حديث المدينة

25/6/2011
مفيد فوزى : تنظر قضية خالد سعيد فى محكمة سيدى جابر للجنايات تذكرون خالد سعيد الذى كان رأس الحربه فى ثورة يناير 2011 تتذكرون بالطبع كيف عذب ؟ وكيف كان الإعتداء الأمنى عليه وحشيا ؟ إلى درجة أنه سقط فى دمائه تتذكرون جيدا أن الذى أعتدى عليه أتنين من المخبرين وقد صار خالد سعيد رمزا لجيل رفض الموت هكذا خالد سعيد الأن تحت الراب لكن قضيته لاتزال تنشر فى المحكمة وقد مرت 8 جلسات ولم تتخذ القضية مسارا كاملا إلا بعد كل ما يمكن أن يلم بها ويكون إحاطة كاملة لمنصة القضاء غدا تنظر هذه القضية وتنتظر والدة خالد سعيد الحكم بلهفة شديدة ليستريح قلبها المكلوم ذهبت عدسة حديث المدينة غلى بيت والدة خالد سعيد وذهبت أيضا إلى إكتوبر حيث إلتقطت بالطبيب الشرعى الكبير الذى أمضى 28 عاما فى المهنة الدكتور أيمن فودة لتستطلع منه مدى العوار فى هذا التقرير الذى فبرك عن خالد سعيد التحقيق صوت وصورة ومعكم مفيد فوزى فى حديث المدينة
فاصل
مفيد فوزى : عايز اسألك كمواطنة مصرية قدمت أبنك فى لحظة نادرة يعنى تصادف أنوا أثار غضبا بالغا فى المجتمع بالطريقة التى رحل بها أنتى إستشعرتى أنوا الناس ستتعاطف مع خالد لما مات بالطريقة دى ؟
والدة خالد سعيد :أنا إتفاجأت بالناس أنها من أول ساعة متعاطفة يعنى فيه ناس كتير بيجرالهم حاجات زى دى لولادهم وعادى ولتعدى بس أنا لأ إتفاجأت بالثورة تانى يوم ما مات الثورة بدأت بعد خالد تانى يوم تانى يوم لقيت الشارع بتاعنا ده كله للأخر متروس ناس
مفيد فوزى : يعنى بعض الناس تتصور انوا حط فى بقوا البانجوا
والدة خالد سعيد: لأ لأ هما شايفين كل حاجة
مفيد فوزى: شايفين كل حاجة
والدة خالد سعيد: الشارع بتاعه كله شايف كل الناس عايز تحوش بس قايلنلهم اللى هيقرب هيتعمل فيه كده
مفيد فوزى :بتهديد؟
مفيد فوزى :بتهديد واللى هيتكلم هيتعمل فيه كده
مفيد فوزى: قوليلى عن أخلاقه أنتى والدته وتعرفى أيه المميزات وأيه السيئات اللى فيه
والدة خالد سعيد :هو خالد مفيهوش سيئات خالص أنا اللى مربياه ومعلماه
مفيد فوزى :أنتى عندك كام ؟
والدة خالد سعيد:اربعة
مفيد فوزى: خالد أصغرهم ؟
والدة خالد سعيد:أصغر واحد خالد أه
مفيد فوزى :وفوقيه مين ؟
والدة خالد سعيد: زهرة وبعدين أحمد ويحيى
مفيد فوزى: كأن خالد هو أخر العنقود زى ما بيقولوا
والدة خالد سعيد:أه أخر العنقود طبعا
مفيد فوزى؟: طب قوليلى المظاهرات اللى بتحصل كتيرة قوى وجهة نظرك فيها أيه ؟ أنا بسألك بقى مش كأم خالد سعيد أنا بسألك كمواطنة مصرية بعد 100 يوم من الثورة أنتى متصورة أنوا المظاهرات الكتيرة قوى هل يجب أن توقف دلوقتى؟
والدة خالد سعيد :أه طبعا لازم توقف دلوقتى بس مدام مفيش حالجة بتتحقق من طلباتهم يعنى مفيش حد عوقب على قتل الشباب دول أو أى حد إتأذى مفيش أى حد عوقب عليه قولىسمعت بمحاكمة حد ؟ فى حد عملوهم حاجة يعنى اللى هما أذوا أبنى ؟ أو غير خالد أو الشباب اللى ماتت مفيش حد حاسب حد فدى اللى مخلية المظاهرات بتستمر عايزين يشوفوا حاجة بس
مفيد فوزى :أنتى شايفة أنوا بعض الناس بتقول أنوا فى الأول بدأت ثورة فيها كرامة بعد كده إنضمت بقت ثورة جياع
والدة خالد سعيد :ما كل حد حاجة وجعاه بيقولها يعنى الشعب كله كان جعان وساكت مستنى الفرج ملقاش الفرج فكلوا نطق بقى مرة واحدة مفيش شغل مفيش أكل فيه إهانة فيه تعذيب فيه ناس بتموت من غير سبب حرق كنايس بتتحرق
مفيد فوزى :أنتى وجهة نظرك فى الفوضى دى ؟ بتتخيلى أيه اسبابها ؟
والدة خالد سعيد:ما هى أسبابها باينة أهه النظام كان مش مظبوط فدول اللى بيدافعوا عن النظام اللى بيعملوا كده
مفيد فوزى:بيدافعوا عن النظام السابق ؟
والدة خالد سعيد:أه أه ولسه بيدافعوا
مفيد فوزى:عايزنها تولع
والدة خالد سعيد :عايزنها محدش يشوف اللى فات يعنى كانوا بيغطوا عليه محدش يشوف اللى إتعمل من الأول لما إتكشف فبيحاولوا يداروه أو عايزين يستمروا
مفيد فوزى :أنتى بتشوفى إزاى الفتن الطائفية اللى فى البلد ووجود سلفيين
والدة خالد سعيد:مفيش حاجة ولا مسيحى ولا مسلم بيكرهوا بعض أو بيزعلوا بعض مفيش كل دى فتن من النظام كله من النظام مفيش حاجة تانية مكناش طول عمرنا محدش بيزعل من حد فأشمعنا دلوقتى هيزعلوا
مفيد فوزى :خالد عمره ما راح ناحية قسم بوليس بتاتا ؟
والدة خالد سعيد:لأ خالص
مفيد فوزى:أيه الخطأ اللى عملوا خالد ؟
والدة خالد سعيد:هو الفيديو بس
مفيد فوزى :الفيديو ؟
والدة خالد سعيد:أه
مفيد فوزى:كان عبارة عن أيه ؟
والدة خالد سعيد :نشروه كان فيه مكتب كده وعليه مخدرات وظباط ومخبرين وبيقسموا وبيقطعوا وبياخدوا فلوس بعد ما بياخدوا بيلم الفلوس اللى إتباعت
مفيد فوزى :الناس اللى فى القسم ؟
والدة خالد سعيد: أه الناس اللى فى القسم ما هم فيهم مخبرين متصورة همال اللى قتلوا خالد دول
مفيد فوزى / مخبرين كانوا فى القسم ده "؟
والدة خالد سعيد / أه
مفيد فوزى / يعنى هما فى تقديرك خدوا تعليمات من الظباط؟
والدة خالد سعيد / أه طبعا من الظباط
مفيد فوزى / فهما المخبرين اللى أذوه ؟
والدة خالد سعيد / متصورين فى الفيديو لو بصيت فيه هتلاقى أبو شنب ده مش عارفه أسمه والتانى واقف بيقطع حاجة أو بيستلم فلوس يعنى الأتنين اللى موتوه هما اللى فى الفيديو
مفيد فوزى / يعنى خالد نزل الفيديو على الإنترنت ؟ وبالتالى إنتشر
والدة خالد سعيد / إنتشر وقالوا مين اللى عمل ده ؟ ومين اللى حطه ومين اللى سرقه ؟
مفيد فوزى / عوفوا إزاى أنوا خالد ؟
والدة خالد سعيد / ما هو بيقولوا أنا أنا اللى حطيت ده
مفيد فوزى / خالد قال كده
والدة خالد سعيد / وحاطط إعلان مكتب سيدى جابر بيتاجر فى المخدرات لغاية ما دوروا عليه وعرفوا أنوا هو
مفيد فوزى / علشان كده القضية جنايات سيدى جابر اللى بتنظر ودى مفروض تنظر بكره
والدة خالد سعيد / أه إن شاء الله
مفيد فوزى / بتتخيلى أيه الحكم ؟ مين أولا المتهمين ؟
والدة خالد سعيد / أتنين
مفيد فوزى / اللى هما المخبرين ؟
والدة خالد سعيد / أيوه المخبرين
مفيد فوزى / ودول ممسكوين حتى الأن ؟
والدة خالد سعيد / معرفش والله هما موجودين فين ؟ المحامين يعرفوا بس أنا مسمعتش إن هما مسجونين لأن هما لسه متحاكمش عليهم
مفيد فوزى / أه لكن المحكمة هتصدر قرار يعنى فى الأغلب الأعم بكرة
والدة خالد سعيد / بس التأجيل جاه 4 شهور ورا بعض
مفيد فوزى / 4 شهور بتتأجل القضية ؟
والدة خالد سعيد / أه فمن نعرفش هما فين دلوقتى ؟ أنا سمعت أيام ما هربوا المساجين سمعت إن هما هربوا مع المساجين
مفيد فوزى / اللى هما الأتنين المخبرين
والدة خالد سعيد /بس محاضروش جلسة ما إتعملتش جلسة علشان يوقفوا مشفناهمش
مفيد فوزى / فى رأيك الإنفلات الأمنى دا سببه أيه ؟
والدة خالد سعيد/ ما هما الضباط إتراجعوا مفيش أمن فى الشارع قتلوا ناس كتير وأسروا ناس كتير معرفش
مفيد فوزى / حضرتك حاسة بأمان دلوقتى ؟
والدة خالد سعيد/ لأ طبعا
مفيد فوزى/ ليه مش حاسة بالأمان ؟
والدة خالد سعيد/ البلد بقت فوضى وبعدين البلطجية والمساجين اللى هربوا كل دا خطر على الناس
مفيد فوزى / أنتى شايفة كده يعنى ؟
والدة خالد سعيد/ أه شايفة كده
مفيد فوزى / حضرتك بتقضى كام يوم فى إسكندرية وكام يوم فى مصر ؟
والدة خالد سعيد/ يعنى هنا تلاتة وهنا تلاتة
مفيد فوزى / أنتى هنا فى زيارة بنتك ؟
والدة خالد سعيد/ أه بزور بنتى بس من ساعة ما مات خالد وهى مش بتسبنى أقعد لوحدى هناك
مفيد فوزى / حضرتك قاعدة لوحدك هناك
والدة خالد سعيد/ أه قاعدة لوحدى كنت أنا وخالد بس
مفيد فوزى / أنتى وخالد بس ؟
والدة خالد سعيد/ بقولها سيبنى لوحدى أنا قاعدة معاه هو موجود معايا
فاصل
مفيد فوزى / زهرة سعيد شقيقة خالد سعيد هو أنتى الفرق بينك وبين خالد قد أيه ؟
زهرة / أربع سنين
مفيد فوزى / دا بيخلق صداقة بينك وبينه ؟
زهرة / هو دا اللى كان موجود بينه وبينه
مفيد فوزى / يعنى علاقته بأخواته الأكبر منك ؟
زهرة / يعنى الفرق أكبر طبعا فزى الأب وصاحبه علاقة بعيدة شوية
مفيد فوزى / إنما أنتى وهو أقرب
زهرة / أه كنا كمان قريبيين من بعض
مفيد فوزى / متخرجة من أيه ؟
زهرة / أنا مخلصة أداب علم نفس
مفيد فوزى / أداب علم نفس إشتغلتى ؟
زهرة / لأ
مفيد فوزى /ليه ؟
زهرة / يعنى علشان عندى بنات وكده
مفيد فوزى /عندك كام بنت ؟
زهرة / أتنين
مفيد فوزى / صغيرين ؟
زهرة / أه 9 و 7
مفيد فوزى / تقدر تحليلى نفسيا قسوة المخبرين مع خالد؟
زهرة / بص أنا هقولك على حاجة شايفاها من ناحيتى أنا هما كان ممكن ياخدوا فى أى حتة تانية ويعملوا اللى عملوه ده طب أيه هدفهم إن هما يعملوه قدام السيبر فى الشارع قدام الناس ؟ ليه ؟ كان ممكن ياخدوه فى أى حتة تانية زى ما بيمتوا ناس كتير فى الأقسام أه عايزينك فى حاجة ويمشوا لكن الهدف أنوا يعملوا كده فى الشارع وفى السيبر قدام الناس دى رسالة واضحة للى هيعمل كده بعد كده دا نفسيا دا اللى أنا فهماه على حد علمى يعنى حتى اللى كان بيقرب منه ساعتها لأ أنت هتقرب هتبقى مكانه معمولة فى السيبر ليه ؟ علشان ما يتعملش كده تانى اللى عايز ينزل فيديو أو يعمل حاجة زى كده ميعملهاش تانى تبقى رسالة واضحة هتبقى دى نهايتك يعنى
مفيد فوزى / فطبعا لازم تبقى قدام الناس
زهرة / أه
مفيد فوزى / يعنى أنتى عايزة تقولى أنها كانت مقصودة ؟
زهرة / أه أنا شايفة كده
مفيد فوزى / طب المخبر اللى أعتدى بالبشاعة دى رجل الشرطة المخبر دى شخصيته ؟
زهرة / بص المخبرين للأسف فى مصر هنا مش بياخدوهم درجة تعليم لأ دا بيطلب أنهم مش فاهمين حاجة فى أى حاجة غير أنوا هو يسمع الأمر من رئيسه
مفيد فوزى / وبالتالى لا يناقش
زهرة / جسمان بس كبير وخلاص
مفيد فوزى / ومهارة فى البطش
زهرة / بس للأسف الناس فاهمة غلط المفروض أنوا الناس تبقى متدربة صح أنوا هما دايما يشوفوا الجريمة فين ؟ ويوصلولها مش أنوا هو يمسك واحد فى الشارع ويضربوا وخلاس مش دى الطريقة السيستم نفسه بتاع الأمن دا لازم يتغير
مفيد فوزى / أنتى عرفتى أمتى الكلام دا ؟
زهرة / عرفت من ماما بالليل
مفيد فوزى / هما كانوا فى إسكندرية وأنتى كنتى فى القاهرة بلغوكى إزاى ؟ يعنى عرفتى إزاى ؟
زهرة / ماما كلمتنى فى التليفون 3 بالليل
مفيد فوزى / قالتلك أيه بالظبط ؟
زهرة / هى طريقتها كانت غريبة لأن عارف لما لسه واخد الصدمة وبتتكلم عادى ازيك عاملة أيه ؟
مفيد فوزى / فى الأول قالتلك كده ؟
زهرة / أه والله أنتى كويسة؟ قلتلها أه فيه أيه ؟ قالتلى أصل خالد مات قلتلها خالد مين ؟ أنتى بتهزرى وراحت قافلة فكلمتها تانى وقعدت أضحك قلتلها يا ماما دى نكتة بايخة
مفيد فوزى / والدتك قوية جدا
زهرة / لأ هى قاعدت كده بتاع أسبوع بتتعامل كأن مفيش حاجة عارف الشك اللى من أول مرة دى أنا حصلت معايا بردوا لغاية ما شفت الفيديو أللى هو الصورة بتاعته اللى نزلت قعدت يومين طبيعية عادية خالص وبعدين جاتلى ذبحة دخلت العناية المركزة فغالبا هى موجودة فى العيلة ناس تاخد الصدمة وبعد كده بتتعب
مفيد فوزى / زهرة كلمينى عن سيكولوجية الصدمة ؟ يعنى فهمينى ليه مصدومة أو مذهولة ولم تبكى فى البداية ؟
زهرة / أنا فى البداية حصلى حاجة غريبة
مفيد فوزى / أيه ؟
زهرة / كنت بضحك وأعيط مع بعض
مفيد فوزى / فسرليلى أكتر
زهرة / أنا كنت فاكرة أنها بتضحك عليا يعنى نكتة أو بيهزروا معايا الكلام دا مش بجد محصلش
مفيد فوزى / ما تقوليكيش بالجملة كده لما تقول أنتى أخبارك أيه مبسوطة كويسة عاملة أيه ولادك عاملين أيه ؟ خالد مات
زهرة / مش مصدقة اخر حاجة ممكن أتوقعها
مفيد فوزى / دى جملة من كلمتين
زهرة / ما هو الخبر نفسه أخر حاجة ممكن تتوقعها يعنى مفيش أى حاجة علشان يجرالوا كده أو يموت مش عيان مفيش حاجة أبدا مفيش سبب علشان يموت غير طبعا عمره عند ربنا أه طبعا لكن لما تاخد صدمة كده فى ناس بتاخد الصدمة بتقع كده فى ناس بتعيط فى ناس رد فعلها على فترات فى ناس رد فعلها بعد فترة مثلا بعد أسبوع أو 10 أيام تلقيها وقعت خالص غالبا أحنا من الناس اللى بعد فترة بس ماما كانت الدوشة اللى كانت حواليها فعلا هدت مننا شوية الناس اللى جت كتير دى هدت من الصدمة خلتنا فى حاجات تانية فهمت قصدى أيه ؟
مفيد فوزى / أه طبعا تعتقدى الجروب اللى طلع كلنا خالد سعيد أنتى ليكى أصحاب فيه ؟
زهرة / أنا هقولك الموضوع جه إزاى ؟ من يوم ما حصل كده وأحمد عمل السيد دى بتاع الصورة دى نشرناها فى كل حتة عن طريقنا أحنا عن طريق الأكونت بتاعى وبتاعه دخلنا على حقوق الأنسان بره مصر وجو مصر وفى كل حتة فإنتشرت
مفيد فوزى / أنتى اللى عملتى؟
زهرة / أنا وأحمد
مفيد فوزى / أنتى وأحمد أخوكى
زهرة / أه
مفيد فوزى / أحمد الأكبر ؟
زهرة / اللى قبليا على طول بس فمن هنا أبتدت تطلع ناس تسأل طب المعلومات طب عايزين نعرف لغاية ما بدأوا يعملوا جروبات مش جروب واحد كان أسمها خالد سعيد وهو بردوا كان فاتح أنا أسمى كلنا خالد سعيد كان فيه كذا جروب مش جروب واحد كتير كل ما هما يقفلوا واحد تلاقى واحد إتفتح لما قفلوا الصفحة بتاعة كلنا خالد سعيد فتحلهم 10 قصادها لغاية ما رجعوها تانى
مفيد فوزى / هل كانوا بيتعقبوا الناس اللى بيعملوا الجروب ده ؟ أنتى إتعرضتى لى ده ؟
زهرة / أى حد بيجى عندنا كانوا موقفين مخبرين تحت البيت فى إسكندرية محدش يطلع البيت طالع رايح فين ؟ هما مش فوق مفيش حد فوق غير بقى اللى بيحصل لحد بيطلع وهو نازل بقى يفضلوا ماشين وراه وشتيمة وممكن ياخدوه بعد كده يعنى ممكن أى حاجة ممكن تتخيلها حصلت
مفيد فوزى / أيه أكتر شيىء أنتى مفتقداه فى خالد؟
زهرة / هو مش حاجة واحدة فيه كلوا على بعضه
مفيد فوزى / لم كان عايش بره فى ال3 سنين دول أنتى كنتى فى مصر ؟
زهرة / لأ أنا بسافر
مفيد فوزى /معاه رحتيلوا
زهرة / أه رحتلوا كذا مره
مفيد فوزى / فى أمريكا كان بيعمل أيه هناك ؟
زهرة / كان قاعد مع أخويا هناك ودرس فترة الدبلومة وبس رجع
مفيد فوزى /كنتى حاسة أنوا مبهور بالمجتمع الأمريكى ؟
زهرة / لأ عايزة أقولك أنوا كان عاجبه هنا مع أنوا عاجبه هنا بس فى بيته بس مش عاجبه اللى بيحصل حواليه
مفيد فوزى/ زى أيه ؟
زهرة /عاوز يقعد فى مصر بس مش عاجيه اللى بيحصل فى المجتمع نفسه يعنى كل حاجة يقولى عايزة تعرفى الأخبار ؟ متفتحيش التليفزيون أقوله تعال بص يقولى كل دا كدب تعالى أقعدى على النت بنفس الطريقة
مفيد فوزى / النت هو
زهرة / دا المصدر أه لكن فعلا أى حاجة بتتجاب جرايد يمسحو بيها أى حاجة أحسن بنفس الطريقة عارف أنوا كل دا كدب كل اللى بيتقدم لناس دا كدب
مفيد فوزى / خالد مات عنده كام سنة ؟
زهرة / 28 سنة
مفيد فوزى /28 يعنى ناضج
زهرة / أه
مفيد فوزى / فاهم الدنيا ما كنش ليه قبل كده أى شكل من الأشكال الإشتراك
زهرة / لأ خالص مالوش فى السياسة خالص
مفيد فوزى / كان أيه إهتماماته الحقيقية وأنتى أخته وتعرفيه ؟
زهرة / أى حاجة متعلقة بالإلكترونيات هو كان عامل سيستم فى البيت عامل سماعات وعملها مولد طاقة علشان لو الكهربا إنفصلت ما تفصلش عنه يعنى جايب بطاريات عربية موصلها على السماعات علشان الأغانى اللى بيعملها والحاجات اللى بينزلها ما تقطعش ما تفصلش النت عنده 24 ساعة شغال هو مش كده بس كمان كان بيحب الصيد الصيد بأيديه
مفيد فوزى / يأيديه إزاى ؟
زهرة / يعنى إصطاد إخطبوط يصطاد كابوريا ترسة حاجا ينزل تحت بأيديه
مفيد فوزى / يعنى ينزل البحر
زهرة / أه حافظ البحر حتة حتة
مفيد فوزى / فين فى إسكندرية ؟
زهرة / أه من أول سيدى جابر لغاية سبورت الحتة دى كلها حافظها يقولك هنا فى دوامة هنا فى بير هنا تصطاد كذا من هنا الحاجات دى عارفاها لأن هو بيحبها ما هو دا النضارة الى فى أيده كان طالع من البحر كان لسه جاى من البحر
مفيد فوزى / لسه جاى من البحر
زهرة /حتى غير الكوتشى بتاعه وخد واحد تانى ناشف لما رحت تانى يوم لقيت الكوتشى المبلول محطوط فى الأرض
مفيد فوزى/ يا زهرة خالد راح يصطاد صادوه
زهرة / بالظبط كده
فاصل
مفيد فوزى / دكتور أيمن فودة الطبيب الشرعى الكبير لماذا الطب الشرعى أحيانا له سمعة سيئة ؟
د: أيمن فودة / هو الطب الشرعى ليس له سمعة سيئة هو الطب الشرعى فى مصر لم يتطور من مدة طويلة
مفيد فوزى / يتطور أيه كعلم يعنى ؟
د: أيمن فودة / بقول لحضرتك لم يتطور كتقنيات من مدة طويلة
مفيد فوزى / طبيب شرعى ماهر للغاية يستطيع أن يعرف أصل الجريمة ويبحر فيها وهناك طبيب شرعى أخر لا يمكلك أن يبحر فى الجريمة الإبحار الذى يصل إلى شاطىء الحقيقة
د: أيمن فودة / الطبيب اللى بيكون ماهر بيستخدم الوسائل العلمية والملكات الشخصية التى يستطيع بها أن يوظف ما هو موجود لما هو صالح هناك الطب الشرعى اللى أحنا كنا بنتعلمه فى الكليات كمان طب شرعى وصفى حاليا العلوم الطبية الشرعية أصبحت علوم متراكمة لابد فيها من الإضافة للطب الشرعى الوصفى أن يكون هناك دراسات تحليلية معملية تحليلية كيمائية بالإضافة إلى دراسة مسرح الجريمة
مفيد فوزى / هذا المدخل كله الهدف منه الوصول إلى قضية خالد سعيد كيف ترى قضية خالد سعيد على مائدة الطب الشرعى ؟
د: أيمن فودة / قضية خالد سعيد حقيقتا هى سقطة فى الطب الشرعى
مفيد فوزى / سقطة ؟
د: أيمن فودة / سقطة انه لا يمكن الحكم على إصابات فى الوجه بنفس وجود علاقة لها لما هو حادث فى المخ إلا بعد إجراء فحوص كثيرة يعى هى دى وزن المخ وحجم المخ دى كلها أشياء يتعرض لها الطب الشرعى بجلاء دى نمرة واحد نمرة أتنين لا يمكن دراسة وضع لفافة أو إسفكسيا الغطس إلا بدراسة 3 معايير وهما 3 أسئلة محددة هل هذه اللفافة تم إبتلاعها
مفيد فوزى / لفافة البانجو
د: أيمن فودة / لفافة البانجو هل لفافة البانجو هذه تم دسها عنوة داخل فمه ظ أم هل هذه اللفافة وضعت بعد الوفاة ؟ كل هذه الأمور ينبغى على الطبيب الشرعى دراستها دراسة التحاليل النسيجية التحاليل النسيجية لمعرفة ما إذا كان هناك عنف فى وضع هذه اللفافة أم أنها إرادية أم وضعت بعد الوفاة كل هذه الأمور لها علامات
مفيد فوزى / حضرتك شايف هل إكتشاف العنف سهل لطبيب الشرعى ؟
د: أيمن فودة / طبعا
مفيد فوزى / إزاى ؟
د: أيمن فودة / إكتشاف النعف أما أن يتم بعلامات ظاهرة داخل على المناظر الظاهرة على الجسم وأما أن يتم بأخذ أجزاء من هذه الإصابات التافهة لن أحنا بندرس فيما بعد الموت ما بندرس لعلاج أحنا بندرس لتشخيص ما بعد الموت ودراسة مدى وصول وتطور الخلايا فى موضع أثار الإصابة كل خلية بتطلع بعد مدة معينة فنفضل نقول هذه الإصابات حيوية أم لأ وحدثت فى فترة كذا
مفيد فوزى / والخلايا بتعيش يا دكتور ؟
د: أيمن فودة / الخلايا بتوقف عند الوفاة لكن هى طول ما الواحد حى بتتقدم خلايا أما خلايا لمفاوية وأما خلايا دفاعية
مفيد فوزى / التحديد يتم إزاى بعد الموت ؟
د: أيمن فودة / بيتم بأخذ قطعة من النسيج مفيهوش إصابة مجاور للقطعة اللى هى فيها الإصابة
مفيد فوزى / فى وقت قريبا من الوفاة
د: أيمن فودة / كلما كان قريبا من الوفاة وقبل تطورات تعفنية على موضع الإصابة كلما كان هو الأقرب للصواب والأدق فى التشخيص
مفيد فوزى / خالد سعيد فى القضية بتاعته التى تنظر غدا تقديرك الشخصى أنوا العناصر اللى كانت موجودة أو التى قيل أنها عن خالد سعيد هل كان فيها أمر من الأوامر أو إخفاء المعلومات وشكل من إشكال التعتيم العريقة ؟ والطب الشرعى ما أعتقدش أنوا ممكن يكتم أسرار أشياء أنت حضرتك 28 سنة خبرة فى هذا الميدان
د: أيمن فودة / فى قضية خالد سعيد تم تشريح الجسة مرة وتم إستخراج الجسة وإعادة تشريحها مرة أخرى فى المرة الأولى التى تم فيها التشريح عقب الوفاة مباشرتا كان وصف السيد الطبيب الشرعى إصابا متواجدة فى منطقة الوجه ووصف سحجات فى منطقة الغسق ووصف خدوش حول منطقة الفم هذه 3 أنواع من الإصابات
مفيد فوزى / وما دلالة هذا ؟
د: أيمن فودة /الإصابات التى وصفها بالوجه هى إصابات ردية وقرر وقطع أن هذه الإصابات لا تحدث إلا بالصادمة بألالات ردية أيا كان نوعها هى التى أدت إلى التكدمات اللى موجودة هى التى نظرها ووصف سنة مكسورة فى القاطع العلوى الأيمن وقرر وقطع فى التقرير الطبى الشرعى الخاص به ان هذه السنة الكسر فيها كسر حيوى
مفيد فوزى / بفعل فاعل ؟
د: أيمن فودة / كسر حيوى حديث معاصر للواقعة
مفيد فوزى / أه يعنى بفعل فاعل
د: أيمن فودة / تمام ولم يقم بوزن المخ ولم يقم بإتخاذ أى إجراءات بالنسبة للمخ للربط ما بين أى إصابة فيه أو أى أثر تمكرزى فى المخ بالنسبة لفصابات اللى هى موجودة فى الوجه
مفيد فوزى / هل هذا جهل منه سهوا أم هو أمر جاءه من سلطة أعلى ؟
د: أيمن فودة / أنا مقدرش أجزم هو عمل كده ليه لكن كل اللى أقدر أجزم بيه ربما يكون جهل ربما يكون أى شيىء أخر إنما ما قام به هو خطأ جوهرى فى العلوم الطبية الشرعية إذ كان يتعين عليه أن يأخذ المخ كله كاملا وأن يقوم بوزنه لأن هناك ثوابت بالنسبة لمخ
مفيد فوزى / ماذا يكشف وزن المخ ؟
د: أيمن فودة / هقول لحضرتك المخ الأنسان البالغ إذا كانت أمرأة وزن المخ 1250 جرام إذا كان ذكر وزن المخ 1450 جرام حينما تحدث إصابة فى المخ يحصل جوزيمة داخل الخلية فى المخ داخل خلية المخ وبالتالى يزداد حجم المخ من أثر الإرتجاج الدماغى تمام لا مكان لهذا الحيز أن يزداد وأن يتمدد داخل الجمجمة المحدودة المساحة وبالتالى ما يحدث ما يسمى إختناق المخ داخل الخرم الأعظم بالنسبة للجمجمة اللى هو قاع الجمجمة وبالتالى ممكن أن تنشأ الوفاة
مفيد فوزى / إذنا ممكن أنه لم يلجأ إلى هذا ؟ الطبيب الذى نحن قد وصفناه فى هذه اللحظة بالجهل
د: أيمن فودة / بالجهل
مفيد فوزى / أنت مصر بالجهل ولا مش أوامر؟
د: أيمن فودة / أنا مصر يا أما أنوا هو عدم دراية أو قصور فى إجراءات الفحص
مفيد فوزى / لكن مش أوامر
د: أيمن فودة / أنا مقدرش أوقول دى أوامر ولا مش أوامر أنا مكنتش جوا معاهم لكن أنا بطلع بالعلوم الطبية الشرعية
مفيد فوزى / دكتور أيمن أنا بطلب منك إستنباط ولست فى محل تحقيق أنا مش مدعى عام ولا وكيل نيابة أنا بسأل حضرتك للمعرفة
د: أيمن فودة / يسأل فى هذا الطبيب الشرعى لماذا وكان يتعين التحقيق فى هذا الأمر وسؤال الطبيب الشرعى لماذا لم تتحرى ولم تتبع القواعد المأخوذ بها فى لوائح الطب الشرعى الخاص بتشريح الجثة ؟
مفيد فوزى / دكتور أيمن واضح أنوا وزن المخ كان يكش تماما حقيقة الوفاة ولا أنا غلطان
د: أيمن فودة / طبعا
مفيد فوزى / طب لماذا لم يلجأ لهذا ؟ حضرتك مصر أنوا عدم دراية ؟
د: أيمن فودة/ خالف اللوايح بتاعة مصلحة الطب الشرعى هذه لائحة مصلحة الطب الشرعى التى تشير وتحدد
مفيد فوزى / من عنده يا دكتور ؟
د: أيمن فودة / الله أعلم هو ما نفذش اللائحة ليه
فاصل
مفيد فوزى/ أيه أهم حاجة علمتيها لخالد ؟
والدة خالد سعيد/ ما يكدبش ويعرف ربنا وكده
مفيد فوزى/ مين صاحبه اللى كان ماشى معاه ؟
والدة خالد سعيد/ مفيش صاحب كان ماشى معاه
مفيد فوزى/ الله كانوا بيقولوا هو وصاحبه
والدة خالد سعيد/ لأ مش صاحبه دا هما قاعدين محضرلنوا الموته قاعدين على القهوة بيشربوا شاى وحاجا سخنة
مفيد فوزى/ اللى هما مين ؟ المخبرين ؟
والدة خالد سعيد/ وقالوا لواحد مرشد من عندهم نادى عليه قله السيبر ده اللى فى وش القهوة فيه كمبيوتر بايظ إنزل صلحه لأن صاحب السيبر أبنه بيعرف خالد فخ معمول قالوه أنا مش عايز أنزل قالوا دا 5 دقايق يا خالد فنزل ال5 دقايق قاموا من على القهوة مسكوا من ضهره وعملوا فيه بقى كده يحكيلك صاحب السيبر والبوابة والبواب شافوا الضرب لغاية وقالوا قدام البواب روحى هاتى حاجة أمسحى بيها الدم ده قالتلوا والسنان اللى فى الأرض ؟ قالها أرميها دا يثبت أيه ؟ والبوابة قالت كده نفسها وجوزها قالوا أنوا خالد قال أرحمونى أنا بموت قالوا له أنت كده كده ميت فى الأول خالص قالوا أنت مين ؟ أنتو مين وعايزين أيه ؟ قالوا له أحنا جايين نموتك يبقى فخ ولا مش فخ ؟
مفيد فوزى/ فخ طبعا
والدة خالد سعيد/ بس محدش قدر يحوش هو مسكوا دماغه فى الرخام طخ طخ طخ فى وشه كسروا سنانه ووشه والعضم نفسه والمخ وكله إتكسر فى سلالم متكسرة متكسرة السلالم الرخام متكسرة من دماغه
مفيد فوزى/ يا ساتر
والدة خالد سعيد/ أه آمال أيه ؟ والحديد بتاع الباب إتخلع فى أيده علشان كان ماسك فى الباب وفى أيده التانية ماسك نضارة بحر عطوهالنا بعد كام يوم بقى متهلهلة مطح ما كانت فى أيد وهو بيضرب وبعدين سحلوه على بره وبعدين قلعوه هدومه وحاجاته خدوها كلها وغسلوا بالمية أنا رحت المشرحة شفتوا لقيته مغسول وجنبه الخرطوم وملبسينه شرط صغير كده وكل هدومه واخدينها والسلسلة والأنسيال والساعة والموبيلات والبطاقة وكله كله ومغسول بالخرطوم ليه مغسول ؟ علشان الدم يروح بس طب ليه كده حسبى الله ونعم الوكيل.