازم تخش فى الاسكول بنسميها مدرسة الكفايه دلوقتى احنا عندنا 400 اثرى مدربين على مستوى عالى جدا نقدر نقول عندنا مدرسة حفاير مصرية محترمة
محمد موافى : وعندنا مكتشفين؟
د/ صبرى عبد العزيز : نصهم مكتشفين لاول مرة البعثة المصرية بتشتغل فى وادى الملوك ولاول مرة بعثات مصرية خالصة فى الهرم وسقارة وفى كل حتة فى مصر او الكشف الحديث يمكن اول امبارح اول امبارح خدوا صور بين اسماعليه والقاهرة وكان حتة ارض ملك مواطن بين السكة الحديد والقناة فا مخضعة لحمايه الاثار جنب تاج اثرى فى فرق بين المخضع وغيرة لماتكون الارض ملك دى عرضها عليه خريطة انا ما اكونش ارض جنبك او ملك حضرتك وبقولك اذا سمحت ماتعملش فيها حاجة الا لما تاخذ تصريح منى فا الراجل ده كان عايز يستغل الارض فا بدأنا نعمل حفاير على حساب المجلس فا لقينا مقبرة فرعونية من سنة 19 للمشرف على سجلات الملك وغالبا الملك رمسيس الثانى الحتة دى كانت بوابة مصر الشرقية عارفين ليه سينا بوابة مصر الشرقية فا بيسون دى او تاج المسخوطة دى هى كانت اللى فيها الحملات العسكرية لامبتاح شوية اللى طلعة من سينا راحة بقى شمال شرق دى فى فلسطين فكانت دى محطة الجيش بيقعد فيها بياخد بيرتاح شوية
محمد موافى : كانت فيها السجلات ؟
د/ صبرى عبد العزيز : وكان فيها مشرف على السجلات بقى الراجل ده عمل مقبرتة اسمة قن امون -
هالة ابو علم : نفسى اسال حضرتك حاجة هل المقبرة قيمتها بتتعلق بقيمة او مكانته الموجود فيها يعنى هل مثلا حارس لبوابة معينة فى العصر الفرعونى هذه المقبرة تختلف عن مقبرة لملك من الملوك يعنى كقيمة اثرية؟
د/ صبرى عبد العزيز : بالتاكيد 00 يعنى لو بنفرق مثلا مقابر العاملين اصادة مقابر الملوك يعنى مقابر الملوك مثلا فى البر الغربى شفنا مثلا زى راس السيستانى وووتنخبي واواوا دى كلها بتبقى المناظر اللى فيها مناظر يعنى قصروية مناظر للعالم الاخر الاشراف او الافراد بيمثل حاجة مهمة يعنى بيمثل اللى هو كانت بيشتغل ايه كان بيشتغل وزير عند
محمد موافى : بتعكس الحياة اكثر؟
د/ صبرى عبد العزيز : بتعكس الحياة اكثر الحياة يعنى اللى كان شغال مثلا مشرف على جمع الغلال بتاع الملك فا بيمثل حياتة الدنيا
محمد موافى : بيدونا صورة كانوا عايشين ازاى؟
د/ صبرى عبد العزيز : كانواعايشين بيكلوا ايه بيشربوا ايه القرابين نرى الملك طبعا كان هورمز الالةعلى الارض الملك ده ملك ده كان بصور مثلا بعض من اجزاء من بنسمية كتاب الموتى كتاب البوابات يعنى المصرى القديم شوف المناظر اللى على المقابر دى يعنى تخيلة لجغرافيه العالم لما نموت هيروح فين البزخ وفى ناس عملت حبل زى الصراط المستقيم فطرة الله التى فطر عليها العبد
محمد موافى : دكتور تسمح لى نقف هنا فاصل ونرجع تانى الموضوع ده لازم نتكلم فيه ؟
هالة ابو علم : شيق
محمد موافى : فاصل قصير ونعود ليحدث فى مصر
فاصل
محمد موافى : مرة ثانية ليحدث فى مصر والدكتور صبرى عبد العزيز رئيس قطاع الاثار المصرية دكتوركنا بنتكلم على اكتشاف مقبرة لمدير السجلات اوالمسئول عن السجلات حضرتك دلوقتى عندنا بقى مشروع من مشروع التسجيل حقوق التسجيل حقوق المكتشفين عندنا 3 مشاريع مهمة شغالين فيها دلوقتى
د/ صبرى عبد العزيز : نعم هو الحقيقة زى ما حضرتك اتفضلت وقلت تسجيل اثار الاثار المنقولة القطع الاثرية دى فى المتاحف والمخازن مسجلة مسجلة فى سجلات ومعروف
عددها وووا انما بنتكلم دلوقتى عن تسجيل اثار مصر القائمة يعنى كافة المقابر والمعابد حتى على الاقل لما تحدث سرقة مثلا لاى جزء من المقبرة يبقى احنا عندنا تسجيل كامل بالصور والرسومات والكلام ده نقدر نجبها
هالة ابو علم : ليه يا دكتورشاريه مش مشروع 1
د/ صبرى عبد العزيز : هو هقول لحضرتك حاجة فى المشروع اللى هوتسجيل بالديجيتال وكلام من ده وتسجيل بالنصوص والصور وووا الى اخرة احنا عندنا مركز تسجيل الاثار ده منذ إنشاؤنا ى للاثار ارشيف كامل
هالة ابو علم : يعنى ال 3 مشاريع معناها ال 3 وسائل ؟
د/ صبرى عبد العزيز : ايوا ال 3 وسائل كمان
محمد موافى : دى وسيلة الوسيلة الثانية ؟
هالة ابو علم : الديجيتال حضرتك ؟
د/ صبرى عبد العزيز : الديجيتال والبلانات بتاع المقبرة الرسم المعمارى والاثرى وووا الى اخرة وبعدين السجل سجل الاثار الثابتة بقى عندنا اثار منقولة اللى هى سجل الاثار الثابتة اللى فى مصر كلها يعنى احنا خلصنا دلوقتى تسجيل المقابر اسوان كلها مركز تسجيل الاثار بتاعتنا وسجل مقابرالمنيا كلها دلوقتى احنا دلوقتى شغالين على مقابراسكندرية اللى هى منطقة اسكندرية كلها اللى هى الاثار
هالة ابو علم : انتوا حطين اد ايه مدى زمنى مشروع ضخم ؟
محمد موافى : مشروع صخم ما شاء الله شغالين كام واحد فى المشروع ؟
د/ صبرى عبد العزيز : يعنى من مختلف التخصصات رسامين ومعماريين حوالى مثلا اقول لحضرتك حوال 500واحد شغالين فى هذا المشروع
هالة ابو علم :اسمح لى دكتور صبرى اولا احيى المجلس الاعلى للاثار على انه استطاع فى الفترة الاخيرة وخصوصا طبعا بمجهود الدكتور زاهى حواس نجح فى الفترة الاخيرة انه يسترد عدد من الاثار المصرية اللى كانت موجودة فى الخارج وبجهود الحقيقة حميدة ونتوجة اليه بالشكر على هذا المجهود وكل رجال المجلس الاعلى للاثار اعتقد ان انتوا نجحتوا فى استرداد حوال 5000 قطعة اثرية ولكن تظل هناك ازمة نقص راس نفرتيتى حضرتك كلمنا عن مجهوداتكوا اللى من خلالها استطعتوا ان انتواتحققوا هذا النجاح وازمة راس نفرتينى وصلت الى فين ؟
د/ صبرى عبد العزيز : هو زى ما حضرتك اتفضلتى وقلتى احنا عندناحوالى 5000 قطعة اثرية مهمة ده غير يمكن من اسبوعين رجعنا حوالى 25 الف زران او سكاكين او انصال الحاجات دى ايه مش من السهل نقول العدد يعنى كمية كبيرة جدا من ما بنعدهاش احنا بنعد القطع الاثرية المهمة يعنى مثلا الحقيقة دلوقتى احنا نسعى مع الدكتور زاهى حواس مجهود يشكر دكتورزاهى شخصية عالمية وكاريزما وله احترام فى العالم كله فا بعلاقتنا دلوقتى مع البعثات كلها بعثنا فى كل المتاحف فى العالم اميلات وجوابات اللى هيتعرض عليه قطعة اثرية فرعونية ويشتريها من غير ما يرجع للمجلس هيكون فى اجراءات امنية معاة يمكن حضرتك بتبعوا الخمس قطع اثرية للريس فى الليل احنا وقفنا بعثنا لهم جوابات اذا سمحتوا القطعة دى اتسرقت من المقبرة الفلانية من عندنا سنه 83 فى كذا وانتوا اشترتوها وعرضتوها اذا سمحتوا القطعة دى بتاعت اثار مصر مردوش يبقى العلاقات العلمية لما وقفنا العلاقات العلمية طبعا خلاص المتحف وقف حتى يمكن ساركوزى
هالة ابو علم : ايوا ساركوزى تدخل ؟
د/ صبرى عبد العزيز : تدخل وقابل الريس وقال له ياسيادة الريس احنا هنرجع لكم ال 5 قطع ورجعنا بعثة اللوفر متحف اللوفر تانى اشتغل بعد ما رجعوا ثانى الاثار
محمد موافى : وكان حدث؟
د/ صبرى عبد العزيز : وكان حدث راس نفرتيتى 00 راس نفرتيتى هناك قرار من رئيس مجلس الوزرا باللجنة القومية لاسترداد اثار مصر واللجنة بتنعقد على الاقل فى الشهر مرة لاسترداد اثارنا اللى برة كلها احناعندنادلوقتى ادارة اسمها ادارة الاثار المستردة بتابع كل مزادات الاثار فى العالم كله على النت بتخش على النت لما تلاقى فى اثار مصرية بتتعرض بنوقف المزاد ونقول له دى قطعة مصرية مسروقة من عندنا اذا سمحت احناعايزينها فبتعمل قلق فى المزاد شوية طبعا وكلام من ده ولما نقدر بالضغط الدبلوماسى سواء كان احناعندنا اتفاقية تبادل
محمد موافى : انما مفيش سلاح قانونى ؟
د/ صبرى عبد العزيز : لا عندنا فى دلوقتى حاجة اسمها الانابة القضائية انا بنيب انابة قضائية نقدر نرفع قضية هى القضية بتكلفنا لكن لو قدرنا بالضغط الدبلوماسى
هالة ابو علم : بالعلاقات ؟
د/ صبرى عبد العزيز : بالعلاقات ودى معظمها علاقات
هالة ابو علم : لمكانة مصر اولا بيحترموا المكانة اللى تحتلها مصر على المستوى الدولى وايضا بيحترموا الدكتور زاهى حواس ورجاله ايضا ؟
محمد موافى : ودى الاثاراللى احنا بنحاول نستردها طب الاثار اللى بتخرج بقى ؟
د/ صبرى عبد العزيز : احنا لسه ما اتكلمناش عن راس نفرتيتى بقى .
محمد موافى : تمام اتفضل .
د/ صبرى عبد العزيز : راس نفرتيتى احنا جبناتاريخها حتى يمكن الست اللى ماسكة المتحف جديد متحف برلين رجعناها لمصر وقلنا لها هاتى ال document اللى عندك الراس دى راحت ازاى متحف برلين الست جت وجابت محضر باسمها اول القانون كان باسمها البعثة جايه تشتغل فى مصر ان بعد ماتنتهى البعثة من العمل يعملوا محضر اسمة الحالات المقررة فكان فى اتفاقية بينا وبين متحف برلين ان الحاجات الجبس اللى طلعة من تل العمارنة من حقى جبس يعنى رمات والكلام ده الحجر من حق مصرما يطلعش ما يدخلش محضر تسليم فا القطعةفى راس نفرتيتى مكتوب عليها قطعة كلير يعنى حجر الانجل باخ بقى اللى اكتشفها فى الحقيقة برضه دلس قال دى جبس دلس وكان رئيس مصملحة الاثار سعتها فرنساوى ولما راح علشان يعمل القسمة بيننا وبينهم بين مصر وبين برلين الراجل مشفش القطعة حطها له فى الصندوق كده غماة شوية لانه مشفهاش فيدلس عليه وبعدين برضهخباها يعنى ما طلعتش الا بعد عشر سنين فى قصر برلين يعنى فى تدليس فى العرض
محمد موافى : وهما ردوا قالوا ايه ؟
د/ صبرى عبد العزيز : هما ردوا قالوا طبعا الست قالت ان احنا هما فعلا بيستلموا فى محضر قسمة موجود اللى هى من ضمن التقسيم لكن احنابنقول برضه لم تكن هناك امانة فى محضر القسم
محمد موافى : يعنى ايه الموقف دلوقتى ؟
د/ صبرى عبد العزيز : الموقف دلوقتى ان احنا دلوقتى بنحاول نجمع الdocument دلوقتى دى علاقات بين دولة ودولة فلازم لما نوصل حتى لتحكيم دولى يبقى انت عندك وثاثق ملف كامل مينفعش احنا نهيص كده ونقول معرفش ايه ادى راس نفرتيتى من غير ملف
هالة ابو علم : طبعا .
د/ صبرى عبد العزيز : كامل بالموضوع منطقى علشان حتى لو لجأنا لتحكيم نقدر ناخد حق.
محمد موافى : تمام .
د/ صبرى عبد العزيز : احنا دلوقتى لسة بنعد الملف وبنفحص موضوع راس نفرتيتى احنا الاول طبعا فى ولسة 7/8 ابريل اللى فات ده عملنا مؤتمر حضرة اكثر من 60 دولة من العالم كله بنقول للعالم كله احنا عايزين راى جماعى راى عام عالمى علشان استرداد الاثار
هالة ابو علم : مسألة المعارض معارض الاثار المصرية اللى بتطوف مختلف دول العالم هناك اكثر من تساؤل بيتعلق بموضوع الاثار اولا جدوى خروج الاثار المصرية يعنى من ارض مصر الى الخارج البعض بيتخوف انها تتلف مثلا بيقولواليه ما نخليش الناس تيجى لنا بدل ما احنانروح لهم الحاجة الثانية 00 التامين على هذه المعروضات من الاثار المصرية الحاجة الثالثة هل الدخل اللى بيجى من هذه المعارض بيدخل خزانة الدولة المصرية هل بيكفى مثلا ترميم الاثار يعنى فى بعض التساؤلات خاصة بالموضوع ده ارجو ان حضرتك توضحها لنا د شكرا على السؤال وفى الحقيقة المجلس الاعلى للاثار صندوق تمويل الاثار والمتاحف ده صندوق خاص يعنى احنا ميزانيتنا خاصة حتى مرتبات العاملين فى المجلس ما بنخدش من الدولة ولا مليم احنابموجب الدخل بتعنا بناخذ مرتباتنا وحوافزنا وبنعمل متاحفنا والترميم وخلافة ونخدم العارض الخارجية يعنى انا اقدر اقول ان لسة بنشتكى على الاثار لحد دلوقتى يعنى توت عنخ امون لسة بيصرف على ترميم اثار مصر يعنى عندنا معرض دلوقتى فى امريكا يعنى بنعمل معارض بتدخل لنا ملايين الدولارات الدخل ده بناخذة بننشئ به متاحف جديدة بنعمل مخازن نحمى اثارنا نرمم به اثارنا
هالة ابو علم : يعنى بيدخل خزينة وزارة الثقافة ؟
د/ صبرى عبد العزيز : وزارة الثقافة صندوق تمويل الاثار والمتاحف ده صندوق خاص بتاع مجلس الاثار خارج ميزانية الدولة
محمد موافى : التامين بقى .
د/ صبرى عبد العزيز : التامين بقى هو مؤمن عليه مؤمن عليه بملايين الجنيهات وبعدين ده ايه انت بتعمل للاثر بصمة وبعدين بتجيب مصلحةالجمارك والبصمة ومش عارف ايه وبصورة من كل حتة وبتعمل له بصمة يعنى بتدارية عشان تعرف هوده الاثر لما رجع
محمد موافى : غير معرض للتهديد؟
د/ صبرى عبد العزيز : اطلاقا
هالة ابو علم : التلف كمان؟
د/ صبرى عبد العزيز : او التلف طبعا بيبقى فى شركة عالمية بيتغلف شركة لها شهرة عالمية التغليف بيبقى محترم ومؤمن عليها من الباب للباب بملايين الدولارات ملايين
محمد موافى : طب يا دكتورليه المعارض اتكلمنا عن الاثار اللى بنحاول نستردها الاثار اللى لسة موجودة واللى بتخرج مازالت هناك كل يوم بنقرا فى الجرائد او كل فترة بنقرا فى الجراد ان فى تجارة للاثار غير مشروعة فى اكتشافات فى حاجات خرجت المسالة دى حماية المقابر وحماية المدافن الاثرية ؟
د/ صبرى عبد العزيز : اناهقول لك احنا دلوقتى بنسمع على ضبط كثير كنا الاول ما كناش بنسمع على ضبط كانت حاجات بتتهرب ولا بنسمع الانضباطات الكثير دليل على ان الناس صحية عندنا شرطة متخصصة
محمد موافى : كان فى سى دى منشور كده؟
د/ صبرى عبد العزيز : من يومين يمكن المصرى اليوم احد الاقوال امبارح وانهاردة واول امبارح عامل كده يعنى بياخد صفحة كاملة بيتكلم عن دلوقتى انا عارف بس وانا اشكركم على هذا السؤال يعنى اوجة كلمتى لكل المصريين اخواننا ما تسمعوش كلام ناس نصابيين اللى عامل سى دى ده كلها اثار مضروبة مضروبة اللى بيسرق اثار ده ما بيعملش سى دى هو هيدلل اللى بيسرق اثار ده هيدكن علشان يقدر يهربها لا يمكن يعمل سى دى ويفضح نفسة مش ممكن يعنى
محمد موافى : ده على اساس ان فى موضة فى السى ديهات ؟
د/ صبرى عبد العزيز : اه موضة فى السى ديهات
محمد موافى : اه
د/ صبرى عبد العزيز : فى قالى يا دكتورانا فى ناس كلمونى فى التليفون وقالوا لى تحت بيتك كنز وعاوزين نشترى البيت ب 20 مليون دولار قلت لة يعنى البيت ده فين قالى فى قرية اسمها كذا فى اسيوط انا قلت له طب تسمح لى اكلم مدير المنطقة كلمت مدير المنطقة وراحوا بيت قديم وفيه ترانث بتاع مفهوش حاجةخالص ولا القرية فيها اثار ولا فيها بتاع هما بينصبوا علينا بقالوا 20سنة
محمد موافى : نصحتة يبيع ولا ما يبعش؟
د/ صبرى عبد العزيز : انا قلت له المهم ايه قلت له ياسيادة المستشار مفيش حاجة تحت البيت ولو قالوا لك بيع بيع يا سيادة المستشار قال لى لأ انا هلجا مش عارف للقاهرة ومش عارف ايه والحياة اليوم ومعتز واقول له قلت والله دول نصابين
هالة ابو علم :النصب دلوقتى بالنسبة للاثار بقى عن طريق التكنولوجيا والانترنت فمسألة يعنى صعب حصرها وبعدين سؤال برضه اللى بيدور فى اذهاننا الناس اللى بتسرق الاثار هل بتقدر تهربها او يعنى بتتصرف فيها داخليا ولا خارجيا ؟
د/ صبرى عبد العزيز : صعب دلوقتى احنا دلوقتى عندنا 29 منفذ 29 وحدة اثار 24 ساعة لو شافوا على الشنطةعلى الاستيدج شكوا فيها بتقى الوحدة موجودة
طول الوقت 24 ساعه بتعيين الموضوع اذا كان قطعة اثرية يعنى شريها من خان الخليلى اذا كانت اثرية
هالة ابو علم : انا عايزة اسال حضرتك حاجة؟
د/ صبرى عبد العزيز : اتفضلى
هالة ابو علم : مسالة حراسة الاثار لانه بيقال ان الاثار اللى هى بتمثل الكنزالرئيسى لمصر من تاريخ مصر بيحرسة خفراء وهؤلاء الخفراء يعنى محدودى الدرايه ومحدودى الدخل والمرتب يعنى هل معقول ان اثار مصروكنزمصر ده كله يحرسة الخفرا؟
د/ صبرى عبد العزيز : انا هقول لحضرتك حاجة زى ما قلت لحضرتك عندنا شرطة متخصصة للسياحة الاثار متخصصة دلوقتى احنا بدءنا نغير فى نظام الحراسة بقينا نعمل مراقبين امن دلوقتى مراقبين امن دول مؤهل متوسط ومؤهل عالى مشرفين امن على مدى ال 24 ساعة ناس متعلمة وعارفة قيمةالاثر بياخذوا دورات وووا الى اخره عندنا شركات خاصة دلوقتى فى المتاحف امن فى المتحف المصرى فى المتاحف الكبيرة شركات امن خاصة ده غير التكنولوجيا الحديثة التكنولوجى انت بتراقب كله مراقبة الكترونية الكاميرات يعنى حتى لو المخزن اتقفل وحضرتك جئت تعدى فا الاشعاع نفسة بيزمريقوم التليفون ضارب على النجدة على طول
محمد موافى : مش هعدى والله يا افندم هههه.
د/ صبرى عبد العزيز : فيعنى التكنولوجيا الحديثة اللى بنستخدمها فى الحراس مش ......
محمد موافى : دكتور صبرى عبد العزيز رئيس قطاع الاثار المصرية شكرا جزيلا يا دكتور وشكرا على المجهودات ودائما فى اكتشافات والحفاظ على اثار مصر الجميلة شكرا يا دكتور
هالة ابو علم : شكرا دكتور صبرى عبد العزيز رئيس قطاع الاثار بالمجلس الاعلى للاثار بنوجة تحيةخاصة للدكتور زاهى حواس طبعا وكل رجالة اللى بيشاركونا مسئوليه حمايه الاثار المصرية واشكركم مشاهدينا الكرام على وعد بلقاء جديد دائما معكم ويحدث فى مصر