اعرفي معانا النهارده في يوم شم النسيم إزاي بيكون الشكل السليم للرنجة والفسيخ، وكمان هنديكي شوية نصائح علشان تقللي من مخاطر أكلهم وتستمتعي بشم النسيم.. إزاي تتأكدي من سلامة الرنجة والفسيخ - لازم تكون الرنجة لونها دهبي، وما تكونش مهريّة ويفضل عدم أكلها نيّة. - أما بالنسبة للفسيخ فلازم يكون متملّح كويس لأن الملح بيقتل البكتريا والميكروبات، وعلشان كده ما يفضّلش أكل الفسيخ اللي ملحه قليل، ولازم تكون سمكة الفسيخ مش منتفخة أو مهرية وما يكونش طالع منها أي ريحة عفن. نصائح مهمة لتجنب مخاطر أكل الفسيخ والرنجة 1- بعد أكل الفسيخ والرنجة اشربي كمية كافية من الميّه، وضيفي عليها ليمون أو خل ويفضل خل التفاح. 2- احرصي على أكل كمية كافية من الخضروات، زي البصل الأخضر - الكرفس - الخس - الجرجير مع الفسيخ والرنجة، لأنها بتعمل على خروج الماء من الجسم. 4- قدّمي العيش البلدي الأسمر مع الرنجة لأنه بيحتوي على الردّة اللي بتنفش في المعدة فتعطي الإحساس بالامتلاء والشبع. 5- عدم شرب المياه الغازية أثناء أكل الفسيخ والرنجة، لأنها بتساعد على احتباس الميه داخل الجسم. 6- يفضل شرب الشاي الأخضر والكركديه والينسون، بعد أكل الفسيخ. وبكده هتضمني صحتك وصحة عيلتك.. وكل سنة وإنتم طيبين..