أحمد عمار يكتب:واقفة في وسط الميدان

يا اللي بتقولوا إن أخويا..
اللي واقف في الميدان..
باع.. وخان..
وان صاحبي..
اللي طولت دقنه حبة..
يبقى تابع للجماعة..
وانه يوم سافر إيران..
وان أختي..
اللي نايمة في الميدان..
شعرها أصفر كناري..
أصلها بنت الذين..
جدها كان م اليونان..
وانها شبه الصهاينة..
وان أبوها كان وكان..
ارحموهم وارحمونا..
الكلام الكذب بان..
وانتو عارفين اللي بايع واللي خان..
وان أخوبا وصاحبي وأختي..
نبتة طاهرة..
نبتة من أرض البلد دي..
جدرها مروي بطيبة..
فرعها كان الحنان..
تفرش الضليلة لينا..
تحتها نعيش الأمان..
حلمهم إنك يا غالية..
تبقي أحلى..
تصبح الحرية تاجك..
قبل ما يفوت الأوان..
مش هاوصيكِ عليهم..
ارفعيهم فوق جبينك..
واصرخي ف كل الأماكن..
إنهم زينة ولادك..
ضحوا لجلك..
وانك انت..
واقفة وياهم هناك..
واقفة في وسط الميدان..