أنا باشكر موقع "بص وطل" جداً ده أحلى موقع، وخصوصاً باب "فضفض لينا"، أنا مشكلتي حساها كبيرة أوي وتعبانة منها؛ أنا فتاة أبلغ من العمر 22 سنة، من فترة تعرّفت على شاب من النت، وبعد كده نزلنا واتقابلنا، ونزلت معاه كذا مرة أخدت عليه وحبيته جداً وهو كمان حبني أوي، ما كناش بنبطل مكالمات خالص، بحبه أوي وما أقدرش أعيش من غيره، بس من فترة اتقدّم ليّ عريس، فاتصلت بحبيبي وقلت له.. فقال لي: إزاي.. ارفضي أنا بس هشتغل وحتقدّم لكِ، لكن ماما وبابا ضغطوا عليّ لدرجة إني كنت باتصل بيه وأنا بعيط، واتخطبت بس مش عارفة أحبه خالص، ولسة بتكلّم مع حبيبي، وهو كمان مش قادر يسيبني أنا تعبانة أوي بجد، ونفسي حد يقول لي أنا صح ولّا غلط أفضل مع خطيبي اللي ما بحبوش ولّا أرجع لحبيبي؟!! ساعدوني... wessam