عصير الكيوي بالليمون لعلاج نزلات البرد

الفترة دي كلنا بنعاني من نزلات البرد الحادة نتيجة تغيّر الفصول؛ علشان كده هنقدّم لك النهارده طريقة عمل عصير الكيوي بالليمون، وعلى فكرة العصير ده غني بفيتامين C اللي مش بس بيساعد على علاج نزلات البرد ده كمان بيقي من الإصابة بها؛ يلّا بينا نعمله مع بعض في خمس دقائق وبس...
عصير الكيوي بالليمون
المقادير:
* 5 ثمرات كيوي مقشّرة ومقطّعة
* عصير 3 ليمونات
* 1⁄2 كوب سكر
* 2 كوب ميه
* شرائح ليمون للتزيين
الطريقة:
اخلطي كل المقادير اللي عندك مع بعضها، واضربيها في الخلاط، وبعد كده حطّيها في كاسات العصير، وزيّنيها بشرائح الكيوي.
وبكده تكون خلصت وصفتنا النهارده..
يا ريت تجرّبوها وتبعتوا تقولوا لنا على النتيجة..
واستنونا بكره مع وصفة جديدة..
سلاااااااااااام،،،