مكعبات الفراخ المشوية على الفحم

لو عايزة تعملي الفراخ بطريقة جديدة ومختلفة وكمان تقدري تقدّميها لأطفالك وتعجبهم؛ جرّبي معانا مكعبات الفراخ المشوية على "سفرة دايمة"..
مكعبات الفراخ المشوية
المقادير:
1⁄2 كيلو صدور فراخ مخلية ومقطّعة مكعبات
ملعقة كبيرة عصير ليمون
2 ملعقة كبيرة زبادي
ملعقة كبيرة زيت
1⁄4 كوب خل
ملح وفلفل
شرائح ليمون للتزيين
الطريقة:
1- حطّي مكعبات الفراخ في الخل لمدة نصف ساعة، وبعد كده اشطفيها بالميه.
2- هاتي طبق غويط، وحطّي فيه الزبادي والليمون والملح والفلفل وقلّبيهم كويس مع بعض، وحطّي الفراخ في التتبيلة دي لمدة 3 ساعات.
3- بعد كده حطّي مكعبات الفراخ في أسياخ واشويها على شواية فحم، أو ممكن تدخّليها الفرن في صينية وتشغلي عليها شواية الفرن.
4- عند التقديم.. حطّي أسياخ الفراخ في طبق التقديم، وزيّنيها بشرائح الليمون.. وبالهنا والشفا.

وبكده تكون خلصت وصفتنا النهارده..
نتمنّى إنكم تجرّبوها وتبعتوا تقولوا لنا رأيكم فيها..
وكمان لو عندك أي وصفة عايزة تعرفيها ممكن تبعتي لنا..
وإحنا هنقدّمها لك في أقرب وقت.