يا أهلا بالطواريء

يا أهلا بالطواريء

خلال ال 60 سنة اللي فاتت لم تحكم مصر بقانون الطوريء إلا 11 شهر فقط لا غير
فكان الطوريء هو القاعدة !!!
بعد حادث السفارة في جمعة احراق مصر (كما سميتها قبل الجمعة ب-3 أيام )
وكنت طالبت المجلس بتطبيق قانون الطوريء !!
بسبب تهديدات وسيناريوهات من نوعية وامثال اللي بيقول عليها سي عمر اللي الظاهر كدة مش عمر وكلامه لا مينبش منه أنه عفيف
خصوصا في الكام يوم الأخيرة
المهم
ده اللي حصل وده اللي طالبت بيه
طيب دلوقتي القانون ده هيتطبق علي مين ؟؟؟ ومين اللي هيتطبقه ؟؟؟ وما هي ضوابط تطبيقه ؟؟؟
وهل معني تطبيقه عدم السماح بإنتقاض الحكومة والمجلس الموقر ؟؟
وهل ستتم انتخابات في ظل تطبيقه "(حرة ، نزيهة ،في جو ديمقراطي -----------------------) في ظل تطبيقه ؟؟؟ طيب ازي محتاجة شرح دي (مقنع ) !!!!!!!!
هل سيتم التوقيع علي أوامر أعتقال علي بياض ؟؟؟ سامع المجلس بيقول لاء .طيب يا مجلس أضمن منين ؟؟؟
اه بالمناسبة هو الشرطة العسكرية ولا الشرطة اللي كانت موجودة ؟؟
أيه
سامع العيسوي بيقول لاء يا أخويا موجودة بس بتنزل علي حلقات
في أيه يا عم هو احنا في رمضان ؟؟؟ أيه المسلسل الهابط ده !!
طيب ده ممكن يتطبق علي ظباط الشرطة ؟؟؟ سامع العيسوي بيرد وحاسس أنه مكشر بيقول
ازاي يعني يتطبق علي ظباط الشرطة ؟؟ أقولك يا عم هو الظابط اللي بقاله 10 شهور بيقبض مرتبه كامل مكمل ويمكن ("بالارباح والحوافز وبدل مخاطر و----------)
رغم أنه مش شغال رغم عدم مواجهة حدوث اضطرابات فى الداخل (زي حالات البلطجة والجرائم المنتشرة والسلب والنهب والتثبيت اللي أخبارها بقت مش أخبار جديدة لانها (متوغلة ومنتشرة وتستمر وتستمر وتستمر و-----------)
وعدم مواجهة أخطار الإرهاب (زي اللي حصل في العريش الشهر اللي فات ) والإخلال بالأمن القومى والنظام العام بالبلاد
طيب دي الحالات اللي واضح أوي أن الشرطة اللي بتنزل علي حلقات بتعملها من غير افتري مني علي أكمل وجه وبشكل ممنهج واللي يقول غير كدة
أقوله عيب -- عيب -عيب يا عيسوي تسيبوا ومتعلقهوش (مش برضو جهاز أسمه أيه ده أه افتكرت الأمن الوطني موجود امال أيه )
أنا مش هقول علي باقي الحالات اللي ذكرها القانون وبيقوم بيها أو يشرف أو يشارك فيها الفئة الضالة والقلة (ال---غير مندسة ) من ظباط الشرطة
من مخدرات وتلفيق قضايا واتهامات بالباطل (يعني اشاعات ) وافتري علي سمعة وحرية عباد الله مش برضو تقع تحت طائلة القانون يا مجلس
ولا أ يييييه ؟؟
طيب وبالنسبة ل--اذا كان تطبيقه يعني عدم السماح بإنتقاض الحكومة والمجلس الموقر ؟؟-
هقولك ازاي بس يا فندم ده مصر مبارك لم تجروء تعمل كدة حتي لو كان الانتقاض (كدة وكدة --)
طيب ازاي يعني مش هيكون في جمعة تاني ولا حسم ولا تغيير ولا تعديل ولا اصلاح ولا --------لموءاخزة تأييد
ولا أي جمعة يعني طيب الناس تتنفس عن نفسها ازاي وتفسح عيالها فين -------!! ينفع كدة يا مجلس ؟ طيب انتي ترضاها يا شرف ؟
طيب اللي هيعمل حاجة كدة ولا كدة وخلاص يعني لازم لازم نطبق القانون عليه هيكون محكمة عسكرية ولا مدنية
طيب بس علشان نفهم وتفهمو أن أكل العيش مر يعني المحامي ينفع يعترض علي قرار الاعتقال لموكله ولا دي هتبقي احكامها نهائية
والمحامي اللي يعترض برضو يزامل موكله في الحبس ؟؟؟؟
يا
أخوانا طيب مفيش شغل --وقسم مش بتفتح --والقسم اللي فاتح مش عايز يعمل محضر
طيب المحامي يشتغل ازاي . ما علينا الأرزاق الله
طيب --طيب العيال الفاضية دي اللي مش فاهمة ومقدرة الموقف الراهن والظروف التي تمر بها البلاد خصوصا أن مصر مستهدفة
و- مستهدفة الأخرانية دي بتفكرني بحد كان بيقولها كتيييير مش زمان قوي لتبرير الحاجات اللي مش ينفع نتكلم أو نعترض عليها
اه نسيت العيال بتوع الثورة دول اللي مصدقين نفسهم أنهم قامو بثورة ومش واخدين بالهم أن لولا المجلس اتخذ قراره الصعب والخطير اللي مجاش بالسهل
ووقف جنب الشعب مكنش الثورة نجحت وده مش علشان حاجة ولا علشان يعايرونا بيه طول الوقت
لاء ده علشان ميضطروش يقوموا بانقلاب عسكري في حالة توريث ننوس عين أمه
يعني أيه عايز تقول ؟؟؟
------ لا مش عايز أقول حاجة خاااالص غير أن مخرج النهاية في فيلم الجمعة كان بجد معلم
ضرب حاجة كدة بتاعة 5 أو 6 أو 7 عصافير علي كام أ في بشاكوش واحد
يعني أيه ؟؟ يا عم أنت مخك قفش خلاص مش بتفكر ؟ في أيه بس
يعني الأول نبني الجدار قدام العمارة لحماية السفارة علشان نستفز الشعب أكتر بعد ما رفضنا نطرد السفير ويزيد غيظه (الشعب ) لما يكون ده في نفس الوقت اللي تركيا تطرد فيه السفير
قوم بقي الناس تتغاظ أكتر فتقوم تهد السور ويجي ناس محدش يعرفهم ومحدش يدعي البطولة أنه منهم أو يعرفهم يهجمو كدة علي السفارة ويفتحو الأبواب اللي هي طبعا مش زي كالون بيتكو في وقت بسيط جدا خالص
وده أيه بعد ما تنسحب الشرطة تماما من المنطقة لحوالي ساعتيييين
برضو يعني أيه ؟
يا ابني أفهم ما هو ده اللي يكون بيه
الناس تحس أنها بتاخد حقها
وان السفير يمشي بقوة الشارع
و لما الجيش يعلن حالة الطواريء اللي هي متلغتش أصلا
واللي اتقال أصلا أصلا بعد الثورة أنها حسبة كام شهر بس ويتلغي
وحتي المجلس ذات نفسه هيمشي بعد 6 شهور لانه مش عايز ومش حابب وملوش نفس انما مضطر أنه يقعد حبتيين تلاته
علي كدة ما تستقر الأوضاع (لمين مش فاهم ) المهم أنها تستقر
وبعدين لحماية الخط ده اللي في سيناء اللي من غيره كوهين يذاكر علي لمبة جاز لازم نطبق القانون ونزود القوات هناك لمكافحة كيت وكيت
وحاجات كتيير كدة بتضايق عيلة شالوم ويكون بكدة وفرنا علي نفسنا الكلام الكتيير وكمان وفرنا تمن حبر جديد لكامب ديفيد جديد
انما كدة خلينا بلا ورق بلا مفاوضات ولا توقيع واقعيين ونفرض واقع جديد خالص وكله علشان كوهيين يذاكر من غير صداع
يعني طورايء وطرد سفير وزيادة قوات ونقعد كدة مضطريين
وبرضو كدة حاجة تفرح العيال اللي فاكرين نفسهم مفكرين وفاهمين بعد ما كنا اعتذرنا عن المشاركة في مناورات النجم الساطع في يوليو
علشان الظروف الأمنية وكدة برضو علشان نفس الظروف نعمل مناورات مع تركيا وتركيا بالذات في أخر السنة وده أيه
بعد السفير في تركيا ما يضطرد
وعندنا نحميه لحد ما يهرب بجلده
برضو مش فاهم
طيب أن كنت مش فاهم أكملك باقي العصافير ازااي هو انتي مش مصري ولا أييييييييه
ده كان الحوار اللي كان بين اتنين قعدين في الكرسي اللي قدامي في الأتوبيس اللي كنت واخده علشان أروح أقعد شوية علي قهوة الأخوة دي اللي في حارة المحبة المتفرعة من شارع الأتحاد كدة وانت جي علي ميدان الحرية
المهم الجماعة سلوني في السكة
معلش طولت عليكو أقوم بقي أجيب العيال من المدرسة اه ما هو مفيش أمان في الشارع علشان القسم قافل
يووووه أنا باين عليا هعيد الكلام