أنا فيه واحد شغال في شارعنا كنت معجبة بيه أوي، وبعد كده اكتشفت إنه أخو صاحبتي وهو عرف إني صاحبت أخته وخلاها تكلمني وتعرّفني إنه كمان معجب بي، المهم كلمته وعرّفت أهلي وهو كمان حكى لمامته عني وحبينا بعض وهو خلاص هيشتغل إن شاء الله وقرب يجيب شقة، وهيتقدم لي وإحنا كويسين أوي أوي مع بعض ربنا يبارك لي فيه ويجمع بيننا في الحلال، بس أنا مشكلتي إني عشان بحبه خايفة يكون كلامنا مع بعض ده غلط مع العلم إنه بيحصل بعلم إخواتي، وأنا مامتي متوفاة بس زوجة أبي عايشة معانا وعارفة وإخواتي كبار ومتجوزين وما حدش معترض عليه، بس بابا ما يعرفش طبعا من غير ذكر السبب معروف، فأنا عايزة الرد.. كلامنا مع بعض غلط ولا لأ؟ إحنا ما بنقولش حاجة غلط وبنتعرّف على بعض بس عشان لو في عيوب مش هنقدر نتحملها في بعض يبقى من دلوقتي أحسن، معلش طوّلت عليكم أرجو الرد سريعاً؛ لأنكم أهل خبرة ومعرفة. خوخة