أحمد عفيفي يكتب: أدها ياحكومة .. ولا لسه مرعوشة؟!!

هتعملوا ايه تاني ؟ .. المرة الجاية متفجراتكم حتبقى فين .. وكام طن المرة دي ؟ .. ومين اللي بتجهزوه بعد " ابو مريم " اللي من انصار بيت المقدس اللي فجّر نفسه بالسيارة في المنصورة .. احنا متوقعين الاسوأ .. والعيب لمّا يطلع من اهل العيب ميبقاش عيب .. وللوساخة باب ، بكل يد " معفنة " يدّق .. " مع الاعتذار طبعا للبيت الشعري المشهور " .. وللوساخة ناسها .. تشوفهم تتف عليهم ، فلم تتوقع يوما ان تجد على الأرض من هم اوسخ منها .. احنا معاكم للأخر .. احرقوا واقتلوا وفجّروا وافجروا .. ماهي " المومس " لو عاملتها باحترام تزعل وتتلوي .. تبص لها باحتقار تضحك ضحكة مايصة وتقولك : طيب انا كده وعارفه اني كده والناس تشهد بكده .. غيري بقى زيي واوسخ بس عامل فيها تقي وشريف!

القرار صدر خلاص .. انتم جماعة ارهابية .. وبعد القرار ده ، ليلة اللي خلفوا اهاليكم اسود من السواد .. مين اللي اتخذه ومين اللي قاله مش قضيتي .. المهم انه صدر .. الببلاوي مش عايز يتحمل مسؤولية ان هو اللي اذاع البيان وخلّى حسام عيسى هو اللي يقوله .. ماشي .. وهو كده كده " ماشي " بعد مجلس الشعب الجديد .. المهم ان القرار طلع .. بس الأهم من صدروه حتتعاملوا به ازاى؟

لو مظاهرة مثلا من بتوع بنات الازهر " اللي بشنبات " ورافعين اشارات رابعة ونازلين تكسير وتخريب وقلة أدب وعض في الرجالة وكلام اقذر من الفعل .. حترشوا عليهم ميه ولا حتسحبوهم من قفاهم على البوكس وع النيابة عدل .. وحقي وحقك .. واللي مش عايز يتحاكم يحترم نفسه .. سواء كنت ولد او كنت بنت .. ولو مظاهرة فيها رجالة .. كهيئة .. لأنهم في الحقيقة مش رجالة خالص .. وخرجوا وقطعوا الطريق او عطلوا المرور او اثاروا هرج ومرج في جامعة من الجامعات .. حتفرقوهم بقنابل مسيلة للدموع ولا حتعلمّوهم الأدب .. " وبالأدب " .. لا فيه ضرب ع القفا ولا نفخ ولا ديالوا .. برضه حقي وحقك .. عامل راجل وعندك قضية .. تعالى نتحاسب .. وكلنا نروح القسم .. واللي له حق ياخده بالقانون .. واللي مالوش حق يتحاكم .. واللي يقول كده حرام .. الواد مستقبله ضاع .. نرد ونقول له " حُرمت عليك عيشتك يابعيد ".

أدها ياحكومة .. ومستعدة ولا ايدك لسه مرعوشة ؟ .. قادرة تتحدى ولا لسه خايفة من ردود الفعل بره وجوه ؟ .. اسوأ شىء في الدنيا انك تاخد قرار ومتعرفش تتطبقه وتحميه .. رد الفعل ساعتها حيكون اسوأ مما تتخيل عليك وع البلد .. والبلد قدرها على الاقل في المرحلة دي ان الببلاوي رئيس حكومتها .. بس قدرها برضه ان شعبها قادر انه يجبر اى خسيس على انه يتلم ويشوف له اى داهية يغور فيها .. المنصورة اعلنتها صراحة .. مفيش اخواني يبات في البلد النهارده .. مش اى اخواني .. الاخواني اللي كافي خيره شره محدش حيجي ناحيته .. لكن الاخواني اللي شايل سلاح وبيهدد ويقتل .. يبقى يتحمل اللي ممكن يجرى له.

أدها ياحكومة .. ومستعدة .. ولا حتسيبينا نخلّص حقنا من اللي قتلوا عيالنا بطريقتنا؟ .. هو مش حل طبعا ولا حد عاقل يتمناه .. بس لو عجزت حكومة الببلاوي او " ادلعت " في تطبيق قانونها وقرارها .. حتبقى الكلمة للناس الموجوعة .. والإنسان لمّا يتوجع .. رد فعله بيبقى عنيف .. ومحدش فينا حيكسب حاجة.

أدها ياحكومة ومستعدة .. ولا ناوية تاخدينا لفين ؟ .. أدها .. يبقة حنعدي الفترة دي رغم كل التحديات .. مش أدها .. يبقى ربنا يستر ع الايام اللي جاية واللي ممكن يحصل فيها.