موشي يكتب: طلعت إنت الكمين !!

الدعوة السلفية اصلها وهابية.. والشيخ عامل قضية.. براحة علينا شوية ..!!
قولتلنا بعد سنين.. احنا السنين.. طلعنا سلفيين.. وطلعت من الاساس.. بتأسس وهابيين!! طالع بمنظرين.. بتعمل لمين كمين؟!! كلنا كنا شاكين وقولنا ادينا صابرين؟! وكلنا مرة واحدة.. بصينا لبعض خضة وبرقنا مش فاهمين!! قولت يعنى دعوة.. هندخل بيها جنة نقتدى بالصحابة.. واصحاب صحابة.. كل المؤمنين! وقولت السلف الصالح.. والصالح للى ف الصالح.. وعليه كلنا ماشيين! وبرضه مش فاهمين..!؟ ومجبتش سيرة خالص عن رسولنا الكريم؟! انه هو اول قدوة.. ناخدها لينا لازمة ف حياتنا تنورنا.. مش نهمش كبيرنا ونمسك ف الصغيرين..؟! ونقول بنمجد بيها تراث وبنحيى الدين!! ماعندك الرسول عمال بتبعد فيه!! مش فاهمة فيه ايه؟! بتشككنا ف مين؟ وعايزنا نمجد مين؟!! من نادوا.. بهدم اضرحة الصالحين.. واللى بيكرهوا من الاصل آل بيت رسولنا الكريم؟! قولت انك كمين!! ومابتمثلش دين.. بس قولنا نشوف.. انتوا ع ايه ناويين!! قولت يمكن سهوا.. غصب عنه اصلا واستبعدت يبقى جهلا.. وقولنا شيخنا الكبير!! بعدها ومش كتير.. لاقيتك بتزعق حمية وشوية واخدتك النخوة.. وبتدافع عن ناس.. فضولى اخدنى ليهم عشان اعرف شيخى.. بيمجد ف مين؟!! وبرضه مش فاهمين..؟ بتدافع عن مقام لواحد مش مقام!! وخليتوه إمام مؤسس الوهابيين!! فاكر لما قلنا الوهابية لأ..!! وقولنا مش عايزين!! وهابية مين؟!! واستغربنا جدا واقف بتحمى مين.. وبتدافع لمين؟ طلعت بتحمى نفسك.. وبتمهدلنا.. بيه !!؟ مش قولت ف يوم عليهم انهم مايمثلونا.. مش مننا وعارفين؟!! دلوقتى جاى تحمى وف لحظة قالب علينا.. وكفر دين ابونا ومالهم الوهابيين؟!! ما هو ده رمز التوحيد اللى بيتكلم فيه!! مايقصدش التوحيد.. اللى الرسول وصانا بيه!! ده يقصد التوحيد اللى ألفه بدماغه.. وعمل لنفسه دين!! يقولك ع اهل القبلة واصل المؤمنين هما دول الكفرة وشوفوا بيعملوا شعائر لمين!!؟ دورت وراك صراحة.. اعرف ايه العبارة ما اصل.. بزيادة يعنى جرت الحمير؟ لاقيت عبد الوهاب..اللى قولت علينا مرة.. اننا آثمين.. عشان يعنى لا مؤاخذة.. عيبنا ف الوهابيين؟ وقلنا عليهم اصلا بيكفروا المسلمين.. قولت بنفس اللفظ.. من ينطق بااى حرف ع عبد الوهاب حبيبنا.. ومؤسس الوهابيين.. هيبقى من الآثمين..!! ودورت وراك ياشيخ..! وسئلت ع الجميل.. عشان نتعرف ع الحلو ده يبقى مين؟! عبد الوهاب اسم ابوه ومحمد يبقى اسمه وسمى الحركه ديه.. يعنى باسم والده.. وسماها وهابية عشان مكنش حابب تكون.. محمدية!!؟ وطلع من الكارهين ولآل البيت اصله ليهم محاربين.. جاى بترغى ف مين؟ وعرفت ان ابوه كان قاضي ف بلاده وكمان عالم دين بيمثل الحنابلة وكان واصل بعلمه وليه سلطة ومكانة وكان من المتقين.. وابوه هو نفسه شهر بابنه انه.. من المراوغين!! واخوه كمان سليمان كان عالم دين يامان؟ وقال نفس الكلام ع اخوه الخطير.. قالوا وحذرونا منه ومن دماغه وكره لآل البيت وبيحرف ف الدين.. وبينسب نفسه سنة.. اللى اتنصلوا منه.. وقالوا انه مش منا!! ومابيمثلش الدين!! اصله وارث الحكاية.. من واحد حبيبك برضه رغيت عليه واحنا بطيبة قلب قولنا.. انك سليم وماشككنا فيه!! بس مواقفك كتير.. وطلعت مش كبير.. عرفنا ان اصلك ما يبعد عنهم كتير!! ياعم الشيخ من نجمك الستار الكبير.. ابن تيمية ياشيخ اللى صدعتنا بيه.. طلع هو نفسه اول مانادى بيه؟؟ نادى بالوهابية وانحرافه بان.. وسط المسلمين.. اللى رفضوا بغيرتهم.. اللى بيحرف ف الدين.. بس ربك ستر وفضحوه المسلمين ومالحقش يحرف كتير!! وع فكرة ياشيخ.. من نادوا بتكفيره وانحرافه.. مذاهب معروفين.. وهما الأربع مذاهب اللى قالوا عنه كلام خطير.. وهما اللى تصدوا ليه وقفوا انحرافه بفضل الله.. والمسلمين الغيورين.. اللى انت جاى سايب شيوخك الكبار ومسكت ف إمام البدعة.. وقولت عايز من.. ده الدين؟!! مش قولتلك كمين ووقعت نفسك فيه!! والله كنا شاكين!! اصلك شبه المسلمين يمكن دقن وجلبية مقصرها حبيتين!! بس اللى ناقص يمكن يكون عندك دين!! وحبيت اطمنك اننا ليك مش تابعين.. بعدها جه.. عبد الوهاب عشان يحيى اللى مات وطلعتوه إمام وفشل فيها كتير!! لان سيرة ابوه كانت منعاه الوصول!! لانحرافه ف الدين وديه شهادة من ابوه!! بعد موت ابوه.. كان عايز يموت اخوه.. لما بعتله مجنون.. بسلاح يهجم عليه..!! وقالوا روحلوا المسجد اقتله وهو فيه!! ده عبد الوهاب اللى قولت علينا اننا لو غلطنا فيه.. نبقى من الآثمين!! اكملك حياته.. صاحب نفس السياسة.. اللى انت ماشي فيها.. كان بيروح لبدو.. والناس الجاهليين.. ويقولهم كلام من الاصل مش ف الدين.. وعشان يعنى دماغهم! وقالوا عالم دين.. مش ممكن هيكدب!! زى ماعملت.. انت يابيه.. اشتريت جهل الناس.. وانهم بيقدروا اللى عنده دين!! مش هخرج من الموضوع وارجع تانى ليك ..
عبد الوهاب اتفق مع آل سعود ويبقى الجد الكبير!! قالوا نعمل اتفاق.. لو وافقت عليه مستعد اخليك تحكم البلاد!! تتقسم اتنين.. واحد حاكم تشريعى والتاني يبقى تنفيذى.. هاه قولت ايه؟! قالوا بيس وماشي وهنقسم الاراضى وماتنساش المواشي.. قالوا وانا عليا.. هشرعلك تشريعات واحرم الخروج عن حاكم البلاد وقشطه.. كده يامان! تسلم ياعبو الوهاب..مش بيفكرك ياشيخ بواحد بدقن كده يشبه شويه ليك وعمال تنفخ علينا وتقول ابن تيمية ابن تيمية مين؟!! ديه الاربع مذاهب كانت بتلعن فيه؟!! مش ده برضه اللى بيشبه وبيجسد رب العالمين؟!! واستعاذ منه الناس.. لانه من اكبر المضلين.. فاكر.. على المنابر.. قال ربى بينزل.. زى ماانا بنزل كده يعنى ليه رجلين؟!! وقال كمان.. استغفر الله العظيم انه شبه البنى ادمين.. فاكر لماحضر الخطبة رجل دين من المالكية.. ولعنه وهو بيقول كلامه الغريب.. ع رب العالمين.. راحوا الناس اللى زيك ضربوه بالنعال يعنى الجزم يابيه.. وطردوه بره المسجد عشان قاطع الشيخ الكبير!! وقالوا عليه العلماء طبعا المحترمين!! ان ابن تيمية ..ربه اضله.. واذله شر ذلة.. وبيقولوا مات.. وهو سجين!! ومات معاه انحرافه.. لغاية ماواصل كفاحه محمد عبد الوهاب اللى من اهل بيته فيه بيلعنوه!! وانت جاى تقولى.. هو من نادى بالتوحيد!! ياراجل عيب عليك!! ولاانت فاكر نفسك امتداد لمين؟ انسى ياعم الشيخ جرت الحمير!! ودعوتك السلفية فهمنا جاية منين؟!! واحب اجيبلك اخرك انتم لا آل البيت كلكم كارهين.. لان الوهابية اللى عامله سلفية! من اصل متشددين.. وكان عبد الوهاب.. بيستبيح دم المسلمين وكان اللى بيعارضه.. بيحلل دمه وارضه.. وعرضه.. هو واهله.. وتقولى يدعو للتوحيد؟! مش ده عبد الوهاب اللى هدم اضرحة ومقام لأولياء الله الصالحين!! وهو صاحب شعار.. لا لبناء القبور والصلاة ع الرسول؟ ومحو تراث الدين! وتجرأ ع المصطفين..؟!! تحب اقول كمان.. ولا لسه هتمثل فيه وتعمل عندك دين وتضللنا فيه!!
قولت انك كمين!! والقسوة مش ف الدين.. وشوية لا.. للاحتفال بمولد رسولنا الكريم؟!! وذكرى آل البيت ع طول محرمين!! واتكشف امركم انكم لآل البيت من الاصل كارهين.. كفرتوا الحزانا.. ع وفاة الرسول.. ربيتونا ع الجمود والقسوة والجحود.. ولما مات.. بن لادن ف الحرم بكيتوا عليه!! طب ده بالذمة دين؟ ابكى ع الارهابى.. وصاحب الرسالة.. والصحابة المصطفين ونور العباد اقول مش فاكرين ميلاده.. وحياته فين!! وكمان اللى زاد طلعتوا ليهم كارهين!! وطلعتوا انتوا الكمين!! مرة تقولى جهاد وتلبسنا ف مسلمين واقول مش ممكن.. ولا ده.. يحصل ف الدين!! ومره تلبسلى كاب وتعملى.. مش متشددين!! وتدخل الانتخابات وتقولى زاهد ف الدين!!
حتى السنة الصحيحة عنها منصرفين!! والدعوة السلفية اصلها وهابية!!
وطلعت انت الكمين !!